ضحكوا علينا مدعين الديانه

[الطائر المهاجر]

ضحكوا علينا مدعين الديانه = حنا نصدقهم وهم باعو الدين
من عقب ذل وفقر واقسى مهانه= صاروا هل الإعلام واهل الملايين
باعوه والدولار اكبر ضمانه = بتوجيه عادي في جميع الميادين
تشكلوا باحزاب كل بمكانه= وصاروا مع "الإخوان" بالدرب ماشين
اخوان قرش مضيعين الأمانه = ماهيب خوة دين للي فطينين
اخوان "ماسون" رضعوا للخيانه = بشعار واحد واضحٍ للنبيهين
ولان الجهل والفقر اطلق عنانه= بين الشعوب وكل يشكي من الدين
لقوا بها فرصه لشغل الرعانه = ببذل الفلوس لجمع ناسٍ فقيرين
قاموا يغسل امخاخهم في ليانه= وتوجيههم لاشعال فتنه شياطين
قتلٍ وتحريقٍ بايدي جبانه = للي يخالف رأيهم من صريحين
عدّوه كافر ينقتل باستهانه = ولو كان مسلم من رجالٍ ميامين
طلابة الدنيا بنفاق ولعانه = بركان خامد في جميع البلادين
يغريك واحدهم بطيبة لسانه = وهو ينفذ خطةٍ للحقودين
ممن يبون الدين يعثر حصانه = ومسلم يقاتل مسلم لو هم اثنين
وتقسيم بلدان العرب كالكنانه = ومن بعدها باقي ديار العريبين
ان ما وقفنا بحزم في كل خانه= رحنا طعام جحوش من مدعي الدين

[خالد محمود الفردي]

صح لسانك يا دكتور ..

[الطامي]

صح السانك دكتور
الأبداع يعود لأهله
دائم متميز بالطرح
لاهنت

[حرف وشعر]

توك بس عرفتهم ،، ?? والله لو هولاء صدقوا الله ونصروا دينه لنصرهم ،، ولاكن ،،

نص طالما انتظرته من شاعر حكيم مثلك ،،

[عبدالله الشويمان]

صح لسانك واعتلا شانك

نص صادق وجزل

لا هنت يا ابوعبدالله

[عبدالله السويلم]

صح لسانك يادكتور

جزله ومعبره وتحكي الواقع


تحياتي لك

[منيع]

جزل ومبدع
شكرا لك
تحياتي

[الخنساء]

اخـــوان "مـاســون" رضـعــوا للـخـيـانـه

بـشــعــار واحـــــد واضـــــحٍ للـنـبـيـهـيـن

ولان الـجـهـل والـفـقـر اطـلــق عـنـانـه

بين الشعـوب وكـل يشكـي مـن الديـن

لـقــوا بــهــا فــرصــه لـشـغــل الـرعـانــه

بـبـذل الفـلـوس لجـمـع نــاسٍ فقيـريـن

صح لسانك مليوووون

جزلة من شاعر حكيم

سلمت ولاهنت

[ساهر الليل]

صح لسانك يادكتور

كتبت فابدعت فامتعت

لاهنت يا شاعرنا

تحياتي وتقديري

[داعي الشوق]

دامك على الدين ما خسرت ..

انت الرابح الاكبر

و صح لسانك و دام هتانك و طاب حالك

ولاهنت