العودة   منتديات الفطاحله > دواوين شعراء وكتاب الفطاحله/يمنع الفيديو > دواوين شعراء وكتاب الفطاحلة

إضافة رد
 
أدوات الموضوع
قديم 28-12-2011, 08:09 PM   رقم المشاركة : 11
صنداح الزلامى
شاعر/VIP عضو شرف
 الصورة الرمزية صنداح الزلامى





معلومات إضافية
  النقاط : 10
  الحالة :صنداح الزلامى غير متواجد حالياً

 

افتراضي ديوان صـــنـــداح الــزلامـــي


السلام عليكم ورحمة الله وبركاته

اقدم اليكم ديواني المتواضع والتي يحتوي على

قصائد النضم والمحاورات وعسا ان تجدون فيه المتعة

والفايدة ومايرضي ذايقتكم والسلام عليكم


يا الله يا الله يارب الملاء ياعالي الشان = يا خالق الخلق يا علام مكنون الظمائر
ياباسطٍ سبع يارافع سبع من غير عمدان = يا مكون الكون سبحانه وعلام السرائر
ياواحــدٍ مالنا غيرك نجاة وماش مزبان = اٍلأ انت يامزبن المظهود حلال الجوائر
يافارج الكرب يامعطي عطا رحمه ورحمان = رحمتك يا الله في يومٍ به الدخان ثائر
في ساعةٍ تجمع الاعمال وتوزن بميران = ولا ينفع النفس فيها لا دفاع ولا بصائر
اٍلا ان رحمتك هي اللي لها بالفعل برهان = حتى ولوكان حمل النفس فوق النفس جائر
وأنت الغني يامدير الكون ولا العبد فقران = لوزان وقته وسوى له من الدنيا تجائر
أيام مع طفرة الدنيا ولا كنه ولا كان = في بضع ساعه وكانه مع هبوب الريح طائر
والله يعلم بمن رابح ومنهو كان خسران = والرابح اللي ملائكته يجونه بالبشائر
وهناك ينشركتابأ فيه له بالفعل عنوان = وتنشرالصحف بالعمال وتدور الدوائر
وكلٍ على مافعل من دون زود ودون نقصان = وقدر العمل تحسب الحسنات وتعد العثائر
والفوز للي كسب حسنات بالحسنات فرحان = وراع العثائر يشوف الويل ويذوق العزائر
ويا الله يا الله يامنهو يجود بجود الاحسان = أجعل لنا في هذاك اليوم من لطفك ستائر



انت ياللي تحسب انك على الدنيا مقيم=مادريت ان المصايب تحد انيابها
سائلك بالله راجع ظميرك وستقيم=لاتضيع فرصة العمروانت اولابها
لاتغرك لعبة الوقت وبليس الرجيم=ساعه من العمريحسب عليك حسابها
اقضهافي طاعة الله والذكرالحكيم=والفروض الخمس ياسعد من صلى بها
وعمل المعروف والله في خلقه رحيم=والمشاكل صد عنها وقفل بابها
والجزاء من عندرب السماء خلدالنعيم=جنة الفردوس رب الملاء وصابها
ووعدالكفاربالهم والنار الجحيم=يالله جعلنابريين من ملهابها
ويالله شفعنابعطفك ولطفك ياكريم=ونجنامنها ومن هولهاواسبابها
في نهارٍفيه يفصل حميمٍ عن حميم= وينشد العالم ويش اللي يظم كتابها
وكل نفس بماتسايل تحت حكم الحكيم=وتفقد الاصحاب فزعة جميع اصحابها
وانقضى وقتٍ مضى وانت مع بقعاء تهيم = كشرة بسنونها ورفعت مخلابها
ويش بيدينك تقابلبه الرب العظيم = يوم كل مقدماتك حضر طلابها





قالوحكوقلت اتركوهم يقولون = ماهز مني راعي الحكي شيحه
صك السمع لهرجهم لاتوحون=جلابة المترديه والنطيحة
وليابغيت الرد مارد بالهون = لا والله الا بالردود المجيحه
ونعرف ويش نقول والناس يوحون =ردٍ على راع الردى والفضيحه
ونعلمه علمٍ حقيقي ومضمون =علم صريح ومن عقولٍ صريحه
ياللي على غرات الاجواد مفتون =هاذي نصيحه والتزم بالنصيحه
مالك ورى العالم مطاليب وديون =ومالك لزوم لعرضهم تستبيحه
انصحك لاتركض ورى كل مجنون =هماز لماز(ن) دروبه قبيحه
ركضك ورى اهل الهينه يجلب الهون =والهينه ماهيب مثل المليحه
وتردك الايام من دون في دون =واللي مشى ممشاك عجل مطيحه
وليا نغزك بليس وبليس ملعون =يجيك من يرمى الستار ويزيحه
في ساعةٍ يطلع بها كل مكنون =الناس ماهي للغلط مستريحه
ويحاسبك رب الملاء خالق الكون =وتضيق بك كل الدروب الفسيحه
ويضاء دعا اللي في المساجد يصلون =قلوبهم من زود هرجك جريحه
وختامها ياسامع القول مليون =صح اللسان اللي بداء بالقريحه
وجاراه شعارأ سواته يغنون =ابداع في نظم الحروف الفصيحه



ياصحاب الاموال والثروات حطوها = فيما يعين الفقير ينجي الهالك
اموالكم في سبيل الله مدوها = وخل المساجين واهل الدين في بالك
ابنا المساجد وسووها وزوروها =يا راعي المال جود بخير ممالك
وعتق رقبة حكمها السيف واحيوها = هاذي تزود غلاك وترفع اعمالك
تجزابها خير والجنات تردوها = اخير من معرضك وغناك وجمالك
وسووبها مصحف الايات وقروها = يحلالك المال والايام تحلالك
وعلاج من حالته صعبه وخلوها = يمكن شفا الله يكون بسبة ريالك
اعمال خير(ن) تسووها وتلقوها = حبل (ن) من الله وصل من مدة احبالك



اسلم سلمت وللمعالي تعليت = يالعـــادل اللــي كلمة الحــق كلمتك
سلمت يارمزالوفاء ذائع الصيت = رجل الامن للأمن واصل مهمتك
ياسيدي تقصر يدين الطواغيت=أيدينهم مقــصورةٍ دون هــامتك
مشركين اجسامهم باالدنميت = حـــالة نواياهــــم عليهم ولا جــتك
ولاانت معهم صادق العهد وفيت = من طــيب قلـبك يامحمد ونيتك
على الوعد يالصادق الوعد كفيت = وهذا دليلٍ عن وفاك وشهامتك
ماجحفت في حق المواطن ولااخطيت = لا لاحشاء لله ماهيب عادتك
أيضاء وفي حق والوطن ماتغاضيت = الامن سايد تحت رايك وهيبتك
وحنا عصاك وفزعتك لاتعصيت = قــوات الامــن بقـــوة الله وقــوتك
والضايعين الصايعين السرابيت = اندوسهم بالرجـل تكريم لحــيــتك
ياللي على حكم الشريعه تربيت = نهج السلف نهجك وحكمك وسيرتك
مديت يمنى الطيب بالطيب واعطيت = واهل الحسد ماتعرف الطيب خانتك
موقتٍ اله خاين العهد توقيت = والله كريمٍ ظامن ٍ لك سلامتك
يابن الوطن لوكنت بالروح ضحيت = ضح بشرف من دون دينك ودولتك
لاتسمع اعداء الدين وتصير كبريت = نارأ بها عدوان الاسلام شبتك
سوو لهم بسمك دعاية تصويت = وعلى طريقٍ يغضب الله مشتك
وعدولهم فكرت تطرف وتشتيت = واستخدموك لمهنت غير مهنتك

يامهبط الوحـــي ياديـــرة رســـول الله = وياديرة اهل الشيم والحق والغيره
ياطهــربقاعٍٍ علــى الدنيا خلقــها الله = واختصها بالكرم عن باقـــــي الديره
مكة وطيبه ديار اشـــــــرف عباد الله = ديرة رسول الهدى والعدل والسيره
وايضاء ديار ال ســــعود ودار عبدالله = العاهل الله على شعبه ضفاء خيــره
العاهل اللي عن الهزلة حــماه الله =يمناه تعطي كبير الشعب وصـــغيره
عزالله انه يـحــــب الخـــير عزالله =ويفــعـــل من الخير فعلٍ مافعل غيره
وغلاه بقلوبنا يــشــهد عليه الله = والله يــشـــهـــد علـــى حــبه وتقديره
ابو اليتامى غــلاه ايوالله ايوالله = داخــــل قلــــوب البشر ياصعب تصويره
يالله ياقابل الدعـــــوات الأيالله = أنـك تــجازيــــه بالخـــيرات وتــجــــــيره



مايجرح النفس غير الكلمه المره = لاجات من واحدٍ ماهوب حاسبها
تحزفي خاطرك بالحيل وتضره= لوكان مالك دواعي في سبايبها
لكن بعض البشر مرضى مغتره= تشيل كل المصايب في حقايبها
لوكنت تهرج بحق وكلمتك حره= الشك في خاطر الشكاك يقلبها
وبدال مانته تبيله خير وتسره= الغايبه جابهالك مادريت بها
واصبح لسانك على الغلطات مجتره= في لعبت (ن) له على فنه يلاعبها
ويحرف الهرج عن معناه بالمره = واللي بعيدٍ عن الشكه يقربها
دنياك يالادمي ماتازن الذره = حاسب لنفسك قبل ربك يحاسبها
واعمل عمل خير واخذ النفس بالقره = والطيبه في حياتك كون كاسبها
قبل فوات الاوان وزفرت الغره= نفسك لها حق يامسلم توصبها
في يوم مالك على ظهر الثراء جره = والروح مرهونت بيدين طالبها





شعر النبط حتى ولو كنت احبه = اصبح بظاعة بين بايع وشاري
بين الخطى والمعرفه والمسبه = وبين الصحيح وبين بعض الهذاري
كلن على طاروق لا لا لعبه = خارج عن المالوف ماهوب داري
والشعر لاماجاك عذبٍ مصبه = من مصدر الحكمة وعقل استشاري
عن مايعيق المفردات يتنبه = نوادره يطرب لها كل قاري
ينقاء الجزال وكل هزلٍ يكبه = يجي لرسمه بالمشاعرمواري
شعرٍلياقامت هجوسه تهبه = مال الطرايف عن هجوسه مذاري
ماهوب خبلٍ لو شعره رغبه = بنات فكره خالياتٍ عواري
حتى ولو انه هجاه ونصبه= وانه على مافي ظميره يماري
لا والله اللي مثل هذا نشبه = واصبح مع العثرات سارح وساري



البارح البر ق فاعيوني خياله سديد = سديد نو الخيال اللي يشيل الحماد
البرق اشوفه لكن النو عني بعيد = والكبد تشرب عناده والضماء بازدياد
يعلن صدوق الحياء لكن ليله بريد = واتعبت عيني وراه وخافقي ماستفاد
ياليت يومني اتعبت النظر مستفيد = لاشك شفت الجفا بالعمد والاعتماد
بالعمد شفت الجفاء والحب ملعون سيد = مايرحم العاشقين ولايحقق مراد
هذا هو الحب نوع من العذاب الشديد = يالايمي بالغلا تصبح عليل الفواد
تصبح تحت حكم حب وحكم عقل بليد= ثم اعتبرها على ماقيل كبوة جواد
ياللي تصيد ترى حب العذارى يصيد =كم صاد شهمٍ شجيع وكم من غير صاد
وانا رمابي نصيبي عند خلٍ مريد= مايعرف الحب قلبه بالمحبه جماد
واشد واقسى من الصخره وصلب الحديد = اجهد بحالي عسى الله يجهده بالجهاد
شربت صافي غلاه وصار حبه يزيد= والشر مع شرب حبه صار فيه ازتياد
واظن ماهوب انا اللي بالمحبه وحيد = قبلي رجالٍ طواهم طي علمٍ وكاد
ابطال ماهزهم بالوقت خضر الجريد = لاكن حب العذارى حط فيهم قياد





اقتباس:
المشاركة الأصلية كتبت بواسطة صنداح الزلامى مشاهدة المشاركة
ياما كثر الشعار وايضاء الجماهير= في هالزمان اللي كثيرن هتيته
لاشك يبقى الشعرعند الشواعير= في نصه الفاخر ومضمون بيته
الشعرله ميزة وحكمه وتعبير= يطرب مسامع سامعن لاقريته
خصن اذا جافيه حكمه وتصوير = بالمدح في قرمٍ لعلمٍ نصيته
ولا عن الماضي وبعض التقارير= وجنبت عن درب الخطا ماخطيته
واخذت مع جو القوافي مشاوير= وعذب الكلام من الضمير انتقيته
حبكن وسبك ومفرداتٍ مشاهير= وجبت الجزال وكل هزلن رميته
وتناقلوا مضمونها دون تاخير= كل يقول الله يازين بيته
وعبرت من فكرك بجزل التعابير= بعت الرخيص وكل غالي شريته
بررت عن موقفك بالشعر تبرير= شعرن يشرف موقفك لاهجيته
وبين الرجال يصيرلك زود تقدير= وموقفك من بين الرجال احتميته
شعرٍ ماجاله في هل النقد تاثير = ماهو على هقوتك ياللي هقيته
اقول عسى ربك يعوضك بالخير = فالي كتبته منه والي محيته
ولانت الوحيد الناس حولك طوابير= غازين معك الشعر يالي غزيته
معك الولدوالبنت وعوير وصوير= سرو معه مسراه باتو مبيته
جاين لهم عجه وراه ومعاصير = كلٍ يقول الشعر انا اللي حضيته
والله حرام يصير ويصير ويصير= مثل هذا لشعر واهله فديته
وهذا النباء ياهل الوجيه المسافير= اكتابي اللي كنت افله طويته
طويت حبل الشعر واعلنت للغير= رجعت عن خطن قديمن مشيته









[/poem][/quote][/quote]

.............................. .............................. .............................. ..................
الثـــــــــــــانــــــــــــ ــي محاورات وعسى ان تنال اعجابكم

محاورة بين صنداح الزلامي وفارس الزبالي الحربي




في شبكة اهل المعزه عندنا شاعر مثالي= مرحبابه ظيف عند اهل الوفاء والعالم الله
والزبالي من شبابه ماتعـروف الزبالـي=شاعرٍ من روس قوم وعارفه والعالم الله




فارس الزبالي

في ديار اهل الوفاء والطيب حامين التوالـي=البقاء بك في البيان وفي الخفاء والعالـم الله
الزبالي من شبابـه موقعـه روس العلالـي=دوم حاضر في المواقف ما اختفاء والعالم الله







صنداح الزلامي

انت رجـلٍ عارفينـك للمعالـي ماتبالـي=اخذها في الوجه ماهي في القفاء والعالم الله
هرجتي هرجة صدوق يحبكم يابن الحلالي=يالزبالي مايجي منـا جفـاء والعالـم الله







فارس الزبالي

عام الاول يوم لاح البرق في وسط الخيالي=الزلامي ليش معنـى مالفـاء ولعالـم الله
من يشب النار للعالم يابو زيـد الهلالـي=لا يقول النـار شبـت لدفـاء ولعالـم الله







صنداح الزلامي

عام الاول يوم لاح البرق كرمنا السبالـي=ووقفتبك من على صم الصفاء والعالـم الله
والزلامي تعرفه صاحب وفاء في كل حالي=خل عنك الهرج في سد الشفا والعالـم الله





فارس الزبالي

والنعم راعي كرم لكن ماشئلت الثقالـي=علمكم يالذئب ماهو منصفاء والعالم الله
الزلامي غاب عنا بعد ما جاء له مجالي=ون نشته مايقر ولا نفـاء والعالـم الله





صنداح الزلامي

انت شيال الثقالي بس ماجالـك مجالـي=مدرق سد الشفاء والك حلفاء والعالـم الله
الزبالي مانت الاول قى الزمان لاانت تالي=اه من بذالخفاء ياهل الخفـاء والعالـم الله





فارس الزبالي

ابك انا قد المهمه مير خلك فـي الضلالـي=وضعك اصبح يالزلامي موسفاء والعالم الله
يالزلامي وشب شعرك راح ما يسوى ريالي=ماولع نورك لكن انـه طفـاء والعالـم الله







صنداح الزلامي

المهمه اللرجال اللي يسوقون الجمالي =مثل خصمك موقف (ن) لك موقفا والعالم الله
والله اني ماب الذمك بس ماجالك مجالي=دام انا موجود مكفوف وكفا والعالم الله
[/quote]




:::::::::::::::::::::::::::::: :::::::::::::::::::::::::::::: ::::

السلام عليكم ورحمة الله وبركاته

هنا محاوره قويه جمعت بين الشاعرين

صنداح الزلامي وخالد الصليمي مساء السبت

الموافق 30 \ 3 \ 1432 , صحت السنتهما

.

صنداح الزلامي

يالعطاوي دور الشعار وزهملي حداهم = ودي اخذلي مع اهل العرف طاروقن يسلي
والصليمي دوره واللي رفيعن مستواهم = خالد الله لايهينه من قديمن صاحبلي

.

خآلد الصليـمي

يالعطاوي لا تعنى جيتكم والخير جاهم = مرحبابك يالعتيبي رحب وافي مايملي
العتيبي بعد نادى عارفه واعرف قراهم = صاحبٍ يغلي الصحابه لا يهان ولا يذلي

.

صندآح الزلآمي

البقابك يالمرحب والدعاوي بالتفاهم =والعتيبي تعرفه بس انتبه ياهيه يالي
ربعنا الهذلان نعرفهم ونعرف وش راهم=يمزحون ومزحهم مدري زعل ولا تغلي

.

خآلد الصليـمي

الدعاوي معك ضاعت والعوارف في سراهم=نعم فيكم بعد ساعه ويش أقلك وش تقلي
ربعي الهذلان هامه وانت ما تقدر علاهم=كم مضالك في سنينك كم تحط وكم تشلي

.

صندآح الزلآمي

ربعك الهذلان ثوب الجد الاول ماكساهم=وانت ماتغفر ذنوبك لو تصوم ولو تصلي
تو جال القوم ريشه يوم ابو متعب حماهم=قبل ابو متعب نعرف اللي يفكون المتلي


.

خآلد الصليـمي

شاهد التاريخ شاهد كم سجل من نداهم = وانت مالك بالمشاهد كم نصيبك يامقلي
كيف تأكل من صحنهم ثم تطعنهم وراهم = ثابته والعلم ثابت لا تزيد الطين بلي

.

صندآح آلزلآمي

والله اني عارفن وش جودهم واعرف رداهم=وان بغيت الصدق فلي ياجمال عقيل فلي
والسوالف ماتزود قوم الله ماعطاهم=كيف الومك ياصليمي وانت شخصن مستحلي

.

خآلد الصليـمي

ما عليكم زود وأنته دايمن تتبع خطاهم = كم طالب من قبلكم في مدارسنا يحلي
يابوزهره لاتمدح خلها واطلب رضاهم = فوقكم عينٍ رقيبه واستظلو تحت ظلي

:::::::::::::::::::::::::::::: :::::::::::::


محاورة جمعت الشاعر مسفر بن درام وصنداح الزلامي

صنداح الزلامي


عد ما لاح برق وعد ما طار طائر
مرحبا وانت ظيف وعند جزل المعاني
من فصيح للسان ومن نصيح الطمائر
ودي اخذ علوم مذربين اليماني

مسفر بن درام

عد ما هل وبل وجا لسيله بشائر
البقى يا مرحب بي وهو ظيف ثاني
دام مابه كلافاتً ولا به خسائر
الرحى مستديره والله المستعاني

صنداح الزلامي

ياعميل الرضى في واجبك مانخاير
عنك ياصاحبي مافيه شي يحداني
سايرن قبلنا عند المطاليق سائر
وانت مستغرب الترحيب يامودماني

مسفر بن درام

انت وافي وغير الطيب ماهوبصاير
والوفا من سلوم معربين المجاني
الدليلة ما بين الجدي وسهيل حاير
لا قداني على المسرى ولاهوتلاني

صنداح الزلامي

انت عندك ياشاعرنا طروق وبصاير
بس تال الزمانتصير عشرك ثماني
عملتي ماتبور وصاحبي صار باير
الله اكبر على مسفر جحد في ثواني

مسفر بن درام

يا عساها على الظالم تدور الدواير
كل ما قلت صل تقول هذامكاني
العرب ترفع الرايات فوق العماير
وانت ترفع علم دارك على الخيزراني

صنداح الزلامي

لو تشيل السلاح ولو تجيب الذخائر
ماتهز الجبال الها من الله اماني
والعلم رافعه ياذاهبين الحضاير
وانت ابى اعطيك دام الله بجوده عطاني

مسفر بن درام

جعل هداجبعد مهدّمات الحفائر
يا كبير المقام ويا وسيع البطاني
زادك الله وانا ماجيت لك غير زائر
جاك ما جاك وانا جاني اللي كفاني

صنداح الزلامي

الحقيقه كشفنا عنك بعض السراير
تخلط السم في وسطالعسل يافلاني
مير بكره على راسك تدور الدواير
ويدرج الحبل يابو زيدفوق السواني

مسفر بن درام

الصرايركثيرة لا تحسب الصراير
قندوها بحب الهيل والزعفراني
العرب حاسبينك منشيوخ العشائر
وانت تغزي على العتبان قبل قحطاني

صنداح الزلامي

انت ياناقل البلجيك تعرف تعائر
وعلمك اللي تقوله عارفه ماغواني
بسهد انت وشبك عندك الدم فائر
لاتجينا بعيد (ن) قبل عيدرمضاني

مسفر بن درام

انت عارف ولكنّك من الرمي ذاير
الله انّه يكافي شرّ تال الزماني
كل ما شفت عين الشمس صك الستائر
اكثر الناس من حال النعامة يعاني
[/quote]



محاورة جمعت الشاعر صنداح الزلامي
والشاعر محمد بن موسم السلمي بن اخي الشاعر عوض ابو مشعاب
وكانت المحاورة حماسية بين الشاعرين وها هي اماكم الان وان شالله تحوز على رضاكم

(( محمد بن موسم))

مرحبا ترحيب مهو بشيٍ ٍ نشتريه =طبع فينا لا فلى الظيف دايم نكرمه
الزلامي وش كسب من ورى جده وابيه = ماكسب ياكود شيٍ يلوكه في فمه
صنداح الزلامي

البقاء بالصاحب اللي على الطيب نجيه = يكرم الضيفان معروف والله يكرمه
والزلامي مكسبه مالحقكم شك فيه = يمدي الشايب معلكم الله يرحمه



محمد بن موسم السلمي
مالحقنا الشك مير الزمن يامحتريه =ذيب وده يلزمك وانت ودك تلزمه
من نشدني عنك قلت الزلامي ماعليه= شاعرٍ دربه يعرفه وعلمي يفهمه



صنداح الزلامي

مالحقك الشك وانت انتبهله يانبيه = بس ودك تاكل الذيب ولاتلهمه
الزلامي مثل نجم السماء ماحدٍ غويه = وانت لن سائلك سايل طلب لاتحرمه




محمد بن موسم السلمي

يامدورلك مع الناس بشتٍ تكتسيه = ادخل الميدان من بعد ربط الاحزمه
والزلامي لو عطيناه علمٍ مانسيه = مير مايقدر يفسر حروف وترجمه


صنداح الزلامي

كسوتي كسوة هل العرف والعرض النزيه =يوم بعض الناس مكتومٍ أسمه ونسمه
صاحبي حل البلا فيه والله يهديه = ما يضرب يشي عندي وجوده وعدمه

محمد بن موسم السلمي


انتم الهيلا هل الطيب بيضان الوجيه = والكذوب الله يهده ويقدر يلجمه
يالزلامي ليش ضايق وعلمي محتمه = مادريت ان السوالف تزيد وتفحمه

صنداح الزلامي
وانت فيك اللي مكفيك ياللي تدعيه = فيك كل الخير والطيب تمره وعجمه
مايضيق البال منكم وانا مانيب اتيه = والزلامي كم وطاء دار قومٍ بقدمه








هذه المحاوره جرت وبين الشاعر صنداح الزلامي:
والشاعر محمد عبدالله البدراني الحربي


صـــــــــنـــــــــداح الزلامي

الحقيقـه يالمهاجـرطـرف البـدرانـي =ودي اخذلي معه ساعه واجيـب علومـه
كيـف يذكرنـي شهرولاسنـه ينسانـي =كيف ينسانا وسيع المعرفه مـن يومـه

محمد الـــــبــــــدرانــــــي
الحقيقـه بينـه والوضـع مايخفـانـي =وكل رجال علـى قـده يقيـس هدومـه
وحي ابو من هو ليامن جيت لـه حيانـي =ومن بداء بالصوم لو يفطر حرامٍ صومـه
صـــــــــنـــــــــداح
يادخيلـك لاتمـيـل كـفـة الميـرانـي =خلهـا بينـي وبينـك قسمـة مقسومـه
انت لك عامين بين المجمعـه وعمانـي =في سعاده يامحمـد والعـرب محرومـه
الـــــبــــــدرانــــــي
القضاء مايرضـي الاول ويزعـل ثانـي =غير بالميـراث واللـي بينـات وسومـه
والله انـه ماختلـف ياصاحبـي عنوانـي =مير وش يزعل رضيع الديد من مفطومـه
صـــــــــنـــــــــداح
انت واحد من شبابه عزوتـي واخوانـي =ميـر تكفـى يامحمـد لاتطـول النومـه
قلتـك هـاك السنـه وتقـول مايمدانـي =وانتظرتك لين صارت حالتـي مصدومـه
الـــــبــــــدرانــــــي
كل حربي يفـرح بربعـه مـن العتبانـي =وانت تفرح بالحروب وغيرنـا مهزومـه
مير لاتوصي حريص وكـل علـمٍ بانـيي =وم جيت القوم شفت علومهـم ملغومـه
صـــــــــنـــــــــداح
والسابيـب كلبوهـا رفقـة الزهـرانـي =والقرار اللي كشفنـا رقمـه ومرسومـه
خلها بني وبينـك فـي المجـال الثانـي =عارف ابن منشار واقف ما تعرف سهومه
الـــــبــــــدرانــــــي
يالزلامي خف من الله لا تجـي شيطانـي =ومن يطب البحر ملـزومٍ عليـه يعومـه
والعلـوم الاولـه تبقـى مـع الازمانـي =وكل رجالٍ يجـي فـي سيفـه وقدومـه
صـــــــــنـــــــــداح
طال صبري يامحمد مـع كثـر ماجانـي =والمطيـه يامحمـد بالرسـن مخطومـه
والزعل زعلان ماجاني حـدن ورضانـي =والرواتب من جهتكـم كلهـا مخصومـه
الـــــبــــــدرانــــــي
والله اني ما نسيت اللـي بعـد وصانـي =ولا يعيب السيف لو تكثر عليـه ثلومـه
ميـر بـه علـمٍ وراه علـوم بالمجانـي = جيتها واليا السوالف من جهتكـم كومـه
صـــــــــنـــــــــداح
والله انا مـا نجيـب الا علـوم اسمانـي =ليه يومنك تجيـب الهرجـه المسمومـه
مابنيت البيـت يالشاعـر بـلا عمدانـي =ولادريت ان العرب وصدورهـا مكتومـه
الـــــبــــــدرانــــــي
كـل عينـةٍ وراهـا بينـه ياحصـانـي =ومن يبا يرخي لاذانه صاحبـي لاتلومـه
والبيوت اللـي عمدهـا ثابـت البنيانـي =ماتهواى يالزلامـي ولاتجـي مهدومـه
صـــــــــنـــــــــداح
ردها يمالصريـح وصاحـب الصيوانـي =الرجال اللي عن دروب الخطى محشومـه
وانت شاعر من شبابـه تحتـم الميدانـي =وبعد هاذي فاانت ظمن العالم المتهومـه
الـــــبــــــدرانــــــي
مـانـروج للهروج ولانـبـا برهـانـي =مير من يوقض صحيبي من كثير حلومـه
والرجـال بفعلهـا والهـرج للسفهانـي =خابـر الحـر النـداوي ماتلـى للبومـه
صـــــــــنـــــــــداح
صاحبـي بانـت علـومه والمخبـا بانـي =بان فعله مـن ردود افكـارة المزحزمـه
انـت لونـك تطاوعنـي ولا تعصـانـي =كان ماينفخ شريـم وخشتـه مشرومـه
الـــــبــــــدرانــــــي
والله انـي ياشبابـي ضابـطٍ نيشـانـي =مير لايفلت عيـارك والعـرب مكلومـه
مير ياصنداح اشوفـك صايـرن بلشانـي =في دجى ليلٍ تخافت مـن وراك أنجومـه
[/quote][/quote][/QUOTE]






توقيع صنداح الزلامى
 
آخر تعديل صنداح الزلامى يوم 28-12-2011 في 08:51 PM.
  رد مع اقتباس
قديم 01-01-2012, 04:33 AM   رقم المشاركة : 12
صنداح الزلامى
شاعر/VIP عضو شرف
 الصورة الرمزية صنداح الزلامى





معلومات إضافية
  النقاط : 10
  الحالة :صنداح الزلامى غير متواجد حالياً

 

افتراضي رد: ديوان صـــنـــداح الــزلامـــي


في ملكنا ما يراود شعبنا ريبه و شكه=والله انه مالحقنا الشك فيه وفي خوانه
مشكلنا كلها من ياخذ المال ويدكه=ماسكن منصب مدير ولابسٍٍ ثوب الخيانه
حادثة جده لها بقلوبنا غصه ودكه=كيف لا واخواننا راحو ضحايا الإستهانه
كم طفلٍ من فراق امه وابوه الحزن ضكه=من يبي يجبر عزاه المحكمه ولآ الامانه
والخطيه والسبب شيك الرصيد اللي تشكه=بين ذاك وبين ذاك وعارفٍ شانك وشانه
ماعليك الا تفك الباب في الصبح وتصكه=وينتهي وقت الدوام وكل شين في مكانه
حسبنا الله فوق منهو حط للاحداث سكه=والضحية شعبنا ومقدراته ومتحانه
امتحانه بالخطايا والدروب المستشكه=فعلت ضعاف النفوس اهل الخيانه والبطانه
يصرف المليار للمشروع مايرفع بلكه=ضاع حق الشعب والمشروع والمليار وانه






توقيع صنداح الزلامى
 
  رد مع اقتباس
قديم 01-01-2012, 11:47 AM   رقم المشاركة : 13
الطامي
منصور المري/شاعر/نائب المشرف العام
 الصورة الرمزية الطامي





معلومات إضافية
  النقاط : 10
  الحالة : الطامي متواجد حالياً

 

افتراضي رد: ديوان صـــنـــداح الــزلامـــي


ياما كثر الشعار وايضاء الجماهيـر=فـي هالزمـان اللـي كثـيـرن هتيـتـه
لاشـك يبقـى الشعرعنـد الشواعيـر=فـي نصـه الفاخـر ومضمـون بيتـه
الشعـرلـه مـيـزة وحكـمـه وتعبـيـر=يـطـرب مسـامـع سامـعـن لاقريـتـه


اهلا صنداح الزلامي
افتتاح مبارك وقوافي مميزة من شاعر علم
يكفيني اخي الشاعر ان اقتنصت منها ماجعلته عنوان
وهي فعلا كما قلت يامكثر الشعار ،،،، الخ

صح السانك ولاهان راسك
وشكرا لك






توقيع الطامي
 
ماتعودنا على خضع الجماهي=غير للي خالق انسه وجِنه
الفعول اخير من حكي الفكاهي=وكل رجال بفعله فاح بِنه
  رد مع اقتباس
قديم 07-01-2012, 07:32 AM   رقم المشاركة : 14
صنداح الزلامى
شاعر/VIP عضو شرف
 الصورة الرمزية صنداح الزلامى





معلومات إضافية
  النقاط : 10
  الحالة :صنداح الزلامى غير متواجد حالياً

 

افتراضي رد: ديوان صـــنـــداح الــزلامـــي


الاخ الشاعر الكبير : منصور الوذين المري

مرورك وسجل اعجابك بالديوان اظافة تميز بالنسبة لي

وانت شاعر كبير وافتخربك وامثالك من الرجال







توقيع صنداح الزلامى
 
  رد مع اقتباس
قديم 10-01-2012, 11:56 PM   رقم المشاركة : 15
حوريه
عضو شرف
 الصورة الرمزية حوريه






معلومات إضافية
  النقاط : 10
  الحالة :حوريه غير متواجد حالياً

 

افتراضي رد: ديوان صـــنـــداح الــزلامـــي


ديوان يسمو بجمااااال الحرف ونكهة الشعر الخاصه
صح قلبك صنداااح ودااام عزك
تحيتي وتقديري
0
0







توقيع حوريه
 
تستطيع أن ترى الصورة بحجمها الطبيعي بعد الضغط عليها
  رد مع اقتباس
قديم 11-01-2012, 08:06 AM   رقم المشاركة : 16
صنداح الزلامى
شاعر/VIP عضو شرف
 الصورة الرمزية صنداح الزلامى





معلومات إضافية
  النقاط : 10
  الحالة :صنداح الزلامى غير متواجد حالياً

 

افتراضي رد: ديوان صـــنـــداح الــزلامـــي


حورية شكرا لمرورك

من هنا واطلاعك على الديوان وسجل الاعجاب

دمتي وسلمتي اختي ولاهنتي







توقيع صنداح الزلامى
 
  رد مع اقتباس
قديم 13-01-2012, 03:42 AM   رقم المشاركة : 17
صنداح الزلامى
شاعر/VIP عضو شرف
 الصورة الرمزية صنداح الزلامى





معلومات إضافية
  النقاط : 10
  الحالة :صنداح الزلامى غير متواجد حالياً

 

افتراضي رد: ديوان صـــنـــداح الــزلامـــي


يالله يامن جميع الكون في ضله = سلط على من تعدو واستفزونا
سلط على من لسانه بالخطاء سله = يالقادر المقتدر يامكون الكونا
نرفع يدين لربي ونتوسله = يقصر شبات الطغاة الي تحدونا
عدوان الاسلام واعداء الدين والمله =تطاولو باللغاء الخارج وغثونا
هذا يطبل لذاك وذاك طبله = حتى أنبياء الله سبوهم وسبونا
كيف امنا عائشه رمز الكرم كله = فيها استباحو لغاهم واستباحونا
ماعد بافي لنا الا نعلن الذله = ولا تباهو بها الفكره وضرونا
والي يسب النبي والبغض يسهله = في دين الاسلام ياعالم تحرونا
كونو جماعه وسيف العز نستله = في نصرت الحق صفو صف وانخونا
يابنت ابي بكر يازوجة رسول لله = عنك الخوارج ضعاف نفوس يخسونا
مكرمه عن لغاهم يام عبدلله = ياطاهره ياعفيفه عنك يهبونا






توقيع صنداح الزلامى
 
  رد مع اقتباس
قديم 18-01-2012, 09:44 AM   رقم المشاركة : 18
صنداح الزلامى
شاعر/VIP عضو شرف
 الصورة الرمزية صنداح الزلامى





معلومات إضافية
  النقاط : 10
  الحالة :صنداح الزلامى غير متواجد حالياً

 

افتراضي رد: ديوان صـــنـــداح الــزلامـــي


.............................. .............................. .............................. ..............


اقتباس:
المشاركة الأصلية كتبت بواسطة صنداح الزلامى مشاهدة المشاركة
كثر البلا بالزمان وكثرو اقزامه = حرية الراي بالله ويش ناتجها
حرية الراي غير الشرع واحكامه = والشرع حرم على الحرمة تبرجها
وشعب السعودي ودستوره وحكامه = فتوى بغير الشريعة مايخرجها
نتبع رسول الهدى فتواه ونظامه = مناهج الرسل ننهل من مناهجها
وان كان ابه ناس لوامه هدامه = صوت الحقيقه ومبداء الحق يفلجها
يبطي عظم ماتحقق له من احلامه = سواقة البنت وافكارٍ يروجها
وحرية الراي بعض احيان ظلامه = ان ماتبنت مصيبه ماتعالجها
كم عالم ٍ حطته في وسط دوامه = دوامة العنف والحسرة وواهجها
باع الشرف والعفاف وكثرت اوهامه = وجته المصايب تدالج مع مدالجها
واصبح يغطي على وجهه بهندامه = والنفس تمطر غضب والقهر يدهجها






توقيع صنداح الزلامى
 
  رد مع اقتباس
قديم 02-02-2012, 02:05 PM   رقم المشاركة : 19
حنان الكون
وردة الفطاحله
 الصورة الرمزية حنان الكون






معلومات إضافية
  النقاط : 10
  الحالة :حنان الكون غير متواجد حالياً

 

افتراضي رد: ديوان صـــنـــداح الــزلامـــي



تحمل لنا الابداع في كل حرف تنثره هاهنا
ديوووان رااائع راقي من قلم راقي
تقبلو مروري







توقيع حنان الكون
 
  رد مع اقتباس
قديم 30-03-2012, 01:10 AM   رقم المشاركة : 20
زهرة الياسمين




معلومات إضافية
  النقاط :
  الحالة :

 

افتراضي رد: ديوان صـــنـــداح الــزلامـــي


ديوان رائع الله يوفقك أخي صنداح ، وصح لسانك علي قصائدك الجميله


" تقبل تحياتي"







توقيع زهرة الياسمين
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
محاورات عبدالله العير الطائر المهاجر محاورات خارجيه 18 09-01-2011 01:21 PM
محاورات الشات السريعه صنداح والمري الطامي ساحة المحاورات 15 16-12-2010 06:50 AM
هلا ومرحبا مع صنداح الزلامي الطائر المهاجر همس القوافي للشعر النبطي 35 06-12-2010 10:42 AM
عايض بن سرحي/صنداح الزلامي /ماجد المهدي ماجد المهدي ساحة المحاورات 4 24-02-2008 07:22 AM


الساعة الآن 07:40 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة