العودة   منتديات الفطاحله > منتديات الشعر النبطي/يمنع الفيديو > همس القوافي للشعر النبطي

همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه

إضافة رد
 
أدوات الموضوع
قديم 21-07-2019, 09:11 PM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي البعض منّا لو كثيرٍ حلاله في التربيه





البعض منّا لو كثيرٍ حلاله = عنده عيالٍ متعبينه على طول
لو هو على كيفه بذل كل ماله= من شان يلقاهم رجاجيل وعدول
ودّه بلحظه يفتخر في رجاله = لكن عمره راح بالياس مخذول
ما قصّر الرجّال مرهي دلاله= كلش موفر لكن بدون مفعول
فالبعض منّا زايدٍ في دلاله = والبعض جفس ويحسبه حل معقول
يجهل اصول التربيه في فعاله= ماشي على ما كان في يوم مقيول
والاّ يطبق ما قرا بالمقاله = عن مجتمع آخر به الفكر مغسول
يمشي به الإنسان اشبه بآله= لادين في قلبه ولا طيّب فعول
ما كل ما يصلح لغيرك نواله= يصلح لبيتك او عيالك على طول
وما كل من جادوا هله او خواله= تظن يطلع مثلهم مابه ميول
فالطفل كالبذره ولابه شكاله= والأم تربه والرجاجيل محصول
فاختر لبذرك من تهقوى كماله= تربه اصيله ما بها شئ مجهول
فالأم مثل الدرع في كل حاله= مهره تجي بالعسف تنفعك بالهول
تبغى لها خيّال يرخي حباله = ولاعنفصت يكرب بحكمه ومدلول
ويشرح لها اسبابه بليّا حياله= ويسمع لها في حب لو كان مشغول
تنتج له عيالٍ على أطيب سلاله= ولو جاء خلافه يشكر الله ومقبول
جينات تتوارث وتحمل رساله = من جدّ جدّ الجدّ صاحي ومعلول
امٍّ مثل هذي تحب بجزاله = ولاجلك تحب عيالها فعل لا قول
مرتاحةٍ تعطي حنانٍ زلاله = يمنع ظماهم ما بغوا هرج معسول
ولا من بدى طفلك على اول مياله= واكمل سبع ،فأنتَ عن الطفل مسؤول
خلك معه ما غاب عنّك ظلاله = وافهم لفكره قبل ما يبتدي فعول
فأصابعك ماهي سوى في الجزاله= هذا قصير وذا له اغراض بالطول
حتى عيالك كل طفل وخصاله = هذا مطيع وذا على العند مجبول
ادّب ولدك اليا لقيته لحاله = بالعقل والحكمه وما طاب من قول
وابعد عن التحطيم مثل التفاله= والاّ مسبّه تدعي الفيز مفصول
ولاتفكر بضربه لْشوفك خماله =ضربه مع الأيام يدعيه مهبول
فهّمه حبك له ببسمه قباله= لكن فعله بالغلط غير مقبول
وابعده عن ربع الخنا والنذاله = وساعده يلقى له صديقٍ على طول
انزل لعمقه وافتهم وين جاله = وعلمه يكشف كل صاحي ومعلول
ولا هوب من يفشل بشيٍّ تناله= بالهزب والتحطيم كالسيف مسلول
كلٍ ميسّر للذي خلق ..قاله= خير البريّه من إلى الخلق مرسول
حاول تفهّم وين يكمن مجاله = وان ما عرفت انشد عن النفس مسؤول
يفحص ميوله بالعلم والدلاله= وقدرات عنده دونها ابواب وقفول
وكلما تريح الأم فالطيب فاله = وامٍّ تعاني يكبر اطفالها خبول
فالتربيه ياصاح ماهي بسهاله= والمصلح الله ما بها شك او قول






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 16-09-2020, 12:38 PM   رقم المشاركة : 2
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: البعض منّا لو كثيرٍ حلاله في التربيه


عن التربيه وما ينبغي فعله







توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 16-09-2020, 01:44 PM   رقم المشاركة : 3
منيع
براهيم بن حمد/نائب المشرف العام
 الصورة الرمزية منيع






معلومات إضافية
  النقاط : 10
  الحالة : منيع متواجد حالياً

 

افتراضي رد: البعض منّا لو كثيرٍ حلاله في التربيه


ابيات في قمة الجزالة والحكم
بالعادة اهرب عن قراءت الابيات الطويلة لاكن هذي اجبرتني على المواصلة
شكرا لك
تحياتي







توقيع منيع
 
  رد مع اقتباس
قديم 18-09-2020, 12:27 AM   رقم المشاركة : 4
الطامي
منصور المري/شاعر/نائب المشرف العام
 الصورة الرمزية الطامي





معلومات إضافية
  النقاط : 10
  الحالة : الطامي متواجد حالياً

 

افتراضي رد: البعض منّا لو كثيرٍ حلاله في التربيه


اي والله صحيح
صح السانك
ولاهنت







توقيع الطامي
 
ماتعودنا على خضع الجماهي=غير للي خالق انسه وجِنه
الفعول اخير من حكي الفكاهي=وكل رجال بفعله فاح بِنه
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:34 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة