بحر والليل والأقدار(بالصوت)

[الطائر المهاجر]

https://www.youtube.com/watch?v=Km89w3MmMGo

بحر والليـل والاقـدار تلعب بي علـى ماتريد = مثـل مـوجٍ وانا فـوقه سفينه ما بها بحّار
تحاصرني جيـوش الياس ولاني داري التهـديد = تبي تطفي بقـايا حلم وتحرق باقي الاشجار
الا يا مـوج لـو تلعب.. ترى تتعب.. مداي بعيد = ولا يالياس ما استسلم ولـو طوّقت الف حصار
عنيـد الراي في طبعي .. ولا ارضى للفكر تقييد = رفيع الراس ما يخضع.. لغير الواحـد القهّار
انا مالي بدنيـا الـذل لو عشت العمـر تنكيد = ولا ني عـابد المخلـوق لاجل الجـاه والدولار
ولا لي في زمـان الصمت دامي معرف التغريد= وانا مالي نظر في وقت يشـوي الصقر بالامرار
انا داري بهالدنيـا قصيـرة والعمـر مايزيد = مصيري راحـل عنها مثـل غيري من الزوّار
ولـو اعطى كنـوزالارض ابتركها واروح وحيد = خسـاره ارتحل عبـدٍ وانا حـرٍّ من الاحـرار
تري مـوت الفتى مرّه .. وذل النفس كالتأبيد = حرام النفس تسجنها وتركض تتبع التيــار
وانا لو لـي بـدرب الجـاه ، ادلّه مايبي تحديد = رسومه بيّنه للعين مثل الشمس والاقمار
تدربي الراس ، تبوس الروس ، لو حاقد تكيد الكيد= وتكثر في الجـرايد مدح من نثرٍ ومن اشعار
ودوّر لك خويدم واصـلٍ يشهـرك بالتمجيـد = إذا من صبّ فنجـاله وهـو في حضرة السمّار
ومهما صرت بالعــالي حقيقـه خـادمٍ للسيد= تحمّـل ما يجي منّه وتطـرد بآخـر المشوار
زمان البـوم والحصني زمان الذل والتعقيد = زمـان اللي ضميره حيّ تايه بين برد ونار
سـلام الفين من طيرٍ هجـر وقته نهـار العيد = كفايه عمره الضايع يعيش الهم والأمرار

عنيد الراي في طبعي .. ولا ارضى للفكـر تقييـد
رفيع الراس ما يخضـع.. لغيـر الواحـد القهّـار

مشرفنا الغالي

تكتب بماء الذهب
وبحروف من نور
شرف لي ان اكون اول
من احتفي ورحب بهذه الرائعة
وهذه الجزلة

صح لسانك
ودمت للفطاحلة

[يزيد النمي]

الشاعر القدير ابو عبد الله
صح لساااااااانك مدد بلا عدد
وكل عام وانت بخير

[سناعيس]

أخوي الطائر المهاجر .........
لقد حلقت بنا من خلال هذه الممتعه في أعلى قمم القصيد
فشكرا لك وصح لسانك ولاهنت
تقبل تحياتي

[منيع]

اخي الكريم/ابوعبدالله
عيدكم مبارك وكل عام وانت بخير
ابيات تعبر عن معانه وشاعرها في قمه الرفعه والشموخ
عنيد الراي في طبعي .. ولا ارضى للفكـر تقييـد
رفيع الراس ما يخضـع.. لغيـر الواحـد القهّـار

[أم ريما]

انا مالي بدنيا الـذل لـو عشـت العمـر تنكيـد
ولا ني عابد المخلـوق لاجـل الجـاه والـدولار


صح لسانك قصيده رااااائعه الله يعطيك العافيه

سلمت اناملك وقلمك المبدع دائما


تحياتي لك

[نجم الإبداع]

صح لسانك يالطير المهاجر

كفو يابو عبدالل


وكل عام وانت بخير


تحياتي واحترامي لك

[الــذاهبه]

عنيد الراي في طبعي .. ولا ارضى للفكـر تقييـد
رفيع الراس ما يخضـع.. لغيـر الواحـد القهّـار


مشرفنا القدير ابو عبدالله

كل عام وانت بخير

صح لسانك يارااائع

تحيتي

[سهيل الشمري]

عنيد الراي في طبعي .. ولا ارضى للفكـر تقييـد
رفيع الراس ما يخضـع.. لغيـر الواحـد القهّـار


كفو يالقرم

عيدك مبارك ياخلف جدي

وصح قلبك النقي

[الريم]

الله علييك يا مشرفنا من جد ابدعت بهالقصيده الاكثر من راائعه صح لسااانك