ومنكم نستفيد !

[ناصر البركاني]

السلام عليكم ورحمة الله وبركاته ( لا تنسو رد السلام ) , نعتذر عن الانقطاع الغير مقصود , أهنكم على المنتدى الرائع وتهمني أراءكم جميعا وبالأ خص د. عثمان و أستأذنكم في تقييم هذه المحاولة المتواضعه : ومن أي بحر ؟ لأني لا أعرف البحور ؟ وبارك الله فيكم :

ياصانع المعروف والاحسان والبذل الجزيل
لا تنتظر رد الجمايل في زمان المصلحة
خلك على الدنيا منيفن كنك الضلع الطويل
ماهزهزه رعي النعاج ولو تحاول تنطحه
خسران ياللي تطلب من الخلق ردان الجميل
تاجر مع الخلاق و تلقى فالتجارة مربحه
صف النوايا يوم تفزع بالكثير وبالقليل (بالدقيق و بالجليل )
لله رب الكون وحده لا تدوور ممدحه
وقت المصالح يمسي الرجال للحاجة ذليل
ياتيك يلحس لك مداسك من مساه اليا الضحه
وليا خذا الحاجه تقول انه خذا ثار القتيل
وان جاتك العازه وجيته ماصفط فيك ابلحه
وكم واحدن هرجه يخايل انه الحر الاصيل
حتى تقول ان الولد مافيه شي يزحزحه
هذا الكريم الا الشجاع اللي يجيب المستحيل
الا الصدوق الا الوفي الا النزاهه مشلحه
لكنن ودك ما تشوفه لا اشتعل راس الفتيل
يحتاس مدري كنه اللي هارب من المذبحه
رجله على قمة جبل والراس في بطن المسيل
صوت النعاره يختفي ماتسمع الا النحنحه
كلن على مقدار عزمه يسلك بعزمه سبيل
واهل الردى ما ترغب الا في طريق السلتحه
يا صاحبي بعض البشر لو كنت له ظلن ظليل
لا تنتظر رد الجمايل في زمان المصلحه
سو الصنايع وأجرها عند اللي بعباده كفيل
سبحانه اللي فالسما والارض كلن سبحه وسلامتكم.........

[داعي الشوق]

صح لسانك يا ناصر

و ان شالله يوافونك المستشارين بما طلبت

و يا هلا بك

[بنت النور]

صح لسانك


وعتلى شانك


يعطيك العافيه



لاهنت

[الطائر المهاجر]

هلا بك
وارجو الرجوع لتعليمات القسم
http://www.fatahilah.com/showthread.php?t=20561

[ناصر البركاني]

مرحبا بالدكتور ،، فلقد قرأت التعليمات في الرابط التي أؤيدها بشده
فعذرا ان كنت زللت بشي من دون قصد ،
ولكن لدي سؤالين تكرما:
‏_‏ سبق أن نشرتم لي أول مشاركه في الهمس ، قبل إكتمالي  مشاركات؟

‏_‏ ( بيني وبينك ) ما هو الخلل في القصيده ؟ حتى لا أقع فيه مرة أخرى

ودمتم بود