العودة   منتديات الفطاحله > منتديات الشعر النبطي/يمنع الفيديو > الشعر المنقول(خاص بالشعر النبطي)

الشعر المنقول(خاص بالشعر النبطي) يشترط كتابة اسم صاحب القصيدة الصريح

إضافة رد
 
أدوات الموضوع
قديم 15-09-2007, 10:33 PM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي عبد المحسن بن سعيد


شاعر معاصر له الكثر من الدرر النقية ، زاملته في احد المواقع ، فكان إنسانا قبل أن يكون شاعر ،
يمتاز بدماثة الخلق ، والتواضع وحسن التعامل مع الجميع بكل لباقة. يجد القارئ في شعره الكثير والكثير
من الإبداع الحقيقي المتجدد ، يصنفه شاعرنا العلم/ مبارك ابو ظهير ، على أنه ضمن الخمسة شعراء الخليجيين الأول .. غناء له بعض المطربين فقد غنى عبدالكريم عبدالقادر له "في ذمتك"

1- بلونة الأرض:

حبيبي والشعر نورس حبيبـي والحـلا طـاووس
وأنا شاعر( كذا) مجنون فـي رسمـك وتلوينـك
تعال أفجر معـي بلونـة الأرض بطـرف دبـوس
تعـال وجـرّب هبالـي وشـم الـورده بعيـنـك
تلمّس بأصبعك شفّة وجع صمتي وحسهـا حـوس
تشـوّف لأكبـر أسـراري وتلّـه تـل بيدينـك
تعال أقلـب موازيـن الحيـاه وغيـر القامـوس
تعـال أكتـم نفـس كـل القوانيـن بقوانيـنـك
تحرّك شف (قزح) ليتك تفكه من عـذاب القـوس
تصرّف وأنت أعرفك ماتبي توجيـه مـن حينـك
تقدم خطوتين ودس علـى حـدب الحنايـا دوس
تراجع .. لا ولا خطوه : تـزور القلـب سكينـك
طلبتك علّم أجـواز الكنـاري كـل فـنّ البـوس
وأمانه تشـرح لقطـن السحايـب مسألـة لينـك
كذا.. وإن دارت الدنيا علي وإلا الهوى جا (كوس)
(معّطت) مـن المسـا قذلـه وغنيـت لفساتينـك
حبيبي لا تصدق من يقـول ان الغـلا محسـوس
غـلا ً ماتقضبـه يمنـاك خلّـه تحـت رجلينـك
وأنا من خانوا أحبابي عرفـت ان الحيـاه دروس
ولكن للأسـف مازلـت جاهـل (بينـك وبينـك)
حبيبي لا تعدّ لها .. كذا .. هي صورة الفانـوس
حبيبي لاتموق.؟ (الشعر شعري) وانت لك زينـك
حبيبي وإن بكا النورس تأكـد خانـه الطـاووس
وأنا شاعر ذكر جـرح ونسـا رسمـك وتلوينـك


2- الورده ( بيضاء لكنني لا انكر احمرارها)

أنـا خـبـري بـهالورده وهــي بيضـا قـبـل مـا أجيك
........................ و لـكـن مـن خـجـلها جـيـت أقـدمـها لــك أحـمّـرت
يـفـزّ العـشـب مـن صحرا لها جــاب الـبـدو طاريك
........................ ومـن يـقدر يـلــوم أرضٍ وطيـتيـها لـو أخـضّـرت
حـبـيبي والـجبل وادي .. وقـــف بــقـدومـك يحييك
........................ حـبـيـبي والـكـلام أطـفـال هـابـت حـسـنك وفـرّت
أحـبـك والسما بحـرٍ .. ســما يـومه غـسـل رجـليك
........................ ولو ماأنك لـمـست الـشمس مأشتعلت ولا أحترّت
أحـسـب أن الضحى ظــلـك وأعـرف أن القمر باقيك
........................ وخـدك عذر لأحـلى البيض لـيـن أقبلت وأسمـرّت
وأنـــا لأشتـقـتـلي وجّــه ســـواد العـيـن يـم يـديـك
........................ وإذا مـاني بهـا فـأعرف تــرى أهدابك علي مرّت
وإذا إن الـشـمس طافبها كـواكب فـأنـت ما يكـفـيك
........................ تطـوفــبك الـمـجــرات وكــواكـبـهــا ومـا جــرّت
حبيبي مأنت الأحلى .. أنت الأحلى خذ بعض مافيك
........................ حـبـيـبي والليالي لـــو تــناثر شـعــرك اشـقـرّت
وأنا مدري ورا الـورده مـعـك حـمـرا بـلا تـشـكـيك
........................ ولـكــن خـذتهــا منّك بـأشـم العـطـر وأصـفـرّت

3- عفراء

عفرى تقول مضايقتهـا الجدايـل
قولوا لعفـرى لاتقـص الجديلـه
والنظره اللـي راح فيهـا قبايـل
هذا وهي طرقـة غطاهـا ثقيلـه
وإلا ثغرهـا مكـنـز ٍ للهوايــل
مايلحـق يـرد الشهـاده قتيـلـه
تجلس ونلقا عـن قمرنـا بدايـل
تاقف ويكـره كـل خـل ٍ خليلـه
عفـرى وترتـج الكبـار الثقايـل
والنور يرجـع للسـراب ويشيلـه
عفرى وتبـرد وجنتيـن القوايـل
والجدب يرضع شفتيـن المخيلـه
عفرى وتبدي من دلعها خصايـل
ورد ٍ جمع قطر الندى في شليلـه
عفرى واشوف الفجر راح يتمايل
والليـل راح بسكرتـه يرتكيـلـه
عفرى واشوف طويق ذايب وسايل
والرمّـه موقـف يبيهـا تجيلـه
عفرى وينعس جفن رفحا وحايـل
ويجي لهامة نجـد قصـه طويلـه
والحب مابه عند عفـرى جمايـل
ياوالله اللي شوف عفرى جميلـه
وعفرى تقول أحلى بدون الجدايل
قولوا لعفرى تنقض (أم) الجديلـه

4- نوايا العطر

كن الهبايب يـوم تمحـا الخطـاوي
عاشق بكفه يمسح دموع معشـوق
والحزن عمره مـا يبيّـت خـلاوي
ولا يرقد إلا مفترش عين مخلـوق
ياورد علمنـي وش العطـر نـاوي
أوتدري أسكت(يمكن أنساه وأفـوق)
وإن ما نبت بأطراف صوتي شكاوي
حاولت أسافر غيم وأعـوّد بـروق
وش عاد لو كثرت علي البـلاوي؟؟
لاصار مالي بالغـلا عنـدك حقـوق
واللي نشد (وش فيه ناحل وذاوي؟)
مافيني إلا أني بعض طين وعـروق
وأنا نعم ( للحين) شاعـر هـواوي
إن ظقت وإلا إن رقت جيتك بطاروق
وأموت إلى من شفت مشي الحياوي
رجل ٍ تهجّا الدرب وعيون ٍ تمـوق
وأحـب نظرات..العديم..الـنـداوي
لين ألتفت يقراك من فوق إلى فوق
وأذوب في دمعة عيـون الخـلاوي
والحب له في جبهة عروقي حـروق
حبيبتـي مانـي حزيـن وشقـاوي
لكن غدت ضحكاتي لفمـي عقـوق
حبيبتـي والشـوق مالـه عـراوي
ولا لطير العشق برقـع ولا سبـوق
حبيبتي وإن شفتي الحـزن خـاوي
فأنا خنقني البعـد والبعـد مخنـوق
حبيبتـي ماعـاد فيهـا هـقـاوي
بيّن بياض الياس والصبر مشقـوق
وإلا الهبايب لـو تحـنّ الخطـاوي
ماكان أبد عاشق نسا وصل معشوق

5- تجين

تجين نشاور أهداب السحاب اللي جلس يرتاح
....... وش أحلا لون فص الشمس وإلا لون وجناتك

تجـين نعـلّم التوت المشي ونـزخـرف التفاح
......>. ونشـرح بالكـرز والثلج كيف تسيل ضحكاتك

تجـين نجدّل خيوط الشعاع ونكسـر المصباح
....... ونشـعل في حنـايا العمر نور زهور خطواتك

تجـين نقـفّـل أبـواب الفـراق ونبلع المفتاح
.......... بعد مانسـترد اللي من أحلام الوصل فـاتك

تجـين نحـارب الدنيـا ومن فيها بدون سلاح
......... أنا بالحب وإنتي بالجـمال وسـحـر نظـراتك

تجـين بفالنا الطيب نقوّم حظنا لو طاح
......... ونربـط في جناحين الأمل شـرطان هقواتك

تجـين نغمض عـيون القلوب ونتبع الأرواح
......... وأراهن شـمسـك أني لأزور أبعـد مـداراتك

تجـين نصارح القمرى بنور ظلالك الوضـاح
........ ونكشـف للسـحاب ان البروق اسـباب لفتاتك

تجين نسـابق أنـوار الفنـار لنظـرة الملاح
............ ونكتب للـسـفر مافـيك لـّذه غـير آهـاتك

تجين أبدل الباقي بعـمري عـمرك اللي راح
......... وأكـون أول حـبيب ٍ في نهـايـاته بدايـاتك

تجين نعد كم نجم ٍ تعثر في سناك وطاح
............ وكم بـدر ٍ تمـنى لو قبـالـه مثل تقـفـاتك

وتجين نشاور أهداب السحاب اللي عجز يرتاح
....... يحسب الصبح نور الشمس وهو ظلال وجناتك

.
6- من وين لا وين

من كثر شوقي لك سبقت لك الأيام
................ صرت الخميس وتوها الناس الأثنين
ياغمضة عيون المسا كل مانام
............... يبدا الفجر من ضحكة شفاهك يبين
وعيني من أشباهك لها أنفاس وأحلام
...................وتنبت لجفني كل ماشفتك يدين
ياكلمة ٍ ماجت على بال الأقلام
.................. كن المحبه والوفا لك معي دين
أصبر علي بالله يافجر الإلهام
............... وأنا الله أعلم جيت من وين ولوين
أجيك وأنسى ظلي هناك ماقام
.............. وأترك نظر عيني معك وآخذ العين
ياسندرلا .. والعمر سبعة أقزام
............. وقلبي سفينه .. والمجاديف ضلعين
فيني وله ..فيني بكا.. فيني هيام
........... وفيني شعور أني لوأتعب تحسين
وياحفلة الدمع بعيوني .. والأوهام
............. ماطرّوا المسرى ضيوفك إلى الحين
أما أحسبيها ليله أطول من العام
.............. وإلا أكتبيها ساعه إلا أربع سنين
وأنتي تموت بوصفك حروف وأرقام
................ تكوين.. لكن.. مايشابهك تكوين
وأنتي عيونك شرك وأهدابك أصنام
............... وأبليس ثغرك .. بس شعرك شياطين
وأنتي بلونك غابنه كل رسام
................ وكن القمر صورتك من غير تلوين
وأنتي سحر ماحرمك دين الإسلام
............. دمك عطر وإلا الضيا لك... فساتين
إن قلت أحبك .. تلبس حروفي حرام
............ وأن قلت أبيك .. أحس للقلب رجلين
والعام جيتك .. والصدر سجن الأيتام
.......... وقلتي لي أصبر .. ها صبرنا .. وبعدين
واليوم من شوقي طمرت أربع أيام
.......... وأمسيت سبت .. وصبح الناس الأثنين

7- دعوة العشاق مقلوبة

الدعوات
مقلوبه
نفش ريش الظلام وقلت عل المبطيات جداد
رقص وجه النهار وقلت يادوبى ويادوبه
هنوفٍ
لابغت..ترمش
.. هدبها .. يرتفع .. بالكاااااد ... !!!!
يعذبها إلى منه على الوجنه فتق ثوبه
أميزها عن القمرى .. إلى من جت بلا ميعاد
وإلى من جت مع القمرى ...؟؟
غدا..
كلٍ
وأسلوبه
سحابه جدها من يم أبوها بارق ورعاد
بغيت أسقى بها روحى ....؟؟؟؟
لقيت
الروح
مشروبه
تهادىكنهاطفلٍ يمشيه الهوى بركاد
تعطف كنها نار ٍ براس طويق مشبوبه
تجي وإن زادها قلبي غلا زادت غلا وعناد
وإلى من قلت يكفي بموت تقول ملعوبه
لها فوق القدر عندي مكان ٍ ماعليه اسياد
ولي في عينها نظرة هلاك ٍ غصب مكتوبه
أشوف الموت لاغابت وعمري لأقبلت ينعاد
وإلى ابتسمت غشا ظلي من الفرحه وراحوا به
بعضها آدمي لكن بعضها مأحتوته أجساد
ملَك واحلى الخلايق ماوصل بالزين عذروبه
تجي مثل الفجر لو الفجر ماهوب دوم أعياد
أنا افدا ظلها .. لا والله افدا ظل مندوبه
تسولف
للندى
يسهر على النرجس .. !! ؟؟؟ يبي يزداد
تغني.. للمطر ..لليل .. تصيب الكون غيبوبه
وأبد ماكنت أحس بلسعة الكرباج والجلاد
الين البارحه دمي عواذيلي تقهووابه
وأنا وش جابني للحب مادام اللي مضى مافاد
أنا وش لي ووش للموت لجل عيون رعبوبه
حبيبي لا تعلمني أبد كيف أرضي الحساد
حبيبي لا تعلم جسمي ان الروح منهوبه
وانا لامن دعيت الله يجيبك ..رح وزد فبعاد
كذا دايم هي اصلاً فرحة العشاق معطوبة
(وجدت في نسخة اخرى
أنا كل ماطلبت الله يجيبك زدتني ببعااااد
رح الله لايردك يمكن الدعوات مقلوووووبه

8- كتمه

أنـــت الـلـقـا دام المخـالـيـق فـرقــا
وأنت النفس وألا أطيب الناس كتمه
يـانــازل ٍ لـلـزيــن والــكــل يــرقــا
وجنـات ظلـك جنبهـا الـنـور عتـمـه
والحـفـل عيـنـك والمعـازيـم غـرقـا
ولحن الزمن غيـرت عزفـه ورتمـه
خـلّ القلـوب تمـوت بالشـوق حرقـا
والشـوف لامـن غبـت خـلّـه ليتـمـه
عشقك غصـن تفـاح والقلـب ورقـا
ولـك نظـرة ٍ صابتـه مثـل أم صتمـه
جرّيـت حبـل الوصـل والكـف عرقـا
ورغم اني أحفظ حبك أعجز لأختمه
وعينك عسـل ولظلـك عيـون زرقـا
يامـن هـلاك النـور مسـراك حتـمـه
وهجرك وصل ومواصل الناس فرقا
لكـن تـراك ان غبـت بامـوت كتـمـه

9- رثاءه في والدته

تهون إن ماخذا غاليك غير أغلا من الغالي
وأنا مأغلا من أمّي في عيوني غير خالقهـا
فأمـان الله يايـمّـه فـأمـان ورحـمـة الـوالـي
فأمان الله يأغـلا روح فـي هالكـون أفارقهـا
فـأمـان الله يـاذيـك العـيـون الـلـي تحـرّالـي
كثر ما كانت الغيبـه الـى مـن غبـت تقلقهـا
فأمـان الله ياقلـب العطايـا.. كثـر مأعطـالـي
وكثر همومي اللي كنت أنا اسجنها وتعتقها
فأمـان الله ياهمـس البـراد ولمـسـة ظـلالـي
كثر مالدمع في عينـي عليـك اليـوم مغرقهـا
فأمان الله يأحـلا مـن خيالـي .. ليتـك قبالـي
كثـر مالنفـس بغيابـك هواهـا صـار يخنقهـا
فأمان الله يألطف من تحرصني علـى حالـي
كثرمالشمس بغيابك نست من وين مشرقها
فـأمـان الله يايـمّـه فـأمـان المـنـزل العـالـي
كثرمايندفن عاشق مـع اللـي كـان عاشقهـا
فأمان الله ياصعـب الـوداع وطـول غربالـي
فأمـان الله ياأغـلا و يــاأول كلـمـه أنطقـهـا
فأمـان الله فأمـان الله فـأمـان الله وعـزّالـي
كثر مـا النفـس فيهـا هـم يجلدهـا ويحرقهـا
ويهون مفارق الغالي رضا لأغلا من الغالي
وأنا ما أفارق أمي غيـر بيـن يديـن خالقهـا

10- سبحة الكهرمان
لـيـل والـدرب موحـش ياظـلام الطريق
..........................ولام عـي منــور إلا ســبـحــة الكهــرمـان-1-
ياوصال العدو لا طال هجران الصديق
.........................قلت أبسكت وأبنسى بأن في فمي لسان
آه وإن كتف المظلوم والظالم طليق
........................ دســت قلبي برجـلي والله المســتـعـان
وإن عجزت بهجيرك يالظما لا بل ريق
......................... قلت يالروح شــوفي غير جســمي مكان
ياوسع هالصدر حتى لو ان الكون ضيق
.......................... وكـثر مايـرتـعـب يعـيـش نـزّاله بـأمـان
قالوا الشمس كانت بالحياه أول حريق
......................... قلت : طيب والقمر ؟ قالوا بقايا حب كان
ولّ يالموت صرت أحلى خيارات الغريق
........................ وأنت ولّين ياوقت ٍ بك أجمل حب هــان
يابقايا فتات الفص من خاتم عقيق
........................ هو متى قد ســمعت ان الذهب يوم خان
آه يامنقع الدنيا صحيح أثرك غميق
....................... وأثري الجاهل اللي جاك في حاجة حنان
جيتك أمشي على سلك الأحاسيس الرقيق
...................... بس من شــين حـظـي ماحـفـظـت الإتــزان
طيب الله فال الجرح والحزن العتيق
........................... لاغـدا مالـلـوفا داعـي وقـلـبي جبــان
يانجم بين أضلع الغيم أنا شفتك تويق-2-
............................ كنك الـدمـع بعيوني إلى غـرغـر وبـان
جبت طاري الدمع شف كيف عيني ماتطيق
........................... من زمان أنا كذا وإلا أنت غافل من زمان
ليل والدرب موحش وإن لقيتك في طريق
........................... والله إن أهديك يالشعر ( سبحة كهرمان )

-1- الكهرمان لمن لا يعرفه هو حجر زنكي يضئ في الظلام ((فسفوري شفافيميل الى الصفار))
-2-تويق : بمعنى تسترق النظر
ورغم أنف البعد بالحـ سنلتقي ـب

11- اندلس عشقي
الكرسي اللي بنفس الركن له مجفي
.............................. .......... ليلة مريض أو ثمان سنين متعافي
إن شافني مانسى جرحي ولا نزفي
.............................. .... وإن شفته أكتب علىصبح العمرطافي
مايكفي ان الـورق للحـبـر مايكـفـي
.............................. ...... حتى المرايا بعد... بـتـغـيـّر أوصافي
مدري بقا كم رحيل ويرجع المقفي
.............................. ...... مل ّ الظما شفتي .. ملّ الشتاأطـرافي
وين أولك ياهـشـيم القـوه بـضعـفي
.............................. .. كم لي وأنا أمشي بدربك يالحزن حافي
الناربعض الأغاني والحطب حرفي
.............................. ...... والناي بحـّه حزينه مع ((نفس دافي))
نامت جروحك وهي متوسده كتفي
.............................. ..... خـفت آتـنـفـس ويصحى دمعي الغافي
يامهمهي المحـبه وش بـقـا تـخـفي
.............................. ...... إن كان ماهو بوصلك ؟ فأتركه خافي
أنت الرجا بالعمر والخوف من حتفي
.............................. ... وأنت أبعد أحلام عمري وأقرب أهدافي
ياكثر ماتشبه أغصان الأثل نحفي
.............................. .... وياقل مالمـلـح ســولف عـنـك لضـفافـي
حبك أمامي .. وبحر موادعك خلفي
.............................. ...... أنت (أندلس عشقي) وللـنـار مـجـدافـي
والكرسي اللي عقب ذاك المسا مجفي
.............................. ......... مثلي مريض الوله .. ويقول : متعافي

12- نزف الغربه
ياعنّهـا ماجـت حياتـي لـو أقفيـتوش ينفع المجداف عقب السفينه
ياللي تتم اليوم عامك من أخطيـتوأنكرت من شالـك بقلبـه وعينـه
إن كثـرت البيبـان لاتامـن البيـتوأذكر ترى بعض الأغاني حزينه
ياشمـع بلـغ وردتـي كــم تمنـيـتإن الشـوارع تفهـم أهـل المديـنـه
واني غريـب وكـل ماقلـت حنيـتتعلقت في رجـل الإحسـاس طينـه
يابنت وإن طعت الليالي ولا جيتبعـت المطـر للغبـم بيـعـة غبيـنـه
وش عاد لو مره أنـا أقـول مليـتقبل انفجـر مثـل الجـروح الدفينـه
مرّه وفي نفسي مـع العيـد ياليـتيطري على السجان يعتق سجينه
وياعنّها ماجت حياتي لـو أخفيـتاني مـع المجـداف خنـت السفينـه

13- تشبهين النور
تشبهيـن النـور لكنـك ظـلامـي
وتشبهيـن القـرب لكنـك بعيـده
والله اني كـل مأبـدا فـي كلامـي
عنك زادت فـي دواوينـي قصيـده
وكان ماوضّح لك الشعـر اهتمامـي
فلاسقا الله مـن قصيـده مايفيـده
وأنت يامولاي مـع كـل احترامـي
كيف شعبك بالهـوى تقبـل تبيـده
قلت لا تشرب وأنا ماقلـت ظامـي
وفي عيوني ماتت الدمعـه شهيـده
قلت لك والموت ساكن في عظامـي
ولاتداوي الجـرح لكـن لا تزيـده
آه ياضيق ٍ على الصـدر مترامـي
كم لنا نرجـي زمنّـا يـوم عيـده
وقّض الشمع الدموع وقلـت نامـي
وقمت اغني اغنية همـي الوحيـده
أدري انـه شافنـي بـس متعامـي
وادري ان القلـب مايكـره وريـده
ومن درى ان الفرحه اكبر من مقامي
أعتبرني الحزن واحد مـن عبيـده
آه الى جا طيفك وضعـت بغرامـي
وصرت أقرا العين وابكي بالجريـده
واصبعي لأشّـرت يمّـك باتهامـي
حنّتك كـفٍ معـي صـارت عنيـده
مانصبتـك فـي هواهـم ياخيامـي
والله ابخص بالعيون ومن تصيـده
كيف وانت القلـب افكـر بإنتقامـي
وين ابلقا عنك لـي روح ٍ جديـده
رح وأمانـه بلـغ الدنيـا سلامـي
والمشاعر قلها (فرصـه سعيـده )
ياحياتي وابتـدا الحفـل الختامـي
والخطأ كني اعيـده لجـل اجيـده
في خفوقي نـور وبدمـي ظلامـي
وان مشيت القرب.. خطواتي بعيـده

13- احبك طفل أعمى

أحبك طفل ٍ أعمى قاضب ٍ ثوبك يخاف يضيع

وأحبك شايب ٍ قرب يموت بغيبة عياله

وأحبك نظرة عيون ٍ غزتها حسّرة التوديع

وأحبك وردة ٍ ماتت ولا جا اللي بتهداله

وأحبك منظر الثلج إن بدا فوق السفوح يميع

كأنه دمعة الحر السنافي بين عذّاله

وأحبك.. غيم عيّا لأمر نفخات الهبوب يطيع

حلف مايعطي إلا نجد نزف الحب وظلاله

وأحبك ريح تنثرني قصايص مالها تجميع

وأحبك شي في نفس العطر ليديك ماقاله

وأحبك صرخة ٍ فيها سوالف رحلة التلويع

وأحبك عاشق ٍ ماتت حبيبة عمره قباله

وأحبك سر مايخفى ولايمكن بيوم يشيع

وأحبك شمع كله ذاب مايدري من أضواله

وأحبك مجلس أجواد ٍ مشرع بابهم تشريع

والى جامن هجدهم قبل يقعد جاه فنجاله

وأحبك غبنة ام ٍ عقدها ياللأسف مابيع

ولدها صابه اللي خذ قبل حول السنه خاله

وأحبك طفلة ٍ تحبي على صدري وأخاف تضيع

وأحبك شايب ٍ ضمّ وكسر ضلع أصغر عياله


14- ريش المحابر

الله يــمــســـي بــــــــاب وصــــلــــك بـمــفــتــاح

والا يــصــبـــح كـــســــر الإحــــســــاس جــــابــــر

يــاغــربــة ٍ فــــــي كــــــف شـــاعـــر لـمـســبــاح

الــــــى مـــتـــى والــلــيــل يــالــيـــل صـــابــــر

شـــف هالـحـمـل كــــم لــــه عــلــى الــصــدر مــأنــزاح

وأنــــــا عـــلـــى ضــعــفــي ومـــازلـــت اكـــابـــر

ولــــو بــــس قــلــت إنــــك لــــو شــــوي مــرتـــاح

لأرتــحــت انـــــا مـــــن راحــتـــك وانـــــت خــابـــر

مــــــن بـــدلـــك بــالــحــزن يـــاوجـــه الأفــــــراح

وقـــصـــور قــلــبــي كـــيـــف صــــــارت مــقــابــر

وإن كـــــــان حــــــــوا غــــــــرّت آدم بــتـــفـــاح

فـــأنــــا جــــروحــــي ورث كــــابــــر لــكـــابـــر

يـافـرحــتــي والـــلـــي خــــــذك ويــــــن مـــــاراح

مــــــــردّ صــفــحــاتــه لــــريــــش الــمــحــابــر

مـأكــفــاك نــزفـــي دم .. قــلـــت أنــــــزف جــــــراح

وحــبـــك مـقــيــم وشــرهــتــي شـــخـــص عـــابـــر

والـقــلــب رغـــــم الـــجـــرح والـــجـــرح مـــاطـــاح

واقــــــف عـــلـــى ســــــاق الـمـحــبــه يــثــابـــر

يــاظــلــي ارتــــــح يـــكـــذب الــعــطــر مـــافــــاح

يـاوجــهــي ان شــفــتــك بـــأقـــول ايــــــه كـــابـــر

والـــوصـــل مـــالـــه بــــــاب يــحــتــاج مــفــتــاح

والــكــســر عــــــده لا كــتــمــل عــــــام جـــابـــر

15- كوكبنا الجبان

هـي لهـم كـل الأماكـن لا غــدا قــدري مـكـان

التعـب لأرقابهـم لا صــرت بالـصـف الأخـيـر

وإن ضحك وجه البنفسـج وأستمـال الخيـزران

فــي ثنـايـا الـجـرح جــرح ومابـقـا إلا الكـثـيـر

طال عمـرك ؟؟ يالليالـي مانبـي غيـر الامـان

في نهـار ٍ لـو رضينـا مارضـى باللـي يصيـر

طال عمرك ؟؟ وش بيدنا ؟؟ دام كوكبنـا جبـان

مـاقـدر يـكـون شـمـس ولا قـمـر دايــم ينـيـر

ليـت أنـا لـي يالثريـا مثـل جـوف السيسـبـان

كان لي قلب ٍ ضحوك وقلب مجـروح وكسيـر

ماعلي لو عذربونـي .. دام فـي راسـي جنـان

والله انــا آخــذ بيمـنـا ماتـحـوش إلا الكـبـيـر

قالو الدنيا ملز ؟؟ وقلـت أنـا شعـري حصـان

وادري انــي لــو لهـيـت ولا تمالكـتـه يطـيـر

آه يـــا أذن المـسـانـد لـيــت للـمـركـا لـســان

كـان تلعـن ثـم تلعـن كــل مــن داس الحـريـر

والسفـيـه الـلـي مــرده لــو تعـلّـى .. للـطـمـان

لا يهمـك والله إنـه لـو نـفـص عيـنـه ضـريـر

لعنبوهـا رجـل سـاقـت راعــي الـعـز لـهـوان

ولعنبـو مـن شبـه سبـاع الصمايـل بالحمـيـر

راح علـم وجـاك علـم وكـل خافـي لــه بـيـان

هرجـةٍ قلنـا وتمـت ..مـن ورا خشمـك تصيـر

مـن عوايدنـا الصلافـه لـو نعـم وجـه الزمـان

ومن يحقر الناس عند الناس هو أصلا ً حقير

ودعك يالجرح نزفي من جـت الساعـه ثمـان

ونامت عيون الأوائل.. صرت انا الحلم الأخيـر

16- حطين وسبأ

حطيـن بابـل إرم وشيـوخ نجـد وسـبـأ

قريـت عنهـم بعينـك يـوم كحلـك يسيـل

وحلفت بأن الشعر في وصـف غيـرك غبـأ

وبأن أكبر الناس حـظ اللـي بحبـك قتيـل

إن قالوا الشمـس فيهـا منـك قلـت تهبـا

ولـو مانشمـك قبـل تاصـل بليلـه قليـل

ياحبـي اللـي غرامـك فـي عروقـي دبـا

كريم انـا بـس مهمـا قلـت أحبـك بخيـل

الصبـح والليـل ومسيـان مـنـك تعـبـا

إن جيت ضاعوا وصار الوقت طـرفٍ كحيـل

كـم حـاش رمـشـك وأستـبـد وسـبـا

وكم خلفت بسمتـك مجنـون عاشـق عليـل

وكم طفـل باسـك بحلمـه وأستـدار وحبـا

وكم شايب أمسا شباب وجاك يصهل صهيـل

مالومهـن لـو يغـارن منـك كـل الضبـا

مزيون فتـان متـرف ذرب هـرج وطويـل

الله ياجرحـي اللـي مـن زمـان الصـبـا

القلب راوي غـلا والجسـم ضامـر نحيـل

حطيـن بابـل إرم وشيـوخ نجـد وسـبـا

تاريخ أخونه وأكون لطـرف عينـك عميـل

17- صلاة الزمرد

لعيونهـا نحيـا ولعيونهـا نمـوت

والعمـر مايسـوى علينـا عتبهـا

مرّيت فوق الجفن وسمعت لي صوت

زلّيـت لكنـه قضبـنـي هدبـهـا

وأمسيت في كحلٍ به خيـام وبيـوت

وأصبحت في غـرّه كسانـي ذهبهـا

حبيبتي لـو تـذرف الدمـع ياقـوت

صلّـى الزمـرد ركعتيـن وطلبـهـا

حبيبتـي لاربّـع بثغرهـا الـتـوت

شال الهجيني مـن غلاهـا عنبهـا

حبيبتي وإن صار لي وصلها قـوت

ماجوّعـت بالبعـد مغلـي تعبـهـا

حبيبتي لو الرجا فـي بطـن حـوت

لاماتركـت اليـاس يطفـي حطبهـا

حبيبتي لو السحـر سحـر هـاروت

مافرّعت فـي نجـد وأرتجـت ابهـا

حبيبتي لو تلمـس جـروح بيـروت

طابت وغنى المجد وأزهـر طربهـا

في بعدها يملى السهر عين حالـوت

وإن جت تفيض الجوف عشق بسببها

في وصفها كل الحكي صمت وسكوت

كلمه قراهـا النـور والمـا كتبهـا

تضحك وينسى الجرح مبلي ومبهوت

حتى العسل جت منه تشرب شربهـا

وفي ليلةٍ جاها الشتا لابـسٍ كـوت

غنت عليـه ونـام حاضـن لهبهـا

تمشي وكن العمر لحضـه وبتفـوت

تجلس وكن الوقت يمشـي حسبهـا

صلبه وكن طبوعها صخر منحـوت

خجلى وكن الهـرج شهـمٍ خطبهـا

ماهيب زينه لا بها الزيـن منعـوت

أحلى من التوصيـف وأحـن وأبهـا

لعيونهـا نحيـا ولعيونهـا نمـوت

والعمـر مايسـوى قصيـدٍ عجبهـا


18- لا عاش حب

لاعاش حب ٍ يسـم الحـال والعيشـه
ولاعاش راس ٍ على طبع الردى رابـي
ولو كل طير ٍ يهد إلى أنتهـض ريشـه
ماشفت من خالف الهقوه مـن أحبابـي
أحد ٍ رضى بالعظـم ويحـب تعريشـه
وأحد ٍ غرس بالشحم نابه مثـل نابـي
وإن غر طفل الحريـر بنيـة الخيشـه
باكـر يجيـه البـراد ويذكـر عتابـي
وكم ضاع قلب ٍ يحب ومات من طيشـه
وكم سطر محد ٍ قراه إلا انـت بكتابـي
وماكل رمش ٍ يغلبـك لأنتخـى جيشـه
ولا كل زيـن ٍ تعـلا ياصـل إعجابـي
أحد ٍ كفـو ينعنالـه لـو ورى بيشـه
وأحد ٍ تثاقلت أجيه وهـو ورى بابـي
والمايق اللي طرى من جيـت لعليشـه
حسبي على البعد أخذ زوله من أهدابـي
يابنت والصدر ضـاق بكثـر تنبيشـه
والله مالـك حيـاه تـسـرك إلابــي
بعض المساكن .. ملاها الناس ووحيشه
وبعض المساكن خلا وإن جيت هلابـي
وكم هـم مالـه دوى ياكـود تطنيشـه
وكـم هـم غنيتـه البـارح وغنابـي
وللموت حـب ٍ رجـاه يكـدر العيشـه
وللقطع راس ٍ على شحذ الغـلا رابـي

19- جبينك

هي وجنتك غرب أو جبينك هو الشرق
يامسقي ٍ من خـدك الشمـس حمـره
هو بعدك الليل أو حضورك هو البرق
ياللي هداك الورد عطره .. وعمـره
وإلا الفجر بينه وضحكتك بـه فـرق
وش جاب ولد العتمـه لبنـت جمـره
لا تلتفـت وتعلـم أهدابـك السـرق
يامن ظلالك له علـى النـور زمـره
هو هو غطاك بطرق وإلا مية طـرق
لك حسن مايخضـع لنهيـه ولأمـره
النار تحرق وانت فالنار لـك حـرق
والبحـر يغمـر بـس حبـك يغمـره
مالوم أبد في غيبتـك نوحـة الـورق
يامن قضاض القلـب حبـك يعمـره
هو حبك الغرب أو خفوقي هو الشرق
يامهـدي ٍ خـد الكريستـال حـمـره

20- آخر السهره

جت على آخر السهره ثقيلة خطاوي
مخطر ٍ بعضها في بعضها الثاني يسيح
جت لها واهج اصفر يتبعه ظل ٍ سماوي
وكلما قرّبت خطوه لنا شلنا طريح
جت على كيف كيفك تجلد القلب الهواوي
لين مايحلف انه في عذابه مستريح
جت وحطت مابين الشمس والوجنه (يساوي)
وكل كسر ٍ بقلبي خلّته (1) صحيح
علمتني جروحي بس نستني التداوي
وجمعتني فتات ولبستني ثوب ريح
آه إلى منها تفلفلت ياهي بلاوي
وآه الى منها تلفلفت روحي تطيح
خلّت القلب داب وهي غدت مزمار حاوي
وخلّت الشوق مال وليلي كفوف الشحيح
أبتديها دموع وتنتهيني غناوي
وكل مأذكر نسيت اني من الفرقى جريح
مرتوي عشقها وبوصلها ناحل وذاوي
ولي لسان ٍ بالهوى معقود والخافق فصيح
أرتجيها وأجيها وش بقا ماكنت ناوي
وأنثني ماكني الا طفل جالأمه يصيح
وكل مالدت علي أطيح من كلي وأراوي
وآتردد لكن أرجع راجي الفرصه تتيح
ورحت واثق ليت كلي ماكشف بأني حياوي
أمشي ارجع .. وارجع امشي .. حافظ ٍ بعض المديح
وجيتها في آخر السهره عقب حرب الخطاوي
وتو بعضي ناوي ٍ يحكي .. بدابعضي .. يسيح


21- يمكن الشمس طفل

يمكن الشمس طفـل وكانـت ثيابـه ورق
وشب في نفسه المسكين من كثـر البـراد
ويمكن البحر عيـن ٍ صابهـا طـول الأرق
ماغفت من بكاهـا ليـن مـأزّرق السـواد
القلـم ياحبيبـي فـاس والحبـر الـعـرق
والسحابه ثدي ترضع تل والعشـب المهـاد
وقلبي الموج والصدر البحر وانـت الغـرق
ابتعد عنك والقـا القـرب ساكـن فالبعـاد
ياحبيبـي ياحبيبـي ياحبيبـي وأحـتـرق
بيت واحد من قصيدي وأمست الدنيا رمـاد
ياحبيبي والقمـر ثـوب الليالـي وأنخـرق
وأنت ياحبي لك تحـب المناكـف والعنـاد
تدري عاد مسامحك لوضاع عمري وانسرق
وإلا انت أعرفك يابحر ماخنت يوم السندباد
يمكن الله يجمع اللي لـك تشتـت وأفتـرق
والمحل يمكن يكفر لـك ذنوبـك يالجـراد
ياحبيبي وأنت ظلـك كـل مـالاح وبـرق
ادري ان الحب جا يسمع حكايـة شهـرزاد
ويمكن الشعر فرحه بانـت بعيـن الـورق
ويمكن ان قلتي براد أموت فعيـون البـراد

22- على كثر القصيد

على كثر القصــيد.. وكثر ماجـــاب الخـيال أفـكار
........................... تعبت ومالقيت الا ثمان أشياء تشبه لك
نور الشمس.. لون الغيم.. طهر الما.. وصمت النار
........................... لين الورد فجر العيدملك وانسان ياسهلك
واذا صار العـنا رحـله.. با ســمـيك آخـر المشــوار
........................ واذا صارالبخل عمرالجزايل فاسمك المهلك
تجـين أحلى من البشـرى تغـيـبـيـن وتـشـيـن الدار
......................... هديه للزمن جيتي من الله عن طريق أهلك
صـحيـح المـدح لويقـدر يـقـوم بـنفـســه ويخـتــار
...................... غـدا عـبّـاد شمس ٍ لا لمـح زولـك تـوجّـه لـك
غيـوض وما يغيـض الـنرجـس الا ضـحـكة النــوار
......................... "نعم" والجود لو يفنا فنا من زود حبهلك
ضيـا تسعـين شمس وألـف بدر ونجـمتـين كبـــــار
.......................... آخـاف اقـول ظلك و أظـلمك والعز كله لك
ورثتي مجـد ابـوك وجـاك "منهو" زبنة المنـجار
..................... أبـو خـيريـن.. دماح الخـطا.. والعمـر مده لـك
وأنا وش عاد أقول ان صرت في وصف الغلى محتار
.................. شعـور ٍ ماقـدر ياصـل سـمـاك.. وقـلت أزمّه لـك
وعلى كـثر القصـيد وكـثر ماقـلـنا من الأ شــعــــار
...................... تعـبت ومـا لقــيت إلا ســموّك بـس تشـبهـلك

23- لحن الندى المجنون

أفا .. قل غيرها ياليل .. متـى مـات السهـر مغبـون
متـى روّح مسـا الـبـارح وجــا بـاكـر وأنــا واعــي
حلفت أرقص النرجس علـى لحـن النـدى المجنـون
حلـفـت أطـبّـع القـمـرى عـلـى كـيـفـي وبأطـبـاعـي
جنونـي سـري الشايـع وعقـلـي جـرحـي المـدفـون
ذكـرتـك أو تناسيـتـك ســوى دامــك مــن أتبـاعـي
بـدايـه مالـهـا مـعـنـى , نـهـايـه مـالـهـا مـضـمـون
تعـبـت أشقـلـب الدنـيـا وأعــدل فـيـنـي أوضـاعــي
نسيـت أقــول لأيـامـي ( عـلـى هـامـان يافـرعـون)
نسيـت أوقــف الغـربـه وأدورهــا عـلـى أصبـاعـي
هلابـك دامـنـي مثـلـك .. كسـيـر ومـيّـت ومطـعـون
تعـال اسكـن معـي صمتـي ولا تنشـد عـن أوجاعـي
تعبـت أقـول أنـا أعمـى وغيـري لـه ثـمـان عـيـون
كـفـا لا تـنـبـش بـجــرح ٍ يـقــرّب لـويــة ذراعـــي
حبيبـي والشقـا حـاصـل ولا تـسـأل شـقـا وشـلـون
عـذاب إن عشـت فـي قربـك وموتـي فلّـة شـراعـي
نعـم قــد قلتـلـك بأبـقـا مـعـك والـلـي يـكـون يـكـون
وشـفـنـي قـدهــا مـاقـلـت لـــك يـابـعــد مـربـاعــي
نبت مثل الشجر جرحي.. غدا كلـي ورق وغصـون
عرفـت إنـه سخيـف اللـي يـحـاول يـاصـل إقنـاعـي
أجل وشلون أبنسى الجرح وفهد عافت يعيش بدون
حــــرام الــوقــت يكـتـبـنـا قـصـايــد مـالـهـاداعــي
وأنــا يــوم الشلـيـل الـلـي جمعـنـا علقـتـه سـنــون
كتبـتـك حـلـم لا جـانـي دريــت إنــي مـعـك واعــي

24- جرحي الثاني

والله وخطت شوارب جرحي الثاني
................ والجرح الأول نبت له لحيه وشابت
يا كلها شف بعضها وين وداني
................ ياظلها النور..وجروحي متى طابت
من ينقل عتاب عدواني لخلاني
.................. من ينزع الهم كانه بالصدر ثابت
يابنت جيت ألحق أعذارك ولا أمداني
............... والشمس ماتشرق إلا إن كانها غابت
طيب..نقول الرعد خاين وخلاني
................ بس المزن عقب هالغيبات وش جابت
كان الخطا بأن أنا مانيب أحد ثاني
................ فأنا أعترف رميتك ياعاذلي صابت
ياليت بعض الحكي ماجا على لساني
................... أو ليتني ماهقيت الهقوه وخابت
واليوم لو أملك النسيان لأنساني
................... وأهز صملان عين ٍ بالبكا رابت
والله مأسأل من المجني من الجاني
................... لكن هي شـموعنا تندم إذا ذابت
مدري أنا أكبر بكم دمعه من أحزاني
................ بس أدري بساعتي من عقربك هابت
والخوفه أنسا من اللي فيهم أشقاني
................... الحظ وإلا خفوق ٍ بالرجا سابت
من وين أنا جيت؟مدري! اسأل أوطاني
............... الظاهر أني مثل بعض الشجر نابت
والموت ياناس لوجرحي تعداني
............... والصالبه من ركيزات الصبر عابت
والله لأحلق شوارب جرحي الثاني
............... كان آخر أربع جروح من القهر شابت


25- لا تكتبيني

لا تكتبيني غيم تمسحني الريح
........... ولاترسميني مركب انسى الشواطي

يامن هدب عينك لقلبي مراجيح
........... وأفرش تحتها عن جبينك بساطي

أمشي وانا اللي لو تعثرتي اطيح
........... وهي لك حروفي بس خلي نقاطي

ياكثر بيباني وقل المفاتيح
........... ولانيب حتى لو أبي البعد ساطي

وينك تعبت اسأل عن النرجس الشيح
........... وينك تعلّت قاع والسقف واطي

فكي ازارير الحكي ودي اصيح
........... لاشك أخاف يشق صوتي خياطي

يادمعتين الثلج يوم ابتدا يسيح
........... جيت اجلدك وادمت كتوفي سياطي

وان قلت احبك واجمل الحب تلميح
........... مافك سجان المحبه رباطي

كذا..كذا..نامت عيون المجاريح
........... كذا ابتدابك يالجروح ارتباطي

ولاتكتبيني غيم تشربني الريح
........... ولاترسميني مركب اظما شواطي

26- الدلع بالف خير

كل شعر وغرورك والدلع بألف خير
.............................. .. وكل خاتم زفير وخنصرك بألف راس
كل فستان وأنتِ شي .. لا مايصير
.............................. ..وقفتك عزّ ناس وخطوتك ذلّ ناس ****************************** *****
ولو مالأقدام مخمل كان كلك حرير
.............................. .. ميزتك ماتعد و طيبتك ماتقاس
سولفي والأهلّه تنور وتستدير
.............................. .. أضحكي .. كل غيمه تنعصر لليباس
فتحي .. كل نورس .. خطوتين ويطير
.............................. ..... غمضي والبنفسج بيتثاوب نعاس
علمي من لمحك بقل حظ الضرير
.............................. ......علمي من يشم السكر من غير كاس
شرّهي ظل ظلك للنهار الفقير
.............................. ......خيطي برمش عينك ليلٍ أبلاه ياس
وري الطول طوله كيف يصبح قصير
.............................. ...... أطوي الباس ضعف وفلّي الضعف باس
مدّي لضيف شعرك فوق رمشك حصير
.............................. ...... جزّي الخافق المخضّر من غير فاس
كوني الحب الأول.. والغرام الأخير
.............................. ...... كوني لكل فنّ المنتهى و الأساس
أقربي كود بعدك يقرب ويستخير
.............................. ......أمشي وكل ماطآ يدعي الله يداس
أنفضي بعض شالك فوق وجه الغدير
.............................. ......يمطر الغيم عطر .. وتنبت الأرض ماس
ولو تحب النجوم أصبعك بس الصغير
.............................. ...... يمسي البحر فضّه والشواطي نحاس
وجنتك مغربيّه في حيا .. جت عصير
.............................. ...... وباسها لين حمّر وجهها يوم باس
وفيك مانافر الا فيك مثله مغير
.............................. ...... مأستوى الا ذراع وساق .. كلك قياس
وصدرك .. كفوف طفلٍ في حناياك أسير
.............................. ...... أظهر يديه يدعي من ضلوعك.. حماس
أعذر السمع يظما دام صوتك خرير
.............................. ......ياللي الكبر لك ما هقوتي فيه باس
ساقك اللي يسوق الما بعرق الضمير
.............................. ......عقب ما أمسيت ميّّّّس من حياة الغراس
وان غدا الشعر ..غيرك.. ماورا الشعر خير
.............................. ....... يامن رضاك يسوى عندي ألفين راس

27- السالفه

تطول السالفه وأنسى ضيوفي وأحتفي برضاك
.......................وإلى جيت ألتفت عنك نسيت آخذ معي شوفي
هلابك.. مرحبا.. مليون طلقه .. وأرحب.. وحيـّاك
.......................تنق اللي تبي منها ولو الهرج مايوفي
وأنا لوعشت لك باقي حياتي .. لوأموت فداك
.......................عجزت أرد لك بعض الجميل اللي ملا جوفي
تسند لا تحسسني بنية بعدك وممشاك
.......................ترى لو الهوى حرك ثيابك هدني خوفي
نعم قد قلتلك بنسا ولكني نسيت أنساك
.......................مثل مأنك نسيت العطر يملا عقبك كفوفي
عسا الله يلعن الشيطان كان القلب ماقهواك
.......................تركت الدلـّه وصبيت لك حملي من كتوفي
جلست أقرا تعابيرك ولوي لا بغيت أقراك
.......................يلعثمني هدبك وتنتحر في عينك حروفي
تكلم .. قل أحبك .. قل عشقتك ..قل حرام أجفاك
.......................وأمانه فكني من كل عذر وقولة ظروفي
وأبكتب لك( ) بياض وفيه تقرا كل مايهناك
...........وأسولف لك(------)سكوت ٍ منه تسمع آخر حلوفي
تطول السالفه وأنسى مجيك وأجلس أستناك
......................وأصب آخر فناجيل الغلا وأوادع ضيوفي

28- قيثارة الملح والخوف

كان البحر قيثارة الملح والخوف
.............................. ......... والريشه المجداف بكفوف قارب
ياعين لامن صارت دموعك حروف
.............................. .......... هلـّي قصيد يبل دقن وشوارب
شعبان قلبي تنبت رماح وسيوف
.............................. ....... وأنا عجزت أعرف من اللي بحارب
قالت وهي تغزل عروقي مع الصوف
.............................. ......... كم لعربك مهاجرين المضارب
قلت الضيا خبري به العام مشيوف
.............................. ........ في وادي اسمه وادي أم العقارب
وأذكرني البارح وأنا اقهوي ضيوف
.............................. ...... شفت الأمل من جيب الإحساس هارب
تمشي بنا خطواتنا لين مـ نشوف
.............................. ..... عماير ملوك المحبـــــه مخـــارب
وإن مأثمرت مزارع الحب معروف
.............................. ...... صار البعيد أوفى من أغلا الأقارب
ياعاجنين الضي والفي بكفوف
.............................. ......... ماعمر حنا لونت في توارب
أنا : أنت , وأنت : الجرح , والجرح : في جوف
.............................. ........ قصه تسربها الدموع السوارب
ياسر مايخفا ولاهوبمكشوف
.............................. ......... الى متى للناس بابك موارب
ليت البحر مالحن أنشودة الخوف
.............................. .......... ولا جمعني بك مع الملح قارب

29- المسامح كريم

سـامـح الله شبـابـي كــم تـركـنـي أهـيــم
وأترك النفس تكفـخ مـع شـرود الهبايـب
غـرنـي بالشـمـوخ وكـنـت أظـنـه مـقـيـم
ماخبـنـت الثـيـاب ولا حسـبـت العـقـايـب
وسافـرات الخطـايـا مالـقـت بــي خصـيـم
استباحـت وفاحـت ليـن شفـت المصايـب
وش أنــا يالضعـيـف إلا برحـمـة رحـيــم
وش أنــا يالفقـيـر إلا لـســان ووهـايــب
وش أنـــا يـالـذنـوب إلا بـعـفـو الـكـريــم
وش أنــا يالعـجـول إلا بسـتـر الـنـوايـب
وش أنــا يـابـن آدم غـيـر قـطــر ٍ ذمـيــم
الله اللـي عمرنـي بـيـن صـلـب وتـرايـب
مـوت والمـوت زفـره وأنتـهـى ياغشـيـم
لكن اللي ورا هالمـوت ....ياهـو عجايـب
آه .. وإن مـادحـرتـك ياللـعـيـن الـرجـيـم
صحت من كبر همي حـدر كـوم الشهايـب
ويـلـي إن لحـفـونـي جـرهــدان ورمـيــم
وأتبكـوا خمـس لبنـات اللـحـد بالـروايـب
ثــم هــل الـتـراب وصــار فـوقـي رزيــم
شبـر ٍ أو دون مـا تمـراه غيـر النصايـب
آآه ..إلى رو ّحوا صوت الخطا صوت ديم
ثــم روحــت ياتـركـي تـسـوق الـقـرايـب
آآآآه .. يـاوالله اللـي صـرت عقبـي يتـيـم
والله إن مايحـبـك مـثــل قـلـبـي حـبـايـب
ياخلـف عمـري اللـي راح مثـل الصـريـم
حلـل اللـي عليـك عــروق قلـبـه ذوايــب
وأي وإيــاك تبـكـي مـثـل مبـكـا الـحـريـم
أبلع الحـزن وأطلـب ربـك ومأنـت خايـب
ياولـد مـن حـشـا مـأشـرك وربــه علـيـم
لا ولا ينـشـده ربــه قــد أغـتـاب غـايـب
مـاكـره طــول عـمـره لا ولا لــه خصـيـم
ولا عــرف حــي ٍ إلا حـبـه بــلا سبـايـب
آه والـيـوم مــن شوفـتـك يمـسـي فـطـيـم
خامد ٍ مأحتـر ك .. للـدود جسمـه نهايـب
ويلـي اليـوم أبـسـأل عــن جـديـد وقـديـم
ويلـي إنمـا كتـب لـي ربــي أجـيـه تـايـب
يالله إن جــاك عـبـدك يــاودود وياحـلـيـم
مامـعـه مايـوفـي عـنـه عـظــم الـطـلايـب
جــاك مــن عـقـب مـاخـلا حيـاتـه سقـيـم
صابه اللي تعرفه وانـت مشفـي وصايـب
يالله ان تـرحـمـه مـــن تـلـتـه لـلـضـريـم
نـارك اللـي تلضـى فـي شـررهـا لهـايـب
يالله ولا تـحـرمــه شـوفــتــك يـاعـظـيــم
مالـه إلا انــت منـجـى يارفـيـع الجنـايـب
آه ياكـثـر خـوفـي مـنـك وانـــت الحـكـيـم
آه ياكـثـر ذلـــي وأرتـعــد مـنــك هـايــب
راحــت ايــام عـمـري ماعـرفـت النـعـيـم
مجهـد النـفـس لـكـن مالحـقـت الركـايـب
رحت وأجمل حياتي ضحـك طفـل ٍ وسيـم
رحـت وأقسـى حياتـي دمعتـيـن ٍ لشـايـب
رحت وأحلى المرابي من حرض للقصيـم
رحـت وألـذ عمـري حـدر فـيّ السحـايـب
سـامـح الله شـبـابـي والمـسـامـح كـريــم
وسـامــح الله زمـــان ٍ مـايـلـم الحـبـايـب

30- الملح والدانه

الـشـط شـبّــك يـديــن الـمــوج بيـديـنـه
يارقصـة العـشـق بـيـن المـلـح والـدانـه
والشمع من حـب دمعـه شـب فـي عينـه
والليـل مجنـون يعشـق صبـحـي جنـانـه
واللـي نسـى الـورد عقـب كفوفهـا لينـه
منهـا تـرى الشمـس مطفـيّـه وخجّـلانـه
فرّعـونـة الـمـوق والغـنـج وسلاطـيـنـه
حـوريّــة الـزيــن وبـحــوره وخلـجـانـه
فــي خـدهـا نـاسـي المخـمـل عنـاويـنـه
وفــي فـمّـهـا نـاســي الـرمّــان رمّـانــه
وإن سولفت يسأل الليل .. القمر وينه؟؟
وإن سلهمـت ضيّـع العصفـور جنحـانـه
تضحـك ويبـدا الضيـا يعـتـق مساجيـنـه
وإن صحصح الكحل تبقا العيـن نعسانـه
ومـن صافـح كفوفـهـا تـزهـر شراييـنـه
ومن شافها شـاف وش عـذروب خلانـه
تنـزل علـى اللـي فخربـه نــاس راقيـنـه
وماداستـه يـرتـوي والأرض عطشـانـه
مدري هـي انسـان غيـر النـاس تكوينـه
وإلا انـهـا نـجـم مــلَ الـنــور بـأوطـانـه
والـزيـن كـلـه لـهـا أو فــوق نصفـيـنـه
والـنـاس فيـمـا بـقـا خـشـره وفـرحـانـه
بــس وهـنـا ســوّر العـاشـق بساتـيـنـه
وطبعا ً كذا الملـح ذاب وغاصـت الدانـه

31- للطرب معنى
للطرب معنى وانا فينـي طـرب
للحزن دمعه وانـا كلـي حزيـن
ياعرب خلونـي احيـا ياعـرب
عاشق ٍ والله يعيـن العاشقيـن
والظمي من همه وياسه شـرب
والوفي ماغربله كـود الحنيـن
يانخيل ٍ ظامهـا مـوت الكـرب
شامخه مـاودك الخافـي يبيـن
ايه اناادري بالفراق اللي قـرب
وأعرفك لامن طرالـك تبعديـن
والشعاع اللي قبل يشرق غـرب
كنه الضحكه على ثغر السجيـن
والرجا لامـن تغافلنـي هـرب
والرضا في عبرة الحسره دفيـن
والحزين اللي من الهم اغتـرب
يدري انـك لوصدقتـي تكذبيـن
كن قلبي طفل ٍ اخطـا وانظـرب
وكنك الحكمه عقب طول السنين
آه لولا الدلو وش يمـلا القـرب
وألف آه ان مارضى القاسي يلين
للطرب عبره وفي صدري طرب
للحزن نبره وانا صوتي حزيـن

32- هذيان كوكب

أجـل والشمـس لـو ماهيـب يـوم تغيـب خجـلانـه
ورا وجناتهـا أحـمـرّت وغـابـت يــوم جاطـاريـك
حبيـبـي والعـيـون أغـــلا عـطـايـا الله سبـحـانـه
وأناماستاهل الشوف إن هـدرت النظـره إلا فيـك
تغـيـب وتـذبـل الدنـيـا ويـنـسـا الـكــون خـلانــه
ويفقدكوكب الأرض الوعـي مـن شوقـه ويهذيـك
وإلـى مـن جيـت تبـدا تركـض النسمـات فرحانـه
وينـبـت ورد بكفـوفـي ولا يـزهـر بـغـيـر يـديــك
أحـبـك وأنــت زلــزال الشـعـور وأنــت بـركـانـه
وكل ٍ لا نطق نادا علـى أمّـه .. بـس أنـا مناديـك
ولا أدري وش بـلا اللـي مايعرفـك متعـب لسانـه
وأنـا إن حاكيـت غيـرك لازم اتخيـلـك واحاكـيـك
جنـون.. وميـزة العشـق الحقيـقـي خـمّـة جنـانـه
ومـن قـال إن أنـا عاقـل مـدام هبـالـي بيرضـيـك
أحــس بقلـبـي نـجــوم وسـحــاب ٍ هـــل هـتـانـه
وأحـس بـدمـي أســراب الكـنـاري دايــم تغنـيـك
أمـانـه لا تقاطـعـنـي حبـيـبـي لـــو هـــي مـيـانـه
تعـال ويــوم ربــي فــك عــوق لسـانـي أوريــك
أنــا ..أول بـنـي آدم يـشـوف الشـمـس بـردانــه
وأنـا اول مـن يحجّـل بالنجـوم المضويـه رجليـك
وأنـا اول آدمــي طــار وسـتـل بالـكـون جنحـانـه
وحلبت النور من شمس النهار وجيت لك بسقيك
وأنامـن كـل كوكـب جبـت لــك دعــوه وعنـوانـه
ويقولون بتجي وألا انت بس أسمـح لنـا ونجيـك
حبيبـي وأضحـك الدنـيـا تهـزهـز حـيـل طربـانـه
حبيبي وإن حكيت الـورد يسفـه بعضـه ويوحيـك
تعـال وعلـم الطـيـف الغـبـي عــن بـاقـي الـوانـه
تعال وزك زينك.. جد علـى الخفـرات مـن باقيـك
وحـتـى لــو تفـجّـر قـلـب مــن حـبـك بـوجـدانـه
حشـا مايقـدر إنــه لــو بـحـق مشـاهـدك يوفـيـك
يقولـون السمـا زرقـا ..وأقـول الـنـاس غلطـانـه
هذيـك عيـون جمهـور الكـواكـب يـومـه يحيـيـك
أجـل والشمـس لـو ماهـي علـى الغيبـات ندمانـه
وراهـا يـوم سولفنـا الفجـر جتنـا عـلـى طـاريـك

33- قبل اموت

ياحبيبـي ياحبيبـي ياحبيبـي ليـن أمـوت
كلمة ٍ لوعشـت مأسمعهـا بأمـوت أقولهـا
ووالله اني لوسكت .. أقولها لـك بالسكـوت
وشفت وش طول الحياه ..أقول أحبك طولها
قلت أحبك وأنتثر في كل فمـي طعـم تـوت
قلت مشتاق وتجمـع كـل عمـري حولهـا
أكتب اسمك تلبس حروفي غتر بيض وبشوت
أرسمك تنسا الحياه .. اللي قبل قـد جولهـا
وإن بغيت أحكي لغيرك مانبت للحكي صـوت
وكيف أببعـد والليالـي ماتشيـل رجولهـا
ومن غدا قلبي مداين صارت عيونك بيـوت
آه يابحور المشاعر .. كيف أبجمـع لولهـا
ليلتين أطوي هدبك وخايف الرحلـه تفـوت
وماوصلت إلا المدامع جف وقـت وصولهـا
ألف مره يبتلعني في بحـر خرسـاك حـوت
نفسي هالمـره عيونـك ..يندفـن مقتولهـا
لا تخوفني حبيبـي لـو تعاندنـي البخـوت
وأنت كل حظوظي اللـي ضحكتـك مدلولهـا
خاشع ٍ قلبي بحبك مثـل مأخشـع بالقنـوت
آه ياشمس ٍ تسولـف والنجـوم أصغوالهـا
كل بسمه منك عيد ..ونظرتك للقلـب قـوت
وريحة أنفاسك مداخـن عثـورة معمولهـا
وياحبيبي ياحبيبـي ياحبيبـي قبـل أمـوت
كلمة ٍ لك جيـت أبسمعهـا ورحـت أقولهـا

34- انتي مثل نجد

انتي مثل نجد ٍ وانـا مثـل اهلهـا
مالك الى من غبت يابنـت مقـدار
والنظره اللي تنكسر مـن خجلهـا
ماهيب لعيوني ابـد سلـم ٍ وكـار
والقصه اللي مـات فيهـا بطلهـا
صارت مع الأيـام للنـاس تذكـار
ولو الجروح تجاوب اللـي سألهـا
ماعشت بين الدم والدمـع محتـار
تشبهنـي الايـام لـولا عجلـهـا
وأنا أشبه اطراف المداين والأسوار
والغيمه اللـي ماسقتنـي هملهـا
والله مألحقها ولو عشـرة امتـار
لي عزة ٍ يفنا الـردي ماوصلهـا
ولي خافق ٍ لو تنفخه رفرف وطار
ياعين ياللي رمشهـا قـد خذلهـا
طول الليالي كذبـة ايـام ٍ قصـار
وهي كلمةٍ خذهـا وللنـاس قلهـا
لولا فساد الدهر ماعـاش عطـار
والفلوه اللـي كـل مهـر ٍ فحلهـا
مثل الخبل يطلع من جنانـه افكـار
ولاكل جهل الناس هو مـن قتلهـا
كم علم ٍأهلك صاحبه قبـل الأقـدار
وكم جاهل ٍ في نظمهـا قـد فتلهـا
والكي ماهو دايـم بلذعـة النـار
وكم حاجة ٍ ترفـع ثمـن ماقبلهـا
وكم غلطة ٍ ماهي بحاجه للأعـذار
والمده اللي يستحـي مـن بذلهـا
ماهيب من خير ولا هيب لأخيـار
حبيبتي كـل الغنـج فـي مهلهـا
ولظلها لمعه علـى خـد الأنـوار
رمش ٍ يغني لـي قصايـد كسلهـا
وثغر ٍ كتب للتوت تاريخ وأسفـار
وطيف ٍ الى من جا عيوني غسلها
من صارت النظره لأحد غيره غبار
حبيبتـي والله مارضـى زعلـهـا
لكن خطاها علنـي كثـر ماصـار
والبارحه مأمل أنـا مـن غزلهـا
واليوم انا للبعد شـاري ومختـار
ومن حب نجد يحب مع نجد أهلهـا
والا ترى مالـه حشيمـه ومقـدار

35- غضب الغضب : لها قصة ، وهو أنه اتهم بشراء قصائد من مساعد الرشيدي
مـن يقيـن العلـم للحلـم والحلـف الغمـوس
كلـمـة ٍ ماسـلـل الـخــوف حـــرف بغـبـهـا
القصايدتنتخيـنـا وهـــي مـثــل الـعــروس
ماتـعـزوت غـيـر بالـلـي يـمــوت بحـبـهـا
مالحقـنـا جرّةالـذيـخ فــي ظــل الطـعـوس
ولانـضـيـع بـديــرة ٍ عـرقـنــا ينبـضـبـهـا
ولا شربنا فكرنا مـن هـوا عـود مغـروس
بـنـت فـكـر ٍ غيـرنـا مـاوطـى فــي خبّـهـا
علموا من راود الغوص في نفسه يقـوس
لا يصيـر آخــر خـبـر عـنـه يــوم يطبّـهـا
مــن ... .... جـانـا هــوا والـريـح كــوس
آه لـيــت إن الكـرابـيـج تــعــرف ذنـبـهــا
كانت الكلمه سهم صار وزن الهرج قـوس
ومـن يبـي حمـر المعانـي يصيـب فقلبـهـا
والخلايق فيهم اللي يساس ومـن يسـوس
والمـراجـل ماتـجـي كــل شـخـص ٍ نـبّـهـا
والغرير اللي قضب في يده للنـاس مـوس
والله ان أومــــا بـكـفــه لــنـــا لـنـجـبّـهـا
حشمه لشيخ السناعيس والقدر محـروس
والله انـه لـو رضــى سطـوتـي يوسمبـهـا
قامـت حـروف القصايـد لنـا قلنـا جـلـوس
بـاكـر ان طـالــت بـهــا أو بـهــا إلا بـهــا
ومن يقين العلم شمس ٍ جلت كل الشموس
كلـمـة ٍ لا جــا صـمـيـل الـفـعـل نحسـبّـهـا

36- قصيدته في الأمير عبدالعزيز بن فهد
وقد قدم لها بما يلي :
أحبتي وكم أفخر وأفاخر بأن أرتقي للتطلع إلى ما هو أبعد من الأفق
نعم ولربما كان الفخر ليس محموداً إلا في مثل هذا الموقف ...
فأن أتطلع الى مالم يصله أحد فهذا يكون حلماً.... أما أن اتطلع الى
ماهو ابعد من هذا فلا اجد له الا ان يكون جنوناً
وبمحاوله لإختصار الاسهاب ... فسيدي عبدالعزيز بن فهد بن عبدالعزيز
هكذا وبدون القاب تسبق هذا الاسم فكل الالقاب خلف أسمه وليست قبله
وربما لا تليه أيضا لكي لاتحد منه ... فهذا الأمّه المجتمعه في رجل له
علي من الأفضال ما لا يتسع زمناً لسرده ومالايكفي مكاناً لإحتواءه
فأنا ادين له بدمي الجاري في عروقي وهنا ليست مجازاً بل هي بياناً
بلفظها ومعناها .. وكفا لمن شك في ريائي ان يعلم بأن هذا الرجل
لايحب الرياء ولا النفاق بل هو عدوهما الاول والاخير...
أحبتي وأعلم بإستحاله وصف هذه القامه فكيف بمن يحاول إمتداحها
ولكنها ليس إلا محاوله لا أكثر ....

سيـدي والشمـس لأقفـت عـن مكـانٍ جـت مكـان
والسـحـاب ان مـرهـا مـاعـاد ذاك الـنــور نـــور
وأنـت ظلـك نـور فـي صيغـة هــوا مـالـه زمــان
واليـتـامـى لـــو تـكـنـه ينـجـلـي لـيــل الــصــدور
سـيـدي عـبـد العـزيـز اســم ٍ عـنـاك بـكـل شــان
يعني اسمك (عبـد) ربـك و(العزيـز) بغيـر أمـور
سـيــدي ماللـرفـيـع الـــى وقــفــت إلا الـطـمــان
سـيــدي ماللبـعـيـد الـــى رغـبــت إلا الـحـضــور
سـيــدي مالـلـعـدو قــدامــك اســــم الا الـجـبــان
سيـدي والمـجـدب إن دسـتـه تبـسـم لــك زهــور
سـيــدي ماللطـلـيـب الـــى وصـلــك إلا الأمــــان
سـيـدي ماللـحـزيـن الـــى نـصــاك إلا الـســرور
سـيــدي ماللـصـعـاب الـــى نـويــت الا الــهــوان
سيـدي والمجـد غـيـر بسـاطـك ومـركـاك .. زور
سـيــدي والـنــار حـولــك لامــــراج ولا لــســان
والحطـب لـو شــب عـنـدك صــار دخـانـه بـخـور
ســيــدي مـالـلـقـلـوب بـغــيــر كـفـيـنــك عــنـــان
سـيـدي ماللخـلايـق فــي غـــلا غـيــرك شـعــور
سـيــدي مـالـلـكـرم غــيــرك كــفــوف ولابــنــان
والقـصـور الـلـي تـــزور وكـــل ماتـجـفـا قـبــور
سـيـدي ماللسـمـا دامــك بـــالارض الا الـجـنـان
سـيــدي مالـلـكـواكـب مــــن غــــلاك إلا تــــدور
سيدي وأنـت الحصـان ابـن الفهـد ابـن الحصـان
سـيـدي وانــت الجـبـر لامــن تعاظمـنـا الكـسـور
وإن بـغـوهـا بـالـمـراجـل قــلــت والله يـسـتـعـان
انــت كــل الـمـا وغـيـرك خـشـره بـطـق العـفـور
وإن وطيـت الليـل أثـر ماطـاك صـار الكهـرمـان
وإن مسحت العز بإبهامك بصمت أعلى القصور
كــل ذا والـعـز أخــذ حرفـيـن مـنــك ومأسـتـكـان
كيـف لـو خـذ باقـي اسمـك كـان مأكفـاه الغـرور
ولا مـهـونــه لـلـديــار وعــــل نــجــد ٍ مـاتــهــان
هضبـة القرقـاص والمخـلاص مـن حــظ ٍ دبــور
ولاصـقــع صـــوت ٍ بـهــا الا بالـدعـالـك والأذان
والقطـا اللـي فـي سماهـا ماتهـاب مـن الصقـور
سـيـدي والـحـب ديــن ٍ لــك عليـنـا مـــن زمـــان
والشعـر لـو ماخضـع لــي فـيـك مـانـي بمـعـذور
سيـدي والشمـس ماتشـرق ابـد .. غـيـر بمـكـان
فـي محـيـا شـايـب ٍ يـدعـي :جـعـل ظلـمـاك نــور

37- للمرة الأخيرة

هيـن مــردك للـفـرج يأكـبـر الضـيـق
دام الـلـيــالــي تـقـتـفـيـهــا لــيــالـــي
هي بـس تبغـى طـول صبـر وتوافيـق
وأشـيـل هـــم الـنــاس كـلــه لـحـالـي
وعمـر المربـط مايسـوق المطالـيـق
والـحـر ماتـرضـيـه غـيــر المـعـالـي
ياصاحـبـي وإن زاد ظـلـم المخالـيـق
فلاتحسب إن الله عـن الخلـق سالـي
والطيب يمحى العيب عرف ومواثيق
والا الخطـا مالـه علـى الطيـب والـي
واللـي جرحنـي بيـن حـدب ومعالـيـق
مأخفي عليك انـه الـى الحيـن غالـي
ياحلمـي الـلـي مـالـك الـيـوم تحقـيـق
حـبـك حقيـقـي بــس وصـلـك خـيـالـي
والحـب يفضحنـي وان اخفيتـه يويـق
وإن مـامـضـالـي بـالـوفــا مـابـقـالـي
جرحـتـنـي مـخـتـار يـاحـالـي الـريــق
واسامـحـك مجـبـور يــاراس مـالــي
صـوره ولا يحتـاج الإحسـاس تعليـق
أركـض رجـا ويطـيـح مـيّـس ظـلالـي
وان كـان بيبـان المشـاعـر مغالـيـق
فماهـو جـديـد ان الـزمـن ماصفـالـي
ليـت الهـوى جمعـه ولا فـيـه تفـريـق
أولـيــت ماللـبـعـد فـالـقـلـب صــالــي
ياصاحبي وان شلت لك فوق ماطيـق
فـأنـا لحـالـي جـيـت وأرحــل لـحـالـي
وهيـن مــرده ينتـهـي كــل هالضـيـق
وأقــــول لـلـمــره الأخــيــره تـعـالــي

38- قبر امي

ودعّتك الله ياقبر أمي.. مسافر
ولومالمرض يعلم الله ماتوادعنا
ودعّتك الخالق الرحمن والغافر
الواحد اللي على التوحيد يجمعنا
يأغلا ترابٍ على وجه المدى نافر
مأسقاك وبلٍ كثر سقوى مدامعنا
يامسكن أغلا الحبايب .. والغلا كافر
لكن عسا صبرنا لو طال ينفعنا
كم فجر جيتك خلاوي والحزن سافر
وكم وافق الليل صبحيّة مواجعنا
تشح سلواك فينا والألم وافر
وكثر الخطى لو رحلنا ناخذك معنا
وإن صار كل الغلا بعظامنا حافر
وشلون ننسا ربيعك يامرابعنا
يافرحتي معك عمري صار متنافر
حتى المرض ماقوى يسكن مضاجعنا
وش عاد لو الرجى مات وهو يدافر
يمكن يجي ليل تنور به أصابعنا
ودعّتك الله ياقصر أمي .. مسافر
على الله الواحد ودينه توادعنا

39- قصائد قصيرة

ساقت هماج وشربتك يالرضى صافي.......................
......................... وليت المشاريه عذرا والشقا خيره
جيت أنتخي بك عليك ولأنثنى قافي ..........................
......................... لين أنثنى الحب وأنتثرت معاذيره
ياصاحبي طعـني وخل الغـلا خـافي ..........................
........................ لين الوجع ينتصف لي من مشاويره
البارحـه كنت مثل الـريـح متـعـافي ..........................
........................... واليوم خوفي لأموت بغير هالديره
ماقـلـتـلـك عـيـبك انك دايـما ً وافي ...........................
.......................... وأكـبر عـيوبي معك مأبيّـن الغـيره


روت شقر الجروح ولا بقا شي ٍ عليه حسوف 0000000

0000000 كبر هاك الصغير اللي تلوى في طرف ثوبي

عذرتك يالسنين وما عذرني جاحد المعروف 00000000

000000000سترتك يالهموم وما سترني منك عذروبي

هنا كان العذاب ومادرت بأهل الحروب سيوف 0000000

0000000000 هنا كان الوداع وما تلاشى وجه محبوبي

لبست الصمت لكن طاح من فمي ثلاث حروف 00000000

0000000000 أحب وماتركت الكاف تظما وأنت مشروبي

بطـلـت أنا الـحـب لأنـت ولا أحــد ثــاني 0000000000000
00000000000000حـتى الـنـدم لـي ثـمـان جـروح بـطـلـّته
بطـلـت أنا لا يجـيني فــوق ماجــانــي 00000000000000
0000000000000 أكــرمــكــم ألله يـكـفـي ما تفـنـجـلـّتـه
أحــب أنــا يــد غدرك بس يـنـســاني 000000000000000
000000000000000 ولا يفـتـح لــطيب قلبـي باب قـفـلـّـته
ماقول مالي خطا وأظهرت نكراني00000000000000000
000 0000000000 بالعكس.. أناجيت أبطفي الجرح وأشعلّته

40- الفرصة
يوم اهتويت القصيد ولاحت الفرصه
أخذت حقي حشا ماقلتله هاته
مانيب من ضاع في دنياه من حرصه
ولانيب من غث مايشري بسوماته
ياليل مات البطل قبل آخر القصه
لاتكشف الستر بعض الناس شماته
احدٍ كره خاتمه يوم انكسر فصه
واحد ٍ لبس لحظتين وعاف ساعاته
واحد ٍ مشاه الطريق ولابلغ نصه
واحد ٍ لقا في سراديب الحزن ذاته
دورت فصل البكا في مدمع الحصه
لقيت في دفتر التاريخ شرهاته
طفل ٍ يعض اصبعه من عقب مامصه
ندمان به شئ توه مابعد فاته
والوقت يومه يحن النفس وش خصه
لا الجرح جرحه ولا العبرات عبراته
بالله يالغيم الى شفت المطر وصه
لا يسقي اللي ظمابي غير طعناته
المترف اللي شربته قبل ما أغصه
غصيت بأحلى سواليفه ونظراته
أول من أرخى المسا لكتوفه وقصه
وآخر من احيا النهار بشمس وجناته
وإلى طرى قمت اضم الشوق وارصه
الين ماجمع هشيم الصبر وفتاته
وكني به الحين لين ارسل علي لصه
طيف ٍ سرق اخر ابياتي بطلاته
وحلفت لوه عطاني بس لو فرصه
لاعطيه كل الشعر ماقال هو هاته

41- المسك
المسك مايطلع الا في ذكور الضبا
والزين نصفه تجلا في محيا نبي
والشعر شي ٍ ترعرع فالعروق وربا
محسوب حسبة ولد فينا ماهو بأجنبي
يابنت والحب خمس أرباع كله ربا
العشر ترجع ميه .. والقلب مثلك يبي
وإن جيتي الروح والا زرتي أرض الصبا
صلي ثلاثين ركعة شكر .. ثم أشربي
وإن جالك الشوق يركض ..بس (ركض تعبا)
لا من عثر ..هيجني ..ويجيك (لو يحبي)
وإياي وإياك تمشي هالعقارب هبا
الصد بالصد .. لكن .. لاقربت أقربي
وأناأدري إن الوفا والطيب صاروا (غبا)
بس إن هذا ..أنا من يوم خط شنبي
ومن راح خيره ومن يلفي هلا ومرحبا
ماوالله أمشي كثر ممشاي .. عقب تعبي
وإلا انت يالدمع إلى شفت الخدود شهبا
لاتنثر الملح دام اني حرقت حطبي
والبندق اللي تثور وهي بوسط الخبا
ماهيب تكله ومن يركي عليها (غبي)
والنفس لو أنكرت كثر الجروح ..(تهبا)
لاوالله الا غدت تقول قش (صلبي)
والمسك حب الذكور لذايرات الضبا
والزين رحمه من الله في رسالة نبي







توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 06-12-2008, 08:11 PM   رقم المشاركة : 2
حي الضمير
خالد الحمد/ شاعر/عضو شرف
 الصورة الرمزية حي الضمير





معلومات إضافية
  النقاط : 10
  الحالة :حي الضمير غير متواجد حالياً

 

افتراضي رد: عبد المحسن بن سعيد


قصائد جدا رائع لشاعر جميل وعذب
ولاهنت وبيض الله وجهك ياوافي يابوعبدالله







توقيع حي الضمير
 
سبحان الله وبحمده سبحان الله العظيم
  رد مع اقتباس
قديم 07-12-2008, 02:58 PM   رقم المشاركة : 3
منيع
براهيم بن حمد/نائب المشرف العام
 الصورة الرمزية منيع






معلومات إضافية
  النقاط : 10
  الحالة : منيع متواجد حالياً

 

افتراضي رد: عبد المحسن بن سعيد


قمة الابداع والجمال
مااعذبه
بصراحة زهدني ببقية الشعراء
تسلم يابوعبدالله
تحياتي







توقيع منيع
 
  رد مع اقتباس
قديم 29-01-2009, 01:59 PM   رقم المشاركة : 4
نجم الإبداع
فلاح بن منشار/شاعر/ عضو شرف
 الصورة الرمزية نجم الإبداع





معلومات إضافية
  النقاط : 10
  الحالة :نجم الإبداع غير متواجد حالياً

 

افتراضي رد: عبد المحسن بن سعيد


الله الله

شكرا يابو عبدالله على اتحافنا

وصح لسان الشاعر المبدع عبد المحسن بن سعيد

وانا والله اوافق مبارك فيما ذهب اليه

هذه هو الشعر !

لله دره من مبدع


تحياتي وودي







توقيع نجم الإبداع
 
  رد مع اقتباس
قديم 27-03-2009, 05:09 PM   رقم المشاركة : 5
موج القصيد




معلومات إضافية
  النقاط :
  الحالة :

 

افتراضي رد: عبد المحسن بن سعيد




اختياار موفق للغايه

قصااائد بغاايه الجمال


شكرا على الطرح الراقي








توقيع موج القصيد
 
  رد مع اقتباس
قديم 27-03-2009, 05:18 PM   رقم المشاركة : 6
صعبة المنال
سفيرة الفكر/عضو شرف
 الصورة الرمزية صعبة المنال






معلومات إضافية
  النقاط : 10
  الحالة :صعبة المنال غير متواجد حالياً

 

افتراضي رد: عبد المحسن بن سعيد


نقل متميز
صعووب







توقيع صعبة المنال
 
  رد مع اقتباس
قديم 13-12-2010, 12:37 AM   رقم المشاركة : 7
عبير الورد
شاعره/
 الصورة الرمزية عبير الورد





معلومات إضافية
  النقاط : 10
  الحالة :عبير الورد غير متواجد حالياً

 

افتراضي


خالص الشكر والتقدير
على كل جهودك الرائعه
تقبل اطيب التحيه







توقيع عبير الورد
 
  رد مع اقتباس
قديم 06-03-2011, 05:51 PM   رقم المشاركة : 8
عطر الياسمين
الماسة الفطاحله
 الصورة الرمزية عطر الياسمين





معلومات إضافية
  النقاط : 10
  الحالة :عطر الياسمين غير متواجد حالياً

 

افتراضي رد: عبد المحسن بن سعيد


اختيارات موفقه
بارك الله فيك

تحيه طيبه







توقيع عطر الياسمين
 
  رد مع اقتباس
قديم 16-03-2011, 04:57 PM   رقم المشاركة : 9
كظيم
عبدالله الدوّي /شاعر/عضو شرف
 الصورة الرمزية كظيم






معلومات إضافية
  النقاط : 10
  الحالة : كظيم متواجد حالياً

 

افتراضي رد: عبد المحسن بن سعيد


قصائـد شعريـه في قمـة الروعـه والجمـال
عزف ومفرده وابيـات لاتمـــل
استمتعت بقرائتهـــا

ابو عبدالله
تسلم يابعـدي على نقلك الرائــع
وصح لسـان الشـاعر / عبد المحسن بن سعيد
ينطيك العافيـــه
ودي وتقديري







توقيع كظيم
 
  رد مع اقتباس
قديم 28-03-2011, 07:49 AM   رقم المشاركة : 10
حوريه
عضو شرف
 الصورة الرمزية حوريه






معلومات إضافية
  النقاط : 10
  الحالة :حوريه غير متواجد حالياً

 

افتراضي رد: عبد المحسن بن سعيد


رائع جدا
شكرا لك ولاعدمناااك
تقديري







توقيع حوريه
 
تستطيع أن ترى الصورة بحجمها الطبيعي بعد الضغط عليها
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 22 ( الأعضاء 0 والزوار 22)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تكمله أموت وأحيا بك نوووونا القصة والرواية والمقال 76 09-09-2011 03:57 PM
العلاج بالميزو Mesotherapy لإنقاص الوزن !!؟؟؟ الخنساء صحتك العامة بدنيا ونفسيا 15 16-12-2010 06:50 AM
قصة مكعيل والقواطي القديمه ..!! بارقةأمل المواضيع العامة 15 16-12-2010 06:50 AM
((أموت وأحيا بك)) قصة اماراتيه نوووونا منتدى الشعر والخواطر بالفصيح 37 24-07-2006 09:29 AM


الساعة الآن 09:29 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة