العودة   منتديات الفطاحله > منتديات الشعر النبطي/يمنع الفيديو > ساحة المحاورات > محاورات خارجيه

إضافة رد
 
أدوات الموضوع
قديم 25-09-2007, 01:46 AM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي محاورات عبدالله العير


التعريف بالشاعر :
عبدالله عبيد العضيلة المطيري المعروف بعبدالله العير
من مواليد 10/9/1384هـ ونشأ في عنيزه وتوفي في شهر صفر 1426 اثر حادث سيارة

محاورة بين نواف العازمى وعبدالله العير(رحمه الله)

نواف العــازمي

سلام رديّه تذر الكحل بعيون الحسد=تلفي مجال اللي يحاولها ولاهو حولها
السبت قدام الاحد واللي ورى السبت الاحد=اقولها واللي معه فكرٍ سليم يقولها
عبدالله العير المطيري

يامرحبا ياسعود يوم انك تغني مع سعد=اهل العقول البيض مدري وش دخل بعقولها
تراك يانواف ابن منور غريب (إ)عن البلد=والمقفليّه عند رجالٍ يحفظ قفولها
نواف العــازمي

دام البقاء بسعود خيّال الجهام المعتمد=ما اقولها لأهل الطبول اللي تدق طبولها
استغفر الله يوم قلت ام الولد جابت ولد=يوم انها قامت تشيل الجمر وسط حثولها
عبدالله العير المطيري

إليا قنب سرحان في الظلماء ورد والا شرد=والصايحه تنخى وكل الناس مالدولها
عين المهلهل عقب اخوه كليب والفها الرمد=والناس قامت يم .... حروثها تعن خيولها
نواف العــازمي

انا ادري انك علةٍ صرمى ولاادري وش بعد=المشكله حلياك حلياها وزولك زولها
ترعد وتبرق سالفتكم جعل مافيها برد=يالله عساها المزنه اللي ماتسيل سيولها
عبدالله العير المطيري

ابن الحلال اللي حرث عنها تورط وانقرد=انته تحاليها وانا حملتها بحمولها
الله واكبر يالعوازم ياقويين الجهد=ان كان فيكم خير سربتنا الصباح اقفوا لها

نواف العــازمي

ان جيت مازاد العدد وان رحت ماتنقص عدد=تبغى الصحيح اضحك على ناسٍ خفاف عقولها
عزالله انك فارسٍ قطاع لو ماترتعد=والا العوازم خابرين فعولكم وفعولها

عبدالله العير المطيري

انا ليا جيت اخزي الشيطان والواقف قعد=والا انت ابو جره مايعروف ثومها من فولها
فعلت لك فعله ولاحصلّت منها الا النكد=يوم العرب هجت وكبت قشها ونعولها






توقيع الطائر المهاجر
 
  رد مع اقتباس
قديم 25-09-2007, 01:51 AM   رقم المشاركة : 2
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي هذه محاوره بين ملفي المورقي والعير


هذه محاوره بين ملفي المورقي والعير رحمه الله

عبدالله العير المطيري

والذي فضل المطران في كل حزّه= ماغدى لي ورى العتبان لو كيس مزّه
عاين العير قدمك ناطحه لاتقزّه=جعل في الامر خير وجعل في الامر خيره
حنّا هل الردات في يوم الاخير=قومٍ توطى مايجي قدامها
مفالي الصمّان من فلى بها=واللي عقد روس الحبال يحلها


ملفي المورقي العتيبي

انت حطيت ربعك في محل الصحابه=مير هوّن ترى ربك شديدٍ عقابه
وارجع الذاكره واذكر فعايل عتابه=جعل في الامر خير وجعل في الامر خيره
اخذ المخده وانسدح فوق السرير=ترى الجزيره دونها حكامها
لاتلمس الجمره ولامشهابها=واللي عقد روس الحبال يحلها

عبدالله العير المطيري

الله اللي مفضلنا عزيز الجلالي=حطنا فوق روس العالم اول وتالي
الله انه يسهل دربكم ياخوالي=جعل في الامر خير وجعل في الامر خيره
حكومة السودان دهورها البشير=يومين يبغضها ويوم يرامها
في تالي الايام وش سوى بها=ومسيلمه كذاب ومحمد نبي

ملفي المورقي العتيبي

انت في المدح ماشاء الله رسام لوحه=مير يوم ان جالك فيه جيّه وروحه
ويش قال المثل قلي بمدّاح روحه=جعل في الامر خير وجعل في الامر خيره
عيرٍ طويل ورافقه عيرٍ قصير=اسبيع فيهم نعنبوا من لامها
لكن شب النار ياشبابها=ومسيلمه كذاب ومحمد نبي

عبدالله العير المطيري

يالله انك توفقنا طريق السلامه=لين نآصل بلدنا مالحقنا ملامه
نازل القصر ماينزل خراب الهدامه=جعل في الامر خير وجعل في الامر خيره
لابنشر التاير مشينا بالسبير=تبا تجملنا على صدامها
والله ماتقعد وانا ركابها=ومسيلمه كذاب ومحمد نبي






توقيع الطائر المهاجر
 
  رد مع اقتباس
قديم 25-09-2007, 02:29 AM   رقم المشاركة : 3
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي محاورة بين عبدالله العير مع سعيد بن علي الفهري


محاورة بين عبدالله العير مع سعيد بن علي الفهري
سعيد الفهري

سلام في حفلة أبن مشيط ورجال يام=وجه محلف عزوتً ما طاحة اعلامها
العبدلي لو دعاء المولى بحسن الختام=ويسلم(الدتسن) اللي طاح صدامها

عبدالله العير
يا مرحبا بالنيابة عن رجال كرام=ترحيبة طيبه والخير قدامها
العبدلي مؤمن لله وصلى وصام=يومً بعض الرجال اتبدل اسلامها

سعيد الفهري
العام الاول وقسمك من علو السنام=واليوم تاكل عشى أم عبيد وايتامها
المؤمن اللي دخل مكه ولبس الحرام=ما هو بعابد وجيه الصرب واصنامها
عبدالله العير
الخشر في تالي الاوقات ما هو حرام=تاكل وتشرب واخوك امجود اخطامها
ترى حلال الدهر مايشبع من الثمام=باتت ليال الربيع وزلت ايامها

سعيد الفهري
ان كان وزن السبايك مثل ريش النعام=والله ما اطمع بدنيا كثرت انعامها
ان كان نامت عيونك واهتنت بالمنام=(امطير) في ذمتك وتحقق احلامها

عبدالله العير
حنا وزنا السبايك مير ماهي تمام=والعامل اللي وزنها ضايع ارقامها
امطير في ذمت المعبود منشي الغمام=اللي يجيب الشيوخ ايجمع اختامها

سعيد الفهري
وش عرفك بذهب وانته في سوق الحمام=دامك شريطي حمام وتعرف احجامها
ما بقي الا قليل وجاك شهر الصيام=كم واحد يفطر ايامه ولا صامها

عبدالله العير
تبى الحقيقه ترى الدنيا عليها السلام=لنار قومً تحطك دايم ايمامها






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 25-09-2007, 03:29 PM   رقم المشاركة : 4
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رشيد الزلامي وعبدالله العير


هذه محاوره للشاعرين : رشيد الزلامي وعبدالله العير
عبدالله العير :

سلام يا اصحابنا اللي جيتهم بالوعد=وانا لياجتني الدعوات لبيتها
اصفى سما نجد لابارق ولامن رعد=وانا لمحت المزن ورعودها اوحيتها

رشيد الزلامي :

الله يحييك ترحيبٍ بليا عدد=قدمك رجالٍ ترحبك ليا جيتها
بس المصيبه تجيهم وانت مامعك احد=قامت بك الارض واشتغلت عفاريتها

عبدالله العير:

البارحه يارشيد وليت الاول بعد=وشلون حال الجماعه يوم مريتها
حنّا طراقي ولاحنّا من اهل البلد=لكن دعوتك هذي تعرف بويتها
رشيد الزلامي :

ان كان تنشد جماعتنا بحال السعد=ومطير ماهي على الدرب وتعديتها
وش رايكم في عجوز بليس جابت ولد=واليا اسر الله ضحكتك وبكيتها
عبدالله العير :

الله ولا النشده اللي تاليتها نكد=وشلون موجتك للمطران فريتها
اللي عطتك البريره وانت وسط المهد=قالوا لي انك بعد شيّبت جازيتها

رشيد الزلامي :

الله يعلم رشيد وقصده اللي قصد=مطير من قبل جيراني وحبيتها
لاتحفر المقبره يطبق عليك اللحد=واللي عطتني البريره جيت وارضيتها
عبدالله العير:

الليله انته بعيرٍ تنتظم وتهبد=ماتنتثنّى يدينك مير ثنيتها
اللي عطتك البريره حظها منقرد=عرضتها لاهب الكنّه وخليتها
رشيد الزلامي :

الموج اشوفه طفح والبحر جاله زبد=لكنّ ذيك البضاعه وين وديتها
فزعتك عشرين واللي طاح واللي قعد=وخمخمتها في ظلام الليل واخطيتها

عبدالله العير :

حطيتها في بيوتٍ جودت بالعمد=وانته تباها لكنّك ماتحليتها
الله يعذبك كيف اشغلتني بالنشد=عن حرجةٍ تطلب الميته وذكيتها
رشيد الزلامي :

اقول سبحانك الخلاق فردٍ صمد=عيون فتحتها وعيونٍ اعميتها
يالعير دم الخواجه ماع مدري جمد=وارد عراوي دخل ماها على زيتها

عبدالله العير :

الله ليا راد له حاجه بليا جهد=حرّم عليك الزقاره وانت كنيتها
ماعاد عند الخواجه دم كله نفد=اتعبت رجلك على دربه وعنيتها
الزلامي :

وش رايك اعطيك بالغليون لين تهجد=تصبح وساعتك ضايعةٍ تواقيتها






توقيع الطائر المهاجر
 
  رد مع اقتباس
قديم 05-11-2007, 04:03 PM   رقم المشاركة : 5
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات عبدالله العير


مع ناصر مرسال الرشيدي

=ناصر مرسال
يامرحبا في محل محققيـن الطمـوح=العزوة اللي مثل شمس الضحى صيتها
من خلقت الله لبونا أدم وحواء ونوح=ناطاء على الأرض لو ظاقت عفاريتها.
= عبدالله العير المطيري:
الله يبارك بناسٍ يكسبون المـدوح=اللي دعتني على الحفلـة ولبيتهـا
اليا تحيزمت بمحزام ماانت بشحوح=ان ماتغدتـك ياناصـر تغديتـهـا
=نـاصـر مـرسـال:
جعل البقاء ياالنشامى من ضمير نصوح=وانته علومك تخـش الأذن واوحيتهـا
المزن خيٌل من المنشاء وبرقـه يلـوح=اسلم وسلم على اهل المهـد لاجيتهـا
=عـبـدالله الـعـيـر:
سيفٍ ماهو سيف عنترة لاتعـده ذبـوح=وانته تبـي ذبحـت المسلـم وغريتهـا
ويش انت لاقي مع اهل المهد حتى تروح=أبلشـت الأجـواد ياناصـر وبذيتـهـا
=ناصـر مـرسـال:
مالك عن السيف الأجرد لو طلعت الصطوح=في ليلتن لونهـا اسـود والقمـر ليتهـا
انته تريـد الخبـر مـن جـد ولامـزوح=لاتلومني لـو عليـك اسـراري اخفيتهـا
=عـبـدالله العـيـر:
الليلة انته من الأمثال صـدرك يفـوح=لاكـن لاشفـت لـك حيـة تمثنيتهـا
لو أن كشف السراير منه تبراء الجروح=ابديت الأسـرار بالشاشـة وغنيتهـا
=نـاصـر مـرسـال:
البحر مالح لاكنك ماتذوق الملوح=ياللي حبالك بوسط البحر مديتها
ماودنا يالمطيري بالسراير نبوح=ون كان حديتني بالاسم سميتها
=عـبـدالله الـعـيـر:
لاوالله الابـلاك الله بعيـرٍ رمـوح=قـدام خشمـك ليامنـك تحريتهـا
ماني بغابطك ياناصر بديس المسوح=أنـا تمنحتهـا قدامـك وفكيتـهـا
=نـاصـر مـرسـال:
لابارك الله في رجل الحصـان الجمـوح=يالله وبالله بالمـشـعـاب صديـتـهـا
أثريك عايش مع أهل القات وأهل اللحوح=يامجاور العنكبوت اللـي بنـت بيتهـا
= عـبـدالله العـيـر:
ماكل راسٍٍ طلع له قرن يصبح نطوح=وانته بغت تطلع اقرونـك وثنيتهـا
ماني بذيب ليا قوطر يهاب السروح=إن ماتعشيـت راعيهـا تعشيتـهـا
=نـاصـر مـرسـال:
جدتك ماتت شهيدة وانت مالك قـروح=والميتة لـو تلـم امطيـر محييتهـا
مانته محصل غابوق ولامحصل صبوح=مافي يدك غيـر صبرتهـا وحلتيتهـا
=عـبـدالله الـعـيـر:
ماني مقابل قبور العجزا صيٌح وانوح=ان كان ماهي على دربـي تعديتهـا






توقيع الطائر المهاجر
 
  رد مع اقتباس
قديم 05-11-2007, 04:06 PM   رقم المشاركة : 6
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات عبدالله العير


مع عبدالله بن شايق
يالعير لا تخطي على مبارك







توقيع الطائر المهاجر
 
  رد مع اقتباس
قديم 05-11-2007, 04:16 PM   رقم المشاركة : 7
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات عبدالله العير


مع عبدالله الذيابي (العمي)


=الـــــــعـــــــمـــــــى
مرحبا فالحفله اللي طيبها من طيب اهلها=والمثل يقول راع الطيبـه يبغـى بدلهـا
والحقيقه ماينخوّخ للحمـول ألآ جملهـا=والنصيب ايصيب والدنيا تجيب اللي تجيبه
((اللـيـل يــا شـاعـر امـطـيـر = قـابــل لـشـاعـر عـتـيـبـه))
=الـــــــعـــــــمـــــــى
الخفيفـه بالخفيفـه والثقيلـه بالثقيـلـه=يا المطيري قدمك السفره ترى الليله طويله
جمل الله جمل الله من يبا علـم الجميلـه=والنصيب ايصيب والدنيا تجيب اللي تجيبـه
((لا شـفــت عـبــدالله الـعـيــر =ابـــشـــره بـالـغـلـيـبــه))
=الـــــــعـــــــيــــــــر
البقا يا اللي ترحب وانت لك عشرين نيّه=تدحمك نيّتك لا هي لا ربـاع ولا ثنيّـه
مار يا عبدالله ابن اسنان رد العين فيّـه=والنصيب ايصيب والدنيا تجيب اللي تجيبه
((الـيـا اجتمعـنـا عـلـى خـيــر = كــــل ٍ يــــدوّر نـصـيـبـه))
=الـــــــعـــــــيــــــــر
لا وقفنا في مواقيف النشاما واحتزمنـا=لو يطيح امية ولد منا ولا يطرح علمنـا
ان نزلنا ما رحلنا وان بنينا مـا هدمنـا=والنصيب ايصيب والدنيا تجيب اللي تجيبه
((يــا الـلـي تـسـوق التبـاشـيـر =ذيـبــك نــشــب بالـجـذيـبـه))
=الـــــــعـــــــمـــــــى
القيـاده مـا تسلـم غيـر لأصحـاب القيـاده=ان شهدت ابصدق وإلآ ما طلبنـا لـك شهـاده
يا المطيري يا المطيري شف لك افراش ووساده=والنصيب ايصيب والدنيا تجيـب اللـي تجيبـه
((كـم هـيـر يــا الخـصـم كــم هـيـر = بـــرضــــاك وإلآ غـصــيــبــه))
=الـــــــعـــــــمـــــــى
لا تحدا لا تحدا نعـرف ارجـال التحـدي=امسك احدودك وحذرى لا تقرب يم حـدي
والله إنك منت واصل ملك ابوي وملك جدي=والنصيب ايصيب والدنيا تجيب اللي تجيبـه
((مـافـيـه خــــس ٍ وجـرجـيــر = حـلّــت عـلـيــك المـصـيـبـه))
=الـــــــعـــــــيــــــــر
ضربنا فيكم كما ضرب السحابه فالهشيما=قنبلتنا حوّلت في جوّكم يـا هوروشيمـا
مابقى وسطالبيوت ألآ الأرامل واليتيمـا=والنصيب ايصيب والدنيا تجيب اللي تجيبه
((بـاقــي لـكــم زود تـفـجـيـر = يــــا خـايـنـيـن الكـتـيـبـه))
=الـــــــعـــــــيــــــــر
مانسينا فعلك اللي عام الاول وانت دااري=تنقل الالغام كنـك ناقـل ٍ رز ٍ بخـاري
مادريت إنك ليا هالحين في رحمة مطاري=والنصيب ايصيب والدنيا تجيب اللي تجيبه
((نـبــا نـصـخــرك تـصـخـيـر = انـتـه ومـــن تـلـتـوي بـــه))
=الـــــــعـــــــمـــــــى
ضربنا فيكم سوات القنبله في جاكي جاكي=ابشر ابشر يا المطيري ابشر ابشر بالهلاكي
مار انا بعطيك علم ووصله للـي وراكـي=والنصيب ايصيب والدنيا تجيب اللي تجيبـه
((حــنــا نــضــد الـطـوابـيــر = مــوتــو شــبــاب ٍ وشـيـبــه))
=الـــــــعـــــــمـــــــى
ما نبا رحمه من المطران والرحمه من الله=وان همزك ابليس جبنا قلة ٍ من بعد قلّـه
لعنة فوق من يخطـي طريقـه لعنـة الله=والنصيب ايصيب والدنيا تجيب اللي تجيبـه
((انـــت ســــوات العـصـافـيـر = واحـنــا الـصـقـور الـرهـيـبـه))
=الـــــــعـــــــيــــــــر
انت عارف ضربنا يوم انتقابل فالمغـازي=يوم كبدك من مضارب شلفنا واخرك تنازي
الله اللي حطكـم قدامنـا مثـل القـزازي=والنصيب ايصيب والدنيا تجيب اللي تجيبـه
((الـيـا حـديـتـك عـــن الـنـيـر= مــاهــي عـلـيّــه غـريـبــه))
=الـــــــعـــــــيــــــــر
والله انك ماتروّح ليـن تاكلهـا قدمهـا=لو نبا نعرم خشوم اصحابنا كان انعرمها
المطاري زهب البندق وحطك عند فمهـا=والنصيب ايصيب والدنيا تجيب اللي تجيبه
((تـمـشـون وانـتــم مصـاغـيـر = والـصـفـق فـــوق الضـريـبـه))
=الـــــــعـــــــمـــــــى
انته اللي ذقت ضربه حامي من بعد ضربه=لين خلينا المطيري ينحرف ويكـب دربـه
احد في قبره نحطه واحد يزرب وسط زربه=والنصيب ايصيب والدنيا تجيب اللي تجيبه
((مـايـنـفـعــن الـمــعــاذيــر = والـحــرب حــامــي لـهـيـبـه))
=الـــــــعـــــــمـــــــى
ويش خابر يوم من مران قفت بك ضعونك=ماتلفت يا المطيري يمنـا حتـى عيونـك
انت هارب وانت هارب والنشاما يطردونك=والنصيب ايصيب والدنيا تجيب اللي تجيبه
((يــا لـيـت لـلـحـرب تـصـويـر = حـتــى يــشــوف المـعـيـبـه))
=الـــــــعـــــــيــــــــر
والله انك منت ناسن ضربنا فالحرمليّـه=يوم رحتو كنكم خرفان بدو ٍ فالضحيّـه
روّح اتراحيب يفندكم على ظهر العبيّـه=والنصيب ايصيب والدنيا تجيب اللي تجيبه
((اقـفــو شـيــوخ المـغـاتـيـر = ثـــم اعــــذرو فالـذهـيـبـه))
=الـــــــعـــــــيــــــــر
انت تعرفنا ليا غبنا ولن سقنـا جملنـا=ما علاه ألآ هنوف ٍ تزعج الصوت وتفنّا
والمهار امجوّده بإعنانهـا منـا ومنـا=والنصيب ايصيب والدنيا تجيب اللي تجيبه
((منـكـم نـبـا نـشـبـع الـطـيـر = والـلــي يــجــاذب قـنـيـبـه))
=الـــــــعـــــــمـــــــى
كيف تنسى كيف تنسى فعلنا بإبـن بصيّـص=سعرنا غاليين وانتم سعركم سعر ٍ رخيّـص
والعشيّه عشت يوم انك شبعت امن الرصيّص=والنصيب ايصيب والدنيا تجيب اللـي تجيبـه
((رحـتـو مـثــل قـــوم كشـمـيـر = خـيـبــه وعـشـريــن خـيـبــه))
=الـــــــعـــــــمـــــــى
يا احدِدانا يا احدِدانا ما نبا معكم علاقـه=ما نبا معكم مصالح ما نبا معكم صداقه
يا عيال امطير حطو روسكم تحت الحلاقه=والنصيب ايصيب والدنيا تجيب اللي تجيبه
((مــا بـــه ريـــال ودنـانـيـر =غـيــر الـسـهـوم العـطـيـبـه))
=الـــــــعـــــــيــــــــر
عان ذبّاحه تعشينـاه فـي حيـد الرفايـع=تحسب إنك مقتدي وانته عمى واقشر وضايع
الله اللي حطكم فـي جنبنـا مثـل الودايـع=والنصيب ايصيب والدنيا تجيب اللـي تجيبـه
((فـاجـر قـعـدنـا لـــه اعـصـيـر = بــيــن الـنـحــر والـتـريـبــه))






توقيع الطائر المهاجر
 
  رد مع اقتباس
قديم 08-11-2007, 09:42 PM   رقم المشاركة : 8
نجم الإبداع
فلاح بن منشار/شاعر/ عضو شرف
 الصورة الرمزية نجم الإبداع





معلومات إضافية
  النقاط : 10
  الحالة :نجم الإبداع غير متواجد حالياً

 

افتراضي رد: محاورات عبدالله العير


ابو عبدالله

تشكر لمجهوداتك الطيبه

فعلا مواضيع تستحق التميز والقراءه

لاهنت يادكتور

فائق الاحترام







توقيع نجم الإبداع
 
  رد مع اقتباس
قديم 30-04-2008, 03:36 PM   رقم المشاركة : 9
ابراهيم عبدالحميد
الخريف الحزين/عضو شرف





معلومات إضافية
  النقاط : 10
  الحالة :ابراهيم عبدالحميد غير متواجد حالياً

 

افتراضي رد: محاورات عبدالله العير


الطائر المهاجر

(( محاورات عبدالله العير ))
و إيفاد بديع و راقى لمحاوره رائعه و متميزه
دمت أخى و سلم لنا ذوقك الرفيع






توقيع ابراهيم عبدالحميد
  رد مع اقتباس
قديم 15-02-2009, 07:18 AM   رقم المشاركة : 10
موج القصيد




معلومات إضافية
  النقاط :
  الحالة :

 

افتراضي رد: محاورات عبدالله العير




سلمت يمنااك يا الطاائر

محااوراات طيبه

لا هنت

موج القصيد"








توقيع موج القصيد
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 6 ( الأعضاء 0 والزوار 6)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تكمله أموت وأحيا بك نوووونا القصة والرواية والمقال 76 09-09-2011 03:57 PM
محاورات (العمي) عبدالله الذيابي الطائر المهاجر محاورات خارجيه 21 20-06-2011 07:39 AM
تاريخ قبيلة زهران واعلامها نجم الإبداع القبائل بلدانها وشعرائها 19 15-12-2010 12:00 PM
عبدالله العلي الرشيد الطائر المهاجر رواد الشعر النبطي 20 09-12-2010 01:17 AM
((أموت وأحيا بك)) قصة اماراتيه نوووونا منتدى الشعر والخواطر بالفصيح 37 24-07-2006 09:29 AM


الساعة الآن 12:12 AM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة