من الماسنجر تتواصل للفطاحلة

[ماجد الزيد]

سمّيت يامن يجاوب صوت؟ منسمّي؟=على الهوا مباشر ٍ والوقت فجريّة
إن كان للوايلي بالطرق ذ يتمّي=نشكي من الوقت واحوال ٍ جنونيّة

[عبدالله الشويمان]

المشاركة الأصلية كتبت بواسطة ماجد حمد الزيد

سمّيت يامن يجاوب صوت منسمّي=على الهوا مباشر ٍ والوقت فجريّة
إن كان للوايلي بالطرق ذ يتمّي=نشكي من الوقت واحوال ٍ جنونيّة

صح السانك واستلم يا ابو حمد

اخاف جنك عصاة ماهي تهتمي=لوك تسمي صباح أو بعصريه
يابو حمد وكل الله وترك الهمي=واطلب الاهك يهون كل عاصيه

[ماجد الزيد]

المشاركة الأصلية كتبت بواسطة عبدالله الشويمان

صح السانك واستلم يا ابو حمد

اخاف جنك عصاة ماهي تهتمي=لوك تسمي صباح أو بعصريه
يابو حمد وكل الله وترك الهمي=واطلب الاهك يهون كل عاصيه

صح الله بدنك ولسانك يابو بدر
استلم لاهنت

الا عصاة ٍ وهم في طوع أبي وعمّي=سمّيت بالله وصاحوا بالبلاليّه
تصايحوا ينشقون الدمّع في كمّي=ونا من صياحهم شلت الهجينيّه

[عبدالله الشويمان]

استلم لاهنت

يا دافع الشر يا ربي مع الغمي=تفرج هموم القريشي مع بلاويه
الا ابنشدك يا الصاحب عن الدمي=وش صار للمبتلى وش آخر الهيه

[عبدالله الشويمان]

ابو حمد نكملها فيما بعد اباصل السوق البيت محتاج طلبات ضروريه

[ماجد الزيد]

المشاركة الأصلية كتبت بواسطة عبدالله الشويمان

استلم لاهنت

يا دافع الشر يا ربي مع الغمي=تفرج هموم القريشي مع بلاويه
الا ابنشدك يا الصاحب عن الدمي=وش صار للمبتلى وش آخر الهيه

خذ وقتك يابو بدر الله ييسر امورك جمعا
ولاتهون واستلم

الدّم في دّم مسلم ماهو (ا)بْذمّي=شامان فوق القمر شمسه زواليّه
الهم ّ صادر ووارد من إلى جمّي=الله كفيله وحنّا في رجاويّه

[ابومياس]

احييكم

صح لسانك ياماجد وصح لسانك يابو بدر

والله يفرج لمن به غمه ويكشفها عنه

[عبدالله الشويمان]

آمين آمين

وحياك الله يا ابو مياس

ومشكور على المتابعه

وصح بدنك يا الغالي

[عبدالله الشويمان]

المشاركة الأصلية كتبت بواسطة ماجد حمد الزيد

خذ وقتك يابو بدر الله ييسر امورك جمعا
ولاتهون واستلم

الدّم في دّم مسلم ماهو (ا)بْذمّي=شامان فوق القمر شمسه زواليّه
الهم ّ صادر ووارد من إلى جمّي=الله كفيله وحنّا في رجاويّه

تسلم تسلم واستلم يا ماجد

سمعت انا إن باقي خمس واتمي=خمسة عشر ثم يفلت من بلا الليه
الله يسخر له الاجواد اوتهتمي=في كف ابو برطم وخشمٍ كما الطيه

[ماجد الزيد]

المشاركة الأصلية كتبت بواسطة عبدالله الشويمان

تسلم تسلم واستلم يا ماجد

سمعت انا إن باقي خمس واتمي=خمسة عشر ثم يفلت من بلا الليه
الله يسخر له الاجواد اوتهتمي=في كف ابو برطم وخشم كما الطيّه

سلمت يابو بدر سلمت
وإستلم

لاتستمع للهروج المال ملتمّي=صالت وجالت على افواه الحكاويّة
أفداك أنا الوضع صاير حيل محتمّي=الله على صدور أقوام ٍ شماليّة