ادمنتك برب ٍ فتنّي بك ادْمنْت

[سهيل الشمري]

ادمنتك برب ٍ فتنّي بك ادْمنْت = وامسيت مجنون ٍ بلحْظات لِقياك
يامن على روح ومعاليق هيمنْت = لجّمْت قلبي دون ذيّا وذيّاك
ملكتني واللي له اذْعنْت وآمنْت = ماغير اهذري كيف وصلك ولقياك
انا العليل اللي شفاي انْت ثمّ انْت = وانا المهام اللي هناه بحكاياك
وانا اشهد انّك من خفوقي تمكّنْت = طلْت اوّله وآخرْه واحْكمْت يمناك
واليوم انا هوّنْت هوّنْت هوّنْت = البيض مالي به وجيت اتْبعْ خطاك
جيتك جنون ٍ يوم بيّا تفنّنْت = في ساحر اسلوبك وباهلا وحيّاك
وبْلطْفك الْيا قلت دونك ، وهوّنْت = اضيع والله ثمّ اجي واترجّاك
تقول للقلب المشقى لك اذعنْت = ابشر بقلب ٍ مايبي غير لاماك

[الأموره]

صح لسانك و علا شانك ،،

سلم هالبوح الطيب يالشاعر ،،

الف شكر لك ،،

دمت برعاية الخالق ،،

[عبدالعزيز العقيدي]

سهيل
تسلم وصح السانك
رائعةبروعة حضورك
تحياتي لك

[سناعيس]

سهيل ياعصابة راسي
صح لسانك
وأشوى أنك عرفت السنع وهونت ههههههه
لاهنت يالغالي
لاجديد يضاف فهي رائعة من روائعك

تحياتي

[محارب]

الله الله

جزاله وابداع

صح الله لسانك

ولك التحيه والتقدير

[مسالم]

صح السانك

سلمت يمينك وعلا شانك

الله يكتب لك الاجر والمثوبه

تحياتي لك

صح لسانك وقلبك

مليون ولا يكفون على هذه الرائعه

نتطلع للمزيد

[مبروك بن ماضي]

الاخ الكريم الشاعر / سهيل
ما أجمل الوقوف على عتبات كلماتك
صح لسانك .. فقد أستمتعت بكل حروفها
لك مني كل الإعجاب والإشادة
تقبل تحياتي وتقديري
أخوك / بن ماضي

[ابوعبدالرحمن القريشي]

سهيل

صح لسانك مليون
اسعدتنا بهذه الرائعة ...
سجل شكري واعجابي

دمت بود

صح لسانك وبيض الله وجهك
تحياتي واحترامي

لاهان راسك يالغالي