صــــح وإلا خـطــــا ؟

[عادل بوبدر]

أتمنى أن ترتقي لأطراف ذائقتكم

بسم الله أبدأ
::::
يا زين ياللي مع الخفرات مالك شبه
وش ذا البطا ياحبيب القلب وش ذا البطا ؟

يا ناعم العود يا سر الغلا وأعذبه
الصد بين الأحبه صح وإلا خطا ؟

غبت و تغـيّـبت حتى غابت الأجوبه
والبعد ضيّـع سرابه مشيتي والخطا

جربت بعدك ولا نجحت معي التجربه
والشوق بين الضلوع العوج جمره سطا

أنا عطيتك عمر , خط الحبر و إكتبه
وقل لي بعد كل هذا وش بقى من عطا ؟

وإن ولّـعوا لك وشاتي يا غناتي حْـطبه
بكره بتصلى لظاها سمــر وإلا رطا

كل الوشــاة تـشابه بـيّـنه في الشبه
لو يختلف هرجهم في الحالتين إخلطا

والسم له ناب وجحر الداب من يقربه
من يقرب الجحر يلقى دابه الأرقطا

وإن ما تـنبـّـهت ماظني تبي تـنـتبه
وإن ما كشفت الغطا من يكشفك يا غطا ؟

وإن ما لحقت السنين إن جات متعاقبه
وإلا تمــرّ الليالي مثل ســرع القطا

أخوكم
عادل بوبدر الدوسري

[داعي الشوق]

صح لسانك و طاب حالك

ابدعت ولاهنت يالشاعر

[عبدالله السويلم]

صح لساااانك

رائعه
جزاله وسبك رااااائع

تحياتي لك

[حي الضمير]

قصيده عذبه
وابدعت
صح لسانك
لافض فوك

[منيع]

مبدع ورائع
شكرا لك
تحياتي

[الخنساء]

صح لسانك ملايين
جزلة من شاعر تمكن

سلمت ولاهنت

[عبدالمحسن الرحمه]

صح الله السانك يالذهب أبدعت واجدت احترامي وتقديري

[الطامي]

ابو بدر
صح السانك ملايني
ابداع متجدد لافض فوك
شكرا لك

[طوفـــان]

صح لسانك شاعرنا الغالي عادل بو بدر على طرحك الجميل ..

لاهنت ولا تحرمنا جديدك دوماً..

تحياتي لك

[بنت النور]

صح لسانك مليون
لاهنت
تقديري