بعض العرب ودك على الراس تكويه

[الطائر المهاجر]

اطلعت مع الأسف على ما دار في الساحة الشعريه من هجاء بين بعض الشعراء
بسبب بعض الاختلافات في وجهات النظر السياسيه بين بعض الدول ، لأجد ان الشعر
خرج عن مساره الصحيح واصبح اداة تفرقة بين الإخوه ، دون ان يدرك هؤلاء الشعراء عمق الروابط رغم بعض الاختلافات العابره

بعض العرب ودك على الراس تكويه = لا دحدر بشعره لمنحى سياسي
وقام يتخبط مادرى وين رجليه = تاخذه في درب عسير المراسي
يفتح فمه والحرف ماهو بواعيه = ويدخل بامورٍ دوم فيها التباسي
ويبدا يهايط شان تملى اياديه = من شرهةٍ واعجاب بعض الكراسي
اللي تقارب لو تباعد بعد تيه = فالمصلحه تحكم تغير لباسي
يحسبه في وقتٍ قديمٍ بماضيه= وقت الفرزدق مخطيٍ بالقياسي
ومن دقق النظره بشعرٍ يثاريه = يلقاه هرج بزور ماله اساسي
لا وزن لا معنى وحتى قوافيه= تكرار لا فيها طباق وجناسي
ياحيسفا فالشعر ضيّع مفاليه = ومن فق فمه صار شاعر نطاسي
الشاعر البيطار يرفع مناحيه = عن كل سقطه تجلب الانتكاسي
يخلي السياسه لاهلها لو تناديه= فماكل من يسبح برع بالغطاسي

[حرف وشعر]

الـلـي تـقـارب لــو تبـاعـد بـعـد تـيــهفالمصـلـحـه تـحـكـم تـغـيـر لـبـاســي
صحيح يادكتور صحيح وهذا واقع الحال للاسف ،،

صح بوحك ،،

[الطامي]

صح السانك دكتور
وافيه وهادفه لافض فوك
شكرا لك

[نجم الإبداع]

صح لسانك يادكتور

مصافحه طيبه ونصيحه ذهبيه

لاهنت

[منيع]

مبدع وجزل
شكرا لك
تحياتي

[بدر بن عيد]

الله عليك مبدع يالطائر المهاجر
وليتهم يفهمون صح السانك وقلبك
مليون ابدعت لاهنت ولك اعذب التحايا

[داعي الشوق]

صح لسانك و فكرك يا بو عبدالله

وللاسف ان هذه العينه من الناس تجد من يساعدها بالظهور اعلاميا

و شوهت الاعلام نفسه ،،

لله دررك يا عود و صح لسانك مدد

ولاهنت

[الخنساء]

الشـاعـر البـيـطـار يـرفــع منـاحـيـه=عن كـل سقطـه تجلـب الانتكاسـي
يخلـي السياسـه لاهلهـا لـو تناديـه=فماكل مـن يسبـح بـرع بالغطاسـي

كلام سليم
صح لسانك
تحجياتي

[ساهر الليل]

صح لسانك ياجدووووو

نص جميل وواضح المعالم

تحياتي لك

[سعيد عوده الحويطي]

صح لسانك الله يكفينا شر السياسة ويبعد عنا همها