العودة   منتديات الفطاحله > منتديات الشعر النبطي/يمنع الفيديو > رواد الشعر النبطي > رواد الشعر النبطي المعاصر

إضافة رد
 
أدوات الموضوع
قديم 29-09-2007, 10:58 PM   رقم المشاركة : 21
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات مرشد البذال


نصيحة للشياب
في هذي القصيدة ينصح الشاعر مرشد البذال الشياب اللي يتزوجون من بنات صغار في السن

ياناس ماحدٍ على الشيبان هذي يشير=واللي رزقها الولي في نعمة ضافيه
قولوا لبعض العوادة يتركون الهدير=خلـوه يرتـاح وام عييلـه كافيـه
أشوف من جاه تثمينه بيومه يطيـر=يلفي علـى ديـرةٍ سكانهـا حافيـه
ناس تجيب المره للعود فيما يصيـر=لو حالته من سنين الكبـر متلافيـه
وليا لفى جاب له عذراً شناح نضير=عذراً تسود الجمال بجسمها وافيـه
ويقول بارك لنا في هالغزال الصغير=ولاقول جعله مبارك جيّت اللافيـه
يافلان عز الله انك بالعذارى خبيـر=هاذي تزول الهموم وشوفها عافيـه
مير البلا وان تجمعتوا بنوم السرير=والعود طالع تريكه للمّبتـه طافيـه
وتريكه اللي طفا ماينوجد له سبيـر=ما ينشغل فيه من علاتـه الخافيـه
مسكين يا من توهق له بوضع خطير=وراه مـا ارتـاح والايـام متقافيـه






توقيع الطائر المهاجر
 
  رد مع اقتباس
قديم 30-09-2007, 02:03 AM   رقم المشاركة : 22
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات مرشد البذال


في هذه القصيدة يخاطب امير الكويت الشيخ جابر الأحمد الصباح

لا والله الا ذعذعن الصفاري=هب البراد وقربت نقلة الطير
ذكر الحباري له نخزر الحداري=اول عوانيها لقوها المداوير
كل اشقر في تلك السبق ضاري=متكسر قلبه ع الطلع تكسير
ذكرتهم مسري بهاك الغداري=مع جابر الاحمد طويل الاشابير
يابو مبارك ماطرى لك طواري=تحيي الرسوم الاوله بالمظاهير
ياشيخ لاتنسى هذيك المساري=يومك تصلي الصبح فوق من الصير
تشوف فيه من العواين مواري=تلقى جرايدهن بروس العثامير
كل ورا جابر بسيره يداري=اهل الطيور للشيخ جابر مناظير
ماحلا مغداهم بعشب وخباري=باول طلوع النبت عشبه دواوير
وماحلا معاياهم بصوت جهاري=الشيخ نشمي والجماعة مناعير
هذي طراة العمر قبل العزاري=دنياك من غير الطرب مابها خير

ويرد عليه الشيخ جابر:
قولك تراه اليوم صاير وجاري =الله يجزي ذيك الايام بالخير
ياما سرينا يم ذكر الخباري=مجهامنا كل يوم مثل النواطير
مانعرف التنتات هي واللواري=لهن دوي يشبهن الزنابير
نمر يالريضان خضر فقاري= زاه عشبها مع فياضن مزاهير
لامن طلع مختار عقب المساري=في موقع مافيه جرة مظاهير
اوهد صوب الروض وسط النهاري=غمر وصفف ياحسين التصاوير
واليا نزل عينه تشعشع بناري=نشوفهم جنب الذواري مخامير
مثل الملك جالس وحوله جواري=والله ما اصخي به بخيشه دنانير
ماهمنا برد ولاهوب ذاري=يوم ان للمقناص بالنفس تأثير
واليوم كل واحد يصيد العفاري=وصارو جميع الناس كلهم صقاقير
اصبر تشوف الطير فوق القاري=مطلعه راعية مع سكة الجير






توقيع الطائر المهاجر
 
  رد مع اقتباس
قديم 30-09-2007, 02:15 AM   رقم المشاركة : 23
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات مرشد البذال


محاوراته
مع سليمان بن شريم


في بدايات الشاعر مرشد البذال , أراد أصدقائه توريطه عندما أخبروه بوصول شاعر قلطه من نجد بسيط المستوى , فذهب لملاقاته, وعندما بدأت المحاوره , اكتشف البذال الورطه التي أوقع
نفسه فيها , اذ ان الشاعر النجدي ليس سوى الشاعر سليمان بن شريم الذي كان ملء الأسماع أيامها

وعندما جاء دور مرشد قال:-

ألا يارجل روجي وروجي عن ماقف الحقران=الـــى ذعذع هبوبك خلّي الديره لاهــاليها

فرد سليمان مشجعا:-

يقوله من شكى حر السموم ولاهب الضيّان=أنا طربان والا كان اكبّ الــديرة واخليها

فقال مرشد موضحا للمقلب اللي طاح فيه:-

ألا يانفس ياللي طاوعت لفلان هو و فلان=عسى رب(ن) رماهـــا بــالتهالك ما يخليها
أنامالي بهامير اقترشني طيرابن برمان=يشيل الحيّة الرقطا وفي حظني يـــــدربيها

وأنهى ابن شريم القلطه ناصحا:-

تعلّم بالنفع والسيف خله لك مقاد حصان=ولاتشرف على الغبه وغالــــي الروح تهفيها
أناماشفت موج(ن)ياقبيلي طاش به زيران=بحور(ن) مستكن(ن) شرهــــا وارزاقها فيها

لكن مالبث ان اصبح احد الشعراء الذين يحب الشاعر ابن شريم

ان يحاورهم

سليمان بن شريم

ياحبني للصداقه عن دورب الزلل=كنك على الكذب يامرشد توصي وصاه
لاتحسب اني غشيم في كلام الغزل=افهم كلام الاشاره وأ فتهم لمعناه

مرشد البذال

يابو عزيز ترى الشكه تحت العمل=ماكل زول يكلم زول يشذب خفاه
من كان سلم علي ارجع عليه البدل=قولة هلا للمسلم نعتبرها جزاه

بقية محاوراته في قسم المحارة






توقيع الطائر المهاجر
 
  رد مع اقتباس
قديم 30-09-2007, 02:25 AM   رقم المشاركة : 24
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات مرشد البذال


وهنا الشاعر مرشد البذال يرثي ابنه سيف ، وللمعلومية الشاعر مرشد قد فقد اثنين من ابنائه قبل موت ابنه سيف
والله العالم ان بدر المذكور في القصيدة هو بدر بن عبدالله بن مرشد البذال وعبدالله هو احد ابناء مرشد المتوفيّن قبل سيف :

يابـدر يـوم انـك تضاعفـت حالـي=الحـال ماتنعـم علـى ضيقـة البـال
بـلاي فعـل الفجعتـيـن التـوالـي=اللـي سبايبهـن سلـب قـوة الحـال
يابدر يوم السبـت يامـا جـرى لـي=مـن واهـجٍ خـلا المعاليـق تجتـال
وادعت يـوم السبـت تالـي عيالـي=اتلى العهـد بـه يـوم للقبـر ينشـال
وقفـت عنـده موقـفٍ حسـن بالـ=والرمـل فوقـه ينسفونـه بالاشبـال
صفقـت بالكـف اليميـن الشمـالـ=ونّيت ونـة مـن عليـة الدهـر مـال
مالي سوى رحمـة عزيـز الجلالـي=اللـي خـذا منـي حبيبـي ولا سـال
عـز الله انـه بـات بالقبـر غـالـي=وليـا تذكـرتـة تـذكـرت رجــال
الله يبيـحـك ياشـريـف المجـالـي=يا اللي قضى عمرك على طيب الافعال
إلى ذكرت مـراق لـه مضـى لـ=يهلّت دموعي فـوق الاوجـان همـال
بكيـت مـن فقـده وكـلٍ بكـى لـي=كل عليك الدمع مـن محجـرة سـال
ياسيف لومـا جـاك حكـم الزوالـي=تظهر لك اخبـارٍ شريفـات وافعـال
ياسيفـي اللـي ذاخـره راس مالـي=ومعـدّي عنـي وحـم كـل عـيـال
مرحـوم ياعـز الرفيـق المـوالـي=وسبع الخصيم اللي من الغيظ مشتـال
مانيـب عقـبـة للحـيـاة متحـالـي=لو قلت ابا نسي سيف تفكيـر جهـال
لاشـك وقتـي بالطـرب ماصفالـي=والحمد للـي غيـر الحـال بالحـال
قبلـه ثنيـن مـن غوالـي حـلالـي=راحوا وهـاذي عـادة الوقـت ميّـال
راحـوا وخلونـي وحيـدٍ لحـالـي=مـن بيـن خفـراتٍ أيامـي وطفّـال
يالله كـان انّــي علـيـك اتكـالـي=وأنّي ضبطت النفس من سطوتـك ذال
تعوضنـي فـي طيبـات العمـالـي=ولا البشـر لــو دام تالـيـه زوال
ليا شفت غيـري هـان تكديـر بالـي=رضيت بالمقسوم مـن كـل الاشكـال
كثـر الحسايـف مابهـا راس مالـي=واللـي مـن الله مالنـا فيـه مدخـال
صبـرٍ جميـل الله يقـود الرجـالـي=بالصبر والغفران فـي يـوم الاهـوال
فـي ساعـةٍ ماغيـر ظلّـة ظلالـي=يجعل لنا عنـد اهـل الخيـر منـزال
وإن كان وقتي مامشـى فـي عدالـي=يا من شكيت من الدهر مثلـك امثـال






توقيع الطائر المهاجر
 
  رد مع اقتباس
قديم 30-09-2007, 02:30 AM   رقم المشاركة : 25
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات مرشد البذال


القصيدة الثانية في رثـــاء ابنه سيف
جفلت خلوج فهيجت الشاعر مرشد البذال وذكرته بابنه سيف رحمة الله عليه فقال متفجعاً :

خلوج الهبيدا جروعت فـي حنينهـا=تزفـر بعبـرات تبـيّـح كنينـهـا
تجر عالي الصـوت مـن مالجابهـا=وهي في مراح احوارهـا عاقلينهـا
تهوي على مبـرك ولدهـا وتنثنـي=ولاحـدٍ بلايمهـا بفرقـا جنينـهـا
ولّـيّ خلـوج كدرتنـي بصوتـهـا=شعتني بكثر النـوح وينـي ووينهـا
شعتني وتو جـروح قلبـي طريـة=تقاسمت نوح الحـزن بينـي وبينهـا
تنعى ولدها والغـلا يبحـث الخفـى=وانا انعي شجـاعٍ ربعتـه فاقدينهـا
صميدع ينجاز عـن مسلـك الـردا=ويـلاه تــو جنـازتـه دافنينـهـا
تبي تدله الناقة وتنسى مـن البطـى=وانـا فجوعـي مطـولاتٍ سنينهـا
على سيف هلّي ياعيونـي عبايـرك=اوصيـك بالعبـرات لاتذخرينـهـا
ربيع الفؤاد اللي خذ موحش القضـا=اقفـت بـه اقـدار المنايـا بحينهـا
راح الضحى مني يقضـي لوازمـه=والعصر جيـب جنازتـه شايلينهـا
وقفـت عنـد جنازتـه يدفنونـهـا=صفقـت بالكـف الشمالـي يمينهـا
مـن فجعـة محـدٍ علينـا دعابهـا=نفـس نحملهـا عسـى الله يعينهـا
عـز الله انـه راح مـنـا فقـيـده=كـل الجماعـه فجعتـه مونسينهـا
مرحوم يا من شام عن ماقف الـردا=حفظ شرف نفسه عن اللـي يهينهـا
هو اللي خذا مني وصاتي وضمهـا=واخذ من افعال المراجـل سمينهـا
وان كان اخو وضحى مدحنا خصايله=اللـي يعرفـه كلـهـم خابرينـهـا
يالله يا اللي مـا لنـا عنـك مزيـن=يا من خذيت الروح وانـك ضمينهـا
انك تعوضـه فـي حياتـه بمنزلـه=في جنة الفـردوس مـع ساكنينهـا
الى كان مرضيني ومرضٍ جماعتـه=ونفسه تمسك فـي شرفهـا ودينهـا
روحٍ خذاهـا الله عفيـفـه بـريـه=دعينـا لهـا بالخيـر ومسامحينهـا
وانـا ممـنٍ الله مانيـب مـشـرك=وهـاذي تدابيـر الولـي عارفينهـا
عسى الله يعاوني على الصبر بالقضا=ونفسي عسى ربـي يثبـت يقينهـا
وروح تمنينـا مشـاهـد خيالـهـا=لابدّنـا فــي وقتـنـا تابعينـهـا
يالله يالمطلـوب ياقـايـد الـرجـا=يامبـدلٍ عسـر اليـالـي بلينـهـا
تعيننـي بالصبـر وتحـل كربتـي=عسانا من اللي رحمتـك مرتجينهـا
هـذا وصلينـا علـى سيـد البشـر=وادعوا معـي بالخيـر ياسامعينهـا






توقيع الطائر المهاجر
 
  رد مع اقتباس
قديم 30-09-2007, 02:45 AM   رقم المشاركة : 26
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات مرشد البذال


البارحه جاوبت لي حس عاوي بصوت الشرهان
طلع مرشد في وقت ربيع للبر وكان يلقط الزبيدي لحاله ولاحوله احد متشطر عن قطين بدوا حوله يوم درى لاهاك البنت مع غنمها خجلت البنت واستحت وفي ذلك الوقت كان العفاف والاصاله قويه في قلوب الناس فلايمكن ان حتى يفكر مجرد تفكير بمايمس الحياء نشدها مرشد من اي العرب هي وعن اهلها ويقول كانت من شدة حياءها مطمنه راسها وتفرقع اصبعه اذا ناظرت , درت ان مرشد طرقي ولاهو من اهل الديره وسالته عن حاجته قالها جاي اتمشى والقط زبيدي شافت البنت الزبيدي اللي مع مرشد قليل وعطته البنت بعض الزبيدي اللي معها وقالت حنا قريب من الديره واي وقت نبغى الزبيدي نحصله اما انت جاي من بعيد ومتكلف المهم اخذ مرشد الزبيدي سالها مرشد قال انتم مبطين هنيا قالت لنا حول خمس سنوات راحت البنت من عند مرشد وتعلق قلبه بها قعد مرشد في البر يومين ورجع للديره وقص قصته على واحد من اخوياه ووصف مرشد حياء البنت وعفتها وحسن منطقها وكلامها نقد علاه رفيقه وقال انت فاضي للعلوم هاذي لا تلقيها بال البنات واجد والعشق واجد تلقى غيرها ملايين . رجع مرشد بعد حوالي ستة شهور لنفس محله ونوى يخطب البنت من اهلها واخذ كسوه وقهوه وغيرها وراح يم اهل هاك البنت يوم جاء لمحلهم اليا هم شادين ولا يدري مرشد وين ديارهم وزود على كذا انه بعد ماعرف اسم اهل البنت قعد مرشد والندم يقطعه ومر على مكان لقاءه بالبنت وتذكر جميع ماجرى بينهم من كلام ولم ينم تلك الليله واللي زاد في حزنه اصوات الذيب اللي تشعر بالوحده والغربه اصبحه الصبح وماطاب عينه نوم وتمثل بقصيده طويله منها هاذه الابيات :

البارحه جاوبت لي حس عاوي =ذيبا عوى جاوبت بالصوت واياه
ذيبا يجر الصوت كانه خلاوي =وياقلبي اللي جاوب الذيب بعواه
والصبح بانت في ضميري اهاوي=جريت صوتا ليت خلي توحاه
يادار ماشفتي ضبّي المطاوي =اتلا علامي به غشنك رعاياه
وانا على شوف الحبّيب شفاوي =كانه هنيا خبريني بمسساه
قالت لي الاوطان قلع ضحاوي =اليوم راس الرجم هذا توطاه
امسى هنيا واصبح اليوم ناوي =يتلي سلف بدوا بعيدا معشاه
كشف لهم برقا سديدا عشاوي =يخيلونه يم خشم المسناه
يبون مرباعا بهاك الحراوي =اليا زاف زملوقه وشبعت رعاياه
اخذ الخبر ماهوب خرص وهقاوي =اعطيك علم صويحبك وين تلقاه
ادنى مرابيعه بخشم الصداوي =وبيوت مقياضه بقريه مبناه
مير اطلب الله لو صوابك مخاوي =كم واحدا قبلك عشيره تمناه
يالعين ماينفع كثير الشكاوي =الا على اللي دبر الغيث وانشاه
ياونتي ونة وحيدا جلاوي =اللي سبب دينه من ادنى دناياه
ولا خلافه من يحل الدعاوي =لا صار ربعه منه تبا المثاراه
عليك ياللي لك بقلبي مكاوي =ثلاث كويات هوادي وعرقاه
عقبه فقدت من المنام الحلاوي =وحتى متاعي قامت النفس تجفاه
يا لايمي لعل مالك عراوي =بلاه ما ولعك بالحب حلياه
من لايعرف الحب عنده دعاوي =يشره على راع الموده ويشناه
ويقول هذا في مماشيه غاوي =وحنا ندل الدرب والحمدالله
يالله عسى مثله كثير الهزاوي =يبلا ببلوى من لسانه تهزاه
حتى يعرف ان المحبه بلاوي =ويشوف مثل اللي من الحب شفناه
عساه يبلا في محبة حياوي =حب الهنوف اللي يحده على اقصاه
تفرى ضميره فريّ دلو الرواوي =اليا صفقاها الجال من حد ملقاه
اليا لجلجته بالنظير السهاوي =كلامها لبيه عن قولتن هاه
كلامها للقلب مثل المداوي =اللي عرف علة مريضه وداواه
ياربي اني بالتفاتك رجاوي =تلم شمل الولف من عقب فرقاه
لوتنفع الفزعات والا النخاوي =على المحبه كان كلا نخيناه
مار الرجاء والياس صار متساوي =ياقلبي اصبر في تدابير الاله
لو مابقي في حالك الا شلاوي =مادبر الوالي على العبد يرضاه






توقيع الطائر المهاجر
 
  رد مع اقتباس
قديم 30-09-2007, 03:03 AM   رقم المشاركة : 27
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات مرشد البذال


انا البارحة عن لذة النوم يـا كافـي=حدث لي من الافكار مايبحث الخافي
هجير المحبة مشغـل البـال متعـب=ألا واهني اللي مـن الحـب متعافـي
مريح(ن) ولا شاهد نهاراً جرى لـي=نهاراً بمرقاب العنـا طـال ميقافـي
انا كل مـا شافـت عيونـي منـازل=خلايا من الاحباب يلعب بها السافـي
وقفـت اخايلهـا بعـيـنٍ حزيـنـة=تهل العباير مثل نقع الصفا الصافـي
مداهيل من له في حشا الروح منـزل=له في ضميرالجوف مشتى ومصيافي
غض غضيض الطرف لو ينتوصـف=جميل تهاوش فيه زينات الاوصافـي
به من خشوف الريم عنق(ن) ومدمع=وله طلعةٍ توضي كما البـدر كشافـي
مشاهـده يبـري ثمانـيـن عـلـه=وفرقاه توردني على حوض الاتلافـي
انا وان ذكرت ايام وقتٍ مضـى لنـا=ضربت صندوق الضماير بالاكفافـي
ياحول عقب الوصـل بينـي وبينهـم=اليوم غير الحلـم ماضـن ينشافـي
انا اشهد ان الحـب بلـوى عظيمـة=وان المحبة تضعف القلـب ياكافـي
يلوم راعـي الحـب مـن لا تولـع=بمـورّد الخديـن للعقـل خطـافـي
ياليت لو ذعذاع نسيـمٍ مـن الهـوى=نسيمٍ يخلـي ليـن العـود غريافـي
الى هب تالي اليل من عقـب هجعـه=تسرب نسيمه بالجسد والجسد دافـي
اني مـع اللـي صـاب قلبـي وداده=على مطرح الديباج انا والغضى غافي
بعـد تبـادل عـذب الاريـاق بينّـا=ذراعه تحت خدّي ومجدولـه لحافـي
على ملةٍ يحكـم بهـا حاكـم القضـا=ازوره ولاني من هل البيت خوّافـي
انـا اتمـنـى والتمـنـي مـغـرة=يوصف لحلم الليل ياعـد ولا يافـي
ولا لي سوى شكوىً على اللي بلاني=بحبك وانا ماني بـك قبـل عرافـي
يـارب تجمعنـا علـى طيـب ملّـه=ولاتسوينـي مـن الحـب متشافـي






توقيع الطائر المهاجر
 
  رد مع اقتباس
قديم 30-09-2007, 03:13 AM   رقم المشاركة : 28
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات مرشد البذال


وقـت المشـاره صـار مـن شاعـر صــار=امسـى قلمنـا صــار والصـبـح تـقـرون
قيـل حصابـي راس كـوّن مـن الـراس=مثـل سـراج الـراس لـلـي يـسـرّون
قيـل علـى ماضـوع بالطـرس ماضـوع=يارعـي المـاض اوع تــراك مـديـون
الله يـعـقـلــه مـسـتـبــد بـعـقــلــه=يجـوز لـي عقلـه عـن الـلـي يتيـهـون
ان كان فيه القاف يمشـي علـى القـاف=ولا لـحـم بالـقـاف وأنـتـم تـشـوفـون
رجـل الـى جانـي مـن الفـخـر جـانـي=مايشـبـه الجـانـي ولا الـلـون بالـلـون
واللـي ببطنـه ريــح يستنـشـق الـريـح=جـابـت هـبـوب الـريـح قـولـة يـقـولـون
ايرتبـش خاطـرك معنـاي خـاطـرك=مانيب انا خاطـرك خايـف مـن الكـون
مابـي خلافـي مـيـر اشـوفـك خـلافـي=شاعـر خلافـي تنتسـب لابـن لعبـون
من ضعف جودك ينضح المـاي جـودك=من فضل جودك خـل مشيـك علـى الهـون
اللـي مضـى كافـيـك والوسم كافـيـك=لابـــارك الله فـيــك ربـعــك يـقـولـون
ولابقى لك حـس فـي هزمتـك حـس=بالقـاع خـش وحــس تـرتـاح مـدفـون
ياللـي علينـا جـار وبصيفتـك جــار=مـن دون جــر وجــار ربـعـك يخلـصـون
يامشهـد الجسـار بنيـت لـك اجسـار=كانك بطل جسـار عـزز لـك اركـون
والا انسـدح بالقـاع فــي هــم والـقـاع=الى اونست راسك قاع بالحزم تاعون
وختامهـا بـالـذات مــن عـقـب بــذات=شوفـوا لنـا بـالـذات نــاس يحكـمـون
لـو الحكـم بالغـار بـحـدود بلـغـار=لجـل احتجـاج الغـار لازم يحضـرون






توقيع الطائر المهاجر
 
  رد مع اقتباس
قديم 30-09-2007, 03:17 AM   رقم المشاركة : 29
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مختارات مرشد البذال


قصيدة لمرشد البذال يناجي بها احد ابنائه الصغار أثناء مرض أمه

الورع عيا لا يوافق علـى النـوم=قـام يتهشـم ويتـزايـد عويـلـه
ادوج به وسط الدكاكيـن واحـوم=ادور اللي يشتهـي واشتـري لـه
واذا نشدته قـال ماعنـدي علـوم=يقول ابي امـي والسوالـف قليلـه
مالي على شيلـه جـلاده وتعلـوم=مير الدهر خلانـي اليـوم اشيلـه
ياعبيد لو أمك بهـا قـوة عـزوم=الورع والله ماعترض فـي سبيلـه
انـك لتلقانـي مكفـي ومحشـوم=وهـي بشوفاتـه بصيـر دليـلـه
ياعبيد انا يابوك ضايـق ومهمـوم=أضحك وفي كبدي سـوات المليلـه
أضحك واوسع خاطري وابعد لحوم=واطلب عسى تالي العواقب جميلـه
شكواي للي يفرض الحج والصـوم=والا البشر ياعبيـد ماينشكـي لـه
ماجور ياللي بالطبيب أمس واليـوم=الله يجيرك جعـل ماهـي طويلـه
ياصاحبي لوكان بالبيـع والسـوم=كان اشتريـك وتشتريـك القبيلـه
لاشك مادبر علـى العبـد مقسـوم=حيل الله أقوى مـا باليديـن حيلـه
ياعبيد أنا يابـوك مانـي بمليـوم=الغبـن غبـن منقضـات الجديلـه
بعض النسا ياعبيد تقنيهـن القـوم=واللي كسبها قـال عنـدي حليلـه
لي صاحب في وقتنا اليوم معـدوم=اليا فقدته ويـن ابـا القـى مثيلـه
عذروب خلي شارةٍ فيـه مرسـوم=يتبع غضب نفسه ويرضـي قبيلـه
والجار يبطي ماشكى منـه مثلـوم=ولاهي علـى رواد بيتـي بخيلـه
ولاهي من اللي تطرق النزل وتحوم=دايم على الفرقـان يومـي شليلـه






توقيع الطائر المهاجر
 
  رد مع اقتباس
قديم 30-09-2007, 03:38 AM   رقم المشاركة : 30
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: ديوان مرشد البذال


نصيحه

قال منهـو حسـب رايـه يشيـر=بالهدايـه واجتنـاب المعصيـات
العباثه والجهـل مـا فيـه خيـر=الهدايه نـور والجهـل اظلمـات
ما يصير ان العمي مثل البصيـر=اسمعوني يـا القلـوب الواعيـات
العمي ما هـوب عيـان النظيـر=كم عما قلـب اعيونـه صاحيـات
لو تشوفـه شايـب وسنـه كبيـر=يمكن افهم منه ابو عشر سنـوات
ون نشدته قال مدري وش يصيـر=مـا درا بالماضيـه والمجبـلات
والليالـي لـو تديـر وتسـديـر=ما يثبت وين راحت ويـن جـات
والشرف ما ينحقر عنه الصغيـر=كم اصغار ينطحـون الموجبـات
كم صغير يجتـدي فيـه النشيـر=وكم كبير صار من عرض الخوات
لا تقـول ان المراجـل للنضيـر=ما يفيد النظر كـان القلـب مـات
ولا تقول انـي غنـي ولا فقيـر=استعبري يـا النفـوس الموهبـات
ما لك الا ما كتب لك لـو تطيـر=الوهايـب بالجبـيـن امقـيـدات
والرسول افتي لنـا فيمـا يصيـر=بس ما يجزم علي خمس كلمـات
الاجل والرزق والرحـم الستيـر=وخبرت الساعه وقطر الناشيـات
علمهن مع واحـدن مالـه وزيـر=رحمته تكسي العظـام العاريـات
قال مات افلان من طيحـة ابعيـر=او رموه اعداه في بعض اطلقـات
او سبايـب موتـه واقـع ابـيـر=او غدي وصط البحور المضلمات
لا حشي هذا السبب والموت غير=مير مذكور السبب قبـل الوفـات
لا محب يحـي العمـر القصيـر=ولا عدو يكتـل اعمـار طايـلات
لو نواك ابسلت السيـف الشطيـر=يمكـن الله يمنعـه قبـل الهـوات
ينصرف ويـرد سيفـه بالجفيـر=ياخذ السايـه ويعطيـك احسنـات
كل شي لـه مـن المولـي دبيـر=والحـوادث والسهـوم امدبـرات
لا تقول ان المرض هـذا خطيـر= كم مريض سلـم ومباريـه مـات
والقدر وان حل ما يفيـد الغريـر= لو علي بابـك اقفـول امغلقـات
المنايـا مـا طـرش لـك نذيـر = وغـارت الدنيـا توجـه بغفـلات
مـا تعلـم ويـن نيتهـا تغـيـر= عند ما تدرون هاك الفعـل فـات
ماذكـر ايحـول للدنيـا عشـيـر= ولا صفت لاحد علي طول الحيات
واحد تعطيـه مـن غيـر اتغديـر = واحدن تسلـب اثيابـه والعبـات
اللسان اهو اكبر الشـر الشريـر=كم كلام صـار شبـة مشكـلات
والحيـا والمرجلـه درب عسيـر=وجتناب النفس عن كل اشهـوات
لا تطيع النفـس وابليـس العثيـر=ارجم الشيطان في سبع احصوات
كان طعت ابليس خـدرك تخديـر=حط في عنقك اعقـود امبرمـات
خدرك بالنوم من فـوق السريـر=رايه ان النوم خير من الصـلات
اهجر الشيطان حيث انـه هجيـر=واكتسب بعض الامور المرشدات
الرجال اشطار كان انـك شطيـر=كان الك دوره لهم سبـع ادورات
لا تقول اسبق علي العـد الغديـر=(ان جهمت اركاب غيرك ساريات
تـم جيلـي وذكـر الله وستجيـر = عن خطا نفسي ودرب المعصيات






توقيع الطائر المهاجر
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 23 ( الأعضاء 0 والزوار 23)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديوان ابن المهدي الفصيح ماجد المهدي دواوين شعراء وكتاب الفطاحلة 17 25-01-2011 07:36 AM
: فهرس ديوان شمس القحطاني أميرة الليل دواوين شعراء وكتاب الفطاحلة 15 16-12-2010 06:50 AM
فهرسة ديوان أبو رائد الطائر المهاجر دواوين شعراء وكتاب الفطاحلة 5 30-11-2010 08:32 PM
ديوان ريم الملقبة بأميرة الليل أميرة الليل دواوين شعراء وكتاب الفطاحلة 8 18-01-2008 08:51 PM


الساعة الآن 09:28 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة