العودة   منتديات الفطاحله > منتديات الشعر النبطي/يمنع الفيديو > ساحة المحاورات > محاورات خارجيه

إضافة رد
 
أدوات الموضوع
قديم 11-11-2007, 02:35 AM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي محاورات متفرقه


سعد بن جدلان الأكلبي مع سعد بن علوش

ابن علوش :

يا بن جدلان والدنيا مداهـا طويـل
يا عسانا من اللي يكسـب الآخـرة
الصعاليـك سيـاد الكـلام الجميـل
العبوا في شفوف العالـم الفاخـرة

ابن جدلان :

يا بن علوش يا وجه الرضي الدليل
جامع كل زوج اثنان فـي الباخـرة
ما يقول الفقيـر إلا الكـلام القليـل
من معه ذخر مدري لا متى ذاخـره

ابن علوش :

ما تقطع وصل ولا الرجا مستحيـل
من زخر..جاته ورود العطا زاخـره
دام وجهك طويل ودام سيفك صقيل
اقطع لسان راعي الكلمة الساخـرة

ابن جدلان :

آه من سالفـة هابيـل و الا قابيـل
ياسعد انت فأدنى البحر والا آخـره
كانت الجند في المقدس تحط وتشيل
وابن داوود ميت والعصـا ناخـرة

ابن علوش :

هذي عادتك يا الراس الشنوح العليل
تلطم الشاي من قبل تهـدي باخـره
كان ما انتب على منوك تحيل وتعيل
مـا الله بسايـقـه ولا بصـاخـره

ابن جدلان :

ما ورا النار للظالمين من سلسبيـل
جمعي ما مضى يا الكلمـة الفاخـرة
عاد صدري وعاد صبـري جميـل
لكن احذر عباب الموج يـا ماخـره







توقيع الطائر المهاجر
 
  رد مع اقتباس
قديم 11-11-2007, 02:41 AM   رقم المشاركة : 2
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


محاورة بين بن جدلان وظافر السهلي

ظافر

يالاكلبي قرّب لعلّك ما تهون=عندي علومٍ يا عسى تفطن لها
الله يا علمٍ لفا بالتيلفون=خلاّ جنون الشعر تحضر كلها

ابن جدلان

اللي يمون انقول له قلّط تمون=واحدٍ نقل يا ذيب زلّ وخلّها
انتو عوارف تسمعون وتنظرون=واللي يبرّك للحمول يشلّها

ظافر

خل الميانه مير لدّ إليّ العيون=من شان نفرق دقها من جلّها
يا شعيل شيل الحمل من فوق المتون=ساعه بساعه والدروب اندلها

ابن جدلان

لا تحصرون الدر في ديس اللبون=فك الصرار احسن لكم واحسن لها
الطيّبون القالطون القالطون=قلنا لمن يتقن صلاته صلّها


ظافر

انته توصي وانت للبضعه زبون=ناسٍ كما حضرتك ويش اعملّها
للناس لون ولك يبن جدلان لون=حنا نعرف اهل الوفا من دلّها

ابن جدلان

السابقون انتو وحنا اللاحقون=من رز له خيمه يجي في ظلّها
عزالله انكم كلبوكم طيّبون=لكن ما اعرف دقها من جلّها

ظافر

اثرك تتبّعنا ونحن غافلون=ياملّ عينٍ غافله يا ملّها
ظنيت بالفارس وخابن الظنون=ماهوب لاقي ديرةٍ يحتلّها

ابن جدلان

انتو برازات السهول المؤمنون=بعض المراضا عندكم طبٍ لها
نبغي نختمّها بخير وتسلمون=يا عزوةٍ جابي لها حبٍ لها

ظافر

ان كان صايبكم من الدنيا جنون=حنا نحشر اجنونكم ونعلّها
ان مات ابويه ما كليته بالسنون=ياللي سكاكينك عليه اتسلّها






توقيع الطائر المهاجر
 
  رد مع اقتباس
قديم 11-11-2007, 02:42 AM   رقم المشاركة : 3
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


محاورة بين علي بن حمري وعبدالله الشهراني

علي:

يا اهـل النداوي سـلام 00وعِلـم خيـر وشعـر وشعـور=حـان الوعـد والعيـون اصفـوف والعلّـيـا طماعـه‍‍
حكمتك يارب هـذا نجــد لــه شـهـرين مـمـطور =واصحـاب بـيـشــه لـهم عـامـين ماسالت فـراعـه
‍‍

عبدالله:

ياهل النداوي عبير ومستكا وورود وزهور=وراوبع ماتنوش الارض دايم في رفاعه
ابشرك هلت مزون السحاب وشعشع النور= لاتسحب انك وسط نعمه وحنا في مجاعه

علي:

تحـمّد الله تـرى الارزاق وهـبـه وانـت مـكبـور= تبغـانـي احّـسبـك مـن الاولاد ولا ماألـجمـاعـه‍
أمـش الهويـنا تـرى خـط البـلد مـحكم ومسـبـور= ولاّ مسكناك يامطوّع وظهرّنا ألطـواعـه

عبدالله:

مدري قصدت الرجال اللي نواظر بعضهم عور=والا معك منهج تبغي سلوكه واتباعه
واجبك عندي مبتل ياولد حمري ومدمور=تبيني اولمه ذاللحين والاعقب ساعه

علي:
مافيه شك ألجمل مشدود واما الداب معقور=وأللي مهو سبع لايدخلك ياوادي السباعه
ان كان جت للحقيقه رح وراك وصف طابور=اقولها وانت عندي لارصاص ولا جراعه

عبدالله:

لوكنت قدامها تبني قباب وترفع جسور=صدقت علمك لكن اللي مضى هوش وفراعه
والله لو ان الوسايط مالها في المجتمع دور=مايشتكي راعي الدكان وتبور البضاعه

علي:

ان جيت بطن المدينه والشوارع مابها نور = فدر ان عزيز البلد معزول 00 والدعوه بياعه
فني الاشاعات يقلب في بعض الاحيان دكتور =من كثر ماقيل لك دكتور صدقت (ألاشاعه)


عبدالله:

خايف يطول "المعاني المستفيضة"نقص وقصور=والا خلطت التجارة والصناعة والزراعة
لاتكتم الحق خلفك يابن حمري موت و نشور=يمكن تبي تحرق الاعصاب قدر الاستطاعه؟؟

علي:

قالو كتابك خطاه اكثير واشهود الحدث زور= كان ابن معجب قبل بيشه تحت كبري شباعه
ان كان ما الله معسرني معك ماني بمعسور= وان ردت امور مافي حكم مخلوقٍ جزاعه

عبدالله:

ياناس لو جيت اباسكت عن علي ماني بمعذور=علي ابن حمري وشيطانه خوان من الرضاعه
متنا من الجوع مانجح اللحم والنار دافور=وعين ابن حمري على درب المحايل واللكاعه
علي:

لو ان عندك نظر قد شفتها لكنك مطيور = انت تتشجع علي وانا معلمك الشجاعه
يمكن تجي جنب سور القصر لكن طمرة السور؟= خطرٍ على اللي يفكر طمرته ـغّـسـل شـراعـه

عبدالله:

ارفق بنفسك معا طلعة كرى ياسايق المور=الظلع راسي وعزمك كل ماله في انهزاعه
لاصار ابن ريفه ايقلد سعد علوش في الجور=ويقول شعره ..هذاك الوقت تاخذنا قلاعه
علي:

مدمت تضرب بنا الامثال فأقرب واسمع الشور = البحر خلك على شاطيه وازهل عنك قاعه
لوإن مال للبلد قاضي ولا للقسم مأمور=ان كان شفت الخصيم يجر خصمه من كراعه‍[

ــــــــــــــــــــــــــــــ ـ
=خولان بن عامـر
ابن حمري كل ما شاف السحاب وقرب حوله= قال هاذي نوةٍ مايـروي الضميـان ماهـا
علمولـه بالسوالـف والقضيـه علمولـه= البـروق تلـوح والدنيـا كفانـا الله بلاهـا
=علي ابن الحمري
انت هوله والشعر هوله ومبدا العلم هولـه =والبشر فى الارض والحمري متيّم في سماها
لاتعلمني وانا ياخـووك دولـه عنـد دولـه =عن قنوفٍ سمع راعدهـا ولا بيّـن نباهـا
=خولان بن عامـر
انت قلته بس غيرك يمكـن انـه مايقولـه= والبنادق تالـي الايـام يـا مقـرب مداهـا
ليت وان زيدان ماسجل على الطليان قولـه= اجتهد يبغى البطوله والبطولـه مـا خذاهـا
=علي ابن الحمري
عطني الرابط مابين الحمل واعيال الحمولـه =والبنـادق والاوادم مايـحـدد مستـواهـا
بس فى التمثيل تبقى يابطل راعـي بطولـه =والحقيقه من حِرم من مرها يُحـرم حلاهـا
=خولان بن عامـر
ويش هوله تاخذ الرابط وتدخل ويش هولـه= تدري ان بعض المواقع وجهها يشبه قفاهـا
وانت في غبة بحر تسبـح وتاتينـا بلولـه =ماذبـح لليلـى وخلاهـا كذيـا الاهواهـا
الله يسامحك يالطفران فـي سـب السيولـه= البشر حاجه ماتقدرها .. مهي ترضى علاها
البحرخاويت حوته والوطـا نشعـب ذلولـه= غن ياخولان (يالله طالبـك خلهـا كماهـا )
=خولان بن عامـر
السيوله في المخابي والمعرفـه والرجولـه= الله اللي قسم الارزاق وهـو اللـي عطاهـا
انت شاعر كل ماجاء في المنصه صفقولـه= صفقوا له صفقوله الله اعلـم وش وراهـا
=علي ابن الحمري
ابن عامر عنده من العود الازرق نصف توله= والجماعه نص توله ماش ما تدهن لحاهـا
صملةً تو الملك تسوى مية صوله وجولـه =اوقف نيابه عن افـراد القبيلـه وومراهـا
=خولان بن عامـر
ابك انا بحر عميق يتعبك عرضـه وطولـه =واللحا ندهن بعضها والبعض نسحن دواهـا
الا ادمي وان سمح الله في مهماتـه قبولـه= المدايـح ماتفيـد اللـي بيوتـه مابنـاهـا
=علي ابن الحمري
يابحر غبتك ماتغـرق وموجتـك إمعقولـه= كم لحاءٍ عن علمها تعجز وعن ردة بقاهـا
صبو لخولان مالبـراد الاصفـر واحقنولـه= دام مايمـدح مدايحهـا ولا يرثـى رثاهـا
=خولان بن عامـر
البحر مايختفـي قـدام عينـك بالسهولـه =طالت النخلة وكبرت مالحقنـا فـي جناهـا
فـوّر البـراد واتذكـر سواليـف الطفولـه =ودي اخيّرك فـي الامريـن وتخيّـر حداهـا
=علي ابن الحمري
انت فزوره لكن عنـدي الفوازيـر محلولـه =والصدور اقبور لاتبحـث ولاتنبـش خفاهـا
كلمةً بسهولةً تاتي ما تمشي فـي سهولـه =بالنعال اطى على مـن قالهـا ولا أحتماهـا
ــــــــــــــــــــــــــــــ ـ

=مـحــمــد بـــــن مـشــيــط
يا بن حمري قوم عينتلك موضـوعِ خـاص =من هجـوسٍ سلكهـا يجـرح اللـي يلمسـه
يا هل الظهـران نحتـاج للطـلاب بـاص= ما يروح الا من البيـت صـوب المدرسـه
=عــلـــي بـــــن حــمـــري
قام بن حمري ولا عنك يـا محمـد منـاص= واستوت حصة رياضـه وحصـة هندسـه
انت ما تزهم علـي يـا محمـد للقصـاص= افهم الموضـوعِ واتـرك كـلام الوسوسـه
=مـحــمــد بـــــن مـشــيــط
كل متخرج وظيفتـه حسـب الاختصـاص= وابن حمري بعد ما شافنـي ضـاق انفسـه
بين ابن غانم وابو زيد حـرب بالرصـاص =و فالنهايه طاح ابو زيد مـن ظهـر افرسـه
=عــلـــي بـــــن حــمـــري
ما درسوها هل الحساء فادرسوها هل النماص =كان في ايدك غرس خاف الله اكبر واغرسـه
لـو نعـود للعلـوم القديمـه و الـخـواص= احمد الله واخـذ تمـرك بزبـدك واغرسـه
=مـحــمــد بـــــن مـشــيــط
الحساء ما يعطي اهله سوى تمـر الخـلاص= وانت ياراع الخبر صـب سمنـك والحسـه
كـل قانـص مايفـوت زمـان الاقتنـاص =الحبـاري لافـيـه والطـيـور مقرنـسـه






توقيع الطائر المهاجر
 
  رد مع اقتباس
قديم 11-11-2007, 02:43 AM   رقم المشاركة : 4
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


هذه محاورة قديمة بين الشاعر مرشد البذال وشبيب الدقباسي وعبدالله اللويحان
قال مرشد البذال

ياجماعة كل طير يشبعه منقوره =والمواقف ماتصح الواحد بالحاله
اسمعوا من واحد متبين ميسوره =مايصير ان نخرب وقفت الشياله
قال شبيب الدقباسي
مثل ماتذكر لشك الملعبه محضوره =اختلط جيش تطارد قدمها الخياله
كل من به مرجله ماهي عن مقصوره =من ركب له سابق بالضيج رخا حباله
قال مرشد البذال
كل نفس ماتواشكها السنع مكبوره= والاديب اليا حضرنا مانخرب فاله
كل طير ياشبيب رغبته بطيوره =وعرف ان الرمح مفروق من التغزالة
قال شبيب الدقباسي
يابو عبدالله ترا كل على مقدوره= لاتغثرب بول الجمه يجيك احثاله
الرجل حاضر مهو قدام وجهك صوره= اندبه بسمه وياقف قدامكم بفعاله
قال مرشد البذال
ان وقف قدامي عزيز وقفته مشكوره =ونقعد مانيب القاعد كثير ارساله
ماحضرنا خطة من سواها مخطوره= اسمعوا علم صحيح وحاضر قواله
قال عبدالله اللويحان
كل مذهب ياجماعة ملحف بدوره= لين يلقى الذاهبه عقب يروح بفاله
المعاني بينه تقدح كما البنوره= ثم كل بالمعاني واقف بظلاله
قال مرشد البذال
صح انا قول القمر ماهو غبي نوره =مايشابه مثل نور انجيمة تبرا له
مثل ماقال الموصف ياعديم الجورة =ياجبيل الخير ياللي تازن التمثاله






توقيع الطائر المهاجر
 
  رد مع اقتباس
قديم 11-11-2007, 02:44 AM   رقم المشاركة : 5
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


مفرح الضمني ومحمد خلف الخس

** الضمني:

سلامي عليكم والمعاني لها باب وجواب
نعم الجميع وكل جابه نبي مردودها
أنا ابضرب العشرين بالعشرة واضيف حساب
على شان نعرف ما نقصها ونعرف زودها

** الخس:

هلا مرحبا ماهل واهمل هماليل السحاب
من المزنه اللي يقصد النايمين ارعودها
ليامن ضربت احساب قسم وقابل بالصواب
ولاتمتحن نفسك بشي يضيم جهودها

**الضمني:

بعدما قرينا الفهرسية وراجعنا الكتاب
ضبطناك في كلمة عتب حاضرين شهودها
وانا اللي على درب الوفا لابس بيض الثياب
غليبة تجيني منك ياالخس وش مقصودها

**الخس:

انا راكن للحق وايضا بيمناي النصاب
ماطيع الرجال اللي تفتل على عضودها
انا ما ازرق الصاحب ليا من غفل زرقان داب
ولاخير بجمالٍ يجي عضها ببنودها

**الضمني:

انامد خلي مع باب واحد ولك عشرين باب
جمال العقيلي تدحم والجرب بجلودها
تنادي مع الراعي وتركض مراكيض الذياب
ربوع تحاربها وقوم تحب خدودها

**الخس:

انا مدخلي باب الرجوله مهو باب الخراب
ولافي وكيل ادم على بيضها مع سودها
انا اركض مع الطيب واشيله على روس الهضاب
ماحط الثعاله يامفرح بقدر افهودها

**الضمني:

لمع نجمك البراق يومين واخفاه الضباب
متى طلعتك ياسهيل حتى تجي بوعودها
ليا شفت عندي يا احمر العين بالحبل اكتراب
تجند سلاحك والموارد حيام ورودها







توقيع الطائر المهاجر
 
  رد مع اقتباس
قديم 11-11-2007, 02:45 AM   رقم المشاركة : 6
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


علي بن بلال الفطيحي الوعيلي ( ابو سلطان ) وبين الشاعر تركي الميزاني المطيري الملقب بـ ( تركي 2000 )

تركي:
سلام ردية على اللي قدرهم عندي كبيـر
أصحابنا اللي من مكارمها تعز أصحابهـا
والمعرفة من بيننا في الوقت الاول والاخير
واللحية اللي ماتنومس ما تعـز أشنابهـا

علي:
يا مرحبا عن يام في مقدم مطيري من مطير
والملعبة تعرفك يـا تركـي وأنـا بوابهـا
والعزوه اللي تطحن البارود في ظهر البعير
ما زَعلت رجـال يعطـي العافيـة طلابهـا

تركي:
دام البقا وأنا أدري إنك فيك شـر وفيـك خيـر
والخيـل مـن خيالهـا والنـار مـن شبابهـا
يا كثر ما يطري على الخاطر وفي وسط الضمير
والمشكله في الغيبه اللي ما نعـرف أسبابهـا

علي:
وأنتم كذلك ما عليكم زود من وقت خطير
ربعك مطير اللي تثني في المناخ اركابهـا
والوقت هذا تعرفه مثل الرحى اللي تستدير
مالك ومال عيال يام اللي طويل غيابهـا

تركي:
إركابنا من دونها البارود والسيف الشطير
إليا جلسنا للجمال اللـي تعـوج ارقابهـا
وأنت من أول يا علي من خبرة الدنيا خبير
واليوم عينك ما نشوف الا سواد اهدابهـا

علي:
يا طيبكم ما ذمكم ولكن وينه هو الاميـر
اللي ما يصبح في بلاد القوم لو أمسابها
يا تركي الـ2000 لنعود بليس لك خشير
بأعلمك بالحكمة اللي مـا تعلمنـا بهـا

تركي:
أثرك يا ابن بلال ما تذكر وتنسى اللي يصير
تبنى خيامك ما دريت ان البلا في أطنابهـا
قال المثل عيب البعير إليا رغا بعد الهديـر
في الديره اللي لا يموت بها ولا يحيا بهـا

علي:
بكره تبى تصحا وتدري بالكبير من الصغيـر
إن المعانـي دلـة صفـرا وأنـا شرابهـا
وبعض الاوادم ما يعرفون الجمال من الحمير
هذا بلاي اللي سواتي ما يحسـب إحسابهـا

تركي:
آخر زمانك ما تعرف إيش القليل من الكثير
والدلـة أم الهيـل يـا شرابهـا صبابهـا
أهل السفارة قفولها ما بقـا فيهـا سفيـر
قامت تحاوفها الذياب اللـي تحـد أنيابهـا

علي:
العام جاء واحد من البدوان فاقد له بعير
يقول حمران النواظر ضمتـه لركابهـا
إفهم قبل ما إترك في ليل عبوس قمطرير
تنظر الى بعض النجوم اللي طوال أذنابها

تركي:
الشك زايل والصقور الكل بجناحه يطيـر
والكلمة القشرا توقع في طرف من جابها
محد(ن) خبرك تجنب الجنه وتنصا زمهرير
وأنته تعرف النار ما تصير على مشهابها

علي:
أثرك يا تركي غشيم ولا يزعزعك النذير
ما تعلم إن شاعر معاصير الدول غنا بها.







توقيع الطائر المهاجر
 
  رد مع اقتباس
قديم 11-11-2007, 02:45 AM   رقم المشاركة : 7
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


ابن حوقان وابن هضبان
محاورة جنوبيه


ابن هضبان وابن ثايب







توقيع الطائر المهاجر
 
  رد مع اقتباس
قديم 11-11-2007, 02:46 AM   رقم المشاركة : 8
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


بخيت السناني وعمر الخالدي

بخـيـت السـنـانـي الجـهـنـي

يا سلامي على ربعي و ثني السلام
مرحبا بالضيوف الحاضرة كلها
عمر قشموع سج الرجل قبلة و شام
ما بقت غير حاجة كيف ياصل لها

عـمــر الـخـالـدي الـهـذلـي

خلها واحدة و الثانية للكرام
مرحبا من رجالٍ جيت ف محلها
عمر قشموع هاجد كل ليلٍ ظلام
إن نصتك الغزية ويش تعمل لها

بــخــيــت الـسـنــانــي

أعتقد ما خرجنا عن حدود النظام
إكسب الأولة والثانية خلها
أنت شجرة شفا من فوقها الطير حام
لا تظلل و ظل الله ولا ظلها

عـمـر الـخـالـدي

جايز(جايب) الحق ناقص مايزود وسام
و أنت ودك به الثنتين تحتلها
مالك إلا ذراها في ذراها تنام
روح علم جهينة قلها قلها

بــخــيــت الـسـنــانــي

لا يطول النقاش ولا يزيد الكم
من يعرف الدروب البيض يدلها
أذن الفجر وانته فوق ريش النعام
مير قم و الفريضة صلها صلها

عـــمـــر الــخــالــدي

صاحبي جابه الله ما معي به وهام
من نقض كلمته لا عاد يفتلها
اسمع العلم واخذ العلم ذروة سنام
المحطات غيرك ناس ترسلها

بــخــيــت الـسـنــانــي

جيت لك بالسيوف اللي تقص العظام
كان عندك سيوف سلها سلها
الرعد في عشيرة و المطر في جهام!!!
و المطر يسقي الأشجار و يبلها

عـــمـــر الــخــالــدي

بندقي في يديني و الفشق فالحزام
و أطرح المبعدة من دون أدربلها
إن تركتك مصيبة و إن ذبحتك حرام
العرب نا تسير دل عن دلها

بــخــيــت الـسـنــانــي

كان جبت البعيدة شوف عندك تمام
جعل الأخطار تقبل لك و تقبلها
ما تجيب الصقور إلا فروخ الحمام
لا تحلق بسقف العرش تنزلها

عـــمـــر الــخــالــدي

من يلوم البدو في اللي حصل ما يلام
دام شاة البدو محدٍ بفاطن لها
ما تركها سنان إلا خبيث الرسام
مير لا بدها تنساه و يملها

بــخــيــت الـسـنــانــي

الذيابة تعاوى والبدو في الخيام
جعل ما فات يحصل لك و يحصل لها
السناني ترفع عن بقايا الطعام
روح ناد الفقارى تفطر أحسن لها







توقيع الطائر المهاجر
 
  رد مع اقتباس
قديم 11-11-2007, 04:44 AM   رقم المشاركة : 9
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


ابراهيم الشيخي ومحمد معيوف

=محمد معيوف
الايامرحبا من هيض صدري يوم بحره طاش=عبابـه تصطفـق والريـح غربيـه شماليـه
الا يالشاعر اللي في ربوع الفيض عمره عاش=قيـادات الهـرم بالحبـل مربوعـه ومثنيـه
=ابراهيم الشيخي
يدوم لك البقا من هيض شاعر مابرد له جاش=هواجيسه تعانـق كـل الابـراج السماويـة
لك الله ماشريناها سلف ماعندنـا الا كـاش=واخذنا في حسابات البنـوك ارقـام سريـة
=محمد معيوف
على دار الرشيد من المزون المظلمات رشاش=تعانق جوهـا مابيـن حـر الشمـس والفيـه
تراها ليلة العشر وظروف الشعب طبعاً ماش=غزاها ثار يعرب واصبحت ثـورات قوميـه
=ابراهيم الشيخي
يابن معيوف لاتنظـر بسوداويـة الاوبـاش=عن الواقع تعوَّض فالمنـام احـلام ورديـة
عساك تحرر ارض الرافدين وترفع الشوباش=على قسمات وجهك من صلاح الدين ماريـة
=محمد معيوف
انا ماني بميّس والمريـض بغرفـة الانعـاش=ابا احـاول لعـل الله يـروف بحالـه شويـه
تراي ابحث عن الطيب ولااخاوي سقاط اللاش=لكـن هيـا توكـل ودَع الـدار الجنوبـيـه
=ابراهيم الشيخي
اناماجيت ازوره لين حصلته طريح فراش=اثر بدو الخليج اكلاتهم ماهـي بصحيـة
والا ياطيب عنقود العنب لو كان ماينّاش=تطاول للعنب يمكن يديك اطول من ايديه
=محمد معيوف
ليا منك جرحت النون بين الجفن والارماش=تبي تتعب تدوّر لك على وصفـات طبيـه
عتاداتك بدائيه مابين الـزرف والرشـاش=وحنا في عصور الحرب بالاجوا الفضائيه
=ابراهيم الشيخي
تشجع واقبل الواقع وعن واقعك لاتنحـاش=ترى نكرانك الواقع دمار وضعف شخصيـة
غزيناكم بحرب المعرفة ماهي بحرب هواش=ويثبت لك جوابي عبر الاقمـار الصناعيـة
=محمد معيوف
معالينا حقايق وجهها ابيض من بياض الشـاش=رجوم المجد ماهي غرفـة ٍ مـن طيـن مبنيـه
عدسات ( الهيلوكبتر ) تصور دون ومض فلاش=وبعض من البشر يبحث عن الروح الرومنسيـه
=ابراهيم الشيخي
لو الشوكة تصيب عيونكم ماجابها المنقاش=وانا اللي مايصيب الشوك مني غير رجلية
مادام الاقنعة ماتكشف الصادق من الغشاش=أنا حكمي على ظاهر كلامك ما اعلم النية






توقيع الطائر المهاجر
 
  رد مع اقتباس
قديم 11-11-2007, 04:48 AM   رقم المشاركة : 10
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


بعيد الهقاوي(عويد المطرفي) ونايف السميري

نايف السميري :

ياسلام الله على شاعرٍ حلمه بعيد
.................... من رجالٍ فالمواقف تبين افعالها

يابعيد اقرب هنيا معي علمٍ جديد
.................... دوب زان الليل والخيل من خيالها


بعيد الهقاوي :

مرحبا ياشاعر(ن) يوم اشوفه يوم عيد
.................... من رجال(ن) تدعم افعالها بأقوالها

جـــيت يانايف وربي يـــدبر مايـــــــريد
.................... والمعاني عمها يخـــتلف عن خالها

نايف السميري

ليه يوم انك تفك البعير بغير قيد
.................... مع جمالٍ مايسر الموده حالها

اخبرك رجال مدرك وتفكيرك سديد
.................... بس هذي كيف راحت عليك احبالها


بعيد الهقاوي :

البعــير اللي تقــــوله ترى باسه شديد
................. الحمول الكايده كلها يشتالها
مايفيد النصح في واحد(ن) راسه عنيد
................. خل كل الناس يا صاحبي في فالها


نايف السميري :

ياعويد لاتدور مع المفلس رصيد
.................... كلمةٍ صحيح لو قالها من قالها

صح راح تفيد لكن ماضنك تستفيد
.................... العدود اللي تردها مغور جالها

بعيد الهقاوي :

والله اني مااطلب المـــد من كف الزهيد
.................... نعـــمل الحسنات والله يجــيب إبدالها

انت لو تدري عن الوضــــع كله ماتزيد
.................... جرح ناس(ن) ذاقت المـرّ في فنجالها


نايف السميري :

المثل يقول مال الحديد إلا الحديد
.................... دور اللي صرفها ماينقص مالها

المعاني ماتبي واحدٍ قلبه بليد
.................... شفها في واحدٍ مايجي يبرالها

بعيد الهقاوي :

احسب انك فيك رحمه واثر قلبك جليد
.................... تنكر الرحمه على الناس ضمن اعمالها

يوم اسوي خير مااحسب لزيد ولاعبيد
.................... ارجـــي الله في ليال(ن) يغـــــيب هلالها


نايف السميري :

قالها مطلق لمستور وافهم يارشيد
.................... من معه حيله ليا وقفت يحتالها

ليه مادورت دربٍ يجنبك الصعيد
.................... واسترحت من القضية ومن موالها

بعيد الهقاوي :

ماعليه من نصائح ملوية القــــــصيد
.................... حافظ(ن) فكري تحت غترتي وعقالها

ليه ادور راي غيري وانا رايي جويد
.................... مااعطي اليمنى لناس(ن) تمد شمالها


نايف السميري :

ياعويد والله اني سعيد مع السعيد
.................... ماحسد اهل الخير فاللي يحوشه فالها

والدعاوي كلها لو نقول ولو نعيد
.................... كلمةٍ مع نفس مخراجها مدخالها

بعيد الهقاوي :

الرساله جاتــنا يالسميري فالـــــبريد
.................... والحسد مايفقد الناس روس اموالها
اعرف انك للجزيله ياابو باسل تصيد
.................... والغــصون اليابسه مايضـــل ظلالها







توقيع الطائر المهاجر
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
محاورات ملفي المورقي الطائر المهاجر محاورات خارجيه 17 18-03-2011 02:07 PM
محاورات المسعودي الطائر المهاجر محاورات خارجيه 17 15-12-2010 11:58 AM
محاورات الجبرتي الطائر المهاجر محاورات خارجيه 20 09-12-2010 01:17 AM


الساعة الآن 01:56 AM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة