العودة   منتديات الفطاحله > منتديات الشعر النبطي/يمنع الفيديو > رواد الشعر النبطي > رواد الشعر النبطي المعاصر

إضافة رد
 
أدوات الموضوع
قديم 03-10-2007, 01:16 AM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي فهد بورسلي


فهد راشد ناصر بورسلي ولد بالكويت سنة 1918وتوفي بها سنة 1960م وكان والده من كبار رجال البحر المعروفين و تاجر لؤلؤ يمتلك العديد من السفن التجارية ، سافر إلى الهند مع والد و كان يتردد على البحرين و السعودية و جنوب العراق وكان يتقن الهندية و مطلع على ثقافتها و كان معجب بالشاعر رابندرانات طاغور.

عرف فهد بورسلي كشاعراً شعبي أكثر منه كشاعر نبطي اهتم بالمشاكل الاجتماعية فكان كالصحيفة الناطقة...كان ساخرا شاكيا من كل شئ منع الكثير من شعره لتعرضه لبعض الجاليات بسخرية لاذعة كالمهارة"أهل حضرموت" ، وكذلك هجاءه لبعض اصحاب المهن كالكنادرة"باعة الماء" في ذلك الوقت...
وفي وقت لم يكن للتلفزيون فيه وجود...كانت الشركات الكبرى تدفع له ليقول شعرا في بضاعتها ثم تقوم بطباعة هذا الشعر والقاءه على الناس من خلال طائرة...كما فعلت شركة سجائر "بكنويت" وشركة "رامبلر" للسيارات...
فقد تكلم رحمه الله بلهجة أهل الكويت وعبر عن معاناتهم ونظم الشعر بلسانهم مستشفاً فِكَر قصائده من معاناتهم اليومية بجميع شؤون الحياة في المجتمع الكويتي مثل أزمة الماء والتمويل والمدراء والكهرباء نظم الزهيري، والهجاء، والمديح، والعتاب، والشكوى، والغزل، والغنائيات، والإخوانيات، والقصائد الوطنية، بالإضافة إلى القصائد الانتقادية الاجتماعية والسياسية.أدخل مستشفى الأمراض العقلية في أواخر أيامه...وقد تحدث عن هذه الفترة شعرا.تم غناء الكثير من قصائده وأصبحت من السامريات المشهورة في الكويت والخليج.

مما قال :

شايـبـنـا يـمـشـي ويـطـيـح=نوبـه يـصـوّت نوبـه يـصـيـح
ش أزيـد مـن هـذا الـتصـريـح=صــوّت ولالــه حــمـــاي
وعـجـيـزنـا مـثـل الـبـطـة=تـشيـل الـقـوطـي وتـحـطـه
بـذمـة مـن دبـر هـالـخـطـه=خـلا الـعـالـم رايــح جــاي

وقال ايضا عن نفس الأزمه :
الـبـلـــد هــذي وأهـلـهـا=الـبـلا مــن الـلـي دهـلـهـا
كــل مــن زار ونــزلـهـا=زاحــم الـلـي عـازمـيـنـه
لــو تــرد إلـنـا وربـعـنـا=مــن مـواردنــا شـبـعـنـا
بــس جـانـا مـن تـعـبـنـا=تـرجمـوا يـا هـل الـرطينــة

وكان أحد أعلام الشعر النبطي الذين تميزوا فيه ويروي أحد معاصريه أن بورسلي حضر ذات مره إلى محفل القلطة وكان شعراء النبط من أهل البادية يتحاورون وحاول بعضهم تجاهل بورسلي كشاعر شعبي لا يستطيع مجاراتهم فدخل بورسلي القلطة معهم كنوع من التحدي واستطاع كما أكد الراوي أن يضيق الخناق على الشعراء الذين حاوروه علماً بأنها كانت المرة الأولى التي يدخل فيها بورسلي ، وكان بينه وبين بعض شعراء النبط ردّيّات يرسلها لهم ويجيبونه عليها أو العكس حتى أصبح أكثر الشعراء يحسبون حساباً لبورسلي كشاعر كبير. صدر لشاعرنا الكبير فهد بورسلي ديوان سنة 1955م وأعيد طبعه أكثر من مره إلاّ أنه لم يحمل آثار هذا الشاعر كاملة حتى صدر ديوانه سنة 1978م الطبعة الثانية وقد قامت ابنة الشاعر وسميه فهد بورسلي بجمع وترتيب الديوان بشكل يستحق التقدير ، كما يتداول الناس أشرطة صوتية لقصائد سجلها الشاعر بنفسه

ومما قال :
حل الفـراق وخافـي السـد باحـي=حاولت أصبر والصبر عـذّب الـروح
حالـي تـردى ومتكسـر جنـاحـي=حزين من كثـر الهواجيـس والنـوح
حامـي الوقايـد لح جسمـي لحاحـي=حسبي على الفرقـا بها السـد مبيـوح
حفظـت سـدٍ كـاتمـه لا يبـاحـي=حارت دموع العيـن والدمع مفضـوح






توقيع الطائر المهاجر
 
  رد مع اقتباس
قديم 03-10-2007, 01:18 AM   رقم المشاركة : 2
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


وله في وصف الدنيا

ألا يا عضيدي وين راحوا هل الثنـا=بنشدك حيثك باخـصٍ في أمورهـا
تراني بجي للموت تسلـوم شرعـي=إن قلت لي قضت وفاتت عصورهـا
حياة المذلـة تـرث الهـم والعنـا=وأنا ما تبيـن لي دجاهـا ونورهـا
أرى الناس ناسي بالمجالس وبالرخا=ولاني بعارف خيرها من شرورهـا
على الوجه مرأةٍ ومقـراضٍ بالقفـا=خساير رداها ما تسـاوي سرورهـا
أنا في زماني شـاربٍ كاس ضيمـه=وأصاحيب وقتي خادعتني سبورهـا
يخونـون من لا خان غرّة صحيبـة=عسا الله يجمع كيـدها في نحورهـا
أرى الكذب فرضٍ والنميمات سنـه=وعلى الظلم شيبـانٍ تدنّس بزروهـا
وإن طـاح ليـثٍ نـادرٍ للجماعـة=قامت على راسه تهـاوى طيورهـا
الأيام جـارت وأبلشـت كل خيّـر=الله يعـدينـا مصيبـات جـورهـا






توقيع الطائر المهاجر
 
  رد مع اقتباس
قديم 03-10-2007, 01:26 AM   رقم المشاركة : 3
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


ياهل الشرق مروا بي علـى القيصريـة=عضـدوا لـي وتلقـون الأجـر والثوابـي
انحـروا دختـر العشـاق يكـشـف علـيـه=كود يمسح على جرحي ويبري صوابي
ياغـريـب ن لفـانـا مــن ديـــار مـديــة=الغـريـب لأهـلـه وأنــا عـلـى الـعـذابـي
كـود يرفـا جـروح ن بالضمايـر خفـيـه=من رفا جرح مسلم فـاز يـوم الحسابـي
وهـقـونـي بـعـرفـه ناقـلـيـن الـخـطـيـة=مثل ماوهق العطشـان ضـوح السرابـي
في عيونه سحر هـاروت دمـث الشفيـه=اسحرنـي وأنــا بيـنـي وبيـنـه حجـابـي
اتـحــرى مـراحــه واتـحــرى مـجـيــه=واستخيـل البـروق اللـي بلـيـا سحـابـي






توقيع الطائر المهاجر
 
  رد مع اقتباس
قديم 03-10-2007, 01:30 AM   رقم المشاركة : 4
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


الدار ... جارت ... ما عليها شافة=والحر ... فيها شايف ٍ ... ما عافه
بالك تكاثر صدّها ... وان صدت=عادتها ... عقب القبول ... انكافه
دار ٍ ... لغير عيالها ... مشكورة=والّا ابنها ... تلعن أبو أسلافه
دار ٍ ... يعيش بها الغريب ... منعم=وتعيش فيها ... (ام أحمد العكّافة(
دار ٍ ... أوصّفها: عجوز ٍ شمطا=همّازة ٍ ... منّاعة ٍ ... حلاّفة
تغذي عيال الناس ... وتداويهم=وعيالها ... لعيونهم ... خطافة
آسف على الطيّب ... تردى حاله=والّا الردي ... ما من عليه احسافة
مثل الحمامة ... فرخها في البيضة=وعند اطْيَرانه ... تنكره ... وتعافه
ما دامنا شتى ... بفلك ٍواحد=ذاب الشراع ... وضاعت الغرّافة
هذا جزانا ... زين سوف فينا=خل الغرق ... ما يوهل النزّافة
نصبر غصب أو طيب ... هذي القسمة=لو نلحس التمرة ... ورا الخصّافة
أنا أعرفها زين ... ما استنكرها=اللي يوصّفها ... تضيع أوصافه
هذي (عذاري) ... الجار ما ينكرها=تسقي البعيد ... ولا ترش الحافة
حنا تقاطعنا ... وشلنا نفوسنا=والزود... خلانا على ميهافه
والحسد ... والبغضا ... وقلّ الرحمة=ما واحد فينا ... سعى بانصافه
يالله دخيلك ... عقب ذيك النخوة=ما من ... من الواجب ... ولا طرّافه
نجني الثمر ... من كل علم ٍ وافي=ولا نجني الثمرة ... من الصفصافة
من داخل الداخل ... وبار بجنسه=كلٍّ على اكتافه ... يشيل احتافه






توقيع الطائر المهاجر
 
  رد مع اقتباس
قديم 03-10-2007, 01:55 AM   رقم المشاركة : 5
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


يا روح روحــي مـن يسلّي الروح =بين السمر والبيض مقسومة
هذا النصيب اللي انكتب باللوح =أمست من الثنتيـن محرومة
مالي حدا غيـر البكـا والنـوح =نوح العليل اللي دنا يومه
للبيـض في لب الضميـر جــروح =وإلا السمـر هايمٍ بهم هومه
ما فـاد لا نــاصح ومنــــصوح =نفسـي تعرف الحـب مهضومـه

وله ايضا :

بان بدر التمامـي =من نصف ليلـة تمامه
نوره يجلي الظلامي =أهيف عجبنـي قوامـه
خـدّه تفـاح شـامي =والعين ترمـي سهامه
هذا غايـة مرامـي =مادري بغاية مرامـه
اسمه سيد الأٍسـامي =والمشي مشي الحمامه
حسّـه هيّـض غرامـي =ساهي على الخد شامه
عفت طيب المنامـي =الله يحرمـه منـامــه






توقيع الطائر المهاجر
 
  رد مع اقتباس
قديم 03-10-2007, 01:57 AM   رقم المشاركة : 6
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


خاطري طـاب من ذاك الفريج =صد قلبي وانا تابــع هواه
كل يـوم وانا أدق الطريـج =مـاأحْدٍ قـال لـي واعزتـاه
خبِّروا راعي الثـوب الرجيج =لا يجينـي ولا عينـي تــراه
أحمد الله تهيـا لــي صديـج =لو يجازيه مااطلع من جزاه
لي مشى هايف الخصر الدجيج =لـه ردوفٍ تتلَّـه مــن وراه






توقيع الطائر المهاجر
 
  رد مع اقتباس
قديم 03-10-2007, 02:01 AM   رقم المشاركة : 7
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


في أحوال الدين والدنيا :

الدنيا يا طامع فيـها =لازم تجفيــك وتجفيــها
هذي الدنيا اطلع حـوِّل =ثبّـت جدامـك لا تثــوّل
تاليــها ألعن من أوّل =وأولها ألعن من تاليها
لا تظن الديـن بهالسنّه =صل وصوم تـــروح الجنه
الدين كايد واسأل عنه =لازم فـروضــه تدّيهـــا
الدنيا والنفس قـرون =من قــرن إبليس الملعون
لا تحكرك مثل البـزّون =تعض الخيشة وانت فيــها
لا تخدعنا يـا مغـرور =ما تدري الأيــام اتـدور
لا تعيش بفرح وســرور =الــزم نفسك ولا اتطغّيها
حنّا إعيال آدم وحـوّه =والمسـلم لا تطفــي ضـوّه
العربـي فيـه مــروه =روحــي للعـــربي أفديها
الدنيا يا طامع فيها =لازم تجفيــك وتجفيــــها






توقيع الطائر المهاجر
 
  رد مع اقتباس
قديم 03-10-2007, 02:06 AM   رقم المشاركة : 8
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


وهذه القصائد الثلاث يصف فيها عناء الحصول على الماء في الكويت قبل انشاء محطات التقطير:

طاق وطرباق على الماي =وين نولي يا مـــــولاي
شايبنا يمشي ويطيـــح =نوبه يصوّت نوبه يصيـح
شَزْيَدْ من هذا التصريـح =صــوَّت ولا لـه حمّـــاي
وعْجَيّزنا مثـل البطــه =تشيــل القوطـي وتحطه
بذمّة من دبّــر هالخطة =خلّى العـالم رايح جاي
شيل القوطي يبغـى حيل =وين الحرمة ووين الشيل
كم مرة يدعمها التيـل =وتْشَنْْْْْْْْْْْْقِــــلْْْْْْْْْ مثل السبّاي
طاق وطرباق على الماي =وين نولّــي يا مـــولاي

وقال :




ليت هالنفط الغزيــر =ينقلب مــايٍ غديـــر
ما نبي النفط ومعاشه =صرنا للعـالم طمـاشه
اهلها ماتوا عطاشــه =ضاع بالطوشه الفقيـر
من الفجر شايل قْرَبّـه =بس يبـي لو درب يصبه
نفطــها غرّق أوروبـه =والظما بْـها يستديـر
جابوا كنديسه جديـده =قالوا بالعالم وحيده
قلت خير الله يزيـــده =وازرعوا حنطة وشعيـر
لا زرعنا ولا شربنـــا =كل قيظة نصيح ربنــا
من عجمنـا ومن عربنا =كل من أصبــح خطيــر
عرباين ما تبيعــــك =والمـهارا ما تطيعـك
من عوينـك من فزيعـك =نشتكي عند الأميــــر
ما نلومج يا بلــدنا =والسبب كثـرة عددنــا
شف بلادك يا ولدنـــا =ما بها مفــرش حصيــر
ليت هالنفط الغزيــر =ينقلب مــايٍ غديــــر






توقيع الطائر المهاجر
 
  رد مع اقتباس
قديم 03-10-2007, 02:16 AM   رقم المشاركة : 9
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


كتب الأستاذ عبدالعزيز حسين الكلمة التالية في مجلة البعثة على الصفحة 26 في العدد الثامن الصادر في شهر أكتوبر من عام 1951 :
حل فهد في مصح الأمراض العقلية ليقضي فيها أياما طالت إلى شهور حتى غدت حياته بين المجانين جحيما لا يطاق ... زرته في المصح يوم عيد الأضحى المبارك فما حمدت من حاله شيئا، وحسبك بشخص تام العقل مرهف الشعور يعيش في معتقل للمجانين، ويخضع لحياة رتيبة مملة بين مناظر مؤلمة وضوضاء صاخبة ... وفي حجرة أول ما يلفت نظرك منها تلك الأوراق التي سطرها الشاعر بشعره وما كنت لتميز حجرته عن باقي الحجرات لولا هذه الوريقات ... ووصف فهد لنا حياته وصفا تهكميا بارعا، وتمنى لنفسه وتمنينا له، ثم أطلعنا على هذه ((القصيدة التي نظمها مؤخرا لكي تكون شفيعا له عند أميرنا المعظم))، فوعدناه بضم صوتنا إلى صوته لكي ينظر سمو الأمير إلى أمره بنظره السديد، ((فإذا كان فهد في حال تدعو إلى أن يعزل مؤقتا)) فليعزل في مكان محترم لا يسئ إلى جسمه وروحه ..أ.هـ. يبدو ان مستشفيات الصحة النفسية في بعض البلاد العربية استخدمت لأماكن يعزل فيها من لايرضى الحاكم عنه ..

وا قلبي اللي بيّح الهم سدّه=أزرى الصبر يطفي لهايب وقيده
وليت ياحظّ مريض وتردى=صارت مناويه القريبه بعيده
من كل صوب الدرب عني يسدّه=لا هو مروّغٍ بي ولا الدرب سيده
الحظ نايم والليالي مصدّه=يا سقم حالي يا حياةٍ زهيده
شكيت ما بي للرجال اتجدّه =لجيت بالصحة وصارت مكيده
سهران ليلي بين جيبه وردّه=هذا يونّ وذاك يرجس حديده
ذا لي زمانٍ من جفيت المخده=صابر بحكم الله ليالٍ عديده
والله والله الذي مد مدّه=الواحد اللي باصرٍ في عبيده
فلا شكيت إلا وجسمي بشدّه=وجيت مستشفى الأميري يفيده
ياليت صابر ما عنيت اتهدّى=لوني من الهزلان حالي جريده
ياوالد الكل بوفا ومودّه=يا من لنا تسنيع الأحوال بيده
إن كان أنا زليت وأمري تعدّى=منك العفو زايد ولا أحدٍ يزيده
داخل عليك بجاه سالم وجده=العفو عند المقدرة منك أريده
عندي خبر عطف ولا مضدّه=لكن على رْضاك أكبر فقيده
رْضاك له ما أحدٍ يسد بمسده=وغيظك يحيّر لقمته في وريده
مملوء فضل ضافي طاف حدّه=عاجز يعبر عن ضميره قصيده
أعيش من ذكره وأفوز بمرده=ينمي الجسم لو ما بقى به شريده
عبدالله الليث الغيور المفدى=مادام لي دامت ليالي سعيده
ظل الجماعة في ليانٍ وشده=ذرب الفعايل والخصايل حميده
شيخٍ سعفنا باجتهاده وجدّه=كل البلد من نظرته مستفيده
عينه على الشعب الكريم ويودّه=الله يمهل له سنين مديده
يلوذ بك من لا طريجه يجده=جودك وهو من جود جودك يجيده
راجيك من هو حرّق الدمع خدّه=عطفك تروف بحال روحٍ وحيده
ياما رحمت وجدْت في كل ندّه=واحييت منكوب وفكّيت قيده
لعل ما تبكيك عينٍ توده=بأمره وهو ماين على ما تريده






توقيع الطائر المهاجر
 
  رد مع اقتباس
قديم 03-10-2007, 02:20 AM   رقم المشاركة : 10
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


ياطير ياخافق الريش=بلغ سلامي وثنه
ثنه على أبو عكاريش=اللي سبى العقل فنه
أبو عيون مرا يش=من شافهن يذبحنه
ابو ثنايا مراهيش=ويلي على مزهنه
وقذيلته كنها الريش=ريحه زباد وحنه
صملان قلبي معاطيش=ومن الظما يسنه
لولاه انا كان ما اعيش=ومن ها الحياة اتهنا






توقيع الطائر المهاجر
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:43 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة