من يسامرني

[الطائر المهاجر]

من يسامرني ويسمع هرجتي قبل الجواب = في ضميري مثل نار تلتهب مما ارى
فالعرب صاروا بذله وانحدارٍ في التراب = كثر ما اسمع ولكن دون فعلٍ يحترى

[نجم الإبداع]

مرحبا بك جيت عابر عقب فقدان الصواب = صمت مطبق والعواطف ماتحس الي جرى
بانت الخطه جليه واشهرو كل الحراب = قصف وصواريخ تضرب وينهم اسد الشرى

[عبدالله الشويمان]

المشرف العام وبن منشار

الله الله

يالله ان تقويهم

واصلوا متابعينكم يا الفطاحله.

الله الله الله

يامال العافيه..

شاعران استمتع بالقراءه لهما ومتابعة جديدهم.............

معكم ومتااااااابعين .............
بيض الله وجيهكم

[الطائر المهاجر]

ياجماعة وش نسوي واحنا نطرد في سراب = كلما نسمعه كذب ماعرف صدق البرى
من نصدق مين صارت واضحه لاهل اللباب = لكن الحاصل ضحايا انتهت تحت الثرى

[نجم الإبداع]

لو حسبناها بدقه وش سبب هذا الخراب = في زمانٍ ماعرفنا الي يبيع ومن شرى
امةٍ ضخمه وثكلى فكرها فيه اظطراب = تنتهك في كل ساحه حالها والله زرى

[نجم الإبداع]

عبدالله الشويمان

محمد البدراني

حضوركم نوماس

لاعدمناكم

[الطائر المهاجر]

العقل نعمه ولكن عقلنا فيه العياب = ردة الافعال تحكمنا ولكن بالهراء
وش تبي من شعب همه في المظاهر والثياب= كل ما يلبس يورد من عدوٍ افترى

[نجم الإبداع]

حكمة الامي قويه مايجانبها الصواب = مير به فرقه وريبه وانت بعيونك ترى
والمصيبه ماصنعنا لارصاص ولا شهاب = لبسنا والزاد مستورد من اهل انجلترى

[الطائر المهاجر]

من يهيج ثور اقشر لا يوقف له بباب = يركده بالعقل حتى يمسك بذيله ورى
شاطرينٍ بالمحارش والشجب حتى السباب= والطياير في سمانا تاصل اللي في الذرى