العودة   منتديات الفطاحله > منتديات الشعر النبطي/يمنع الفيديو > رواد الشعر النبطي > رواد الشعر النبطي المعاصر

إضافة رد
 
أدوات الموضوع
قديم 03-10-2007, 02:21 AM   رقم المشاركة : 11
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


سلموا لي على اللي سم حالي فراقه=حسبي الله على اللي حال بيني وبينه
قايد الريم تاخذني عليه الشفاقه=ليتني طول عمري خاتم فى يمينه
أه وا قلبي اللي راح مني سراقه=تل حبل الموده وانقطع فى يمينه
بالهوى طاح ما بالراس عقب الحماقه=اتشهد واسمي لا خزرني بعينه
والردايف تشيل الثوب عن حجل ساقه=مثل برق تكاشف لا كشف عن جبينه
زاميات نهوده يوم زرر شباقه=مثل خوخ مخدد توهم قاطفينه
لا ذكرت الليالي اللي مضت والصداقه=عود القلب يرجف مثل رجف المكينه
عقب ما هو نديمي صار شوفه شفاقه=الله اقوى على اللى عشر واربع سنينه
اشتهى عشرتي وانا عشقته عشاقه=فى زمان مضى واليوم ويني و وينه






توقيع الطائر المهاجر
 
  رد مع اقتباس
قديم 03-10-2007, 02:33 AM   رقم المشاركة : 12
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


اغنية «يا ناس دلوني» حيث غنتها الفنانة عايشة المرطة اذ تقول:

يا ناس دلوني=درب السنع وينه
ما شوف لي مرقى=من بير الأهوالي
من صد مظنوني=وخلى بلا دينه
يجاوب الورقا=من ضيجة البالي
عزاه يا عيوني=تبجي على عينه
بوشامة زرقا=بالحب قتالي
ياوي مزيوني=والطول وازينه
على كثر فرقا=والزلف ميالي
يلي تعذلوني=فرقا الضحى شينة
خد لمع برقا=يلحق على حالي
بالعيد عزوني=وين الطرب وينه
قلبي غدا سرقا=تم الحشا خالي






توقيع الطائر المهاجر
 
  رد مع اقتباس
قديم 03-10-2007, 02:36 AM   رقم المشاركة : 13
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


شقول يااهل الهوى


شقول يااهل الهوى شقول=هذا نصيبي من الخلاني
وشفي يديني على المجمول=يرضى الضحى والعصر زعلاني
لحول يااهل الهوى لحول=تباتل الصد والهجراني
والخد مثل الفنر مشعول=ياضي على الحوش والجيراني
مضمر والشعر منسول=لي جيت احب النحر غطاني

وله ايضا :

يالله تجبر خاطر المسكور=مابات مرتاح ولا ليله
شفت الهوى مابه فرح وسرور=حياتنا بالغى وسهى له
يابنت حكمج عذب المامور=جني على المجنون ياليله
انا كسر عيني شعاع النور=في غرته شبت جناديله






توقيع الطائر المهاجر
 
  رد مع اقتباس
قديم 03-10-2007, 02:41 AM   رقم المشاركة : 14
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


هذه القصيدة للشاعر الكبير فهد بورسلي وهي من قصائد المعاناة والشكوى وسميت بال ((السجن )) لانها حملت معاناته وهو مسجون ظلما ,, وهي موجهه إلي الشيخ صباح الاحمدالصباح النائب الاول لرئيس مجلس الوزراء ووزير الخارجية آنذاك ,امير البلاد حاليا .. حيث قال فيها

ياالله يافكّـاك عـسـرات الأنـشـاب =يامفرّج الضـيجـات يا مدبّرالكـون
تفـرج لقـلب حـل فـيـه تـِلـْهــاب =سـهـران ليلي والمـدامع يهـلّون
خـمـسـة عـشـر ليله منامي بـدِبـْاب =انا سهـيرٍ والخـلايـج يـنامـون
اونّ ونّـه مـن وطـى غـاســق الـداب =ومـن ونـّتي حـتى الأجانـب يونّون
واسـباب مابـي مـن خـوالي والأغـراب =حـقـّي كلـوه وتالـي الـحـق يشـكون
دشّيـت فـي سـجـنٍ عـلى البـاب بـواب =يا خالـجي تـرحـم مـريـضٍ ومـسـجـون
ويـن الجـماعـه والرفاقـه والأصـحاب =تـغــيـروا وِشْـعـلمـهـم مايـمـرّون
ربـع الفـر اهـيـه بـلا عـدّ وحـسـاب=والضيج خمـسـه عقب الالفين يصفون
مالي بهـم عـن قربهـم خـاطـري طـاب =يـسـلم هـديـب ويسـهـل الأمـر ويهون
بدري الـي جـن الدجـى والقمـر غـاب =ذخـري وانا له فـي مـدى الدهـر مديون
والظـن فـكّـاك الأنـشـاب مـاخـاب=يامـا عنيت وشـفـت الأفـراح بلعـون
الله يجـيـره من تصـاديـف الأسـباب =صـباح أبو نـاصـر دوا كـل مـطـعـون
كنز الوفا بحـر الندى ريـف الاحـباب =شـيـخٍ نـشامـا عـامل الناس بالدون
من لاذ بـه مـن ضـيـم الأيام مـاهـاب =أحــجـي عـلى ماشـفـت والناس يـدرون
قـم يالنـديـب أوصـل العـلم بـكتاب =خـلّ الهـجـن واركـب مـن الدوج صالون
شـرّج على دسـمـان مـدهـال الانجاب =قـصـرٍ سـما مجـده عـن الـذّلّ والهـون
دق ((الهـرن )) واقـف ولا تاصـل الباب =تلقـى الـخـدم فـي ساحـته يسـتـديرون
وانـشـد عـن الـي للتنافـيل جـساب =يجـيك ابو ناصر حـجـا كل مـمهـون
سـلّـم عـليـه ولا تـذيـّر وتـرتـاب=عـطـه الكتاب وبلّغـه كـلّ مـضـمـون
قـلـه فـهـد قـلبـه مـن السـجـن منصاب =خـطـرٍ هـمومه تخـشر العـقل بجـنون
تـداركـه ياشـيخ يا عـرب الانـساب =مالـه سـوى جاهـك وهـو منك مـمـنون
دهـري رمانـي بـيـن ظـهـر وخـلاب =ومن حـالتي كـلّ المـلا يسـتغـيـثون
يا شـيخ شـاب الراس مني وانا شـابّ =بطـّلت عـن حـقٍ ولـو كـان مـليـون
ماهـمـنـي دنيـا ولا دَيـن طـلاّب=إلـي سـلم شـخصـك عـساهـم يـولّون
وخـتامـهـا مـنّي سـلامٍ وتـرحـاب=شريـف للي بالمـواعيـد يـوفـون






توقيع الطائر المهاجر
 
  رد مع اقتباس
قديم 03-10-2007, 02:48 AM   رقم المشاركة : 15
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


جزى البارحة جفني عن النـوم =جزى من غرابيل الزمانـي
صبرت أمس مع قبل أمس واليوم =واشوف العشر تصفي ثماني
عذابٍ علـى العشـــاق مقسـوم =تولعـت يـوم الله بـــلاني
يلــزِّم علي الشــوق تلــزوم =وانـا يـوم لزَّمته عصاني
سجيـم الهوى مـا يسمع اللوم =حنيـن الجفا سـد الأذاني
شريــف على التكيـات مخـدوم =ولا هو من الطرز الجباني
طريـحٍ عـن اللـذات محـــروم =صوابه خطـر بين المحاني






توقيع الطائر المهاجر
 
  رد مع اقتباس
قديم 03-10-2007, 03:14 AM   رقم المشاركة : 16
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


القصيدة المهملة (بدون نقط)

أحمد المحمود سامع لك دعاك=حكمه الحاكم على كل الـورى
مالك الا ملاك ومـراده هـداك=راحم المعسر لو صاح أو عرى
أمره الصادر رحـم والاهـلاك=هللوا له وصلوا أمـر أومـرا
الودود الواحد ومـره عطـاك=سم واسمه سور لو همك سرى
الدهر صكه الى عال ورمـاك=وعلعلك همه وصده واسهـرا
لو عد لك عام ما همه هـواك=كم واحد هد حالـه واحصـرا
اصمد لحكم الودود الله حمـاك=رادع الاوهام عالـم ماطـرى
دلهـوك ودهـم عــود وداك=هل دروا ومحال ما واحد درى
دورهم داروك وحامـوا وراك=ولهم اسم العـلام ومعاصـرا
ماحصل لـك كـلام الاصـداك=هامل ومهمل وروح محسـرا
الدهر عاداك واعراك اعمـلاك=سوهـا دمـك ولحمـك ودرا
والسهم والهم وهم داك ودواك=اولهم علمك وحـدك عسكـرا
هل دمعـك دم وعـودك دواك=ما أموم الحـر دارى الحمـرا
اسأل المولى الى دهرك عصاك=عالم احوالك سوى الله ما أرى
هم العلى ماكر الحر والعـلاك=والدهر داول ملـوك وأوامـرا
عادل الأحوال وعده ما عـداك=ما وعد له واصلـه مـا دورا
كم معسر عاد له سهمه املاك=ورده أمـره وسـره صــدرا
الدعا سهمك وهو سامع دعاك=حد لها حد المسائـل مـاورا






توقيع الطائر المهاجر
 
  رد مع اقتباس
قديم 03-10-2007, 03:39 AM   رقم المشاركة : 17
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


زهيريات

ياسيد البيض
حالي كما حال قيس العامري وأردا
بأسباب عذرك طريح الموسدة وردا

خل المسايير في جنح الدجى خاطر
وأدرك محبك ترى هجرك كسر خاطر
ما كل يوم...

ياصاح

يا صاح عد الرفاقة بالحجي عدهم
وتعرف ربع الرخا مالك قدر عدهم
ربع الفراغات عند النايبة عدهم

الطيب محفوظ عند رفاقته وهله
ترجي أهل كيف حالك مرحبا وأهلا
خالف هواهم وقلبك بالصبر وهله

لو كنت ظميان لا قادر على عدهم

ياناعس الطرف
يا ناعس الطرف خل مواصلك منا
واعرف حالات الهوى وصل بلا منا
لا تقول منا وأنا أقول الدرب منا

أخاف حسودي يفرق شلمنا وهلك
تشمت بنا الناس خلق الله وأهلي وأهلك
ما دام وهلتني واجب أنا وهلك







توقيع الطائر المهاجر
 
  رد مع اقتباس
قديم 03-10-2007, 03:46 AM   رقم المشاركة : 18
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


يلاحقني الورق
تاخذني هموم الوقت من وقتي
اسكت والسكوت أنتِ
أحاول والحلول أنتِ
شسولفلك..وانت سالفة صمتي
بسمرة الشفايف
بين صمت وصمت
تحديت الزمن
حتى نساني الوقت
خطيتك على الإصرار
على التكرار
وشلتك في سكوت
الحب
حبيبة آخر المشوار
حبي فوق تعريفي
حبي فوق تحريفك وتحريفي
وأنا ملزوم أتصبر
نسيانك مهو بكيفي
وعيونك نجوم الليل
كل الليل في صيفي
أحارب عالم عيونك
أحارب ينكسر سيفي
أبحر فيك يا حلوة
تغرقني مجاديفي
أنا بصحرا سكوتي انتحر وحدي
أعاني الصمت
أعاني الخوف
أعاني وجدك ووجدي
بهاجر من جديد أبدي
بحارب بالجمر بردي
بصمم أوفي في وعدي
وأصمم أحكي ما عندي
ولما يرتفع صوتي
أحيّ حتى الورق ضدي
أنا المقسوم للسكتة أنا المقسوم
أنا العايش..أنا المعدوم
أنا غيمة مطر
وأنا العطش كل يوم
كنت آكل من أشعاري
كنت أشرب من أشعاري
وكنت أعزم على المقسوم
كنت أتعاطى هم الناس
كان ( بيتي ) بيوت الناس
وياما بدفتر بيوتي
طاردني السهر والنوم
وياما بليلي ضاع الليل
في سكة قمر مهموم
وياما بشعري وأشعاري
غفت ياما كثير نجوم
أمشي في شوارع ليل
غريب حتى عن ثيابي
غريب حتى عن احساسي
عن اعجابي
أضيع في غربة الألوان
أسير الصمت وأعصابي
أضيع تحت المطر غابة
ارفضتني أصغر أعشابي
أضيع مثل الطفل في البر
حزن الليل ألعابي
أمشي..أمشي..طول الليل
الماضي يوقفني
الذكرى تصادفني
أمشي .. أمشي ..طول الليل
تتعب مني أتعابي
أمشي .. أمشي ..طول الليل
يبكي دربي وترابي
أنا أول شجر
أغصانه ممنوعه
أنا أول شجر
يشرب من دموعه
يهاجر ظلي من تحتي
يترك صوتي حنجرتي
تصير السكتة مشروعة
وبين الهجرة والهجرة
يموت الحب من جوعه
وتبكي خطوة عيوني
تبكي .. تبكي مخدوعه
أحاول امشي واتردد
جميع دروبي مقطوعه







توقيع الطائر المهاجر
 
  رد مع اقتباس
قديم 03-10-2007, 04:25 AM   رقم المشاركة : 19
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


ألا يـــا ونــتــي ودمــــوع عـيـنــي تــهــل = مثـل شـن علـى جــال المـقـام المهـايـف
حسرتي في ضحى العيد من شوف خلي = قـاعـد مــا جــداي الا الـبـكـا والحـسـايـف
اه وا بـري حالـي عقـب مــا خــلا محـلـي = مثـل مـا يبـرا ابـن فرحـان لـدن السقـايـف
جعل من لامني في اللي حديثـه يسلـي = جعله الله شمات من بيـن سبـع الطوايـف
اطلـب الله واسيـلـه كلـمـا جـيـت اصـلـي = جعلـنـا عـقـب ذا الفـرقـى نـعــود ولايـــف






توقيع الطائر المهاجر
 
  رد مع اقتباس
قديم 03-10-2007, 04:27 AM   رقم المشاركة : 20
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: فهد بورسلي


يوم الاثنين الضحى شفت لي غرو عجيب = وتحسب انها حققت في وانـا مـا اشوفهـا
ولاسقى الله سدرة غصنها غصن رطيـب = وحـدرهـا شـقـر الـذوايـب تـفــل زلـوفـهـا
وشالها عصر الصبـا والغـدا بيـض وحليـب = ولوتحـوس الـورد يـا سعـود ضــر كفوفـهـا
واحـمـر نفنـوهـا والعـبـاة مـــن الـكـريـب = ماتمـيـز صـبـغـة الـســاق مـــن نفـنـوهـا
وماتعنـت للحطـب والرشـا فـوق القلـيـب = دايــــم مـخـدومــة والـعـبـيــد تـحـوفـهــا
وعلـة الفنطـاس مايفتصـل فيهـا الطبيـب = مــن عـيـون بالـمـخـازر تـســل سيـوفـهـا






توقيع الطائر المهاجر
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:05 AM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة