العودة   منتديات الفطاحله > المنتديات العامة/يمنع الفيديو > وسع صدرك

وسع صدرك العاب وإقلاع

إضافة رد
 
أدوات الموضوع
قديم 16-10-2008, 04:07 AM   رقم المشاركة : 1
حوريه
عضو شرف
 الصورة الرمزية حوريه






معلومات إضافية
  النقاط : 10
  الحالة :حوريه غير متواجد حالياً

 

افتراضي مني سالفه .. ومنك سالفه..


اهلين بالفطاحله الحلوين على قولة اخوي سناعيس
سبق وعدتكم بسالفتي الثانيه
وها انا ذا اوفي بوعدي
بس ترا ذا لسالفه حقيقيه يعني ياحلوين واقعيه <<<<<< يا حظنا عندنا في المنتدىقصص واااقعيه ههههههههه
اياني وياكم اشوف احد ينشرها او ينقلها
والله اذا قرتها امي في اي مكان ان تدبغني بس هالمره مو ب بتوصيلة المسجل
لا بعد ما قل جهدها شرت خيزرانه شوفوا بعد ما قل جهدها<<<< اتفلوا وقروا على امي لا تصكونها بعين
المهم
مرت (ن)من المراري انا وابوي واخواني <<< لا يفوتكم حرف النون مدري منالي يقولونها
رايحين للمزرعه في قريه لا لا لا محافظه حول الرياض
وتعرفون الله يسلمكم طريق الرياض صلبوخ الرياض القصيم
ما شاء الله تبارك الرحمن الطريق كله خضره وبحيرات
ومطاعم والعاب ترفيهيه <<< ياااحسره
ارض شهبا والمطر عسى ربي يجيبه
وقدر الله من سوء الحظ تعطلت السياره ومن حسن الحظ قريبين من محطة بنزيل
ومن سوء الحظ ههههههه أخيس محطه
صغيره ولا فيها شى زين... حتى البقاله مهيب فيها
احسن ما فيها كرسي خشب طويل مثل كرسي الحداايق
المراد على قولة امي
جلست انا واخوي نطامر على هالكرسي تعرفون ملينا من الألعاب الي على الطريق
قلت خل نلعب على هالكرسي
وافصخ الصندل وانطامر ... وطمرة( ن) من الطمرات اثري وطيت حصات مدري شوكه
ومن النظافه جلست على الأرض واحك رجلي وحك واحك
جا الوالد وقال وشفيك قلت وطيت شوكه مدري حصات مدري حماار
قال قومي اجلسي على الكرسي
واثر الوالد الله يرحمه عارف لها على قولتهم
طمن راسه ويمشي على شوي شوي تقل ضايع له شى
والى والله يقز الوالد عقرب صغيره لونها اصفر
وينادي هذاك الزول ويجي هو ويا ابو هنود لا بس تنوره اقصد وزره
واسمعهم يقولون عقرب عقرب قرصتها عقرب
وانا الي اقعد اصييييييييييييييييييييييح واصيييييييييح
وقال ابو أسكتي يوم دريتي انها عقرب صحتي تو ساكته
وو و وأنا اللي انطم واسكت
ويروح الزول ويجيب دوا متعودين طبعا على هالعقارب عندهم
قال الوالد ابوديها للمستشفى قال الزول لالا ما عليك
ويحط ذاك الدوا الأسود على رجلي
ويقوم ابو هنود من الجهده ويشق وزاره ويربط رجلي يبي اسرع حتى الشاش موب عندهم
وأنا الي اقعد اصيييييييييح واصييييح
قال ابوي وشفيك .. قلت وخر الربطه وع ما ابيها عقبه
ويشقلني ابوي ويركبني السياره
واثري صجيته ويلتفت على ذيك الألتفاته ويقول تعورك رجلك ولا ما تبين الربطه
قلت بعزيمه واصرار وكلي ثقه انه بيفكها ويرميها مع الدريشه ما ابي الربطه
إلا والله يصرخ على ذيك الصرخه الي بغيت اطير انا مع الدريشه ويلمس راسي بدزه
وعلى قولة أخوي ابو أنس ابي مواسات من والولد لمسة حنان ما فيه.. يوم صدم الشويب والما صوره ويطيح من السيكل وتورم خشته <<< الله ياصبرنا على اهلنا وغثاهم هههههههه
المهم انطميت من الخوف وسكت ومسحت دموعي وغمضت عيوني وسويت نفسي نايمه
وافتح عيني بشويش واشوف الوالد يلتفت على ويضحك
قارصتني عقرب ويضحك
اثريني نمت صدق ما دريت الا انا في سريري
ويوم قمت من زين الطبايع انادي امي تفك الربطه ما بي المسها
وتغيرها بشاش
وهذى سالفتي وانا صغنطوطه
ارجو ان تكونوا استمتعتم بالقرأه لا تقولون لا ترا معاد اسولف عليكم
يالله عاااااد
كل وااحد يسدح سالفته فـيـذااااااا
اعذب الود و باااقة ورد






توقيع حوريه
 
تستطيع أن ترى الصورة بحجمها الطبيعي بعد الضغط عليها
  رد مع اقتباس
قديم 16-10-2008, 04:26 AM   رقم المشاركة : 2
نوف الخالدي
(ضي الخواطر)أديبه V.I.P
 الصورة الرمزية نوف الخالدي





معلومات إضافية
  النقاط : 10
  الحالة :نوف الخالدي غير متواجد حالياً

 

افتراضي رد: مني سالفه .. ومنك سالفه..


ههههههههههههههههههه

ههههههههههههههه

الله يسعد أيامك يالغلا أما سالفة رووووعة فديتها ياناس

خيتك مالها بالسوالف يعني ماتعرف والا وش كثرها

لكِ الشكر والتقدير

.........







توقيع نوف الخالدي
 
[ سأنفض عن أحلامي غبار أسفارها ]
  رد مع اقتباس
قديم 16-10-2008, 04:28 AM   رقم المشاركة : 3
حوريه
عضو شرف
 الصورة الرمزية حوريه






معلومات إضافية
  النقاط : 10
  الحالة :حوريه غير متواجد حالياً

 

افتراضي رد: مني سالفه .. ومنك سالفه..


ياهلا فيك يا ضيوضي
حاولي على قولتهم عصري ذاكرتك مني مني مني
دمتي بووووووود







توقيع حوريه
 
تستطيع أن ترى الصورة بحجمها الطبيعي بعد الضغط عليها
  رد مع اقتباس
قديم 16-10-2008, 05:20 AM   رقم المشاركة : 4
سناعيس
سليمان السالم/شاعر عضو شرف
 الصورة الرمزية سناعيس





معلومات إضافية
  النقاط : 10
  الحالة :سناعيس غير متواجد حالياً

 

افتراضي رد: مني سالفه .. ومنك سالفه..


هههههههههههههههه
والله يا انك محظوظه يوم انتي صغطنوطه
هههههههههههههههههههههه
الله يقطع ذالعقرب ما لقت الا انتي شكلها ملت من لدغ الهندي ابو وزره جنان قالت أغير هالمره وجت فيك ههههههههههههه
سلامتك والله <<<<< بس مهوب هالحين اقصد ذيك الايام
الله لايقطع سوالفك
ابمسط بسالفتي هنا بس مهوب هالحين

تحياتي







توقيع سناعيس
 
اللهم ارحم والدتي وأسكنها الفسيح من الجنان واحشرها مع الانبياء وعبادك الصالحين وأموات المسلمين
  رد مع اقتباس
قديم 16-10-2008, 05:56 AM   رقم المشاركة : 5
حوريه
عضو شرف
 الصورة الرمزية حوريه






معلومات إضافية
  النقاط : 10
  الحالة :حوريه غير متواجد حالياً

 

افتراضي رد: مني سالفه .. ومنك سالفه..


سناعيس الله ياخذ بليسك
على هالمرور المعقرب اقصد المرح
اذا الدعوى فيها تمسيط وش رايكم انقز افتح لي كشكول امسط على كيف يكفي ههههههههه
اسعدني وجودك سناااعيس
نحن في انتظار العوده الله يحفظك

مشكووووور يالغالي







توقيع حوريه
 
تستطيع أن ترى الصورة بحجمها الطبيعي بعد الضغط عليها
  رد مع اقتباس
قديم 17-10-2008, 02:50 AM   رقم المشاركة : 6
قطرة ماء
كاتبه أدبيه
 الصورة الرمزية قطرة ماء





معلومات إضافية
  النقاط : 10
  الحالة :قطرة ماء غير متواجد حالياً

 

افتراضي رد: مني سالفه .. ومنك سالفه..


***




الحمد لله على السلامة حوريه
طفولتك كانت مليئة بالمغامرات هههههه ...



وانا عندي سالفة باسدحها مع سالفتك يونسون بعض.

في اجازة من الاجازات قررنا نسافر لدولة تشتهر بالطبيعة الخلابة

والجو الخيالي .لكنها تشتهر بالمطاعم السيئة وان اللي يزورها لازم تجيه

نزلة معوية عاد حنا اخذنا العلم زين واخذنا كل احتياطاتنا وكأننا بنروح للبر

ما خلينا شي يخص المطبخ الا وحملناه معنا وكنا عائلتين وكل وحدة تذكر

الثانية أخذنا معنا موقد صغير وقدر وولاعة وحتى الخبز والجبن اخذناه من عندنا

من كثر ماحذرونا من أكلهم عقدنا العزم اننا ماناكل من عندهم شي

وصلنا البلد بحمد الله سالمين ومبسوطين من الاحتياطات اللي معنا

ومن المطار للفندق وصلنا وحنا ميتين تعب وجوع بس مستحيل ناكل من

عندهم .

قررنا نطبخ وشبكنا الموقد على الكهرب وسوينا ذيك المكرونه اللي ما مثلها

عاد لازم نعطي ربعنا في الرحلة أرسلنا القدر مع وحدة من البنات لهم

عاد هم على بالهم مستحين رجعوه وجت البنيه المسكينه بقدرها من أخر الممر

لغرفتنا اللي باخر الممر من الجهة الثانية قالت ماما يقولون مانبغى. عاد انا رجعتها

بالقدر وقلت قولي لهم تقول أمي والله تاخذونها ولا ترى أزعل منكم.

والبنت رايحة جايه بقدرها أثاريهم شايفينها موظفين الفندق عاد يوم جلسنا

وحطينا مكرونتنا بعد يوم حافل بالتعب والجوع واذا بالباب يطرق؟

سألنا : من الطارق ؟ واذا به ............... مدير الفندق<<<قلبت فصيح

المهم المدير بكبره عاد بيدخل علينا عشان يمسكنا متلبسين

طبعا قعد زوجي ساعة وهو يجادلهم وكأن حنا ما سوينا شي خطأ

المهم مكرونتا صارت ايس كريم وحنا نجاول نتخلص منهم وكانوا بيحولونا

للتحقيق عاد فرصة وجتهم لحد عندهم مسكونا متلبسين وأخذوا أدوات

الجريمة الموقدوالقدر أخذوه بقرارة المكرونة اللي فيه ما خلونا نغسله

عشان تبقى اثار الجريمةوقالوا بكرة نتصرف معكم .ولانحملكم غرامة مالية

على مخالفة التعليمات.

المهم من بعد هالموقف تأدبنا وصرنا اذا ما اشتهينا أكلهم ناكل خبز وجبن

ونقول الحمدلله جت على كذا
.



***







توقيع قطرة ماء
 
  رد مع اقتباس
قديم 17-10-2008, 03:57 AM   رقم المشاركة : 7
حوريه
عضو شرف
 الصورة الرمزية حوريه






معلومات إضافية
  النقاط : 10
  الحالة :حوريه غير متواجد حالياً

 

افتراضي رد: مني سالفه .. ومنك سالفه..


هههههههههههههههههههههه
ياحبيلك انت ومكرونتك
خلا ص لا يضيق صدرك الشرهه على الي يرسل لهم مكرونه هم وخششهم
اقوووووووووووووول اذا بغيتو تسافرون ثاني مره علموني<<< تبي من أكلكم ههههههههههههههه
عاااد زيني الطبخ الله الله تراني اباخذه ماني مسويه سواااتهم ههههههههه
تسلمين ياااااقلبي عل حضورك وذكرياااتك الحلوه زيك







توقيع حوريه
 
تستطيع أن ترى الصورة بحجمها الطبيعي بعد الضغط عليها
  رد مع اقتباس
قديم 04-12-2010, 12:12 PM   رقم المشاركة : 8
البتار
مشارك






معلومات إضافية
  النقاط : 10
  الحالة :البتار غير متواجد حالياً

 

افتراضي


لك الشكر
على ما فاض به قلمك
تحياتي







توقيع البتار
 
  رد مع اقتباس
قديم 04-12-2010, 12:48 PM   رقم المشاركة : 9
البتار
مشارك






معلومات إضافية
  النقاط : 10
  الحالة :البتار غير متواجد حالياً

 

افتراضي


لك الشكر
على ما فاض به قلمك
تحياتي







توقيع البتار
 
  رد مع اقتباس
قديم 05-12-2010, 10:11 AM   رقم المشاركة : 10
نديم الحيارى
مشارك





معلومات إضافية
  النقاط : 10
  الحالة :نديم الحيارى غير متواجد حالياً

 

افتراضي


الف شكر
على ماجاد به قلمك
تحياتي الطيبه







توقيع نديم الحيارى
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الهكر وياالمهاجر سالفه منيع الشعر الفكاهي 15 16-12-2010 06:50 AM


الساعة الآن 11:33 AM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة