مساجلة التحدي بحرفين فأكثر ومن بدعك

[الطائر المهاجر]

كوها وكاها وانبسط بالفكاهه = وابعد عن حروف بقلبك كووها
فالهرج لامن زاد ماله فكاهه = في بعض امور من بعيد التووها

[نجم الإبداع]

وهاج فكرك مانت شخص انتهازي = والقافيه لادقرت فاعطها القاز
خابرك بحرٍ يجهله كل غازي = تحفظ حديث المصطفى وعلم بن باز

[الطائر المهاجر]

ازريت لا اسلى بالشعر والكتابه = قلبي من الايام يزداد حره
وش حيلته والجوف زاد التهابه = فالوقت ضيعنا بنصبه وجره

[نجم الإبداع]

جرة الفول في عصر الفتن لاتقول = خير من راي صايب في زمان الزراه
حير الواقع الجاهل مع اهل العقول = والعرب ذلهم ياشيخ كل قراه

[ابو زياد]

اه من قلب تلاوحه الطعون=طول عمره لا ينام ولا يسج
شاف شي قربه لم الجنون=القهر والموت ينسج له نسج

[الطائر المهاجر]

سج قلبك وانزوى تحت السياج = وضخ اشجانه وهمه يوم كج
من طرد خلف الهوى صابه هياج = والعيون دموعها تلقى المكج

[نجم الإبداع]

كج بي وقتي وضيعت بالدرب الدليل= ميلته ميله وصفوه كدر يابن الحلال
ان صفى لك يوم مادام وصله والجميل= واهل هذا العصر ماهمهم غير الريال

[ابو زياد]

الجميل اللي خذا كل البشر=كل ما جا في مكان (ا)تتبعة
كن شعره نسج من ضو القمر=ومع جما الشعر فوقه قبعة

[منيع]

عه تلتعت واحد مانطقها=ياحلوها لامن تلعثم بحرفه
ضيع مخارجها ولاهوضبطها=والهرج يصمل لاتكلم بطرفه

[الطائر المهاجر]

فهقة الوجه زينه لاسمعت الجدال = وفهقة الفكر خطره في سجود وركوع
وفهقة الراس تلزم عند داء عضال = يوم ينوي خصيم طعنتك في الضلوع