العودة   منتديات الفطاحله > منتديات الشعر النبطي/يمنع الفيديو > ساحة المحاورات > محاورات كبار شعراء الساحه

إضافة رد
 
أدوات الموضوع
قديم 14-05-2012, 04:23 PM   رقم المشاركة : 1
كاسب نفسي
عبدالمجيد ماجد الحربي /أهلاً بك





معلومات إضافية
  النقاط : 10
  الحالة :كاسب نفسي غير متواجد حالياً

 

Thumbs up عزاه يا نفسـ(ن) حمسها حمقها ...



السلام عليكم ورحمة الله وبركاته

مساجلة رائعة من افضل ما سمعت من المساجلات بين كل من الشاعرين / حماد بن مريزيق البشري الحربي والشاعر /عيد بن سمير المزيني الحربي


( قال حماد بن مريزيق )


الله مـن دنيـا شـرقـت بعلقـهـا
على مثل مـا قـال صالـح بـلاوي

اللـي بنـا سيـرة حيـاة ورفقهـا
مع جوهـرة تبقـى لمفتـي وراوي

يجني ثمـر مظمونهـا مـن لحقهـا
اللي علـى كنـز الثمينـة شفـاوي

والا قليـل العـرف يكسـر حلقهـا
عنده ذهبهـا والنحـاس امتسـاوي

لو طب في سوق السلع مـا فرقهـا
عمى البصيرة طول عمره عمـاوي

يـا منخـدع بكبـار الازوال ذقهـا
ما للثقـة عنـد المنافـق عـراوي

بنيـت قبـة ميـر هـدوا شنقـهـا
اللـي نظرهـم بالخلايـق سهـاوي

ناس(ن) على الغرّات ماحد(ن) سبقها
والنافلـة مـا هـم لهـا بالحـراوي

يا ذيب هجـرس والمراقيـب وقهـا
تال الدهر حقـك غدابـه ضـرواي

وين الرفيق اللي هجوسـي رمقهـا
للمعرفة والصـدق والطيـب حـاوي

عيد السمير اليا بـدت مـا فهقهـا
الواجبة فـي سوقهـا مـا يـراوي

حر(ن) ليا شـاف العوالـي وسقهـا
شوفه يبـدل مـر وقتـي حـلاوي

يرفا خلل حـال(ن) زمانـي طرقهـا
طرق الهبايـب للشعيـب السنـاوي

مما صدف نفـس الشقـا واعتنقهـا
بين العرب يا عيـد كنـي خـلاوي

اسبـاب دنيـا مـا يوقـع تفقـهـا
على الصقـور الا بـراس النـداوي

اشوفهـا يـا عيـد عميـا وصقهـا
تعـذر دواهـا الطبيـب الـمـداوي

جرد السنين العـوج حتـن ورقهـا
ما باقي الا الشـوك والعـرق ذاوي

الله لحكـمـه بالخـلايـق خلقـهـا
يفرق بها مخطي ومقـدي وغـاوي

اللي جهل بطبـوع سلمـى عشقهـا
وزهد بها راعي الضميـر النقـاوي

يوم اعرضت له ما طمع في شبقهـا
قضـى حياتـه بالقناعـة غنـاوي

اصدق بشر في كـل جابـة نطقهـا
اللـي لهديـه يرجعـن الفـتـاوي

عليه اصلي عد مـا اشـرق نفقهـا
شمس النهار وعقبها الليل ضـاوي




( رد الشاعر / عيد بن سمير الحربي )

عزاه يا نفـس(ن) حمسهـا حمقهـا
حمـس النحـاس المعدنـي للقهـاوي

بريـتـه لـيٌـه نديـمـي ذلـقـهـا
تقطع ضرم راس(ن) على الكيف خاوي


يا من نظـم سبـك الفنـون ونسقهـا
جازف ولا خلا بهـا عضـو جـاوي


ما هـوب يرديهـا الاصيـل امعمقهـا
لو انزلـت ميـدان مـا لـه سـداوي


للـي تحـط الثانيـة فــي درقـهـا
علـى اسمهـا حامـت بليـا نخـاوي


اوشاحهـا المنسـوج يـوم اعتنقهـا
به نقشة(ن) من زري هـاك العبـاوي


روى اسمه اللي حكمتـه مـا سرقهـا
سميّ من في (مدين) اوحـي سمـاوي


عقب انتحـت حمـاد يمـي صفقهـا
صفقـة سوانـي ساكريـن الحـداوي


وانا سموعـي مـا تواكـف عرقهـا
لكن عسـى فـال المهـاوي هـواوي


لـو ان نفسـي قـد لحقهـا رهقهـا
وحيد يزمي بـي سـراب الصـداوي


مـار السـواري لـك عليّـه فشقهـا
دام الهـدف دونـه مخافـت نجـاوي


حقيقتـي كـان المجـامـل خنقـهـا
عيب الرجال الخوف عقـب العـزاوي


علم(ن) عـن الوجلـى يبعّـد قلقهـا
كلمة عقل ما هـي عـزاوي سعـاوي


مرفـاه يـا حـال عناهـا شعقـهـا
شعقة شهاب(ن) فاريٍ لـه غشـاوي


والفوس لـو تطبـخ صنقهـا مرقهـا
يكرم جنابـك عـن جنـاب الدنـاوي


يالعود الازرق ما نت مشروب مقهـى
فيـه الثقـة بالمنتـهـى للمـثـاوي


يبوقهـا لـو كـان مـا قيـل بقـهـا
الوجـه طلـق ولـه لسـانٍ لغـاوي


يمناه من صفـو العسـل لـو لعقهـا
وش عاد ما لـه بالرضاعـة مخـاوي


ولـو الحدايـا اللـي خلقهـا محقهـا
مـا بـان فعـل مدميـات الاهــواي


مخلـد الـذكـرى كفـوفـه شلقـهـا
سـدّادة(ن) منهـا توفـى طـنـاوي


اللـي بهوماتـه هـل العـرف فقهـا
من دونهـا العقبـان ترجـع كـراوي


حلـوم خـل القـوم تشـرب ودقهـا
مـن هـج قدامـه عيـونٍ صـراوي


مـا فـي مناكـب ريمـه الا بهقهـا
ولا وبـرهـا يفتلـونـه شــواوي


ياهل العقول اللـي لبيـب(ن) حذقهـا
سبت هـاك العشقـة نقـا كـل واوي


والا القنـوع تلـد لـه مـا بنقـهـا
شـام وتلقّاهـا قصـيـر الـفـراوي


واللـي قـدم موسـى بحـوره فلقهـا
تم النبـا باسمـه وانـا لـه رجـاوي



تقبلو تحياتي .....






توقيع كاسب نفسي
 
  رد مع اقتباس
قديم 01-09-2012, 10:30 AM   رقم المشاركة : 2
الطامي
منصور المري/شاعر/نائب المشرف العام
 الصورة الرمزية الطامي





معلومات إضافية
  النقاط : 10
  الحالة : الطامي متواجد حالياً

 

افتراضي رد: عزاه يا نفسـ(ن) حمسها حمقها ...


كاسب
صح السنة الشعراء
ولاهان من نقل







توقيع الطامي
 
ماتعودنا على خضع الجماهي=غير للي خالق انسه وجِنه
الفعول اخير من حكي الفكاهي=وكل رجال بفعله فاح بِنه
  رد مع اقتباس
قديم 01-09-2012, 10:50 AM   رقم المشاركة : 3
داعي الشوق
سعود العتيبي /شاعر/نائب المشرف العام
 الصورة الرمزية داعي الشوق






معلومات إضافية
  النقاط : 10
  الحالة : داعي الشوق متواجد حالياً

 

افتراضي رد: عزاه يا نفسـ(ن) حمسها حمقها ...


يعطيك العافية كاسب

محاوره جزله و جميلة

ولاهنت







توقيع داعي الشوق
 
  رد مع اقتباس
قديم 01-09-2012, 06:36 PM   رقم المشاركة : 4
كاسب نفسي
عبدالمجيد ماجد الحربي /أهلاً بك





معلومات إضافية
  النقاط : 10
  الحالة :كاسب نفسي غير متواجد حالياً

 

افتراضي رد: عزاه يا نفسـ(ن) حمسها حمقها ...


الرائع مروركم ..
تقبلو خالص التحيه والود ..







توقيع كاسب نفسي
 
  رد مع اقتباس
قديم 26-01-2016, 11:19 AM   رقم المشاركة : 5
الصارم
ضيف





معلومات إضافية
  النقاط : 10
  الحالة :الصارم غير متواجد حالياً

 

افتراضي رد: عزاه يا نفسـ(ن) حمسها حمقها ...


صحت السنتكم







توقيع الصارم
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:07 PM.


Powered by vBulletin® Version 3.8.7
Copyright ©2000 - 2020, Jelsoft Enterprises Ltd.
جميع الحقوق محفوظة لمنتديات الفطاحلة