العودة   منتديات الفطاحله > منتديات الشعر النبطي/يمنع الفيديو > رواد الشعر النبطي > رواد الشعر النبطي المعاصر

إضافة رد
 
أدوات الموضوع
قديم 22-09-2007, 04:52 AM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي نمر بن صنت الحافي


كان المغفور له من اخويا الأمير خالد السديري
وله هذه القصيدة المشهورة

يانجمة الصبح كبدي منك مرهوقه=لاشع نورك علينا لاتغيبيني
ستاير القلب من فرقاك مشقوقه=اصبر من العام لين انك ذبحتيني
الود لو نتركه عنا وطاروقه=أظني ارتاح وانتي تستريحيني
لبيك ياللي تجر القلب بعروقه=كله على شان يوم انك تلبيني
تلحني لح ركب عجلوا سوقه=او جل ذود مسريهن شيابيني
عديت عن مبسم المجمول لاذوقه=انا بلاي الحيا وادرا على ديني
وا قلب ياللي من الجازي دنا عوقه=بالله شيروا عليها لاتقاصيني
وان كان قلبي تلبش عنه صندوقه=شدوه لين آتجود فيه بيديني
قالوا معاليق قلبك منه مسروقه=قلنا خذته الضحى والناس واعيني
ياليت ربي ومر (خالد) على شوقه=يفك حبله ولو يعطي ملاييني
الأوله ليت ابو خلي من الروقه =والثانيه ليت ابوي من القحاطيني
يالله ياخالق الدنيا لمخلوقه=تقدر على الموت تذبحني وتحييني
تلم شملي لابد الروح مرفوقه=باربع هناديس في قبري تخاويني

مناسبتها
الشاعرنمر بن صنت العتيبي أخذ حوالي تسع

سنوات وهو يلتمس الموافقة على زواجة من فتاة

بالجاه واخذ يحاول مع أهلها بالمعروف جاب لهم جاهه من ضمنهم

الأمير خالد السديري رحمة الله عليه الذي بذل كل جهده

وأخيراً وافقوا أهل البنت وتزوج نمر عليها بسنه الله ورسولة

وهي أم أولاده حيث عاش نمر معها حياة سعيدة وأنجبت منه

أولاد أفاضل . وقد قال فيها أكثر من مائة قصيدة

ومنها هذه القصيدة عندما كان يتمنى أن الأمير خالد بن أحمد السديري

يتوسط له عند أهلها وعند أبن عمها






توقيع الطائر المهاجر
 
  رد مع اقتباس
قديم 15-10-2007, 01:45 AM   رقم المشاركة : 2
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: نمر بن صنت


وله ايضا


يامل قلب تتله بالهوى شيعه=تلة دلي الحفر لاشالت الجمه
الطرش مضمي يذودونه قراريعه=في لاهب القيض والبدوان ملتمه
كني يتيم يعاجنه مراضيعه=استنكر الديد من فقدة حليب امه
يرضع صناعي قليلات منافيعه=الليل مايمرحه من ولية العمه
ادمية حدها الرامي على القيعه=الشمس قدامها والريح من يمه
عين اشقر لوحوا له عقب تجويعه=بين له النسر والداعي رفع كمه
القرن ذيل اشقر تلوى مصاريعه=يوم ان عج الرمك غادي كما الغمه
وادي الرشا والهييشه من مرابيعه=وخشم المضيح وبطن غثاه والحمه






توقيع الطائر المهاجر
 
  رد مع اقتباس
قديم 15-10-2007, 01:48 AM   رقم المشاركة : 3
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: نمر بن صنت


وهذه القصيدة قالها في 1370هـ

يـا قلبـي اللـي دوره العـام فـاتـه=كما يفوت أمس الضحى عن ضحا اليوم
يا بعـد قلبـي عـن حـراوي شفاتـه=بينـي وبينـك يالغظـي ديـرة القـوم
دونك اصخاف الجيش يشكـي حفاتـه=بيني وبينـك ياالغظـي ديـرة القـوم
يابـو فهـد قلبـي جــداه النهـاتـه=وعيني جداهـا مـا تبـي لـذة النـوم
قلبـي ليـا مـن الهواجيـس جـاتـه=غديت مثل اللي عـن الـدرب منجـوم
ياصـرم قلبـي صـرم عـذق النباتـه=صرم العسيب اللي من الجذع مصروم
إن كـان قلـبـي نــاون الله ثبـاتـه=تـرا الأميـر يصمـل العلـم ويقـوم
يـا صاحبـي محـدٍ يسـوي سواتـه=وسمه على كبدي مـن العـام مرقـوم
غـادٍ كمـا عـود تقـشـر لحـاتـه=هاذي ثمـان اسنيـن والحبـل ملـزوم
عـزي لخلـي عـزروا فـي حياتـه=ماله جـدا إلا عضتـه راس الابهـوم
يـا صاحبـي كـن الفريـد التفـاتـه=ريمية شافـت مـع الصبـح زهـزوم
لـو جاتنـي تـال العلـوم بوفـاتـه=كان اتصبـر واتـرك الشـوم واللـوم
ضيعت قلبـي فـي وضـاخ وصفاتـه=وشرهة مداويره على محسـن التـوم






توقيع الطائر المهاجر
 
  رد مع اقتباس
قديم 15-10-2007, 01:49 AM   رقم المشاركة : 4
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: نمر بن صنت


ياعبيد انا كني على الرجم مرصوص=مبداي فـي راس الطويـل آتشفـق
شفق على اللي خاطري منه مبخوص=هرج الرخا مـن صاحبـي ماتوفـق
انا على عقلي من التـرف منقـوص=وعقله رزين اليا هـرج لـي ترفـق
ياتل قلبي تلـة الهجـن مرهـوص=تلـة عقيـد وبالركـايـب ملـفـق
تلة مناكيف علـى حـزّبٍ عـوص=واللي على عوص النجايـب مطفـق
من عنز ريم حازها زيلـة إقنـوص=لاعورجـن قبـل الجميلـه تصفـق
دار سكن في جانبه حصة الغـوص=عليـه بـدري السحـايـب تـدفـق






توقيع الطائر المهاجر
 
  رد مع اقتباس
قديم 15-10-2007, 01:50 AM   رقم المشاركة : 5
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: نمر بن صنت


هيض القلب بـراقٍ يـرف بارقٍ طال ليله مـا خبـاء =كل ما قلت براقـه يكـف قام يزهم وتقـداه الصبـاء
يسقي اللي تحد ريم خـف من خشوم الينوفي ورغباء =يوم جالي مع البدوان شف ثم شكينا لخالـد مـا كبـاء
قام لي بالمعـزة والشـرف كني أرقاء على راس شعباء =روح اللي على بيته وقـف مثل طارش سليمان لسبـاء






توقيع الطائر المهاجر
 
  رد مع اقتباس
قديم 15-10-2007, 01:52 AM   رقم المشاركة : 6
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: نمر بن صنت


ياتل قلبي كمـا العسيـف بالقيـض يبسـت بلايلهـا =على عشيـرٍ ورد عفيـف خشـم الينوفـي منازلهـا
علمي بها العام قبل الصيف الكـبـد زادة ملايـلـهـا =أقفو بها مكرمين الضيـف عيـو عليـهـا قبايلـهـا
عنها حدوني بحد السيـف سيـوف تلامـع سلايلهـا =خده كما بـارق الخريـف غـرٍن تواشـا مخايلـهـا






توقيع الطائر المهاجر
 
  رد مع اقتباس
قديم 15-10-2007, 01:55 AM   رقم المشاركة : 7
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: نمر بن صنت


آه يـا قلبـي اللـي جاذبـه ود شمـا=جذبت الدلو يوم الطرش قـام يتعـارك
ليا تلافو علـى المقطـان للعـد لمـا=كان ما جيت مضنونك على البئر زارك
يوم وردو على العد الطويـل المسمـا=هو سجى مدهل البل يا مدور حـوارك
قلت قلبي مع الخفـرات دايـم يومـا=قالو الربع قلبـك دوره عنـد جـارك
لاتنومس بقلبـي يـا بعـد كـل غمـا=سعد من صار داره دائماً قـرب دارك
ما يجوز التغلي صابنـي منـك حمـا=يوم عورتني ما عـاد يبـراء عـوارك
الا اعترضلك كما عنزٍ من الريم جمـا=ودك انك من الخدرات تأخـذ خيـارك
أنت يا اللي نهيدك فـي ثناديـك زمـا=ياهني من على السنـة يجـود زرارك






توقيع الطائر المهاجر
 
  رد مع اقتباس
قديم 15-10-2007, 01:56 AM   رقم المشاركة : 8
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: نمر بن صنت


خف من الله يا حبيبـي لاتكـود=كان تنوي الذبـح والله مانوانـا
ما يبرد خاطري كـود التـزود=من شفايا شربهن يبري ضمانـا
يا وجودي وجد من قالو تجـود=التزم بالحبـل لحقـوك دومانـا
كل ما جاله ولـد عمـه يعـود=شاف شوفٍ بالرمك مـا ينتدانـا
خايف من قول جعل الله يسـود=وجه من حول خلاف ولا احتمانا






توقيع الطائر المهاجر
 
  رد مع اقتباس
قديم 15-10-2007, 01:57 AM   رقم المشاركة : 9
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: نمر بن صنت


رده على قصيدة الأمير محمد بن أحمد السديري

عز الله انـي شفـت بـرق تخيلـون=ما شفت مثلـه كـل مـالاح برقـاء
ما أجديت عن قلبي يابو زيد مرهون=وعلى صخيف الكبد وسـم معرقـاء
عينت بصـري قبلنـا وابـن لعبـون=أهل القلوب اللي من الـود حرقـاء
وقيس الملوح من هوى البيض مجنون=ينوح مثلـك كـل مـا نـاح ورقـاء
الود قدامـك علـى النـاس مسنـون=الهيـف والقبلـة وشـام وشـرقـاء
ودٍ على وضح النقـى منـه مامـون=وشيخ العرب ما يدرق الحب درقـاء

حيث قال الأمير السديري
يا مشرف المرقاب خلـه لمشطـون=حول وخـل مولـع القلـب يرقـاء
خله لمشطـون تزايـد بـه الكـون=على عشيـر زيـد الهجـر فرقـاء
كبدي من الغالي بها تسعـة اطعـون=والعاشـر يانمـر بالقلـب زرقـاء
طفـل يتـل القلـب تـل بلاهـون=يسبا الفؤاد ويسرق الحـال سرقـاء
محد عشق مثلي من الحضر وضعون=شمـر وعـنـاز وروق وبـرقـاء
سهرت يـوم أن الخلايـق ينامـون=ويزيد نوحي كل مـا نـاح ورقـاء
ياسف لي اللي للـوى مـا يعرفـون=ويانمر شلاني مـن الدمـع غرقـاء






توقيع الطائر المهاجر
 
  رد مع اقتباس
قديم 15-10-2007, 02:03 AM   رقم المشاركة : 10
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: نمر بن صنت


مـل قلـب تتلـه بالمـوده غزيـه=تل ركب مع الجوبه حفايـا ظمايـا
يوم تلـه عقيـد القـوم بالمهمهيـه=أودعتهن سموم القيض مثل الحنايـا
كل مـا وردن عـد لقتنـه صريـه=عقب شدو قطين البدو غاد صرايـا
صاحبي بالعذارى مـا لقينـا حليـه=كود صفراء الحويقل قدم جرد السبايا
هللوا يوم جتهـم كنهـا الوحوحيـه=وشالت الجايزة قدام خيـل البرايـا
سر خيل الحويقل من على الجاهليه=يلحقن المخـلاّ بيـن سبـع النحايـا
عادته في ظهرها فك تـال الرديـه=ليا تجذت عواد الخيل بيـن الهوايـا
ياريش العين مطلوبي هروج خفيـه=سر بيني وبينك مـا تفيـد الوصايـا
يافريد يشـوف الطـرش بالجندليـه=يلتفت للغزال وشاف زيلـت مطايـا
وحلالاة يـا فكـت حديـد العبيـه=أو تجيني قلاعه من جزيل العطايـا



وقد عارض الأمير عبدالرحمن بن أحمد السديري هذه القصيدة بقوله


يا نمر تفهم الدنيا عريضـه مدّيـه=جارك الله غثاها يازبـون الونايـا
كلَّ جرح تخيطه ينبعث من خويـه=الهوى بالهوى والمي وسط الركايا
لو تلذذ ليالي كـود تنشـف إدلّيـه=كم عديمٍ بأثرهن ورد حوظ المنايـا
المها من طردهن يختلف عن نويّـه=ويتمنى السلامه عقب كبر الهوايـا
الكدر والمراره والشقـا والأذيـه=والعسل والتمر والورد بين الشفايا
اختلـط ذا وذاك تقطـر إدمـيـه=لو تمنع تكدر عقب سوق الظحايـا
عن غزيه عنود الصيد لو هي إعبيه=اكسب النوم والراحه إبظل الودايـا






توقيع الطائر المهاجر
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديــوان / سعود العتيبي ( داعـي الشوق ) داعي الشوق دواوين شعراء وكتاب الفطاحلة 34 26-04-2016 07:45 AM
سعود الحافي مراقبا عاما للشعر الشعبي الطائر المهاجر الصحافة والعلاقات العامه 9 03-09-2007 04:17 AM


الساعة الآن 03:13 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة