العودة   منتديات الفطاحله > منتديات الشعر النبطي/يمنع الفيديو > رواد الشعر النبطي

إضافة رد
 
أدوات الموضوع
قديم 23-10-2007, 08:07 PM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي محمد بن مسلم


من شعراء الأحساء ولادة والحريق أصلاً عاصر شاعر الأحساء سليم بن عبدالحي وتوفي 1280هـ
صاحب قصيدة :البارحه يوم الخلايق نياما ، المنسوبة خطأ لنمر العدوان
نهج محمد المسلم نهج محيسن الهزاني في بعض اشعاره ، ولا غرابة في ذلك فالأثنين من بلدة واحده ، وان كان محمد قد رحل مع والديه إلى الأحساء فليس هناك ما يدل على انقطاعها من الإتصال ببلدتهما الأصليه مثل الكثير من اهالي نجد ، وقد توفرت لنا الكثير من الأدلة التي تؤكد ان القصيدة له ، وقد تمت مناقشة هذه الأدلة في الروابط التالية:
http://www.alriyadh.com/2007/09/19/article280710.html
http://www.alriyadh.com/2007/09/16/article279976.html
http://www.alwatan.com.kw/Default.as...4230&pageId=69


البـارحـة يـوم الخـلايـق نيـاما=بيّحـت من كثر البكـا كل مكنـون
قمت اتوجد وانثر الماء على ما =من موق عين دمعها كان مخزون
لـي ونّـهٍ مـن سمعـها ما ينـاما=ونّة صويبٍ بين الاضـلاع مطعـون
والاّ كمـا ونّـة كسيـر الســلاما=خلـوه ربعـه للمعاديـن مرهون
فـي ساعـةٍ قـل الرجـا والمحـاما=فيمـا يطالـع يومهـم عنـه يقفـون
وإلا كما ونة رعابي الحماما =غاد ذكرها والقوانيص يرمون
تسمـع لهـا بيـن الجرايـد حطـاما=من نوحها تدعـى المواليـف يبكـون
والاّ خـلـوجٍ سـابـتٍ للهـيـاما=على حوارٍ ضايـعٍ فى ضحا الكـون
والاّ حــوارٍ نشقــوه الشمــاما=وأمه تطالـع يـوم جـرّوه بعيـون
يردون مثله والظوامي سياما =ترزموا معها وقامو يحنون
والاّ رضيـعٍ جـرّعـوه الفطــاما=أمه غـدت قبـل أربعينـه يتمّـون
عليـك ياللي شرب كـأس الحمـاما=صـرفٍ بتقديـرٍ مـن الله مـاذون
جاه القضاء من بعد شهر الصياما =صافي الجبين بثاني العيد مدفون
كسوه من بيض الخرق ثوب خاما =وقاموا عليه من الترايب يهلون
راحوا بها حروة صلاة الاماما =وعند الدفن قاموا لها الله يدعون
برضاه والجنة وحسن الختام =ودموع عيني فوق خدي يهلون
وحطوه في قبر غطاه الهداما =في مهمه من عرب الاموات مسكون
يا حفرة يسقي ثراك الغماما =مزن من الرحمة عليها يصبون
جعل البختري والنفل والخزاما =ينبت على قبر به العذب مدفون
مرحوم يالي ما مشي بالملاما =وجيران بيته راح ما منه يشكون
يا وسع عذري وأن هجرت المناما =ورافقت من عقب العقل كل مجنون
أخذت أنا وياه سبعة عواما =مع كثرهن بالكيف مامثلهن لون
والله كنه يا عرب صرف عاما =يا عونة الله صرف الأيام وشلون
وأكبر اهمومي من بزور يتاما = لا شفتهم قدام وجهي يصيحون
وأن قلت لا تبكون قالوا علاما =نبكي ويبكي مثلنا كل محزون
ولاقلت وش تبكون ؟ قالو يتاما =قلت اليتيم اياي وانتم تسجون
قمت اتشكا عند ربع عداما =وجوني على فرقا خليلي يعزون
قالوا تجوز وانس لامه بلاما =ترى العذارى عن بعضهن يسلون
قلت إنها لي وقفت بالولاما =ولو جمعتم نصفهن ما يسدون
ما ظنتي تلقون مثله حراما =ايضا ولا فيهن على السر مامون
وأخاف أنا من عاديات الذماما =اللي على ضيم الدهر ما يتاقون
أوخبلة ما عقلها بالتماما =تضحك وهي تلذع على الكبد بالهون
توذي عيالي بالنهر والكلاما =وانا تجرعني من المر بصحون
والله لولا هالصغار اليتاما =خايف عليهم يعدها لا يضيعون
لقول كل البيض عقبة حراما =واصبر كما يصبر على الحبس مسجون
عليه مني كل يوم سلاما =عدد حجيج البيت واللي يطوفون
وصـــــلّـوا على سيّد جميع الاناما =على النبي يللى حضرتوا تصلون






توقيع الطائر المهاجر
 
  رد مع اقتباس
قديم 23-10-2007, 08:17 PM   رقم المشاركة : 2
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محمد بن مسلم


هذا زمان اظهر حلالك يعاديك=وتقوم له من عقب هذا تسول
لا قمت تذكر ما مضى من حسانيك=في حال الأول قال الأول تحول
حنا عيال اليوم عطنا ونعطيك=نقد بنقد وخل ما فات الاول
ذا اخر زمانك بتشوف المماليك=قامت ترفع والضواري تحول
وعن الـمعاني اقر ذا البيت يكفيك=ركب الرديف وراعي الكور حول
وأهل الغنا والجود صارو صعاليك=وأهل الفقر والبخل قامت تمول
يا ما تشوف من العجب ما يعنيك =إن متع الله في حياتك وطول
اكـذب وتلقــى لك مع الناس تسليـك =وإصدق وتتــرك لو تكون السِّموّل
فالحُر ما ضاقت عليه المساليك=لولا الضرورة والحرم والمعول
ولا يغرك كل زول يحاكيك=تحسبه صديق وهو قطوٍ يغول
يضحك بوجه لك وبالنصح يوريك=وهو على العـثره يرز المطول
وأحذر صديقك قبل تحذر معاديك=أن كنت عاقل فاليالي تدول
حسب لدرب ما مشوا فيه اهاليك=فالمرجله بالقمبزه ما تظول
اقنع بقسم الله وما كان معطيك=وبالماقف الي يتعبك لاتطول
وترى صديقك من بنفسه يواسيك=ويواصلك في مرزقه والمخول
ويسر وجهه لك وأن سمع كلمة فيك=واذا ضربت قال تنصار الاول
وأصدق صديقك ما حصل في تمانيك=فلا تخيل لك جهام تزول
تحسبه من هو بواهج القيض يسقيك=وهو سراب في هجير تبول
خف الأله وعامل الصدق ينجيك=في ساعة يخزى بها من تقول
كم صادق ينجى بضيق المساليك=وكم كاذب اومأ كراعه وشول
ثم أطلب الله مثل ما قيل في ذيك=يفرجْ لنا في ذا الزمان المهول
أسمع نصيحت واحدٍ ما يهفيك=واعبر على مركب زمانك ونول
وأحذر على نعمتْك من فعل اياديك=ترى النعم عند المعاصي تزول
وأزكى السلام التام من غير تشكيك=عليك يا تالي الرسل وانت الأول






توقيع الطائر المهاجر
 
  رد مع اقتباس
قديم 23-10-2007, 08:26 PM   رقم المشاركة : 3
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محمد بن مسلم


وهذي قصيدة نادرة للشاعر الكبير الراحل / ابن مسلّم في حادثة عين الحارّة حيث يقول :

خطبٍ دهانا وارجفت منه الأذهان =جتنا فجأةٍ ومالقينا لها عيون
خطب جليلٍ لو يصيب الصخر لان =لو هو حديد الصلف سالت له عيون
ما عاد يذكر له مع الإنس والجان =ولا تنفع الغاصة ولا اللي (يسيبون)
يا (هل الحسا)عندي عن الجور ميزان =أو آيةٍ من موعظة لو تسمعون
آمرِ بمعروفٍ على كل من كان =وانهو عن المنكر مثل ما تعرّفون
وش حدّكم بالله على كل شيطان =والعفو يوم أكره أنا غير ممنون
هرج القفا ما بيننا صار ديدان =والرزق هموا فيه لولاه مضمون
حتى صلاة الجمعة اللي لها شان =تفوت وانتوا في المواسم تبيعون
الاوله ضرٍ يداخل فالابدان =لا هو بطاعونٍ وهو شبه طاعون
والثانية ( الحارّة ) بعد عين الأعيان =غارت نهارٍ والخلايق يشوفون
العصر هي تجري كما شطٍ عمان =والصبح في ثبرك بالاقدام يمشون
يبست (افوههم) واصبح العيش عطشان =وامّا رجعها الله ا ومنين يافون
والعيش يزهي بين خوخٍ ورمان =وغرايسٍ ترّث بالاثمار وغصون
(ا الحارّة ) تبكيك من البدو غزلان =ومن الحضركل ا تلع الجيد مصيون
وبهايمٍ تورد ابجالك وفرسان =وطروش بدوٍِ توردك حين يظمون
يا خزنة الرحمن من غير حقران =أمشي باذن الله للناس يمشون
بالمصطفى المختار من نسل عدنان =ونوحٍ ويونس راكب الفلك مشحون
وابو بكر وعمر وعليٍ وعثمان =وباقي الصحابة والذي له يتبعون
وزابور بن داود وخاتم سليمان =والعرش الأعظم والذي له يحملون
ترد كوكبنا على حسن ما كان =ابعايشه مع آسيا مرة فرعون
صلاة ربي عد ما كوكبٍ بان =على الرسول وكل من له يوالون






توقيع الطائر المهاجر
 
  رد مع اقتباس
قديم 23-10-2007, 08:34 PM   رقم المشاركة : 4
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محمد بن مسلم


هب النسيم بريح ريحان الاحباب =وترنحت اغصان قلبي بتطريب
واحيا هشيم القلب من عقب ما شاب =من كثر ما تذري عليه اللواهيـــــب
قمت اتنشا ريحتة بين الا ســـــلاب =وانشق شذا عرفه بمور الهباهيب
يوم ٍ تحققته والى نكهة اطيـــــــــاب =صافي الثنايا سيد كل الرعابيب
خلته زهر عشب عليه الحيا طاب =اوعطر شاه ٍ من مغانيه قد جيب
اوما براسه يوم شاف الهوا صاب =وتأرجحت الافاق من نفحته طيب
طيب ٍ إلى شمه زكيم الهوى طاب =واستدملت منه القلوب المصاويب
ظبي ٍ على وجهه نبات الحيا ذاب =وابكا ثرا ثغره نبات الجناديب
من فوق متنه اسمر العرف سحاب =تسعين سوط ٍ له تدق العراقيب
قلبي تولع به وانا جاهل شــــــاب =حتى كبرت وصرت من حسبة الشيب






توقيع الطائر المهاجر
 
  رد مع اقتباس
قديم 24-10-2007, 02:29 AM   رقم المشاركة : 5
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محمد بن مسلم


أسباب ما هيض ضميري وهاجه=صبح الثلاثاء والخلايق يدوجون
مريت ظبي يشتري له حواجه=عليه ناس واقفين يظولون
نشدت وش هالظول قالوا تواجه=وايق تشوف بعينك اللي يشوفون
أن كان مالك في هوى البيض حاجة =اقضب طريقك خل فاتن ومفتون
بغيت أسير وصرت قضاي حاجه=نفس توازيني مواثيم وغبون
وجدك على مال تنوشه سماجه=ما يشتهي الفتنه فتى كود مجنون
قمت أتهايق لإن مثل السراجه =ظبي حجاجه بأحمر الموت مقرون
يبرم عليهم في طبوعه غناجه =يحيون من غنجه ومرٍ يموتون
يغضي إلاقذوه ريم الفجاجه=وإن قذّهم بملجلج العين يغضون
حكيه قروضات تقل في حجاجه =قوس بجر وقينتين يغنون
قوسة جبينه والوتر في حجاجه =وعيونه اللي بالمقادير يرمون
لو أن هدب عينه شجر في زراجه =شفت الجوازي في ظلاله يقيلون
مابه من المنقود كبر الحلاجه=إلا عيونه لاسطو ما يعيقون
بين اعتداله لامشى وانعواجه =غصن يميل وخيمتين يشيلون
قلب جرحته تبتصر في علاجه =ياكود من طيبك جروحه يطيبون
وش ذا التمخطر والتعب والدواجه =تجوز منها فالبدو عيشهم هون
تلبس ملابيس البهاء والبهاجة=وعن الوسخ ما تغسل إلا بصابون
وتشرب من الماء بارد في زجاجه=في روشي عن واهج القيظ مصيون
أو ما وهو يضحك ورطب مزاجه =ياهيه وين اذنينك اللي يسمعون
حلفت لو اعطي الحسا مع خراجه =على بيبان الحضر ما يصكون
عندي أحب من القرع مع دجاجه =هيم مجاهيم بالاقفار يرعون
واحب من لبس العبي والعلاجه =شاوية شقراً بها الشوك مدفون
وعن الحلو عدٍ كثير هماجه =اكرع برأسي فيه من غير ماعون
ومن البدو علج بدرج نعاجه =ولا سحاقي من الورس مدهون
كل يناظرعينته في زواجه=ترا البدو ما همب للحضر يبغون
واقفت سوات السيد عجل عجاجه =تقول أثر حضران ورقا يعشقون
حيذورك ياراكبين الحداجه=عن الحضر من مكرهم لا تصادون
ياليبت من يضون ليلة زواجه =يمشي على الاصابع من حيث ياعون
فالا وعوابي قلت قضاي حاجه=وقالوا من أنت قلت أنا دور ماعون
قلت المواجه قال ما من مواجه =اصبر علينا لين اهلنا يحدرون
والا فمت كم عنيتك من زناجه =في شرعتا قتل العشاشيق مسنون






توقيع الطائر المهاجر
 
  رد مع اقتباس
قديم 24-11-2007, 03:56 PM   رقم المشاركة : 6
الخنساء الهاشميه
أديبه V.I.P






معلومات إضافية
  النقاط : 10
  الحالة :الخنساء الهاشميه غير متواجد حالياً

 

افتراضي رد: محمد بن مسلم


فوق الابداع بكثير
تميز لا حدود له
دمت بكل احترام وتقدير







توقيع الخنساء الهاشميه
 
لأننا نُتقنُ ألصَمتَ .. حَملونا وِزرَ النواياَ ... !!!
  رد مع اقتباس
قديم 02-07-2008, 03:15 PM   رقم المشاركة : 7
ابراهيم عبدالحميد
الخريف الحزين/عضو شرف





معلومات إضافية
  النقاط : 10
  الحالة :ابراهيم عبدالحميد غير متواجد حالياً

 

افتراضي رد: محمد بن مسلم


الطائر المهاجر

تحية تقدير و إعجاب لجهدك الراقى و إختيارك الرائع المتميز
دمت و سلمت و غنمت







توقيع ابراهيم عبدالحميد
  رد مع اقتباس
قديم 05-03-2009, 03:45 PM   رقم المشاركة : 8
نجم الإبداع
فلاح بن منشار/شاعر/ عضو شرف
 الصورة الرمزية نجم الإبداع





معلومات إضافية
  النقاط : 10
  الحالة :نجم الإبداع غير متواجد حالياً

 

افتراضي رد: محمد بن مسلم


شكرا للمجهود الطيب ابو عبدالله

نقل رائع لشاعر مبدع

لاهنت

تقبل مروري وودي







توقيع نجم الإبداع
 
  رد مع اقتباس
قديم 06-03-2009, 07:13 PM   رقم المشاركة : 9
زهرة اللوتس
عضو شرف
 الصورة الرمزية زهرة اللوتس






معلومات إضافية
  النقاط : 10
  الحالة :زهرة اللوتس غير متواجد حالياً

 

افتراضي رد: محمد بن مسلم


جهد رائع تشكر عليه
الطائر المهاجر
تسلم ايدك وتحية طيبة







توقيع زهرة اللوتس
 
  رد مع اقتباس
قديم 21-04-2009, 03:30 AM   رقم المشاركة : 10
همس الورد
عضو شرف
 الصورة الرمزية همس الورد






معلومات إضافية
  النقاط : 10
  الحالة :همس الورد غير متواجد حالياً

 

افتراضي رد: محمد بن مسلم


الله يعطيك العافية

ابو عبد الله

مجهود رائع

تحيتي







توقيع همس الورد
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 8 ( الأعضاء 0 والزوار 8)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
بني خالد الطائر المهاجر القبائل بلدانها وشعرائها 46 24-08-2020 02:01 PM
سلسلة بعض الأحداث الطائر المهاجر تاريخ وآثار 15 16-12-2010 06:50 AM
(لا تتركيني)القصة كاملة مدموجه ذيب السنافي منتدى الشعر والخواطر بالفصيح 40 10-01-2009 10:32 PM
اخبار الرياضة محلياً الصقر الرياضه والشباب 71 28-02-2006 09:39 PM


الساعة الآن 02:13 AM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة