نديم الليالي اقرب

[الطائر المهاجر]

اقرب يانديم وعليك الطاروق

توك خالص مع الكسر .. أنت ماترقد ؟؟ استلم ياطويل البقا ..

سلام تسليم من سلم ورد السلام =تسليمة ٍ سلموها من تسمى لها
ياسالم السير أشوفه في مكانه تمام = قم خل الاجواد ترقد ترضع عيالها

[الطائر المهاجر]

خابرك تنوي الرقاد فهات زبد الكلام = عطلت والا بعد يا شايل احمالها
المدرسه ماخذه وقتك ولا انتَ تلام = ما بين ورع يشيل امه ولا اشتالها

انا تميمي اليامني نويت الخصام = ماقمت أدور حقوقي عند جهالها
ياشيخ ماقلت لي عمرك وصل كم عام = وينك عن المهره اللي طاح خيالها

[الطائر المهاجر]

انته تميمي ونعم لكن سباك الغرام = وما عاد تدري حمولٍ بانت اثقالها
قلبك رهيف ولو حاولت بعض الفطام= مالك دوا غير روضة مسجد بحالها

[سناعيس]

الله الله
محاورة ممتعه تبين من طاروقها

بيض الله وجيهكم

شاعر العثمانيات
ناصر القزلان

متابعين ونصفق

تحياتي

جدك رميزان واحد من ضحايا الهيام = نسيت هيل الغرام وريح فنجالها
لاتدعي بالمطاعه يارفيق الظلام = خل المساجد لاهلها واسرق نعالها

الغلا سناعيس ..
صباحك فل يالغالي ..
نحتفي منك بالمتابعة ومن على بعد..
يابعــــــــــــــــــــــــــ ــــــــــــــــــــــــــــــ ــــــدي والله ,,,,

[الطائر المهاجر]

جدي مشرف ولا له بالغرام اعتلام = يمكن رميزان جدك ذاب باسمالها
حنا هل الدين واهل العلم بين الانام= والشيخ منا رفع عن نجد ما نالها

ماشفت ماضيك يوم انك تزور المقام = عمك لويحان عند البيت غنا لها
واليوم مافيك شده واعتزلت المنام = اعرست في سوق الاسهم ياهنيالها