( صعب اجي ..

[سعيد الصاعدي]

تخطي وانااللي جيتك اقول معذور= اهل الهوى لك تعتذر . لاغرابه
لك بعتذر عنك انا جيت مجبور=ولحدن تعذر قبلنا من عذابه
جيتك ادور للعنى جيت مسرور=خبل وقولي للعنى ويش جابه
مشاعري جابت لك القلب مخفور=العاشق اللي جاك فاقد صوابه
ياسيده احكم على القلب مشكور= وارحم بحال مولعك في عقابه
ابعتذر لك خاطري منك مكسور=ومن يفعل المعروف يلقى ثوابه
رسمك بقلبي سيد البيض محفور=نقش على الشريان ماهو كتابه
يابنت حبي بالوفاء دوم ممهور=لا ابعد ولا ارضى للحبيب انسحابه
( صعب اجي ) لا ما اجي فاقد .. الدور=حدي غرامي ماتخطيت بابه
ماني من اللي سار فالسوق هامور= سهم يطيح وسهم خارج حسابه
قلب (ن) يبادلك الوفاء فيك مبهور=سهمك تمكن في فوادي وصابه
كل الجمال اللي مع الناس مذكور= انتي جوابه فعلا انتي جوابه
كلك جمال ومابك احساس وشعور=طبعي وطبعك مستحيل تشابه
في عينك اليمنى عمارات وقصور= وفـ عينك اليسرى قبور الغلابه
ومن خدك لخلقه تبثين للنور= والناس ضاعت كلها في سرابه
تنثر لنا ورد . ورياحين . وزهور=ومن ثم تعلن للغرام انقلابه
ماتنفع الرجوى مع انسان مغرور= شخص تجاهل حبنا مادرابه
ماتسمع الكلمه ولاتقبل الشور=حبي وحبك كان واصبح خرابه
دم الذي يلعب بالاحباب مهدور= واهل الهوى تعلن عليه الحرابه

تحياتي
س / ص

[مبروك بن ماضي]

اخوي المبدع :
الشاعر / سعيد الصاعدي
أسعد الله صباحك بكل خير
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[حمود السكراني]

سعيد الصاعدي صح لساااانك وعلا


شأنك جزلة من جزل سلم بوحك

[داعي الشوق]

صح لسانك يالشاعر سعيد

معاني عاطفية رغم قسوة العاشق

صح لسانك مع التحية لك

،،،،،،،،،،

[عبدالعزيز البليهد]

تسلم وصح لسانك

نبض جميل من شاعر رقيق

الله لايهينك

[حي الضمير]

صح لسانك
قصيده رائعه وابدعت بارك الله فيك
أجزل التحايا والاحترام

[الطائر المهاجر]

تميز في الإبداع
جزله من راس جزل
صح لسانك
ولاهنت
تحيتي واحترامي

[الراقي]

صح لسانك يالشاعر

أبدعت يالرائع وتألقت

لك كل الشكر

^^^^^^^^^^^^^^^

[حوريه]

ابعتذر لـك خاطـري منـك مكسـور
ومـن يفعـل المعـروف يلقـى ثوابـه


قصيده جميله المعاني وعذبة الأحاااسيس


صح لسانك وقلبك 00


ودام حرفك ونبضك 00

0

0

[سعود العضياني]

صح السانك وبيض الله جهك


نص جزل من رأس جزل وشامخ


لله درك