أول قصيده وآخر قصيده

الله يسعد جميع اوقاتكم بكل خير


هذه أول قصيده أشارك بها في هذا الصرح الشامخ

وهي آخر قصيده قلتها في الفترة الماضيه


ارجو ان تنال رضاكم

راكـب اللـي يوسـع كـل صــدر زعــول=لانحـذف مـن سـواد القـار يبغـى الرمـال
وعشـق السـنـه الاولــى وصــك القـفـول=وطش مـن راسـه الغتـره وطـش العقـال
عجـتـه كنـهـا الفسـفـور فــوق الـسـهـول=يختفـي عـن نظـر عيـنـك وعـجـه لازال
إيتـغـانـم هـمـالـيـل الـمـطــر والـسـيــول=يـوم لاحـت بـروق الوسـم وسـط الخيـال
مـاخـذا ساعـتـيـن الاّ يـصــول ويـجــول=ويتـطـوى ســوات الــداب بـيـن الـدحـال
يبترم في الطعـوس الدهـم كنـه امغـزول=باشـر المـاطـر الـعـذب الـقـراح الــزلال
تحت وبـل المطـر كـن القـزاز امغسـول=مـن غبارالطريـق المختصـر يـوم طــال
والرعـد فـي سـواد الغيـث مثـل الطبـول=منظـر فيـه مـن وصـف الطبيـعـه خـيـال
كن وبل المطـر مثـل البـرد فـي الحثـول=شيفتـه هــي عــلاج الاكتـئـاب العـضـال
الـخـبـاري وغـــدران الـمـطـر لاتـقــول=كــل وادي يجـيـب امــلاه لامـنــه ســـال
زالـت الصـوره الـلـي مبطـيـه مـاتـزول=وارتوت لرض مـن مـدة عزيـز الجـلال
ون عطـا الحـره السـودا طلـوع ونـزول=يشـبـه لـفـرخ شيـهـانٍ بـــروس الـجـبـال
لارقــا كــن فـيـه مـــن الاوادم ارجـــول=ايتنـاوش حجـا المشـراف صعـب المنـال
مــرةٍ فــي اعـتـدال ومــرةٍ فــي مـيــول=مال خوف الطريـق الوعـر عنـده مجـال
ويتضـالـع مــع النـزلـه ســواة الـوعــول=لانحدر مـن علـو الضلـع صـوب التـلال
منـوة اللـي لطـرد الصيـد كـنـه امهـبـول=مايحـنـه مـــن دروب الـتــروس الـثـقـال
ويش اخلي مـن اوصافـه وياويـش اقـول=ودي اذكــر مـزايـاه الـعـراض الـطـوال
اقـطـمٍ فــي وقـوفـه كـنـه بيـشـوت قــول=ابـتــر شيـفـتـه تـشـبــه لــقــرم الـعـيــال
فـيـه مـيــراد ذيـــبٍ واسـتــدارة جـفــول=وفيه من مارادونا احيان بعض الخصـال
لفته 0 خفته0 في ملعـب الفـوووت بـول=يلـفـت انـظـار عشـاقـه وينـهـي الـجـدال
جيـب عبـد اللطيـف الربـع يذهـل ذهـول=فـي ديـار الجنـوب وفـي ديــار الشـمـال
يسـري اللـيـل لانـامـت عـيـون الخـبـول=ضد كل الضروف وضـد مسـرى الليـال
مابعـد ذكـر فـي ظهـر الونيـت امحمـول=جـعــل يـفــداه u s a كـثـيـر الـعـطــال
المـس مسجلـه لاصـاب جسـمـك خـمـول=يـالالالــه0 يـالالــه 0يـالالالــه0 يــــالال
واستمـع صـوت ابـن جـدلان خلـه يقـول=بيـتـه الـلــي يجـيـنـي لاسمـعـتـه اهـبــال
يـاقــطــاة الـعـبـيــه يـاهــيــام الــذلـــول=يـاعـيـون الــنــداوي يـارقـبــة الــغــزال
واسـربـه يـقـرب المـشـوار والاّ يـطــول=دلــه النـفـس صـيــور الـعـمـر لـلــزوال
وكـان مريـت اهــل ذودٍ قــرومٍ زحــول=لاتـعـدا هــل الـبــل مكـرمـيـن الـرجــال
اخـذ معهـم عـلـى فنـجـال بــن امعـمـول=فــي دلال عـلــى نـــارٍ خشـبـهـا جـــلال
فالطبيـعـه ونـسـنـاس الـبــراد الـخـجـول=اكمـلـت والكـمـال لـوجــه رب الـكـمـال
واغتبـق يالسنـافـي مــن بـنـات الفـحـول=در أبـاكـيــر خـلـفــاتٍ ســمــانٍ هــجــال
وكان قالواوش اعلومك وحسب الوصول=عطهـم ابدايـة الرحلـه عـلـى كــل حــال
وهات علم الحيـا يومـك تجـول وتصـول=وحـبـذا لــو تطـرقـت القصـيـد الـجــزال
ولاتنـسـون ذكــر الله وذكـــر الـرســول=سبحـه واحمـده مرسـي رواسـي الجـبـال
ان تريـضـت فابـشـر بالشـحـم والـقـبـول=ون تعجـلـت فـاعـذار الـرجـال الـعـجـال
ومـش بشويـش ممـشـا كاملـيـن العـقـول=ليـن تفهـق حراويـهـم وممـسـى الـحـلال
لافهـقـت الـحـراوي واختـفـى كــل زول=اشـحـط الجـيـب يـامـال الغنيـمـه يـامـال
ليـن تــذن مـواذيـن الفـجـر قــدك حــول=حـول نـور البلـد يعنـي حـسـب لحتـمـال
درج الجـيـب لاصلـيـت مـثـل الـرحــول=وصفطه في كراج القصر تحـت الظـلال
عـاذك الله وجيبـك مـن عيـون النـضـول=ياعـريـب الـجـدود ويـاعـريـب الـخــوال

فهد بن شعلان الأكلبي

[الطائر المهاجر]

ارحب يافهد
مصافحة رائعة من شاعر رائع

كتبت فأبدعت

صح لسانك ولا هنت

تحياتي الطيبة

[رفيعة الشان]

الله الله
اخذتنا معك شااعرنا وامتعتنا بهذه القصيدة
واافيه وجميلة
فصح الله لساانك مليون مليوون
ابدعت

ولااااهنت

[مبروك بن ماضي]

اخوي المبدع :
الشاعر / فهدشعلان الأكلبي
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

أخوك / بن ماضي

[عذب القوافي]

مبدع بحق أخي / الشاعر / فهد الأكلبي

صح لسانك مليون

تقديري ,,,,,

[نجم الإبداع]

الله الله


ارحب يافهد

وصح لسانك على المصافحه الجزله

لاهنت


تقبل مروري

وتقديري

[الـزلـزال]

تحت وبـل المطـر كـن القـزاز امغسـول=مـن غبارالطريـق المختصـر يـوم طــال
والرعـد فـي سـواد الغيـث مثـل الطبـول=منظـر فيـه مـن وصـف الطبيـعـه خـيـال

فهد الأكلبي


قصيدة وافيه وكايفه

من شاعر متمكن وجميل في عزف الحروف

أسعدني التمعن بهذا البوح العذب والمميز




صح لسانك ملايين ملايين


ومرحبآ بك في بيتك الثاني


منتديات الفطاحلة


تقبل فائق تحياتي

[محمد عبدالله البدراني]

فهد شعلان الاكلبي

سلمه الله


ياهلا والله ومسهلا


ويامرحبا بالشعر واهله


بيض الله وجهك على هالابيات الكايفه يالاكلبي


ومليون مليون صح السانك

وعلا شانك


تحيتي وتقديري

[عبدالعزيز ابراهيم المنصور]

نَصّ رَائِع

وكَلِمَات رَائِعَة جِدًّا

لافضّ فُوك

دُمْتَ بِخَير

[سعيد مقبل الأكلبي]

عزالله كتبت يابوفيصل وانت راعيها
والجزالة في الشعر معك اينما تحل
قرأتها مرارا وتكرارا ولاوجدت الا كل مالذ وطاب من جزل الخطاب
لاعدمناك يافهد