عيدك مبارك لغالينا الطائر

[متعب المتعب]

العيد باكر والمهاجر كما الذيب=خلص فطوره وانتهض جدنا العود
راح البقاله يشتري صبغ للشيب=الوضح كثرن والبلا قلة السود
هو يحسبن الصبغ للبيض تشبيب=مايدري ان الصبغ مابه أبد فود

[الطائر المهاجر]

المشاركة الأصلية كتبت بواسطة متعب المتعب

العيد باكر والمهاجر كما الذيب=خلص فطوره وانتهض جدنا العود
راح البقاله يشتري صبغ للشيب=الوضح كثرن والبلا قلة السود
هو يحسبن الصبغ للبيض تشبيب=مايدري ان الصبغ مابه أبد فود

مثلك يهوجس مادرى الشك والريب = دومٍ يخمن محري البيض و السود
وصبغ الشعر للي يدور على حبيب= ونا احمد الله جزت ماعاد لي عود
والشيب يا ماجد ترى ماهو العيب = العيب من يطرد يدور على الخود

[متعب المتعب]

مانيب قايل يالمهاجر لك آهيب=دامك ذكرت الحين ماجد ومسعود
مانيب ماجد والمحاور فرا الجيب=من شايبن ينسى الاسامي ومضهود
قلي وش احلى يابعدي م الرعابيب=ومن لايعاشرهن فلاشك مقرود

[الطائر المهاجر]

من زود تقديرك حرفنا المكاتيب = نبيك ماجد فانت للمجد ماجود
لكن مدامك بالتعب لك مطاليب = انبدل الألقاب ياصاحب الجود
الورد تحته شوك لو ريحته طيب = واخاف يالصياد بالشوك مصيود

[حور القمر]

صح لســــــــــــــانكم

[نجم الإبداع]

متعب المتعب

ابو عبدالله


صحت قلوبكم

وكل عام وانتم بخير

فائق الاحترام

[عبدالرحمن الصباح]

صح السانك اخوي متعب صح السانك مشرفنا الغالي

[الأموره]

صح لسانكم ،،

امتعتونا صراحه ،،

بانتظاركم ،،