|*¨®¨*| لملمة لمة ليالي |*¨®¨*|

[يوسف بن صالح]

السلام عليكم ورحمة الله

ارجو ان تشفع لي عن غيابي الطويل ..


لملمة ليلن يململني على لمة ليال= لدلهمّت همهمتها // والهموم تروم روم
لاترفّع //راعي الفزعات// عن رمي العقال= واعتلى ربعة وربّع "للرعاع" وللعموم
ماعلى "عالي" من اعيان السعادة والمعال =وما على "عارف معرّف" من معاجِم هالعجوم
ياجفاف الفال //فلي// لاافتعال ولاانفعال= للردى // ردة ومدة // ومن تمادى له ردوم
كنت لك كونن تكوّن // لين ملّكتك كمال =سلسبيلي سال سيلة بس ما يسواه سوم
ضِد عضد الضِد // مضناني خضوع ولا اختيال= لين ضيقتي فضاي وضِقت من "فرض الرسوم"
شامخ % وشامخ % وشامخ % ما يغشوني بشال= لا اغِش ولا أغَش وشمّخن شِلف الخشوم
مااخونك لو تخوني وان تخلْخلْك الخيال= تبطي بطون المواطن ما وطا ماطاي قوم
شاعر وشعره مشاعر وشاعرن شعره هبال=وشاعرن لو هو تشيعر تشعر ان شعره يشوم
اصدِقِك بس اصدِقيني من صِدَق رصْ المقال= ومن تعثّر لو تعذّر // عوّم الأعذار عوم
بان يا // بنت البنوت // البين في ذل السؤال = يامذلة هالسؤال // إلى انسأل يقفاه لوم
للأمانة والأمان ماعلى المنة محال = دام دمي لي " تنكّر " والخلايا ما تدوم
علّمي لك //واعلميهم// قول مني ما يقال= "لكن ظروفي فضت" لي وانفضت فظ العلوم
الكريم اللي تكرّم // ما يكرّم باغتيال = وأنتي ادرى لو أريد أروم// أقدر لك واروم

وسلامتكم