إيقاف تسجيل الخروج .. !

[محمد سلطان الدهمشي]

بسم الله الذي لايضر مع أسمه شي في الأرض ولا في السماء .. !


يسعد مساكم من الأعماق


أول نزف لي هنا في منتديات الفطاحله .. لعلها تحوز على القليل من ذاائقتكم العذبه .. !







تسجيل دخول


سجلت في قلبي دخولك على طول
..... وغنت جروح القلب فيكم نشيده


كلمة المرور

وكلمة مرورك جابها منك مرسول
.... وبدلتها وارسلت كلمه جديده


ملف

واصبح ملفك داخل القلب معزول
... وحفظت به من دم قلبي قصيده



تحرير

وسويت لك تحرير عن كل مجهول
... متوسط ٍ بين الخفوق وّريده


عرض

وقدمت لك عرض ٍ من القلب منقول
... لأجل أثبت انك بالضماير وحيده


المفضله

وبمفضلة قلبي عن الغير محمول
... ما اضفت غيرك يالفتاه الفريده


الخلف .. الامام


وللخلف لو ترجع ترى الخلف مقفول
... رح للأمـام وفك صفحه جديده


عنوان

واكتب على العنوان للغير مشغول
.... حنـّا سكنـّا وارسلي في بريده


تسجيل الخروج


وأن كان ودك تترك القلب مشغول
... سجل خروج وشب فيني وقيده


ايقاف

وان شفتني هالك على الدرب لا حول
... أضغط على ايقاف وأقرا القصيده


تحديث

وأضغط على تحديث وتشوف مدلول
... وكل الكلام اللي قريته تعيده







وسلامتكم ...


مع فائق الاحترام والتقدير لمن مر هنا .. !