عطني حنانك

[عيدالماجد]

كل الحب والتقدير للفطاحله بادارتها واعضائها تمنياتي ان تعجبكم القصيده وهي من قديمي المتواضع


عطني حنانك مل قلبي من اجفاك = مليت دمعي والالم والقطاعه
مدري نسيت الحب والا حد اغراك= اشغلك عنا وقلبك الحب باعه
ياصاحبي لاتعتقد بقدر انساك= طيفك في بالي كل لحظه وساعه
اتخيلك قدام عيني ولا راك = واخفي دموعي عن عيون الجماعه
يااغلى من الدنيا جعل روحي تفداك= عّود لخل زاد منك التياعه
يشكي غيابك عن عيونه وفرقاك= سبّة عذابه واحتراقه وضياعه
يبقى يحبك لاخر العمر يهواك= وهذي صفات الحب هذي طباعه
صادق وفي يبقى يازين يتحراك = وانشدك قبل الحكم تسمع دفاعه