يابنت لاتجني علي عاشق الورد ,,,,

[حرف وشعر]

يابنت لاتجني علي عاشق الورد=وردي بطرف الشال يابنت دوني
يابنت طرف العين والكحل لسود= أحد من وقع القنا في المتوني
وسحر العيون الناعسات المجرد=أشد واثقل من جبال الحجوني
يابنت انا ماني عن السنع مرتد= يامير حسنك هو سبايب جنوني
قالت محمد والحلا لاتورد؟= شرط (ن) لدي العشاق لاناظروني؟
الدين يبقي والحسن لوتجدد=زايل ولو تبكي عليه العيوني
وان كنت تبغي في الهوى لعبة النرد= خلك بعيد (ن) لاتهدم حصوني
قلت احسبيني وافصليني من العد= ماني من اللي ظنكم يافتوني
انا الوفاء والشوق والحب والود= موجود عندي في الحرك والسكوني
والشادي اللي من علي الغصن غرد=والشعر عودي والقوافي لحوني
انا خوي القاف لاجيت احدد= شاعر وعشاق الشعر يعرفوني
والبعد والتفريق والهجر والصد=اربع بلايا في الهوى عذبوني
يابنت كفي دونك اليوم ممتد= مدي يمينك صافحني وموني
ولا بكفك ودعيني بلا رد= وردي بطرف الشال يابنت دوني