|
رد: معنى عيطموس ؟؟؟!!!!!
[quote=الطائر المهاجر;292514](ابي اقتبس ردك قمت عدلته)
لا ..... يجي خير ههههههههههههه بلا والله من حر ما توجس ، بين هالموضوع وفخ الامورة.هههههههههه طيب اذا لك احد لا يزال حي من الشيبان او العجاز الله يطول بأعمارهم سمعهم بعض الكلمات اللي في قافية قصيدتك ، وشف كم مفرده يفهمونها ، الشاعر لابد ان يخاطب الأغلبية اللي ماعندهم قواميس يرجعون لها وتفسر لهم هذه الكلمات . خاطبوا الناس بما يفهمون ...والمبدع يبدع بدونها ، ولا اظنك أصلا تحتاج لها فما شاء الله قوة في السبك وفي احضار الصور والأخيله ، فوجود مثل هذه المفردات يخرب القصيدة ما يفيدها[/quote] هههههههههههههههههه اضحك الله سنك نقولها من حر ماتونس (الان اتفق معك بقوة يابو عبدالله ) لانك اشدت بي والاشادة منك نوماس. شف يابو عبدالله انا سبق واعطيتك رايي بكل امانه وقلت لك ان الحدث هو الي يجبر الشاعر على اختيار المفردة غالبا والافضل كما قلت انت اللغة السلسلة لكن التنويع مطلوب والناس اذواق ابن شهيد الاندلسي يابو عبدالله عاصر الوف الشعراء ماتوا ومات ذكرهم لكن رسالته والتي انتقى فيها اصعب المفردات لاتزال حيه ومحببه وممتعه ...وهو الامر كما قلت التنويع مطلوب |
رد: معنى عيطموس ؟؟؟!!!!!
ابن شهيد الاندلسي
يابن الحلال حنا وش علينا من شعراء الفصيح حنا مركزين على الشعبي فقط ، طيب عندي لك رأي اجمع هالكلمات وادخل السوق ، واذا بغيت تشتري شئ او تخاطب احد فطلع له وحدة منهن ، وشف وش يصير لك . |
رد: رد على: معنى عيطموس ؟؟؟!!!!!
[quote=ماجد المهدي;292516]يا ابو حمد على كلامك كل واحد عاشق لشعر ويشتري له مترجم ويحضر الامسية هو وبعض الشعار
لا هنت يا ابو عيسى وكلك ذوووووووق[/quote] شف يابو مهدي هذا حنا بها فيه قصيده لي بعض الشباب عابوا عليها صعوبة المفرده بها يقولون يبي لنا مترجم اقسم لك بالله اتصل علي شايب من احد المدن ما اعرفه ولا ادري منهو يتشكرني على القصيده , وبحكم انه كبير بالسن تعدى عمره التسعين تهقى هالشايب الي مايفك الخط الله اعلم كيف فهمها رغم صعوبة المفرده بها لانه فهم المفردات من السياق طيب ابي اسئلكم عن مفرده وهي الشلي وش معناها ؟ هذي مفرده نبطية وخذ غيرها من مفردات النبط سبخص يفجأ يمشعن : هزايب مكنع الغيف الفسل الكالف الفيد طاموره عصمصم شف هذي مفردات نبطية واحلف بالله ان 95 بالمية من متذوقين الشعر بهالجيل مايردون وش معناهن و50 بالمية من الشعراء فلا يدرون وش معناهن لكن لو جبتهن مع سياق الابيات راح تعرف معناهن تلقائياً |
رد: معنى عيطموس ؟؟؟!!!!!
[quote=الطائر المهاجر;292519]ابن شهيد الاندلسي
يابن الحلال حنا وش علينا من شعراء الفصيح حنا مركزين على الشعبي فقط ، طيب عندي لك رأي اجمع هالكلمات وادخل السوق ، واذا بغيت تشتري شئ او تخاطب احد فطلع له وحدة منهن ، وشف وش يصير لك .[/quote] صحيح يابو عبدالله الكلام عن الشعبي لكن الشعبي امتداد للفصيح ونا جبت الاندلسي مثال على كلامنا ابن شهيد جاب مفردات كانت غريبه حتى على اهل زمانه ...وهذا هو الشاهد اما السوق ههههههه عاد كفانا الله شره شف يابو عبدالله انا اعيد واقول ان الغرض من القصيده هو الي يحكم النفرده انت تذكر الملحمة الكونية تكلمت لك عنها مفرداتها يفهمهن الشايب والشباب المتعلم والامي ...لانها سرد تاريخ وماهو مجال ابراز قوة لغة او ابراز جمال لغة فالموضوع طال وهو باختصار (الحدث والغرض من القصيدة هو الفيصل باختيار المفردة) |
رد: معنى عيطموس ؟؟؟!!!!!
يابو حمد انا فهمت من كلامك
انك اولا تقول معنا في ان القصيده السهله والمفهومه هي الافضل ولكن ( وهذا اللي فهمت ) ان احيانا وبعض المواضيع تفضل انها تحوي مفردات صعبه الفهم !؟؟ هل فهمي صحيح ؟ واذا كان هذا صحيح فلماذا ابحث عن مفرده صعبه اذا كان يوجد لدي مخروزن من المفردات السهله المفهومه اللي بامكانها توصل الفكره بشكل اوضح للمتلقي |
رد على: رد: رد على: معنى عيطموس ؟؟؟!!!!!
[quote=ماجد حمد الزيد;292521]شف يابو مهدي هذا حنا بها فيه قصيده لي بعض الشباب عابوا عليها صعوبة المفرده بها يقولون يبي لنا مترجم
اقسم لك بالله اتصل علي شايب من احد المدن ما اعرفه ولا ادري منهو يتشكرني على القصيده , وبحكم انه كبير بالسن تعدى عمره التسعين تهقى هالشايب الي مايفك الخط الله اعلم كيف فهمها رغم صعوبة المفرده بها لانه فهم المفردات من السياق طيب ابي اسئلكم عن مفرده وهي الشلي وش معناها ؟ هذي مفرده نبطية وخذ غيرها من مفردات النبط سبخص يفجأ يمشعن : هزايب مكنع الغيف الفسل الكالف الفيد طاموره عصمصم شف هذي مفردات نبطية واحلف بالله ان 95 بالمية من متذوقين الشعر بهالجيل مايردون وش معناهن و50 بالمية من الشعراء فلا يدرون وش معناهن لكن لو جبتهن مع سياق الابيات راح تعرف معناهن تلقائياً[/quote] هههههههههههههههههههههههه ابو حمد ممكن من السياق افهمها اما كذا فيبي لي مترجم من العصر الحجري حتى مترجم هالزمن ممكن ما يترجمها ههههههههههه عاد انا من سكان المدن والحضر فللهجة سلسه وحضريه والبدوي على الحضري يفهمها بس احاول اجمع من هالكلمات الصعبة ليس لستخدامها بل لفهم مقصد مستخدمها وممكن لو ورطة في قافيه الجى لستخدامها :d |
رد: معنى عيطموس ؟؟؟!!!!!
على فكره الشاعر الذكي بامكانه يخرج قصيدته بالافلاظ اللي يبيها وتكون مفهومه
يعني مثلا محمد المكتوم قال في احد قصايده مفرده آرام ؟!؟!؟! واعتقد ان هذي المفرده ماهي مفهومه على الاقل انا ماعرفها وقال في الشطر اللي استخدمها فيه ... يشبه الآرام غزلان السهل ( ماني ذاكر البيت كله ) وخالد الفيصل ( وذكرت المثال من قبل ) يوم قال ... وازهرة من وطيتك خدانها بهذا الشكل استخدم كلمة خد ( وحتى لو ماكنت تدري شمعناها ) البيت اتى يوضح انه مكان يزهر ويوطأ ( يعني قطعه من الارض اكيد ) بهالشكل اوضح المعنى |
رد: معنى عيطموس ؟؟؟!!!!!
[quote=يوسف الشقران;292524]يابو حمد انا فهمت من كلامك
انك اولا تقول معنا في ان القصيده السهله والمفهومه هي الافضل ولكن ( وهذا اللي فهمت ) ان احيانا وبعض المواضيع تفضل انها تحوي مفردات صعبه الفهم !؟؟ هل فهمي صحيح ؟ واذا كان هذا صحيح فلماذا ابحث عن مفرده صعبه اذا كان يوجد لدي مخروزن من المفردات السهله المفهومه اللي بامكانها توصل الفكره بشكل اوضح للمتلقي[/quote] نعم كلامك صحيح اخي يوسف انا اوافقكم الرأي حسب تجربه قدمت قصايد صعبة مفرداتها جداً لكنها مالاقت قبول مثل السهل الممتنع وهذا امر طبيعي لكن القصائد الي تعمدت فيها اختيار المفردة الصعبة لحدث معين ادن المطلوب على اكمل وجه بشكل عام مافيه مثل السهل الممتنع لكن بنظري ان الشاعر في حدث معين يضطر لاختيار المفرده الصعبة وهذا يساعد على نمو اللغة والمفردة لدى الشاعر ولدى المتلقي والا مع الوقت والله يا اخ يوسف الا تضيع اللغة انت خلك من اللغة الفصحى حتى لغة النبط الان فيها ركاكة واضحة وهذا امر طبيعي ولكن لابد ان ينتبه له ويدفع بالمتلقي دفعا بواسطة الشعر الى الاستزادة من اللغة |
رد: رد على: رد: رد على: معنى عيطموس ؟؟؟!!!!!
[QUOTE=ماجد المهدي;292528]هههههههههههههههههههههههه ابو حمد
ممكن من السياق افهمها اما كذا فيبي لي مترجم من العصر الحجري حتى مترجم هالزمن ممكن ما يترجمها ههههههههههه عاد انا من سكان المدن والحضر فللهجة سلسه وحضريه والبدوي على الحضري يفهمها بس احاول اجمع من هالكلمات الصعبة ليس لستخدامها بل لفهم مقصد مستخدمها وممكن لو ورطة في قافيه الجى لستخدامها :d[/QUOTE] شف يالسمي ثق تماما مافيه احد يلم بالمفردات كلها وأنا اضمن لك الان لو تحضر لي مفردات يمكن اول مره اسمع بها , انا جبت هالمفردات كمثال على الشعبي المفردات هذي هي مفردات ابن لعبون والخلاوي والهزاني هل تعتقد انه مجرده كذا راح تنفهم استحالة فاللي ينطبق عليها ينطبق على غيرها من المفردات وهذا هو الشاهد من هالمفردات |
رد: معنى عيطموس ؟؟؟!!!!!
[quote=يوسف الشقران;292529]على فكره الشاعر الذكي بامكانه يخرج قصيدته بالافلاظ اللي يبيها وتكون مفهومه
يعني مثلا محمد المكتوم قال في احد قصايده مفرده آرام ؟!؟!؟! واعتقد ان هذي المفرده ماهي مفهومه على الاقل انا ماعرفها وقال في الشطر اللي استخدمها فيه ... يشبه الآرام غزلان السهل ( ماني ذاكر البيت كله ) وخالد الفيصل ( وذكرت المثال من قبل ) يوم قال ... وازهرة من وطيتك خدانها بهذا الشكل استخدم كلمة خد ( وحتى لو ماكنت تدري شمعناها ) البيت اتى يوضح انه مكان يزهر ويوطأ ( يعني قطعه من الارض اكيد ) بهالشكل اوضح المعنى[/quote] اعتقد ان ابن مكتوم يقصد جمع ريم من الارام (الاريام) اما الخدان فهي جمع خد بلهجة اهل نجد يقولون للحزم المرتفع عن الارض خد وهذا هو الي اقوله ان المفرده تتضح من السياق غالبا |
| الساعة الآن 08:14 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة