منتديات الفطاحله - منيع والطائر

هذي حصلتها مع المسودات ولا ادري متى تاريخها

منيع
اقعد ببيتك لاتزار ولاتزور=ماهو على كيفك كارونا باالطريق
الطائر
واضرب من الكبسه على لحم الجزور=وبعدين لحفها من العنب العتيق
منيع
وتابع مع التلفاز كل اللي يدور=وصحى تخالف وتبع مايليق
الطائر
ولا من طلعت بوقت ممنوع المرور=قل رايح المشفى التنفس فيه ضيق
منيع
شف لك عذر مقبول ولاتقول زور=10 عشرة الاف مابها خيق بيق
الطائر
هات العذر مادام تدري بالأمور=خابرك نصاب وفي شغلك وثيق
منيع
يامعلمي خابرك بالفطرة جسور=وراك لاشفت الحقايق ماتفيق
الطائر
تواضع منك ما تعرف غرور=انا اشهد انك على النصبه سبيق
منيع
قلت اوماقلت لاتحاول تخور=انا على خبرك ترى عون الرفيق
الطائر
وصلنا الف ويتين والباقي حضور=هذا اذا الاحصاء يالغالي دقيق
منيع
تفرج وربك يجازي كل صبور=والله على خلقه رحيم شفيق
الطائر
درس لكل ظالم ومن على اهله يجور=لعل يدرك بأنه مثل غيره غريق
منيع
نعم والعاقل على نفسه غيور=والعلم واضح لايحق الا الحقيق
الطائر
مادرى ان الكورونا ما يرده قصور=زاحفه صوب بيته مثل ماء دفيق
منيع
هذي هي الدنيا دار للعبور=ومن لاسلم منها يبقى عويق