منتديات الفطاحله - غربه وليلٍ ما انقضى

[RAMS]http://up.ftahilah.com/up/uploads/Mine/ghurbahwlail.rm [/RAMS]
[poem=font="Simplified Arabic,5,,bold,normal" bkcolor="burlywood" bkimage="" border="double,4," type=2 line=0 align=center use=ex num="0,black"]
غربه وليلٍ ما انقضى/ والدرب طال ومانتهى = رحلة شقى/ خاويتها/ ومنها تعلمت الكثير
اسرار قلبي لا بدت/ ماشالها ولا شلتها= ما اظنّ غيري يشيلها/ حتى ولو أقرب عشير
الوقت علمني الرضا/ والصبر غايه رمتها= حتى ولو شفت الأذى/ من جاهلٍ والاّ غرير
مهما شكت حرّ اللضا/ نفسي بعقلي صنتها = ما اعطيتها ماهي تبي/ مهما يصير اللي يصير
ثابت مثل شمّ الجبال / الراسيه في ثبتها= ما كلّ شئ يهزّني/ واشيل ماشال البعير
لكن إذا حمّ القضاء/ مهما الحذاري خذتها= لابدّ للمكتوب يجري/ دام ما عنّه مطير
سهم انطلق من طرفها/ ياليتني ما شفتها= ريمٍ رمتني وجفلت / ما قدّرت قلبي الكسير
في داخلي جمر الغضا/ والنفس لو عقّلتها= قلبي ولا من يحتويه/ يبي الى المهره يطير
قلت اوقفي/ لاتقتلي/ فالروح تشكي كبتها= ويلك من الله الطفي/ كلمه ولاظنّي تضير
قالت من انت/ ووش تبا/ بالحرمة اللي علتها= فشلتني عند الملا/ تمشي معي كنك خفير
قلت بدوي توّه بدا/ بعت الحضاره عفتها = معك البداوه تشترى/ فالسحر من طرفك خطير
قالت عتيبي /قلت.. لا/ ..حربي ولو ما قلتها؟= قلت العذر كلاّ.. ولا/ حتى ولا ني من مطير
قالت شمالي/ قلت ..لا/ مكّه ولوني زرتها= ماني حجازي اوحساوي ولا جنوبي من عسير
آنا العرب/ كل العرب/ كل القبايل عشتها = في داخلي/ نبض العنا/تملي ويكتبها الضمير
قالت ترى النمره غلط/ماني من اللي خلتها= مجنّده تلبس عباة/ وتشتغل عند السفير
لكن كلامي اسمعه/ دور العروبه وانتهى= فاليوم ماهو يومكم/ حنّا نتحكم في المصير[/poem]