ارجو من اخواني الشعراء الدخول للاهميه
 

[align=center][size=3]اخواني الاعزاء في هذا الصرح الكبير العامر برجاله اليكم هذه القصيده
واريد منكم نقدها بكل امانه ولا اقبل منكم المجامله اطلاقا وسوف اخبركم في نهاية
ردودكم لغرضي من ذلك0 البيتين الاول والثاني ليست لي والباقي من نضمي
واريد رايكم هل في القافيه اختلاف ترى اللي يمر ولا يكتب شي بهجيه بقصيده
هههههههههه يالله يارجال 0 اخوكم ابو بندر[/size][/align]




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

الله مـن قلـب همومـه ترابـعـه= تقلّبـه مـن جـور وقتـه روابعـه
ذوت معاليقـه ويبسـت حشاشـتـه=بصمة شقاه بثومـة القلـب طابعـه
خيّم عليه الحـزن وأسـدل سحايبـه=هـذي مداهيلـه وهـذي مرابـعـه
والونّه اللـي مـن فـوادي تمكنـت=جارت على قلبٍ همومـه تصارعـه
عـزي لعبراتـي وعـزي لحالتـي=وعزي لدمعٍ مـن عيونـي منابعـه
يالله ياقيـوم تجـبـر مصيبـتـي=يارب يامن دعوتـي فـي مسامعـه
ترحم عزيز القوم درعـي ومسنـدي=ياجعـل دعواتـي مجابـه وشافعـه
مرحوم ياعوني وتاجي وعزي والفخر=يابويـه اللـي ماتـعـدد طبايـعـه
يامكرم الضيفان والجـار والخـوي=يالغايب اللـي كـن عينـي اتطالعـه
يهزني حنين ماضي وذكرى للورى=واعيد ذكـرى مامضالـه وأراجعـه
وأسمـع تراحيبـه ونجـره ودلتـه=وارجع لواقـع مالجابـي واطاوعـه
واقول يادنيا الفنا ماعلى وجهك بقـا=والفايـز اللـي للعبـاده مطامـعـه[/poem]

رد: ارجو من اخواني الشعراء الدخول للاهمي
 

انا افضل تنقلها الى قسم حوار في الشعر مادامت للنقد
وشكرا لك اخي محمد

رد: ارجو من اخواني الشعراء الدخول للاهمي
 

الاخ الكريم الشاعر/ محمد قبلان
ما أجمل الوقوف على عتبات كلماتك
صح لسانك .. فقد أستمتعت بكل حروفها
لك مني كل الإعجاب والإشادة
تقبل تحياتي وتقديري
أخوك / بن ماضي

رد: ارجو من اخواني الشعراء الدخول للاهمي
 

اختلاف القافيه عن البيتين الأساسيين والمكونه من 3 احرف بعه
في كل الأبيات اللاحقه ما عدا الأول والثالث منها
روابعه/طابعه/مرابعه
تابعه/سابعه/شابعه/ضابعه/قابعه/ كابعه/نابعه/زوابعه/صوابعه/ ..... وما يشتق من هذه
المفردات

البقية لم الاحظ شيئا يذكر وقد تتضح الصورة بعد تعديل القافيه
لاهنت يامحمد
وشكرا لك
مع أطيب تحياتي

رد: ارجو من اخواني الشعراء الدخول للاهمي
 

من وجهة نظري الخاصه
اختلاف في عجز الابيات من حرفين الى ثلاثه الى اربعه
وانني اوافق ماذهب اليه الطائر المهاجر
تحياتي الطيبه

رد: ارجو من اخواني الشعراء الدخول للاهمي
 

[quote=الطائر المهاجر;390759]اختلاف القافيه عن البيتين الأساسيين والمكونه من 3 احرف بعه
في كل الأبيات اللاحقه ما عدا الأول والثالث منها
روابعه/طابعه/مرابعه
تابعه/سابعه/شابعه/ضابعه/قابعه/ كابعه/نابعه/زوابعه/صوابعه/ ..... وما يشتق من هذه
المفردات

البقية لم الاحظ شيئا يذكر وقد تتضح الصورة بعد تعديل القافيه
لاهنت يامحمد
وشكرا لك
مع أطيب تحياتي[/quote]

اخوي الطير المهاجر اريد ان اناقشك هل بركات الشريف علم الشعر تقيد بــ3 احرف على سبيل المثال هذه القصيده لبركات


[color=#FF0000]وقال باختلاف الثلاثه الحروف الاخيره[/color]

عفا الله عين ٍ للإغضا محـــــــــاربه *********** وجسم ٍ دنيف ٍ زايد الهم[color=#FF0000] شاعبـــــه [/color]

أسهر إليا نام المعافا ومدمــــــــــعي *********** قد هل ما بين النظيرين[color=#FF0000] ساكبــــــه [/color]

وقد قلت لما باح صدري ولج بـــــي*********** لصديق ٍ شفيق ٍ صافيات[color=#FF0000] مذاهبـــه [/color]

دع العذل عني يا نصيحي وخلنــــي *********** شرواك ما يرضا هوان ٍ[color=#FF0000] لصاحبـه [/color]

في كل دار ٍ للرجال معيشيـــــــــــة ٍ *********** والارزاق بيد اللي جزال ٍ[color=#FF0000] وهايبــه [/color]

اخترت بعد الدار في نازح المــــــدا *********** ولا قولت بركات قد هان [color=#FF0000]جانبــــه[/color]

شهرت عن الزهدا وهي لي فضيـــه *********** ولا يمنع المخلوق مالله[color=#FF0000] كاتبــــــــه[/color]
والشاعر
الشيخ مقبول يرثي بها مافقده من قبيلته من بني الحارث اللذي ركض الشيطان
بينهم وصار بينهم حروب ..
وآخر وقعة بينهم في الحاوي وادي في ديار الشلاوى من بني الحارث .

حيث جرى بعدها الصلح والتسامح في مابين الطرفين بعد وفاة الشيخ مقبول بثلاث سنوات ..

يالله يامطلـوب ياقايـد الـرجـا000ياللي على كـل العبـاد رقيـب
تفزع لنـا يـوم محـداً فزعلنـا000يومـاً فينـا متـقـن ومغـيـب
يومـاً فينـا واحـداً مافزعلـنـا000مفزاعـه لنـا مشيـةً ودبـيـب
جونا صلاة الصبح يبغون مالنـا000فـي حـزة العـدوات للحريـب
جونا بمسلـبً مايواليـه غارنـا000بمصببً منـه الصغـار تشيـب
وقمنـا عليهـم والإلـه يعيـنـا0000وراحوا من اطراف البيوت هريب
لعبهم الجهل مـن عـدم رايهـم000غربـاً شـلاح ومـاه سـريـب
طلقنا بيـض الخراعيـب منهـم0000نشفهم فـي لامـا كـل حبيـب
وانا احمدلله يوم انـا فـي لابـه0000حصـنً مبنـاة لكـل طلـيـب
هم كما ضلع مريف مـن الحيـا000أصبح سنه بعدما كـان عشيـب
ياذيب ياللي بالقرى تجر العـوى000ابدلك الله فـي الزمـان نصيـب
ماتاكل الا كـل شيـخ مجـرب0000عند الخطى ماهوب عند مصيـب
تحمد الله يـوم جتـك الرجاعـه0000تلقى العشى في عطف كل شعيب
عزي منهـم ربعـه ثـم فاتهـم ماعادله في الشايعـات نصيـب


ومن معلقت امرؤ القيس

وليل كموج البحر أرخى سدولـه0000علـي بأنـواع الهمـوم ليبتلـي
فقلت لـه لمـا تمطـى بجـوزه0000000وأردف أعجـازا ونـاء بكلـكـل
ألا أيها الليل الطويـل ألا انجلـي00000بصبح وما الإصباح منك بأمثـل
فيا لك مـن ليـل كـأن نجومـه0000000بكل مغار الفتـل شـدت بيذبـل
كأن الثريا علقت فـي مصامهـا000000بأمراس كتان إلـى صـم جنـدل
وقد أغتدي والطير فـي وكناتهـا000000بمنجـرد قيـد الأوابـد هيـكـل
مكـر مفـر مقبـل مدبـر معـك00000000جلمود صخر حطه السيل من عل



اريد منكم ومن جميع الشعراء افادتي والتوضيح اكثر
هل قصيدتي صالحه لنشر واذا كان عكس ذلك ماهو الخطاء الذي يوجد بها 0

الموضوع مهم للغايه وانتم من فطاحلة الشعراء ورأيكم يهمني 0

اخوكم ابو بندر0

رد: ارجو من اخواني الشعراء الدخول للاهمي
 

هلا بك محمد
طالما انه وضع بيتين نموذجيين ليسار عليهما وقافيتهما انتهت ب بعه
فلابد من التقيد بقافيتهما ، فبعض النقاد لايعتبر الهاء
حرفا تنتهي عنده القافيه لأنك لاتنطقه كاملا
اما الإختلاف فيما ذكرته في قصيدة الشريف بركات
فقد يكون مرده للنقل ، وبالنسبة للفصيح فوضعه يختلف حيث
يتم اشباع الحرف فنطق نجومه نجومهو
لاهنت
تحياتي

رد: ارجو من اخواني الشعراء الدخول للاهمي
 

[quote=مبروك بن ماضي;390723]الاخ الكريم الشاعر/ محمد قبلان
ما أجمل الوقوف على عتبات كلماتك
صح لسانك .. فقد أستمتعت بكل حروفها
لك مني كل الإعجاب والإشادة
تقبل تحياتي وتقديري
أخوك / بن ماضي[/quote]

اخوي مبروك بن ماضي

لك كل الاحترام والتقدير

وصح بدنك دائما وانت السباق

للعلم الغانم


تسلم

رد: ارجو من اخواني الشعراء الدخول للاهمي
 

[quote=الطائر المهاجر;390963]هلا بك محمد
طالما انه وضع بيتين نموذجيين ليسار عليهما وقافيتهما انتهت ب بعه
فلابد من التقيد بقافيتهما ، فبعض النقاد لايعتبر الهاء
حرفا تنتهي عنده القافيه لأنك لاتنطقه كاملا
اما الإختلاف فيما ذكرته في قصيدة الشريف بركات
فقد يكون مرده للنقل ، وبالنسبة للفصيح فوضعه يختلف حيث
يتم اشباع الحرف فنطق نجومه نجومهو
لاهنت
تحياتي[/quote]


الطائر المهاجر مشكور وتوضيحك

استفت منه الشي الكثير

والمعذره اخوي اشغلتك

والله اني اكن لك كل معزه واحترام

وهذه القصيده استبعدوها الجنه من مسابقة شاعر النت الاول

هي وقصائد المشاركين واستبدلوها

بغيرها واسال الله التوفيق

اكرر شكري لشخصك الكريم

والله يحفظك

رد: ارجو من اخواني الشعراء الدخول للاهمي
 

ابو بندر

مساك الله بالخير

وصح لسانك

بصراحه قصيده جزله من شاعر جزل

وانا لي وجهة نظر شخصيه ولا اعتبر نفسي ناقد مجرد وجهة نظر

انا اشوف القصيده سليمه من ناحية القافيه

بالنسبه للقافيه في قصيدتك تتكون من ثلاثة حروف هي الالف والعين والهاء

وهذا شي طبيعي ولا يعيب القصيده

هذا من وجهة نظري


وصح لسانك مره ثانيه


اعجابي واحترامي