قصيدة خالد الفيصل الأمارة
 

[align=center][url=https://a.top4top.io/m_2106xaxc51.mp4]https://a.top4top.io/m_2106xaxc51.mp4[/url]

نظم أمير منطقة مكة المكرمة الأمير خالد الفيصل ‏قصيدة وطنية جديدة.

قال فيها:

الإمــــاره

شرّفنـــي الله بالعمل في الإمـــاره

إمــارةٍ تخــدم جميــــع المسلْمـــين

العز فيهـــا والشــرف والحــضــاره

والمرجله في خدمة الــدار والـدين

ماهيــــــب تقلـــيدٍ ولا مُــسْتــــعاره

ما مثْلـــها إلّا بيـن نخلـه وسيفــين

أسّـــسْ لهــا عبـدالعزيز الصـــداره

وبرايــةٍ ما ترتـــخـي للســـلاطـــين

لا واهنــــيْ مـــن دارانــا مثــل داره

ما مثلـــها قريـــب والّا بعيـــديـــن

البعـــض لَى ســافـر يــدوّر سفـاره

وانا إذا سافــرت ساهـرني البـــين

يامغـــنّي أبْيـــاتي تــراهــا عبـــاره

عمّا يدور بخاطري أمـس والحين

-----------

[/align]

رد: قصيدة خالد الفيصل الأمارة
 

المعنى في الشطر هذا مو جايز لي ..

لا واهنــــيْ مـــن دارانــا مثــل داره


.. عندي انه معكوس
احد يشرحه لي ؟

رد: قصيدة خالد الفيصل الأمارة
 

هههههههههه
منتب سهل
بالفعل هو اراد القول لا وهني من داره مثل دارنا
شكرا لك
وصح لسانه

رد: قصيدة خالد الفيصل الأمارة
 

ملاحظة في محلها
ويادكتور لو كتبها مثل ماقلت تختلف القافية هو باني على ا ر ه
شكرا لكما
تحياتي

رد: قصيدة خالد الفيصل الأمارة
 

لا واهنــــيْ مـــن دارانــا مثــل داره
ممكن يقول
الا واهني كل سعودي بداره

رد: قصيدة خالد الفيصل الأمارة
 

وممكن
لاواهني من دارناهي مزاره

رد: قصيدة خالد الفيصل الأمارة
 

الظاهر المعنى صحححححححح وانتم غلط الامير يقصد ان من دخل السعودية يتعتبرها مثل داره يعني بيته الثاني والله اعلم

رد: قصيدة خالد الفيصل الأمارة
 

صارت مزار شريف
عموما ما علينا منه هو ابخص

رد: قصيدة خالد الفيصل الأمارة
 

لا واهنــــيْ مـــن دارانــا مثــل داره
ممكن
الا واهني من دارنا هي دياره

الا واهني من زارنا من دياره

رد: قصيدة خالد الفيصل الأمارة
 

[quote=منيع;1664822]ملاحظة في محلها
ويادكتور لو كتبها مثل ماقلت تختلف القافية هو باني على ا ر ه
شكرا لكما
تحياتي[/quote]

اترك القافيه على جنب يابوحمد .. انا اختلافي في المعنى لاهنت
واللي قاله ابو عبدالله هو اللي انا اقصده بالضبط