|
مطفي النور والرجلين حفيانه
[poem=font="Simplified Arabic,6,darkblue,bold,normal" bkcolor="transparent" bkimage="" border="inset,5,purple" type=2 line=0 align=center use=ex num="0,black"]
ياراعي الموتر اللـي بايـحٍ لونـه = اللي من الشمس راحت معظم الوانه مكروف لين انتهت جلدة دركسونـه = واربع سكاريب تلـزم روس بيبانـه من مصنعه ماتغيّر زيـت سيفونـه = صوت السبايك على الجنبين حنانـه ولابه انبير يمشي وسـط طبلونـه = سيورهن من قديم الوقـت خربانـه والقير لاعشّقـوه اثنيـن ينسونـه = مايعتقه لين يظهـر زيـت شكمانـه والمرتبه في بطون الضان مدفونـه = وجنوبها من ثقيل الحمـل هريانـه ورفارفه جنب طنب البيت مركونـه = طاحت مساميرهـا والحـال تعبانـه ماترحم اللي معك يمشي على هونـه = مطفّـي النـور والرجليـن حفيانـه يسوق عمره علـى دربٍ تسوقونـه = قلبه تحطـم وهـذا صـوت رمانـه يابو خـدودٍ تشابـه خـدة فلونـه = ماهيب من رشـة المكيـاج مليانـه وبريقـعٍ صغّـروه اللـي يسوونـه = مـرٍ يغطـي ومـرٍ ذيـك لحيانـه والجسم شيٍ يدوّخ مـن يشوفونـه = بنت من مقابـل الخلفـات فسقانـه ماهيب في دجة الموضـات مفتونـه = اللي مع السـوق رجليّـه وهجانـه الوجه مكشوف والخديـن مدهونـه = ولاتخلّـي ولارجّـال فـي شـانـه يابنت شرع السواقه ويش قانونـه = يوم القوانين عنـدك مالهـا خانـه قالت مع البـر مملوحـه ومزيونـه = جوٍ يغطّـي علـى الـزلات ميدانـه وسواقةٍ فالمدينـه غيـر مضمونـه = لاشافوا البنـت كـل طلّـع لسانـه في زحمة الناس كلٍ يفـرك عيونـه = تقول جمهـور فـنٍ شـاف فنانـه سواقتي من ورا الابرق ومن دونـه = من خلف نوقات ابوي وخلف غنمانه الشايب وحْيد والرجليـن مرهونـه = ولابه اخـوٍ يقـوم بـلازم اخوانـه مانيب اعَرف البحر يللي تعرفونـه = ولاتمشيـت تالـي الليـل سهرانـه ولابي الناعم اللي يسحـب ردونـه = اللي على طول يومـه ياكـل لبانـه شفي من البـدو رجّـالٍ بكرتونـه = معَـرَّبٍ راس ابـوه وراس جدانـه يصلّي الفـرض لاقامـوا يصلّونـه = ويصوم شهر رمضان ويحفظ اركانه ماهوب لاجا الضحى دنّق على التونه= ولاقالـوا الله اكبـر شـب دخانـه قلت اشهد انـك سنافيـه ودندونـه = والعقل نعمه من المعبـود سبحانـه والسالفه حدهـا ذربـه وموزونـه = يطرب لها المستمع ويقـول فنانـه الشاعر / سعيد الاكلبي[/poem] |
وسواقةٍ فالمدينـه غيـر مضمونـه 000 لاشافوا البنـت كـل طلّـع لسانـه
ههههههه صح لسان الشاعر سعيد الأكلبي وشكرا لك أخي الأكيد على اتحافنا بهذه القصيدة الرائعه والواقعيه تحياتي |
مكروف لين انتهت جلدة دركسونـه
واربع سكاريب تلـزم روس بيبانـه ههههههههههههههههههه والله منتهيه ذي السياره الله يعطيك العافيه وصح لسانك ومشكككككور والله ابيات طريفه تحياتي لك:) |
يا بو خدود تشابه خدة فلونه ماهيب من رشة المكياج مليانه
والله انك صادق الحين تقول حاطين طحين ولا صبغه بيضاء على خششهم يقالهم يبون الزين بس وين مهما سوو ما ياصلون له جمال رباني يعني زيي هههههههههههههههههههههه مشكور على هالقصيده اللي من جد واقعنا الحين نستنى الجديد |
الفاضل الآكيد.............
من المؤكد انها فكاهية مطربه ولكنها أكثر من ذلك هادفة وذات رساله أما النقيضين ـ تهالك المركبه وتمام الراكب ـ فهو مربط الفرس وبيت القصيد شكرا لك وقد اتحفتنا بجمال مبدع ساق لخيال ممتع لك عاطر التحايا |
الاكيد
شكرا على النقل الفكاهي لاهنت صح لسانك وشاعرها تحياتي وودي |
[quote=سناعيس]وسواقةٍ فالمدينـه غيـر مضمونـه 000 لاشافوا البنـت كـل طلّـع لسانـه
ههههههه صح لسان الشاعر سعيد الأكلبي وشكرا لك أخي الأكيد على اتحافنا بهذه القصيدة الرائعه والواقعيه تحياتي[/quote] سناعيس مشكور على هذا الرد تحياتي |
[quote=أم فيصل]مكروف لين انتهت جلدة دركسونـه
واربع سكاريب تلـزم روس بيبانـه ههههههههههههههههههه والله منتهيه ذي السياره الله يعطيك العافيه وصح لسانك ومشكككككور والله ابيات طريفه تحياتي لك:)[/quote] ام فيصل مشكوره على المرور والرد لاهان شاعرها الاكلبي |
[quote=بنت ابن خيخي]يا بو خدود تشابه خدة فلونه ماهيب من رشة المكياج مليانه
والله انك صادق الحين تقول حاطين طحين ولا صبغه بيضاء على خششهم يقالهم يبون الزين بس وين مهما سوو ما ياصلون له جمال رباني يعني زيي هههههههههههههههههههههه مشكور على هالقصيده اللي من جد واقعنا الحين نستنى الجديد[/quote] بنت اخيخي مشكوره على هذا الرد وهذا هو الواقع اللي نحن عايشين فيه الان صح لسان الشاعر سعيد الاكلبي |
والقير لاعشّقـوه اثنيـن ينسونـه
مايعتقه لين يظهر زيـت شكمانـه هههههههههههههههههههههه الله يعظم اجر هالموتر صح لساااانك ولاهنت |
| الساعة الآن 05:12 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة