منتديات الفطاحله - أمة الإسلام يكفينا تــــردي

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - أمة الإسلام يكفينا تــــردي (http://www.ftahilah.com/showthread.php?t=15765)

أمة الإسلام يكفينا تــــردي

[RAMS]http://up.ftahilah.com/up/uploads/Mine/OmmatalEslam.rm [/RAMS]
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
أمة الإسلام يكفينا تــــردي= وش بقـي إذلال يكفي ما ظهـر
نشتكي من ضعفنا من غيرعضدي= ونتـودد للخصم مهما احتقـر
هل سألنا النفس في عقل وجـدي= عن سبب هالوضع أوجبنا الخبـر
المخطط سابقٍ لأيام جـدي= يوم من جانا بدربه انقبـر
صعب ترويض السباع بغير ودي = وطعم يغري الذيب من حصني مكر
الطعم بتـرول في برٍ ونفـدي= تحت رجلينـا ولا احـدٍ له حفـر
لين جونا، وانخدعنا بحسن قصدي= واقنعونا بما يقولونه جهر
اشعرونا بنقص دام العيش زهدي= ثمٍ اغرونا بكنز يدّخر
وقبلهم عشنا ، بعزه في تحـدي= قانعيـن بوضعنا لـو هو كـدر
رافعين الراس ما نخضع لضدي= ومن غزانـا خاسر مهما كبـر
كلنا عامـل ويبـذل كل جهـدي= ومن تميلس في دياره يحتقـر
من عطايا أرضنا جـانا التـردي= ردوا القيمة بضـايع او فكـر
صدروا أردى البضايع بدون حدي= واشترينـا ما يبـوا مما بهـر
يلعب الـدولار فينا بكل بـدي= والتبطح صار عادة تفتخـر
لعنبوا الدولار غير كل جلــدي = ما تعرف الذيب من بعض البقر
غيّر أفكار النشامى بكل خدي = صعب تلقى الحر في وقت البطر
يطلبون الذل عن قصد وعمدي = طاوعوا لإبليس في ثوب البشر
في زمانٍ بين ماسون وهندي = او سداسي في صليب انتصر
والهدف واحد يبي جدك وجـدي = ورأسك وراسي ودين انحسر
دام آنا واياك لعزومي تشـدي = نكسب التوقيت لو عشنا القهر
لو حنينا الراس للسرعة نهـدي =عاصفة وتمر ما تترك أثـــر
دونما تفريط من مهد للحــدي = في قواعد ديننا سر وجهـــر[/poem]