الا ياجاهلٍ وقتك حذاري (بالصوت)
 

[RAMS]http://up.ftahilah.com/up/uploads/Mine/7thary.rm [/RAMS]


[poem=font="Simplified Arabic,6,orange,bold,normal" bkcolor="black" bkimage="" border="double,4,gray" type=2 line=0 align=center use=ex num="0,black"]
الا ياجاهلٍ وقتك حذاري = اذا منتاب بالأحوال داري
لعلك تكتفي في يوم شره = وتسلم من طعونه بالغداري
تجنب كلما يغريك لونه = وخلك حذر من بعض العذاري
من اللي الحب سلعه في يديهن= يبيعن وانت يالمسكين شاري
اذا قالت احبك قلت ويلي= وهي قالته من قبلك مراري
تبي جيبك ولااهتمت بشكلك= تجيد العزف بالحب التجاري
تعرف البعض كالعصفور قلبه= يفز اليا لمح رمشن يجاري
فراغه يدفعه وابليس يغوي= يشوف البوم في عينه قماري
وحط البال من شيٍّ يؤثر = على عقلك ويحجب ما يداري
مخدر كان او مشروب خمره= وحشيشه او حبيبات السهاري
بعضها مايبي ياكود جرعه= وتدمن غصب ماهوب اختياري
وبعضها لو تمهّل في النتيجه= مصيره صايدك مثل الحباري
بعد ما انتاب سيده صرت عبده= تنفّذ ما يبي سرّ وجهاري
فكم من رجل في نفسه صميدع= وجبل ما حركه شرب البحاري
هوى في القاع ماشيٍّ يرده= فلا من فرق بينه والخكاري
واذا منه قلب في الليل طاسه= فلا هو مدركٍ بالبيت جاري
وهذا غير تحطيم الخلايا = بمخه لين تظهر به مواري
فصام بالعقل افلس علاجه= ويحجز مثلما تحجز ضواري
ومع هذا فكبده صار تالف= يموت ببطئ ما تنفع طواري
عطاك الله عقلٍ به تميز = عن الحيوان في كل المساري
فلا تعدمه في لحظات طيشٍ= بيدك بكل ذلٍّ واحتقاري
حرام انك تموت بطوع نفسك= ولا فكّرت في دار القراري
واذا قابلت من اعطاك عقلك= وش اعذارك وموتك انتحاري
ترى من طاع نفسه لامحاله= تورّده المهالك والدماري [/poem]

رد: حــذاري....حـــذاري
 

الأول إبتهاجاً بهذا النص الرائع
والسعيد شرفاً وحضوراً
في مدرسة شاعر العثمانيات الشعرية الظافره
ابا عبدالله أسعد الله صباحك بكل خير
وصح اللسان وجاد البيان
كالعادة يادكتور نجد هنا الجزالة والأصاله
في متصفحاتك التي تجبر على البقاء
دمت رمزاً من رموز الشعر
تفضل بقبول تحياتي وفايق الاحترام ،،

رد: حــذاري....حـــذاري
 

حرام انك تموت بطوع نفسـك
ولا فكّرت فـي دار القـراري
واذا قابلت من اعطاك عقلـك
وش اعذارك وموتك انتحاري
ترى من طاع نفسه لامحالـه
تـورّده المهالـك والدمـاري
::::::::::::::::::::::::::::::::
الطائر
دائم مبدع يامبدع
صح السانك وعلا شانك
ولاهان راسك يادكتور
قصيدة جزلة بها من النصح والمعرفه لمن القى السمع
ويالله تحفظنا وذرارينا من الشر وأهله
شكرا لك ولاهنت

رد: حــذاري....حـــذاري
 

أستاذنا الكبير الطائر المهاجر

تسلم على هذي القصيده

الرائعة فيها نصح ورشاد

ربما واحد يكون غافل

تغويه نفسه بالوقوع بالخطأ

ألف شكر لك

تحياتي وإعجابي لما قرأت

رد: حــذاري....حـــذاري
 

[COLOR="DarkOrchid"][align=center][size=5][color=#32CD32]عطاك الله عقـلٍ بـه تميـز
عن الحيوان في كل المسـاري
فلا تعدمه في لحظات طيـشٍ
بيـدك بكـل ذلٍّ واحتـقـاري [/color]

الطاااااائر المهاااااجر

أصدقك الحديث إن قلت:

ليس للابداع شمس مثل شمسك

تنير الحرف والكلمة بجيوش الحرف وتثيره بخيول الذوق

حتى تجعل من السطور معركة تحمل أجمل النصر !!

دمت بخير[/size][/align][/COLOR]

رد: حــذاري....حـــذاري
 

تجنـب كلمـا يغريـك لونـه
وخلك حذر من بعض العذاري
من اللي الحب سلعه في يديهن
يبيعن وانت يالمسكين شـاري
كثير هالنوعية للآسف
.
اذا قالت احبـك قلـت ويلـي
وهي قالته من قبلـك مـراري
تبي جيبك ولااهتمت بشكلـك
تجيد العزف بالحب التجـاري
عاد الغباء مصيبة ويستاهل كل ما طاوع هالاشكال
.
طائرنا المهاجر صح لسانك

رد: حــذاري....حـــذاري
 

دكتورنا الغالي

صدق من سماك شاعر العثمانيات

صح لسانك الووف

نص شامخ بشموخ من صاغه


لا عدمناك يالغالي..

رد: حــذاري....حـــذاري(بالصوت)
 

وصلت الرساله


أنت رائع نفع الله بك الجميع


تحياتي لك

رد: حــذاري....حـــذاري(بالصوت)
 

الطائر المهاجر

صح لسانك واعتلى شانك

أبيات معبره ورائعة ،، تحمل من المعاني الكثير

تسلم ويسلم فكرك يا ابو عبدالله

تحياتي .؛

رد: حــذاري....حـــذاري(بالصوت)
 

حرام انك تموت بطوع نفسـك
ولا فكّرت فـي دار القـراري
واذا قابلت من اعطاك عقلـك
وش اعذارك وموتك انتحاري
ترى من طاع نفسه لامحالـه
تـورّده المهالـك والدمـاري




صح لسانك مشرفنا

لاهان راسك قصيدة رائعة

ترجمت الحكمه وانا اشهد انك صادق

سلمت وسلم شعرك

دمت بخير