منتديات الفطاحله

[right][size="4"]
انا راح اقول رايي الشخصي ولا ادري اذا كان احد له نفس نظرتي في ما سأكتب

راح اتكلم على حسب مايجي في البال عن..

[U][COLOR="Red"] الساحه الشعبيه[/COLOR][/U] :)

نظرت لهالساحه ولقيت ان لها كذا مجال
وعلشان هالشي راح افصل :

[COLOR="Blue"][SIZE="5"][U]1- المجلات الشعبيه :[/U][/SIZE][/COLOR]

انا ما اتصور ان توجد الان ولا مطبوعه تستاهل ان احد يقراها ناهيك انه يتم شراؤها
ولا اظن ان احد يتابعها الا اصحاب المطبوعه واللي ينشرون فيها ومعارفهم
[U]واحيانا يقدمونها بالمجان بس علشان يتم قراءتها[/U]
والسبب رداءة مايطرح فيها ولانها اصبحت مجال لعرض الصور والساعين وراء الشهره باي شكل
واصبح امتلاك مطبوعه شعبيه نوع من البرستيج والمهم انه عندك مطبوعه وماهو مهم شنو عندك
ومحتوى اللي عندك عليه السلام

والمشكله تلقا اصحاب المجله مالهم بالشعر
وتلقا واحيان كثيره ان القائمين علي صفحات الشعر فيها يحتاجون لناس تفهمهم شنو يعني الشعر والوزن واحيان حتى القافيه ؟!!!
واحيانا تلقا مدراء التحرير ماهم من الخليج اصلا ؟!!!!؟؟
[U]شي غريب[/U]

[U][COLOR="blue"][SIZE="5"]2- الاذاعه :[/SIZE][/COLOR][/U]

نفس الشي بالاذاعه ونفس الموال اللي يطلع يفتقد مقومات انه يكون شعر اصلا
وكنت قبل اسمع برنامج باذاعة الكويت اسمه
مرسى الاحاسيس
كان في السابق متميز وحلو

اما تقريبا خلال السنه اللي فاتت حسافه صار مو شي وصاروا يستضيفون كل من هب ودب
يعني ما ادري ليش مره من المرات مقابلين شاعره سعوديه ومكلفين حالهم متصلين عليها هناك

وانطلقت تقول كلام ( المفروض انه شعر )
وماقلنا شي وبلعنا سالفت ان شعرها مايستاهل لكن قلنا ماشي ..

قامت تنقد وتتكلم عن الشعر كانها تفهم !!!

وللاسف مذيع البرنامج معطيها مجال ( مع اني احب هالمذيع ) بس الله ايعافيه مايبادر انه يوقف بعض الناس عند حدهم
والله العالم ان الشعراء اللي يقابلونهم اصبحوا ينفرضون علي البرنامج فرض
او انهم مولاقين احد يجيهم

[U]ياخي بدل ماتنزلون في مستوي البرنامج عيدو الحلقات الحلوه او وقفوه مؤقتا ..[/U]

[U][COLOR="blue"][SIZE="5"]3- قنوات تلفزيونيه متخصصه:[/SIZE][/COLOR][/U]

القنوات اللي انا اعرفهم اربعه ولا ادري اذا زادوا لانهم صايرين مثل الفقع كل شوي طالعه قناة

[U][COLOR="blue"]الواحه:[/COLOR][/U]
وهي الرائده لكنها صارت مثل الغراب اللي يبي يقلد مشية الحمامه وضيع مشيته
مشكلة هالقناه حسب ما انا شايف ان ماعندهم فلوس او انهم بخلاء !!!
( مع ان برنامجهم الاخير طلعلهم ملايين غير اللي حصلوه من الشيوخ)
ولا عندهم مقدمين..
والمقدمين اللي عندهم مالهم شغل بالتقديم

انا بصراحه ماتابعتها اساسا الا بسبب فتره كانوا يطلعون فيها مناظرات للداعيه احمد ديدات الله يرحمه
وطبعا يغثونك بدعاياتهم وفواصلهم
من فواصلهم اللي دبلوا كبد المتابعين فيها
واحد كان يطلع ويقول..
[COLOR="DarkRed"] اللي مايحفظ قصايده مهو شاعر[/COLOR]
ويقولها وهو معصب مادري ليش !!!

يا اخي شدخل التشريب بالبطيخ ؟؟!

ونسى ان المتنبي قال:
[COLOR="darkred"]انام ملء جفوني عن شواردها .........[/COLOR]

[U][COLOR="Blue"]فواصل : [/COLOR][/U]
قناه بصراحه تسئ للشعر اكثر مما تفيده وهي نسخه مشوهه عن الواحه ( [U]ومو معناها ان الواحه حلوه [/U])
..مره طلعوا (اصبوحه )
و الاصبوحه : هي مجموعة من الشعراء يجون الصبح ( واحيانا الجهمه)ويقولون قصيد
( ومادري اي شعر اللي ينسمع علي الريج )

الاصبوحه هذي فيها شاعرين وحاطين بالنص وحده مفروض انها شاعره
نبدا بالشاعره اول شي ;)
هالشاعره بصراحه حلوه ( ومالوم الجمهور يصفق ) خصوصا لما اتعدل الجذله
لكن كمستوي شعر :) مالها علاقه بنظم القصيده عشان ايكونلها علاقه بالشعر

شاعرهم الاول بصراحه مهو بعيد عن الشاعره اللي بجنبه ( طبعا اقصد من ناحيه القصيد )
لكن انا كنت افضل اسمع للشاعره اكثر منه ( لأسباب شخصيه ) :cool:

شاعرهم الثالث كان كمستوي شعر افضلهم بس مادري ليش يضحك بكثره

لكن انهم يجيبون هالمجموعه ويطلعونهم علي ابوا شعراء !! ليش
ومنو اللي مستفيد

ومره طلعوا نفس الشي امسيه بالسعوديه فيها ثلاث شباب توهم ناقزين
[U]كل واحد فيهم سالفه [/U]
سبحان الله كل واحد فيهم له ميزه ( وحاطينهم مع بعض )
طبعا كمستوي شعر اي شي بس كلام مصفف

[U]لكن الميزات[/U]
واحد فيهم يقرا الشعر كنه واحد يلحقه
وماغط رجوله..اقصد ماغط لسانه حد الدعسه
اشلون يبي الناس يسمعونه مادري
وبصراحه كنت اقرا تعليقات اتضحك عليه بالشريط مال المسجات علي نفس القناه

والثاني ميزته عكس الاول
نايم بشكل فظيع يخليك اتثاوب غصب

الثالث شاعر ماتشوف الا الكحل اللي حاطه
( والله عيب انتم مفروض رجال تحطون مكياج وبهالطريقه !!)
المهم هذا واضح انه يقلد القاء واحد من الشعراء المعروفين
ومادري منو قاص عليه وقايله القائك حلو

[U][COLOR="Navy"]انا جبت هالمثالين ما اقصد الشعراء لكن عشان ابينلكم نظام القناه وسياستها وشنو اللي قاعده تطرحه[/COLOR][/U]
وهذا غيض من فيض وهذا بعد وانا ما اتابع

طبعا هالقناة استثني من برامجها شغلتين
انهم يطلعون مرات الراوي الشرهان وطلعوا اليوم امسيه لخالد الفيصل :)
وان عندهم مقدم يطلع في برنامج حواري بصراحه مقدم فاهم وجرئ ويعرف شقاعد يقول
([U]بس مرات يقابل ناس مدوجين[/U] )

[U][COLOR="Blue"]الساحه :[/COLOR][/U]

هالقناه بصراحه كل ماطالعتها اقول (( [COLOR="Navy"][U]تخلف[/U][/COLOR] )) ولا تسألون ليش

[U][COLOR="Blue"]نجوم القصيد: [/COLOR][/U]
افضل الموجود رغم تحيزها الواضح لبعض الفئات ولا ينلامون
لكن دامكم متحيزين متحيزين طلعوا الشعراء الزينين وياكثرهم عندكم
لكن في الغالب القناة زوينه...

وعندهم شي مسمينه
درر !؟ :D

صحيح ان فيه قصائد تستاهل

بس شكو من ضمن الدرر حاطين قصيده لنهى نبيل وشاعره اماراتيه مادري قاعده تقول شعر او تقرا جريده ؟!؟! وكم شويعر مالهم داعي
( [U]هالشي يفقدهم المصداقيه[/U] )

[SIZE="5"][U][COLOR="Blue"]5- المنتديات:[/COLOR][/U][/SIZE]
والمنتديات الشي الوحيد اللي خلاها تتميز هو كثرتها فلما تلقا منتدي مستواه تعبان علي طول اتغير لواحد ثاني
ومع هالشي انا اقول للاسف عدد المنتديات الجيده قليل جدا نسبيا

ـــــــــــــــ

طبعا كلامي اللي فات له استثناءات بسيطه
وادري انكم بتقولون هذا متشائم ولا عاجبه شي

[SIZE="5"][COLOR="blue"]لكن معرفة العيوب هي معرفة المحاسن ماكو فرق[/COLOR][/SIZE]

فيه الكثير ماتكلمت عنه

بس خل نشوف شنو رايكم باللي تم طرحه

ــــــــــــ[/size][/right]

[COLOR="Red"]( ملاحظه ان الموضوع قديم )[/COLOR]