خـــــــالتـــي جـــهيــر !!!!!!!؟؟؟؟
 

[COLOR="Purple"][SIZE="4"]( مسيكم بلخير والرضى والعافيه(ومازولا)بدت الظرفه وخفت الدم اللي مالها سنع [IMG]http://www.msa6el.com/vb/images/smilies/brows.gif[/IMG]

والله من زمان ودي اكتب بس اللي منعني كنت في الخارج ( قروي)يعني مسافر
والسبب الثاني اللي منعني هو يوم رجعت من السفر ( الخارج :D )تغير علي الجو وطلع في مصابعي داحوس
تعريف الداحوس00هومرض جلدي يصيب المصابع وهو ورم اسود اللون فاقع السواد مليان بالقيح والصديدويسبب لك الام شديده ولا تقدر تأكل و لا تنظف خشمك [IMG]http://www.msa6el.com/vb/images/smilies/nono.gif[/IMG] الا بالمشقه
وعلاجم اما بمرهم اسود ينباع في الصيدليه او عند العطار
او تجيب بصله وتشويها بقشرها وبعد ماتستوي تتطلع قلبها وهي حاره وتغطس اصبعك فيها : [IMG]http://www.msa6el.com/vb/images/smilies/icon_frown.gif.gif[/IMG] والله يعينك على الحراره 0000جعل ماجاني تكفير وطهور ونور وغزال وشر زال :D :D :D اقول مأثوره من اقوال جدتي رحمها الله
وبعد ما خفت اصابعي تورمت براطمي وتشققت وبعد ما علاجتها اكتشفت اني نمت ما غسلت خشتي بعد ما تعشيت [IMG]http://www.msa6el.com/vb/images/smilies/yucky.gif[/IMG]:
وعلى قول أمي أني يوم نمت رقى علي ظاطور ولحس خشتي وهذ اللي سبب لي الورم في براطمي
المهم نرجع لموضوعنا
وش كنا نتكلم فيه؟
لحظه ابروح اشوف وش لموضوع
ايه عرفت وش اتكلم فيه خالتي جهير :: [IMG]http://www.msa6el.com/vb/images/smilies/brows.gif[/IMG]
خالتي جهير شقيقة امي (من امها وابوها) لان عند امي خوات من ابوها وخوات من امها وخوات من الاثنين :D مشترك
بس كانت القريبه من قلبها خالتي جهير وكانت تحبها حبآجما ( مدري وش لاقيه فيها) :D
وكانت ساكنه في مزرعه في عرقه
وكل اسبوع لازم نروح لها 0 من يوم نطلع من المدرسه يوم الاربعاء وابوي يحترينا عند باب المدرسه كان عنده جمس احمر صحن موديل 76م ميلادي وليسى هجري ( يحبي للفلسفه بعد) :D
اول مانطلع نركب في الصندوق (( غنم)) نركب انا وعيال جيرانا وماشاء الله كان عددنا كثير في الصندوق وكانت حارتنا ما زفلتت وكلها مطبات وحفر
يعني ما نوصل للبيت الا صفت علي وعلى ثنين من الجيران والباقي طاحو من سواقت ابوي والحفريات والمطبات(((( الله من شين سواقة ابوي من المدرسه للبيت يمشي بالواحد ماقد غير الامره وحده يوم نروح لمكه فقط لاغير :[IMG]http://www.msa6el.com/vb/images/smilies/clap.gif[/IMG]: وهذ اللي اذكره
وبعد ما نوصل للبيت اذب الشنطه عند الباب ولا اخذها الا يوم الجمعه لين رجعنا من خالتي
المهم لين وصلنا للبيت تسمع صيحة امي هي وخواني كله علشان اللبس كني داخل حرب وكانت امي معها لي غاز اي واحد ما يلبس تلحطه بلي الغاز يعني ما نركب السياره الا بصابات
نركب السياره وكالعاده في الصندوق وامي مشخصه قدام مع (( الترف)) (( المملوح))) (( الاطخم)) اللي هو ابوي :
من يوم نمسك الخط (( الطريق )) يشغل ابوي المسجل الكاترج وماتسمع الا حجاب بن نحيت يلعلع صوته
وكنا ناخذ الطريق بثلاث ساعات يمشي ابوي عشرين خمسه وعشرين ما يتعدا خايف ترتفع حراره السياره :[IMG]http://www.msa6el.com/vb/images/smilies/w00t.gif[/IMG]


المهم اول محطه يوقف عندها يعبي بنزين ويشتري بسكوت وغرشتين كراش (( مشروب مثل البيبسي )) انقطع ماله وجود الان
يجيب وحده له وحده لمي وحنا رادين فينا : [IMG]http://www.msa6el.com/vb/images/smilies/schmoll.gif[/IMG] :: [IMG]http://www.msa6el.com/vb/images/smilies/icon9.gif[/IMG]
بس نتفرج عليهم وهم ياكلون البسكوت ويشربون الكراش وسعابيلنا تقطر
ولين قربنا من مزرعة خالتي فسخنا ثيابنا علشان نستعد للبركه 0 الله من الوساخه فيها 0 ولا ضفدع في عرقه الا وفيها والغربه والطين والوساخه 0
لين طبيت انا واخواني في البركه اتذكر السيد قشطه ما يبان الا وجيهنا من الوسخه :[IMG]http://www.msa6el.com/vb/images/smilies/lol.gif[/IMG]:
وصلنا للمزرعه لين خالتي عند باب هي وعيالها التسعه غير اللي ماتو وغير الي طاحو في القليب غير اللي ماتو من الطاعون :(
المهم من يوم تشوف امي وهي تصيح (( مدري ليش))
وتجلس تتشره عليها وهي شايفتها الاسبوع اللى راح(( عالم فاضيه) [IMG]http://www.msa6el.com/vb/images/smilies/confused.gif[/IMG]:
وبعد ما تخلص من امي نصف ساعه وهم متخامين يجي دورنا انا واخوني
اولما تخم انا :( :( :(
لين خمتني كني خام قدر من ريحة الكشنه ولين حبتني ريحها كراث
وبعد ما تفكني وتعتقني اروح اركض وراء الجدار واجلس اطرش من الريحه والصنان والصنقه : [IMG]http://www.msa6el.com/vb/images/smilies/schmoll.gif[/IMG]
بعد ما نخلص الاستقبال الرسمي
ندخل للبيت
والبيت بيت طين(( بعدين اشرح شرح كامل عن بيت الطين لان يبغاله مسه يعني مشوار :[IMG]http://www.msa6el.com/vb/images/smilies/whistling.gif[/IMG]
ندخل لبطن الحوي نلقى القهوه والقدوع جاهزه نتقهو وبعدها تحط الغدا 0000 كبسه رزمع حاشي ومرقة قرع مع حبحر [IMG]http://www.msa6el.com/vb/images/smilies/w00t.gif[/IMG]:
ولين خلصنا لقينها مقطعه الجحه مع الجراوه 000
بعدها نطلع انا وولد خالتي منيصير (( منصور)) نصيد عصافير وخواني الباقين مع عيال خالتي يلحقون القطاوه ويذبونهم في القليب [IMG]http://www.msa6el.com/vb/images/smilies/3232.gif[/IMG] : مجرمين
وامي وخالتي فارشين تحت النخل يسولفون ويقشمون حب ويشربون شاهي تلقيمه :D
وعلى ذ الحال لين يذن المغرب نرجع لبيت خالتي نلقى العشاء جاهز 000مرقه بصل وطمام وباقي مرقة قرع من الظهر :eek: [IMG]http://www.msa6el.com/vb/images/smilies/icon_eek.gif[/IMG] ولبن
نتعشي ومن يوم نخلص نروح لفرشنا في السطح 00
كل واحد له مطرحه ووساده
انا لون مطرحتي برتقاليه (للافاده)) :D :D والوساده لونها ازرق مكتوب عليها((( تصبح على خير)))) : [IMG]http://www.msa6el.com/vb/images/smilies/clap.gif[/IMG] من يوم احط راسي وانا نايم من التعب والطردي طول النهار
ولين قمت من النوم كل الوساده مليانه سعابيل غير الفراش اللي رطب (( ما ادري ليش))
لان ما نقدر نروح للحمام من الخوف 0000 قبل ماننوم تقص علينا خالتي قصص تروع عن الجن وعن النمنم وعن اللي يأكل الصغار وعن المقابر :[IMG]http://www.msa6el.com/vb/images/smilies/w00t.gif[/IMG]

ولين قمنا علقنا فرشنا على جدار السطح
ونزلنا لين الفطور جاهز 00 مراصيع وشاهي بالحليب ومرقة باميا وطماط بالملح (( يلعن ابو التناقض))
نفطر وبعدها نسرح ونهجول في ذالمزرعه لين بعد الظهر يانرقى النخل يانتسبح يانتطاق مع الزيود اللي في المزرعه يانصيد ضفادع
المهم ماعندنا وقت فراغ
الزين في ذالمزرعه ما حد يكلمك
اول كنا نخاف يوم رجل خالتي فيه 0 بس عقب ما مات والحمد لله
كانت موتة فجيعه
كان في حوش البقر وهو ينظف الحوش قرصته داب ((حيه)) ومن الروعه والوجع جلس يركض وقطع الشارع لين راعي هايلكس غمارتين مسرع وتعسه :( :(
الله يرحمه
وعلى ذالحال لين يوم الجمعه
بعد صلاة الجمعه لين أبوي جاي ياخذنا
من يوم يجي وانا ناط في الصندوق (( سلق)) :D
خايف تشوفني خالتي ماابغاها تحبني ولاتخمني(( ياحبها للخمخمه والحبحبه كنها ياسر عرفات :)
المشكله انها تجلس تدورني لين تلقاني
ماعني وعن الخمخمه والحبحبه

بعدماتعطيني المقسوم نرجع للبيت
ولين وصلنا الا تافلين العافيه من سواقه ابوي
قامت امي ودخلتنا للحمام تروشنا علشان المدرسه
تجمعنا كلنا بطشت كننا هدوم :D
وكانت تروشنا بتايد :(
نطلع من الحمام انا واخواني 00 كننا طالعين من بار عيونا حمر من التايد :D
ولين طلعنا عطت كل واحد خبزه مع بيالة شاهي نغط الخبزه مع الشاهي 0000 هذا عشانا
ولين نمنا راح ابوي للمطعم واجب دجاجه شوايه هو وامي [IMG]http://www.msa6el.com/vb/images/smilies/confused.gif[/IMG] حاقرينا
والله اللي كانت حياتنا نعال :D :D :D
بس كانت حلوه0000000000 ارقص بروحي :D
عارف اني طولت عليكم
بس الله يعينكم على الموضوع الثاني
لاني كاتب ذالموضوع وانا منستدح وفيني غلقه ومنتك خلقي
بس الوعد قدام يالطخمان [IMG]http://www.msa6el.com/vb/images/smilies/hrt.gif[/IMG]


منـــــــــــقـــــــــــولـــــــــ[/SIZE][/COLOR]

رد على: خـــــــالتـــي جـــهيــر !!!!!!!؟؟؟؟
 

الا صفت علي وعلى ثنين من الجيران والباقي طاحو ( سجل عندك شوال رز ... ماتحركه المطبات)
الكاتب يحاول يظهر انه من الجيل القديم ، لكن تعريفه للداحوس ، غلط ، فاللي يجي اسود في المصبع
طقه او صكة باب ، والداحوس ، يجي في طرف المصبع ، بحيث يصير قاسي جدا ، ويميل الجلد للصفار .
ويحطون عليه المرهم الأسود حت يعجل باستواءه ، وينفقع .
اللي تلحس الخشه ، الخنفسانه مهوب الظاطور ،
قامت امي ودخلتنا للحمام تروشنا علشان المدرسه
تجمعنا كلنا بطشت كننا هدوم ... لا بالحيل تلقينه ما يعرف التروش إلا من العيد اليه ..
هذا قروي صناعة كوريا ... ماعرف يضبط الدعوى
شكرا لك على النقل
تحياتي

رد على: خـــــــالتـــي جـــهيــر !!!!!!!؟؟؟؟
 

الله يرجه

اما تروشهم بتايد خخخخخخ

شكرا ام زيود على النقل

رد على: خـــــــالتـــي جـــهيــر !!!!!!!؟؟؟؟
 

[COLOR="DarkOrchid"][SIZE="5"]

الكاتب [QUOTE]يحاول يظهر انه من الجيل القديم ، لكن تعريفه للداحوس ، غلط ، فاللي يجي اسود في المصبع
طقه او صكة باب ، والداحوس ، يجي في طرف المصبع ، بحيث يصير قاسي جدا ، ويميل الجلد للصفار .
ويحطون عليه المرهم الأسود حت يعجل باستواءه ، وينفقع .
اللي تلحس الخشه ، الخنفسانه مهوب الظاطور ، [/QUOTE]

هههههههههههههههههه هلا والله حيا الله مشرفنا أنا هاللي هو يقول عنها أول مرة أسمع عنها

أنا أعرف الدملة بس وكانت تطلع ببنات الجيران <<<<<أقول إنقلعي هناك وأنتي لاء هههههه:p

[QUOTE]قامت امي ودخلتنا للحمام تروشنا علشان المدرسه
تجمعنا كلنا بطشت كننا هدوم ... لا بالحيل تلقينه ما يعرف التروش إلا من العيد اليه ..[/QUOTE]

ماظنتي إنه من العيد إليه هذا يمكن على وقتكم يا أبو عبد الله هههههههههههههههههه الثوب ما يغيرونه إلا من العيد إليه والتروش مثل

ههههههههههههههه موفرين صابون وشامبو

بس هذا أمه سنعة تختصر الوقت والجهد ههههههههههههههههه فيها شوي من إسلوبي

أصف عيالي واحد واحد وكل واحد أروشه أطلعه بروبه ينتظرني لين أخلص من الباقين ههههههههه:D

وثيابهم أكون مجزتها مصفوفة على السرير :p

وش أسوي أربعة ولا زم نجهز خلال ساعة:cool: :rolleyes:

أسعدني مروك مشرفنا الغالي وإضافاتك الرائعة وتوضيح بعض الأشياء اللي نجهلها <<< إيه صدقوتس :p [/SIZE][/COLOR]

رد على: خـــــــالتـــي جـــهيــر !!!!!!!؟؟؟؟
 

هههههههههههههههههههههه
ههههههههههههههههه
هههههههههههه
هههههههه

[quote]كانت موتة فجيعه
كان في حوش البقر وهو ينظف الحوش قرصته داب ((حيه)) ومن الروعه والوجع جلس يركض وقطع الشارع لين راعي هايلكس غمارتين مسرع وتعسه
الله يرحمه[/quote]

بس هنا ماتلاحظين أن الكاتب بالغ قلبها فلم هندي ههههههههه

يسلمووووووووووووووووووو أم زيوووووووووود

مع التحيه

رد على: خـــــــالتـــي جـــهيــر !!!!!!!؟؟؟؟
 

[COLOR="Red"][B]بعدماتعطيني المقسوم نرجع للبيت
ولين وصلنا الا تافلين العافيه من سواقه ابوي
قامت امي ودخلتنا للحمام تروشنا علشان المدرسه
تجمعنا كلنا بطشت كننا هدوم
وكانت تروشنا بتايد [/B][/COLOR]


[COLOR="RoyalBlue"][B]ام الزوز الله يرج ابليس ابليسك

نقل بس جميل

تسلم اليدين

دمتي بخير [/B][/COLOR]

رد على: خـــــــالتـــي جـــهيــر !!!!!!!؟؟؟؟
 

[COLOR="DarkOrchid"][SIZE="5"][QUOTE]كانت موتة فجيعه
كان في حوش البقر وهو ينظف الحوش قرصته داب ((حيه)) ومن الروعه والوجع جلس يركض وقطع الشارع لين راعي هايلكس غمارتين مسرع وتعسه
الله يرحمه [/QUOTE]

[QUOTE]بس هنا ماتلاحظين أن الكاتب بالغ قلبها فلم هندي ههههههههه

يسلمووووووووووووووووووو أم زيوووووووووود

مع التحيه[/QUOTE]


ههههههههههههههههههه هلا بك حساس عاد هذاي بغى ينقطع نفسي من الضحك عليها وحنوتسي دقرت عيت ترجع لمحلها من قوة الضحك خخخخخخخخخخخخ:D :p

أهم شي إستانسنا أجل يقول ما إستانسوا لين مات رجل خالته هو خشته:mad: [/SIZE][/COLOR]

رد على: خـــــــالتـــي جـــهيــر !!!!!!!؟؟؟؟
 

رهههههههههههههههههههههههههههههههههههههههههههههههههههههههيب
هههههههههههههههههههههههههههههههههههههههههههههههههههههههههههههههههههههههههه
قسم بالله ابداع الموضوع عشت جو مع ضحك وشوي قهقهه وسعابيل <<وش دخلها ذي متأثره هههههههههه
[COLOR="Navy"]لين خمتني كني خام قدر من ريحة الكشنه ولين حبتني ريحها كراث [/COLOR]ههههههههههههههههههههههههههههههههههههههههههههههه
حسيت بالاحساس هذا مره هههههههههههههه

[COLOR="Navy"]والوساده لونها ازرق مكتوب عليها((( تصبح على خير)))) [/COLOR] <<<ياالله ياقدممممممممممممممي كح كح كح حرام عليك شرقت خخخخخخخخخخخخخخخ

احلى مقطع
[COLOR="Navy"]كانت موتة فجيعه
كان في حوش البقر وهو ينظف الحوش قرصته داب ((حيه)) ومن الروعه والوجع جلس يركض وقطع الشارع لين راعي هايلكس غمارتين مسرع وتعسه
الله يرحمه[/COLOR]هههههههههههههههههههههههههههههههههههههههههههههههههههههههههههههههههههههههههه
يسلمو ام زياد نقل رائع

رد على: خـــــــالتـــي جـــهيــر !!!!!!!؟؟؟؟
 

هذا يقول انه قروي ، لكن جيلنا ربوة مدينه
الظاهر بالفعل الأخ يعرف سواقنا ، كان عندنا سواق سيرلنكي ،
وجاء ذاك اليوم إلا وهو يصيح ، ومقطع قلبه من الصياح
خير وش فيك ، قال ولدي لحقته داب تبي تقرصه وراح يركض وطاح في القليب
المشكلة انه شايب وطلع نصاب ، شاف عندنا ضبط وربط ، قال ذولا ما يصلحون ،
خل ارجع والمكتب مولم لي زبون ثاني ، مدام انتهت ال 3 اشهر ..

رد على: خـــــــالتـــي جـــهيــر !!!!!!!؟؟؟؟
 

[COLOR="DarkOrchid"][SIZE="5"][QUOTE=عهود]الله يرجه

اما تروشهم بتايد خخخخخخ

شكرا ام زيود على النقل[/QUOTE]


عهود ترى ناس كثير أعرفهم منول ما يعرفون الشامبو:eek: ههههههههههههههههه

أنا الحمد لله من عرفت نفسي وإحنا نستعمل الشامبو الأحمر وارد الشعلان:cool: خخخخخخخخخخخخ:p

وتصدقون إلى الأن أروح أخذ لفة على الشامبوهات وأرجع له وهو أفضل شيء ومناسب لي :rolleyes: :p [/SIZE][/COLOR]