|
استشارة للزواج ..!!!!!
[color=#0000FF]اخواني اخواتي الأعزاء
ودي استشيركم في موضوع حصل لى هذا اليوم حقيقة فاجأني الامر ولوهه لم اعرف ما اقول او كيف اتصرف وسانقل لكم الموضوع كما حصل معي والموضوع الله يسلمكم هذا اليوم اتصل علي شخص من الرياض الجميلة يقول ان عندة مشروع زواج ويبيني اروح معه في مشوار للدمام الحبييب والمشكلة ما هي هذي المشكلة يبيني أخطب لة وحدة يعرفها ويعرف اهلها من مصادرة الخاصة ويقول انا مقطوع من شجرة واريد من يخطب لي ويتكلم عني عند اهل البنت ....برضوا هذي مو مشكلة المشكلة ثانية وهي اني قابلت الرجل مرة واحدة في الفيصلية وماقصر الرجل عزمنا على ذاك الكبتشينو والنسيب هو اللي يعرف الشخص ومعرفة شبابية يعني فية امور انا ما اعرفها بينهم وفية خوافي ابو نسب ما يقول عنها ... الحاصل قلت له ابشر بعزك بسأل واردلك قال من تسأل قلت اهل العرف لاني لما اروح معاك تعتبر كتزكية لك وانا ما ادري عن وجهة الشرع في هذا الامر لكن انا قلت في نفسي لو خذلت الرجل عيبة وهو قد اختارني من بد الناس ،، وايظا قلت وش لون اخطب للرجل وانا ما اعرف عنه الا معلومات شباب وبسيطة .. والله صرت في حرج قلت يا رجال فالك طيب عطني يومين افكر وارد لك .. والله اني محتار .. وحطيت نفسي مكان العائلة اللي بنخطب منهم الامر ماجاز لي ..كيف يخطب له واحد ما يعرفة معرفة زينة .. اخواني لا تخلوني من ارائكم ونصائحكم وانا انتظركم بفارغ الصبر .... (( مع العلم الرجل في العقد الرابع من العمر ومتزوج من الرياض وعنده اولااد والمرأة التي يريد خطبتها تعرف ذلك وقابلة الامر .. استناكم ... ودمتم بخير [/color] |
رد: استشارة للزواج ..!!!!!
اسأل عنه بدقه في عمله وحارته ومن اصدقاءه ونوعياتهم
قبل ان تذهب معه ، فإن ثبت انه رجل فتوكل على الله او اعتذر بأي عذر |
رد: استشارة للزواج ..!!!!!
عاشق الشهادة
الموضوع هذا كبير ويبيله مخمخه تقدر تنتظر عودتي ياعاشق |
رد: استشارة للزواج ..!!!!!
[quote=الطائر المهاجر;378237]اسأل عنه بدقه في عمله وحارته ومن اصدقاءه ونوعياتهم
قبل ان تذهب معه ، فإن ثبت انه رجل فتوكل على الله او اعتذر بأي عذر[/quote] وانا مع راي الطائر الله يوفقك |
رد: استشارة للزواج ..!!!!!
[COLOR="Purple"]عادي اخوي توكل على الله وروح معه
اهل البنت هم الي راح يسالون ويتاكدون اذا كف او لا انت ماعليك شي انت يبيك فزعة فقط لاغير والسؤال عليهم تحيااااتي [/COLOR] |
رد: استشارة للزواج ..!!!!!
[B][COLOR="Blue"]والله ياعاشق على شان ما تدخل بدائرة
اللوم والعتاب مستقبلا فيما لاسمح الله لم يصلح حالهم فعليك السؤال عن صاحبك كما قالوا لك الاخوان حتى تعرف من هو الشخص الذي انت ذاهب معاه 0 فهذا زواج يحتاج تحري الدقة به 0 اتمنى لك التوفيق وان يثيبك الله بالاجر دمت بخير[/COLOR][/B] |
رد: استشارة للزواج ..!!!!!
[QUOTE=عاشق الشهادة;378231][color=#0000FF]اخواني اخواتي الأعزاء
ودي استشيركم في موضوع حصل لى هذا اليوم حقيقة فاجأني الامر ولوهه لم اعرف ما اقول او كيف اتصرف وسانقل لكم الموضوع كما حصل معي والموضوع الله يسلمكم هذا اليوم اتصل علي شخص من الرياض الجميلة يقول ان عندة مشروع زواج ويبيني اروح معه في مشوار للدمام الحبييب والمشكلة ما هي هذي المشكلة يبيني أخطب لة وحدة يعرفها ويعرف اهلها من مصادرة الخاصة ويقول انا مقطوع من شجرة واريد من يخطب لي ويتكلم عني عند اهل البنت ....برضوا هذي مو مشكلة المشكلة ثانية وهي اني قابلت الرجل مرة واحدة في الفيصلية وماقصر الرجل عزمنا على ذاك الكبتشينو والنسيب هو اللي يعرف الشخص ومعرفة شبابية يعني فية امور انا ما اعرفها بينهم وفية خوافي ابو نسب ما يقول عنها ... الحاصل قلت له ابشر بعزك بسأل واردلك قال من تسأل قلت اهل العرف لاني لما اروح معاك تعتبر كتزكية لك وانا ما ادري عن وجهة الشرع في هذا الامر لكن انا قلت في نفسي لو خذلت الرجل عيبة وهو قد اختارني من بد الناس ،، وايظا قلت وش لون اخطب للرجل وانا ما اعرف عنه الا معلومات شباب وبسيطة .. والله صرت في حرج قلت يا رجال فالك طيب عطني يومين افكر وارد لك .. والله اني محتار .. وحطيت نفسي مكان العائلة اللي بنخطب منهم الامر ماجاز لي ..كيف يخطب له واحد ما يعرفة معرفة زينة .. اخواني لا تخلوني من ارائكم ونصائحكم وانا انتظركم بفارغ الصبر .... (( مع العلم الرجل في العقد الرابع من العمر ومتزوج من الرياض وعنده اولااد والمرأة التي يريد خطبتها تعرف ذلك وقابلة الامر .. استناكم ... ودمتم بخير [/color][/QUOTE] شف ياعاشق بصراحه ماقدرت اصبر قلبي كلاني وقلت لازم ارد ولا بعض المواضيع لها الاحقية في الرد كوني وعدت اهلها ولكن اكيد موضوعك حساس ومايحتمل التاخير لان خير البر عاجله شف طال عمرك اول شي رح وامسك ابونسب بلك زاوية واحشره وخله يعلمك عن خوافي الرجال وش هو من لحية محدده ولا سكسوكه:) وبعدين حاول انك تجيب اكبر كم من المعلومات عن الرجال يعني هل هو راعي صلاة ويخاف الله ولا الرجال مبزوط وراعي سفر وشرب ومغازل وكل يوم مع وحده شكل وحده حمراء وحده خضراء ،،،، انتبه ياعاشق حرام هذي بنت ناس وهو يبي ياخدها من بيت اهلها يعني البنت معززة مكرمه يا انها تروح مع رجال يعزها ويكرمها ولا خلها تتخلل عنوسة ابرك لها لاتنسى انت قلت ان الرجال في الاربعين يعني البنت اقل شي بتكون 35 يعني مو معقوله تصوم تصوم وتاليتها تفطر على بصل خلها صايمه ابرك لها بعدين حاول انك تتعرف على الرجال اكثر وتخش فيه خشه بدون مايحس عشان تطلع كربونه ،،،،، تذكر ياعاشق البنت هذي لو صارلها اي شي مع ها الرجال ترى محد بيدفع الثمن غيرك وانك محاسب امام الله هذول بنات ناس واذيتهم او العب في مشاعرهم مايرضي الله عاشق شكلك ابو بنات واللي ماترضاه على بناتك لاترضاه على بنات الناس عاشق شكلي قسيت عليك بس لا تلومني اخوك حساس وعاطفي خصوصاً مع المقطوعين من شجرة وطبعاً هذي لحاجة في نفس يعقوب تذكر كما تدين تدان والحي لايموت |
رد: استشارة للزواج ..!!!!!
[align=center][color=#00008B]يعني معقول عريس الغفله مقطوع من شجره لا عم ولا خال ولا اقارب
والله ما بتدخل عقل مجنون يا عاشق 00 يا اخي اطلع من الموضوع اسلملك ورد على اخوك 00 والله كنا نعملها واحنا طلاب جامعه مع خلق الله داخل الجامعه ونخطب ونقرأ الفاتحه بس مشان نصل للي بدنا اياه 00 والحمد لله الله تاب علينا والندم موجود على هالمصايب 00 يا اخي عاشق الشهاده لا تخلي العريس يستغفلك ويحملك اثم بنت الناس 00 هو بنغالي والا هندي مشان يكون مقطوع من شجره 00 ابحث عن الحقيقه قبل المجازفه او انسحب من الموضوع واستفد من تجارب الاخرين قبل ان تستفيد من تجاربك 00 والله من وراء القصد[/color][/align] |
رد: استشارة للزواج ..!!!!!
[QUOTE=راجي الحاج;378285][align=center][color=#00008B]يعني معقول عريس الغفله مقطوع من شجره لا عم ولا خال ولا اقارب
والله ما بتدخل عقل مجنون يا عاشق 00 هو بنغالي والا هندي مشان يكون مقطوع من شجره 00 ابحث عن الحقيقه قبل المجازفه [/color][/align][/QUOTE] اخ عاشق بعد اذنك مداخله بسيطه مع الاخ والحبيب لقلبي راجي شكراً عاشق سيد راجي والله فيه ناس كثير مقطوعين من شجرة وانا اعرف شخص حق المعرفة ماعنده لا ام ولا اب عمانه رموهم وهم صغار واللي شالوهم الغُرب هذا وش تقول عليه مقطوع ولا مو مقطوع ترى ياراجي الدنيا مثل مافيها خير فيها شر للاسف ومو معناته انه خليجي انه عنده حموله وعايلة كبيرة راجي ارجوك راجع نفسك قبل ما تتسرع بالحكم على عيال الناس:) |
رد: استشارة للزواج ..!!!!!
[align=center][color=#00008B]ما علينا الا ابداء الرأي اخوي غريب
وما على الاخ العاشق الا دراسة الاراء جميعا ويأخذ بالرأي الذي يراه مناسبا وبعدين يا غريب الي بده يخطب بنات الناس ما بياخذ شباب معاه يا خوي المقطوع بروح لامام مسجد والا لجيرانه الشيبان وما اظن انه مقطوع منهم كمان 00 انا لا احكم يا غريب وانما ابدي وجهة نظري شكرا لتفهمك اخوي غريب[/color][/align] |
| الساعة الآن 08:43 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة