........................ كيف ترفعين ضغط التماسيح؟؟
 

عندي دروس خطيره لا تفوتكم يا بنات .. شوفو اللي مقهوره,

واللي تبي تنتقم ,

واللي تبي ترفع ضغط اخوها تتبع هالخطوات والله يقويكم:p

*** عند التلفزيون ***

لا صارت فيه مباراه , والاخ متحمس اقطعي هالحماس وشلون؟!
انا اقولك ..
شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم , هنا بس تقومين بشغلك.. وتسوين نفسك بنت سنعه
وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,
لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..
واذا قال: ابعدي لااصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..

*** عند النوم ***

لا صار الشاب يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ
والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نخرج ..

*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح
بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ
المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير
عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي سحليتي خخخخخخخ
*** وقت الطقاق ***


لا جاء يوم وبراسك حرش وتبين تطاققين انتي وياه لازم تجهزين نفسك من كل ناحيه:

1/ اللبس: لازم تلبسين ترنك خخخخخخخخخ علشان يسهل الركض

2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,
وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير
3/ مفتاح الغرفه ولميه الاحتياط واجب
اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله وش براسك عاد
:mad:

رد على: ........................ كيف ترفعين ضغط التماسيح؟؟
 

ههههههههههههههههههههههههههههههههه

أصلح الله السحالي / فكم من سحليةٍ تسببت بقطع ذيلها (لقافتها) ههههههههههههه

رد على: ........................ كيف ترفعين ضغط التماسيح؟؟
 

ههههههههههههههههههههههههههههههههههههههههههههههههههههههههههههههه

شكرا لمرورك وتعقيبك اخي التمساح ههههههههههههه

رد على: ........................ كيف ترفعين ضغط التماسيح؟؟
 

أنا محااااااااااااااااااايد لا مع السحالي ولا التماسيح وعقاب قدها ويكفيكم :)

رد على: ........................ كيف ترفعين ضغط التماسيح؟؟
 

والله كان بودي لكن أنا شيبت هههههههههههههههه حتى طلعت عندي شيبه في صدغي الأيسر وأعتقد ماعاد فيني حيل للمشاكل هههههههههههههههههههه

رد على: ........................ كيف ترفعين ضغط التماسيح؟؟
 

شيبة في صدغك الأيسر ...
هذا يدل على انك ستصبح من فئة القنافذ البيضاء ، والله أعلم ..

رد على: ........................ كيف ترفعين ضغط التماسيح؟؟
 

"أصلح الله السحالي / فكم من سحليةٍ تسببت بقطع ذيلها (لقافتها)"
كلام خطير ياصعارير ... وشلون السحلية عدت عليها هذه العبارة المنفلوطيه

رد على: ........................ كيف ترفعين ضغط التماسيح؟؟
 

ههههههههههههههههههههههههههههههههههههههههههههههههههههههههههههه

حلووووووووووووووووووه يامشرفنا

حتى لو راسك كل ابوه وامه شيب فانت تمساح وانا اعتبرتك <<< وخلاص قضيت اعتبربتك انك مع عقاب

رد على: ........................ كيف ترفعين ضغط التماسيح؟؟
 

[quote]شيبة في صدغك الأيسر ...
هذا يدل على انك ستصبح من فئة القنافذ البيضاء ، والله أعلم ..[/quote]
هههههههههههههههههههه

أهم شيء ما أكون أصلع ههههههههههههههههههههههههه:)

[quote]كلام خطير ياصعارير ... وشلون السحلية عدت عليها هذه العبارة المنفلوطيه[/quote]
هههههههههههههههههههههههههههههههههههه
لولا خوفي يا بوعبدالله أنك تقولي أنك تدعوا لمنتدى كان عطيتك رابط يوديك لأحد المنتديات فيه كاتب ياساتر رهيييييييييييب أظن المنفلوطيين والرافعيين يغبطونه هههههههههههههه على فكره وكتابته :)
بالنسبه للعبارة قصدت بها لا تجريني لميدان المعركة لأني إن نزلت بثقلي فيها بتتقطع أذيال السحالي هههههههههههههههه لأني سأفرقهم شيعا زرافاتٍ وأفرادا هههههههههههههههههههه
[quote]حتى لو راسك كل ابوه وامه شيب فانت تمساح وانا اعتبرتك <<< وخلاص قضيت اعتبربتك انك مع عقاب[/quote]
لا يابنت الحلال رحمة في السحالي لا اريد النزول عند رغبة السحالي / لأني إن برزت لهن يوماً فإني سأجلعهم جمعاً مفرقا / ويكونونا بددا :)

رد على: ........................ كيف ترفعين ضغط التماسيح؟؟
 

عمر السحالى
ما خوفن التماسيح

الموضوع حلو
ودليل
ان السحالى ترفع الضغط
باعتراف زعيمة السحالى
ومن هنا اثبتت الدراسات
ان السحالى
يرفعن الضغط حسب اعترافاتهن


سحليه
شاكر لك الطرح المميز

والليل باوله
ماجاكم شين