محمد الروقي
سلام من خاطري والحض جعله يقوم
......................... ان قام مهدي ورد القاف يامكرمة
ابا انشده يوم شفته عند سوق الرخوم
.......................... مدري يبا يشتري ولا يبيع ارخمة
مهدي الحبابي
ارحب يالروقي والله يعينا عليك
يا مرحبا في محل اهل الوفاء والسلوم
................... ترحـيـبة تـشـرح الخاطــر ولا تـكـتـمه
الله يـجـازيك بأعـمالـك وجعـلـك تدوم
....................والسوق ماهـو بلي والعلم هذا ألازمـه
محمد الروقي
جيتك من السوق بالجره ولي بك للزوم
.......................... من ضيقتي حاسي المشعاب عود اسلمه
خـليـتـني عندهـم واثر الفريقيـن قـوم
.............................. حتى كبير العرب روح يحوش اغنمه
مهدي الحبابي
ابـطـيـت فالـسـوق يـا بـياع ولا تـسـوم
............... وألسـوق فـيه الـشـريطـيـه عـلـى مـقـلـمـه
ماني بأخلي خويي غارق(ن) فالهموم
.............. وكبـيـرهـم خـابـر انـه ثـار فـيـه الـغــمـــه
محمد الروقي
فقير يابو محمد والفقير امحروم
........................... شاعر ولا يملك الا مسبحه وقلمه
ونا مداني لواهيب الشتاء والسموم
............................ والي زبنته غدا دمه تقول احلمه
مهدي الحبابي
فقير عائـل ومتكـبر ويخـش الهـجـوم
..................... مسكين عـايش حياته كـلها مـظـلـمـه
وانا قبل عام كنت اخايل ذيك الغيـوم
.................... والبارق اللي سـر والـحـلقـه المـبـهـمـه
محمد الروقي
نشدت ماجبتلي يابو محمد علــــــــوم
............................ ويش احرمه يالحبابي قول ويش احرمه
من يفقد العقل يعرف لو عليه الهدوم
.............................. . والبارق الي برق رب الملا يعلمه