نجم= الابداع
الطائر الليله يدارج عيونه=حول الثمامه شايل البندقيه
واليا ضحك خاف البشر من سنونه=نيبان ضب وبينها ناب حيه
الطائر=المهاجر
الطائر اللي تذكره في شجونه= القلب طيب ما كتم سوء نيه
تضحك عليه وكان ربه بعونه=بجيوش سكن جبتهم في المعيه
نجم= الابداع
الطائر اعرف خطته مع سكونه=يدس سمه بالعسل في الونيه
لوهو حلف لي بالولي من ركونه= ماصدقه لان الهجاء له سجيه
الطائر=المهاجر
اعرفك مثل اللي جحد في ديونه=عينه على الرشوه ابظنه هديه
تستغفل المسكين تسرق ضعونه=والا تهاجم بالهجاء والأذيه
تبيعني ضبٍ تزايد جنونه= لاشاف له ضبه ينادي اخيه
خايب وخيب في الجماعه ظنونه=قلبه خضر داله الا واهنيه
نجم= الابداع
اهل الديون الي تدين يبونه=واليا تعثر ماعطوه العنيه
سرعه على اهل المحكمه يشتكونه= وانته كفيله ياعذيب اللميه
الطائر=المهاجر
من يكفل الضب المجنح بهونه=يطير في الظلما بلحظه خفيه
وانا بكفالته اخطيت حاميت دونه= واثره بدرب النصب عنده هويه
نجم= الابداع
الضب كم جربوع جو يكفلونه= وخلفه جيوش وحول مية سريه
دار الفلك والناس جو يطلبونه=والعلم يابو ذيل جاب الضحيه
الطائر=المهاجر
الضب لامن شاب لو يطحنونه=يمكن يعود شاب قبل المنيه
وانته مثل ضبٍ سكن في حبونه=وان راح للطايف سكن ف الحويه
نجم= الابداع
من يامن الثعلب وقع في طعونه=لاجاك ملوي الذيل ستين ليه
احذر من النمر ان بدى لك سكونه=يمشي مع الطرقه ولو هي عصيه
الطائر=المهاجر
لا انتاب لا نمر ولا ضب دونه= مغير جربوعٍ وطته المطيه
وقام يتلولس ما حسب للرعونه=وقام يتهدد بين روحه وجيه
نجم= الابداع
غبر كما الي دومن على قرونه=واغفى يحس{ب انه مع المسرحيه
ثعلب لوى ذيله وغمض جفونه=ناظر لعنقود العنب بالرويه
الطائر=المهاجر
غرك زمانك لو تزايد مجونه=تحسبك ذيب ف الليالي العتيه
وانته بلا عكره وجوفك باتونه=تاكل من الشطه بوقت الضحيه
نجم= الابداع
لاتنثني ياعود مالت غصونه=جاك المطر ومعه رياحٍ عتيه
ولاتدعي وتقول روحك حنونه= وانته تخون وكلت حق الرعيه
الطائر=المهاجر
وجاك الله اللي عالمٍ سر كونه= يرسل عليك الصاعقه والشظيه
لأنك عصيته يوم تترك متونه=وتمشي بدرب ابليس ياخذك غيه
نجم= الابداع
لاتدعي بالدين وانته تخونه= وانته تطبق علم راعي الدحيه
الي تزوج جدتك في ردونه=وصارت قصصهم واضحه للبريه
الطائر=المهاجر
منك اتعلم كل شي وفنونه= حاخامنا الأكبر ولا فيه زيه
لكن عاصي ما عرفت الليونه= ومن كان ذا علمه علومه رديه
نجم= الابداع
العود لامن طار لاتمسكونه=خلوه يقلع لارحم حي حيه
يدعي علي ولايبي من يبونه=ديم معه غصه وحاله زريه
الطائر=المهاجر
العود طيرٍ ما عرف للمهونه=المشكله ضبٍ سنونه حذيه
ياكل بناب الغير ما يشتهونه=ويجترها في الجحر صبح وعشيه
نجم= الابداع
العود اعرفه واعرف اش هي دهونه=تحت السيوف المرهفه ضاع خيه
ماقد رفع راسه على كل مونه=ماغير خلف الشيخ يحمل عبيه
الطائر=المهاجر
الكل خلف الشيخ لو ترفضونه=والعنسي الأكبر عطاكم هويه
تهتوا فلا تدرون وين المؤونه=ويوم الله اعطاكم جحدتوا العطيه
نجم= الابداع
علم النجوم الي لنا ترسلونه=خاب المنجم فيه عينه عميه
ماندرس الي بالورق تكتبونه=لو قام جيش الفرس والروم ديه
الطائر=المهاجر
وعلم الكهانه ف الخفاء تتقونه= وحتى الكنيس بداركم فيه فيه
للي يبي يرجع لسابق ضعونه=وحنا على المله على كل هيه
نجم= الابداع
معروف تاريخي ولو تنكرونه=عامر وعبدالله وسد الحويه
وانتم معا كذابكم تتبعونه= بانت حقايقكم وكانت خفيه
الطائر=المهاجر
الهرج في الماضي كما يذكرونه=نقص بعقل الرجل مابه خفيه
واليوم حنا والملا يعرفونه=امه ودار ولا نقصنا هويه
نجم= الابداع
صح اللسان الي العرب يمدحونه= واحيان يقطر سم مثل الحطيئه
بان الصحيح وربعنا يضمنونه=والعز للاسلام واهل الحميه
الطائر=المهاجر
مافيه سم وكلكم تعرفونه= والحمد لله عالمٍ بالطويه
الدم واحد والعقيده عيونه= إلا على اللي فيه خبث النويه