[عبدالله الشويمان]

المشاركة الأصلية كتبت بواسطة داعي الشوق

اولا ارحب بضيف الاضواء الشاعر المتميز جداً ..

مداخلتي عباره عن طلب وليست سؤال : وهو

موقف مضحك وأخر محزن وضعت بصمتك الشعريه عليهما .

ثانيا :

* أين تجد نفسك شاعرنا الجميل من المنتديات الشعرية

و هل هي مكسب للشاعر ام العكس ؟

و هل شاعرنا عبدالله الشويمان ينتقي منتديات معينه ام لا فرق بينها في نظره ؟

( مع تقديري العميق لك )*

السلام عليكم ورحمة الله وبركاته..
بسم الله نبدأ..

اولا ارحب بضيف الاضواء الشاعر المتميز جداً ..

مداخلتي عباره عن طلب وليست سؤال : وهو
يا هلا فيك يا ابو سعد..حياك الله ..بس ما شفت طلب شفت أسئله..هههههه

موقف مضحك وأخر محزن وضعت بصمتك الشعريه عليهما .
اما الموقف المضحك.هو بالنسبه لي مضحك..ولكن بنفس الوقت.لو رجعنا لمغزاه في القصيده وجدناه محزن.ففي..
في مره من المرات وانا في مزرعه اذا بمجموعه من الدجاج..
وفجأه شاهدت دجاجه.تركض مشوته..اثر وراها ديك من اليكه الصغار..
يطرد وراها..وفجأه اخرى جاك الديك الكبير ابو عرف طويل..ههههه
وحط حيله على الديك الصغير..والله لا يوريك رثع فيه رثع..
طبعا غيره من بعض الديكه تعرفها..يا سعود.
المهم الديك لعب بحسبة الديك الصغير ونتف ريشه ولعب فيه..
طبعاً هذا المشهد قارنته في مشاهد أخرى ..ومن اجل ان لاأطيل,,قلت الابيات التالي..

شفت الدجاجة تركض وخلفها الديك=امـصـمــمٍ يــطــرد وراهــــا يـبـيـهـا
شافـه طويـل العـرف وصيـح اوريـك=ابـعــد تــراهــا حـقـتــي لا تـجـيـهـا
عـدا عليـه وقـامـت الـحـرب تعـريـك=الـريـش طــار ودمـهـن جــاد فـيـهـا
كـنـت اتـفـرج وتعـجـب مــن الـبـيـك=حامـي حمـا معشوقتـه مـا نسيـهـا
يــا قـوهــا غـيــرة تـجــر المهـالـيـك=حـتـى الدجـاجـه ينتـهـاوش علـيـهـا
اثــر الطـيـور الـهـا مـلـوك وممالـيـك=قـويـهـا لـــه كلـمـتـه مــــا عـلـيـهـا

وأما الموقف المحزن هو خبر وفاة والدي رحمة الله عليه..
وبعد دفنه طيب الله ثراه..قلت هذه الابيات..باختصار..

بكيت ودموعـي روت للمناديـل=على الـذي أقفـا بيـومٍ ذعرنـا
ابوي راح وما لنا بروحته حيـل=اخذه واخفاه الاجل عـن نظرنـا
حيل الله اقوى والرضى فيه تجليل=وهو الجليل اللي بحكمه صبرنـا
يابوي لك منا الدعاء والتحاليـل=حقٍ علينـا لـك بـه الله أمرنـا
يا جعل قبرك دو فيـه المظاليـل=أشجار طيبٍ مثلهـا مـا خبرنـا
معبرك للجنـه وكلـه تساهيـل=تحمل عملك بديـن ربٍ فطرنـا
دين الله الطاهر عن الشك والميل=اللي خلقنـا لـه بغيـره كفرنـا
وابشرك يا ابوي ذكرك مع الجيل=ذكرٍ يطيِّب كل مجلـس حضرنـا
سيرتك ما جتها دناسه وتسفيـل=يشهد لك اهل الخير وهذا فخرنـا
الكل يدعو لك حريـم ورجاجيـل=عساك بالجنه ولـ(الله) شكرنـا

وسلامتكم
++++
ثانيا :

* أين تجد نفسك شاعرنا الجميل من المنتديات الشعرية
و هل هي مكسب للشاعر ام العكس ؟
طبعا منتديات الفطاحله لها في قلبي مكانه.
ومن الاسباب ما توضحه الابيات التاليه..

نـاس الفطـاحـل نــاس مــا ارخصـهـم=احــرص علـيـهـم وانـبــذ الانـجـاسـي
فيـه الـرجـال الـلـي تـقـدر شخـصـي=وفيه النساء اللي ماجرحوا احساسي
يالله يـــــا ربـــــي تــديـــم الـرفــقــه=عـلــى الـنـقـا والـطـيـب والايـنـاسـي
هــذا واقـــول الـصـقـر طـــار اووقـــع=حـرن عـلـى القـمـه وقــع متـواسـي

وهذا لا يعني انه لا يوجد منتديات يطيب لي المقام فيها.
++++
و هل شاعرنا عبدالله الشويمان ينتقي منتديات معينه ام لا فرق بينها في نظره ؟
طبعا انا اهتمامي بمالمنتديات اللتي يتواجد فيها الشعر والشعراء.وهذه المنتديات
يوجد فيها الكثير من المعلومات.المفيده..
فهي كفايه عن غيرها..وما لانجده نبحث عنه في اي مكان.عند الحاجه..

وفي الختام اشكرك على الأسئله..