ساعات كني سامعٍ دقّة البـاب = و الا فتحت الباب وإليـاه خالـي
صدّ وجفا وغياب مجهول الأسباب = بالرخص باعوني وانا كنت غالي
دار الزمن واثره كماقيـل دولاب = طالع ونازل بيـن ميـل وعدالـي
يبدا القمر بحساب ويغيب بحساب = بيض الليالي بيـن سـود الليالـي
العام كنا فيـه خـلان واحبـاب = نتقاسم اللقمـه ونـص الريالـي
واليوم صرنا نلتقي مثل الاغراب = ردّ السلام ولانشد كيـف حالـي
ياقلب لاتبدي لهـم لـوم وعتـاب = مالك مع الحـيّ المقفّـي مجالـي
^^^^^^^^^^^^^^^^^^^^^^^^^^^^^^ ^^