[هترل]

المشاركة الأصلية كتبت بواسطة الطائر المهاجر

(يالله يامعبود ما غيرك ونيس
ياحي ياقيوم يارب العباد )

صح قلبك فانت من خير الجليس
غير بك نعره وجيتك بالهباد

(هاجمني الدكتور في صبح الخميس
واطلق عليه بندقه ظلم وعناد)

سوالف ماهي هجوم ولا يبيس
والظلم ماله عندنا اية سناد

(مره يشبهني ببنقالي تعيس
واحيان تكروني دياره من تشاد)
(ومره على كيفه يسميني انيس
ولا موسوليني ولا ادري ويش عاد)

هات الدليل ومن بدا يحمس حميس
لكن اظني واهم وفيك البلاد

)خايف على الدكتور يلعبه بليس
ولا فطوره يالربع كبسة جراد)
ولا من البارح مبيتها بـ كويس
(واصبح وهو في وضع غير الاعتياد )

افطر مثل غيري على كسرة تميس
والبيض والا الفول مع بعض الزباد
ولا ني مثل ماقلت ادربي للرويس
تهمه تثبت او ترى تجلد جلاد

(مايدري اني في الوغا عنتر وقيس
من لابهٍ تاريخها عز وامجاد)
(سيبان وانعم دونها يحمى الوطيس
الرجل فيها لاعتزى جاتك بلاد)

اعرفك ياشبوب طايح ف الدبيس
ولابتك محشومه وارى فيها السداد
مير انت اعرفك كل همك ف الكبيس
ولا من ضواك الليل تجتلد اجتلاد

ههههههههه

صح كلك يادكتور
ادري انها سواليف وما بالخاطر شي يشهد الله
كل مافي الامر مداعبه وتسخين
اشكرك على شيله الطاروق وانت استاذ وحنا تلاميذك لاهنت

تحياتي وتقديري لشخصك الكريم