اقتباس:
المشاركة الأصلية كتبت بواسطة ابراهيم غضيان الشراري
المشكله أن الغلا ماله زمان ولا مكان=والصمت به موت القهر والبوح تشتيت القلوب
يعني لو النظره غلا بالله وش دور اللسان=يعني لو لساني نطق أكون متحمل ذنوب
هذا تخلف أو جهل ولا عوايدنا كيان=ولا الحضاره غايبه في واقعي من كل صوب
وأنا عشقت من الغلا نبع الغلا همس الحنان=والناس تنظر ليّ بعين وعين تنظر لي عيوب
يمكن أنا بعيونهم غلطه ويفرضها الزمان=يمكن حقيقه قاسيه تجتاحهم وقت الغروب
مال القسى الا القسى مال الليان الا الليان=يسمع ويفهم من سمع عن عشقتي والله ماتوب
هذي لها في داخلي قصر وتحيط أبه الجنان=هذي غلاها من سنين أضيع به بين الدروب
هذي ينابيع المطرهذي حياتي والأمان=هذي أذا جار الزمن أن غبت بغيابي تنوب
هذي من الطيبه معي أحس كأني مدان=هذي بمحيط الدائره لاهي كذوب ولا لعوب
لذا صدر مني أنا فيما يلي أقسى بيان=للوقت وأذناب القفى أني أذا شفته أذوب
يالوقت وأذنابك معك أن كان مافيك أتزان=الشاعر أن حب أبتلا وأن أبتلا ساق الحروب
أحبها وأحبها أم العشر فوق الثمان=وأشم ريحت مسكها لاساقت الغربي هبوب
=الشاعر/إبراهيم بن غضيان الشراري
|
الله الله الله
اخوي ابراهيم
لافظ فوك على هذه الفاتنه
عزالله انك ابدعت وامتعت
صراحه قصيده من العيار الثقيل
فلله درك ايها الشاعر الراقي والمميز