[محمد بن عبدالله السلمان]

بقلم محمد بن عبدالله السلمان
زمن الوفاء والطيب...

ماضاق صدري ولاقلبي ماضاق
والحب عندي له مفهوم ثاني
ماأقدر أقوله ولا أكتبه بالأوراق
باب الوفاء صعب فيه التفاني
ومن يسهر الليالي بحلم وأشواق
مهموم وفي قلبه ذكرى وأماني
من حبها شيدت كباري وأنفاق
من زمان الطيب اللي لفاني
كان اللقاء بيننا حضن و عناق
زمان ن عشته أجمل زماني
وكل شيء تغير بعد الفراق
قلته وانا اتشره.... بلساني
العمر مايمهل ولا يهمل أشواق
باب الزمن محتوم وشرعه رباني
يامن تدور على الطيب والاخلاق
ماعاد الزمان زمانك ولا تعاني
خلك بهمك وحالك والله رزاق
والناس ماترحم حالي وشأني
لاينفع معروف ولابعد ولافراق
كلام ن يجيك وماجاك جاني
ولولا الصبر مغروس بدمي خفاق
وأنا الحكم والخصم والداني
سبحان من خلا للبصيرة أعماق
وأعطاك بصر والبصيرة أعطاني
راعي البصيرة حساس وتواق
يعرف خفايا اللسان والمحاني
يرى الحقيقة خصلة من كثر ماذاق
ويرى العدالة وزن بكف ميزاني
لاينفعك من جاك على صدره طقاق
لاأخو ولا أخت ولا من سكن كياني
هذا زمن بيع الفتن أذواق
كلن يبيعك ويشتريك بثواني

بقلم . محمد بن عبدالله السلمان
اليوم 12/12/1443
11/07/2022
( زمن الوفاء والطيب)