إقبل على غفلة..... وخذني بيديني =إشعـل ولـو مـره بقلبـي حنينـك
إقبل ترى موت الامل من سنينـي= خلا سنينـي تنتظـر فـي سنينـك
الى متى ثوب الحـزن محتوينـي= والجرح في طعنـة خفوقـي يعينـك
والى متى صوت الحناجر حزينـي =والشوق في قتل المشاعـر يدينـك
ياللي على شوفك صرخ لك حنيني= وعلى السهر طيفك يسابق حزينـك
عندي لك إحساس توقـد بعينـي= دايم سؤاله...... يااثمد الطرف وينك
من غيبتك.... ماباقي الا ونينـي =ونزف الشعور اللي يطوق سجينـك
مليت من بعضي وبعضي نسينـي =وصارت حياتي ماخذه لـون عينـك
إقبل تعـال ويكفـي انـك تجينـي =ولاتعتذر.... قول الخطا من رهينـك
*نشرت في صفحة(في وهجير) العدد11655