[يزيد النمي]

شيب راسي تحدّر وارتكـز بشنبـي
كل ما اقطع وحيده جا بدلهـا بديـل
قالوا اصبغ ولكن بالصبـغ مذنبـي
مثل قطعه فخله لين يصبـح طويـل

ياملا طولة العمر
ماعليك الشيب وقار ، والا على قولة طلال السعيد :
الشيب ما به عيب ما به عذاريب ... لاشك عيبه يطرد البيض عنا

من بويتي إلى المسجد علاج ركبـي
ادي الفرض وارجع دون قالٍ وقيـل
وانتبـز للفطاحـل فاتـح مجببـي
من لفاني لقى المجلس ولا به بخيل

هذا من طيبك وحسن ذاتك

ولا تسلل خشـاش للخنـا يجلبـي
ينتهي مثل فار بالشرك لـه عويـل
ينضرب بالفليت ونفتـح المهربـي
ما نبي يوم يذكر في الفطاحل قتيـل
ولو مددنا الحبـال لماكـر الثعلبـي
نغسله كود يصحى كان ينفع غسيـل

مقديييييييييييييييي فيهم ، عليك بهم بالفليت والبف باف بعد

او على الهام يكـوى كيـة مطببـي
يحرّم انه يجينا لو سرى وسط ليـل

بعدي والله يالصمعاني


بيض الله وجهك يابو عبد الله وصح لسانك مليون على هالقصيدة اللي تخلي الواحد غصب يتفاعل ، عاد كل شخص وجهده في التفاعل ، وانا تفاعلت بها البيت :
لاحقٍ عصر نوحٍ ، كيف توك صبي ؟..... ظاهرٍ في سنونك نابتٍ ناب فيل